一到9月，各大品牌都紛紛推出她們的秋冬妝物。今次我就一連3篇黎個大晒冷，試用多款新品俾大家睇啦﹗(包括Foundation,Make up & Skin Care) 等大家比較一下，睇下有冇邊款係你的心水啦﹗今次先係粉底+遮瑕﹗

Foundation
今季都出左一大抽的粉底，無論是怎樣的Textures都有呀﹗秋冬季比較涼，而且乾燥，因此在選擇粉底時大家都會比較注意其保濕鎖水性吧~

Bourjois: Mineral Matte Mousse Foundation

這個Mousse Foundation就這樣看起來真的好像可以食的Mousse﹗塗上面都好滑溜，直接用手指上都好OK。遮瑕度一般，如果多印的Sis就要先用Concealer喇﹗

IPSA: Pure Protect Cream Foundation

一向粉底至出名的IPSA是不少人的選擇。尤其是IPSA的Pure Loose Powder，真係超~~~~級滑&透薄﹗最近，IPSA又出了新的Cream Foundation，今次IPSA更加是融入了新科技 – Melting fit oil，就是說當粉底遇上體溫後會即時轉化為液體，使粉底更貼服更持久，並可以達到鎖水的功效。

Coffret D’or:控光保濕粉底系列

Coffret D’or的產品我一向都幾欣賞。不單包裝靚，而且實際用上來都幾好用。Coffret D’or最近就推出了其控光保濕粉底系列，包括了控光保濕粉底液+調色妝前底霜+控光保濕碎粉等一系列的底妝產品。產品一貫包裝靚靚之餘亦好用，價錢都十分合理，是十分不錯的選擇。

Laura Mericer: 礦物柔膚抗氧打底霜

又一出名Make up Base n Foundation好用的品牌推出新的磺物打底霜喇﹗獨有液體變粉末的質地，適合任何類型肌膚，加埋天然珍珠微粒，令肌膚增添光采。

Clinique : Perfectly Real Radiant Skin Compact Makeup

質感幼滑，而且效果十分透薄自然。先進嶄新的海棉粉撲令塗抹更簡易順暢，份量均勻適中。

NARS: Sheer Matte Foundation+ Sheer Glow Foundation

兩隻新推的粉底液，務求做到高遮瑕度之之餘，又不會有假面具的厚重感覺。而且各備20色，選擇十分之多﹗

MAC – Studio Sculpt SPF15 Foundation 緊緻彈力水粉底

秋冬又凍又乾，粉底最緊要保濕﹗今次MAC的新粉底液就希望做到強遮瑕而且可以滋潤皮膚。試上手感覺都很實在，而且遮瑕度十足。

Rojukiss –Spot Light Blemish Balm Cream+ BB Pact

來自韓國的Rojukiss，推出粉餅和近年大熱的BB Cream。眾所周知，BB Cream好保濕，而且遮度極佳，今次她們的BB Cream更加入Q10，帶來抗皺的功效。

Sofina Primavista - Powder Foundation <Perfect Fit> 完美緊貼粉餅

之前已經推出了一系列的底妝產品，今次Primavista就再到出擊，來一個大升級﹗今次的粉底利用了光線效果，令肌膚表面的凹凸陰影消失，塑造出無論從那個角度看，都呈現出明亮柔滑細緻的妝容。

Concealer
我對Concealer的要求一向較高，皆因小女的黑眼圈真的是太過強橫，不好好遮遮的話樣子看上去會好好好殘。我一向都超愛RMK的Concealer，係我用完一盒又一盒的Best Buy，而近來我又試到好東西喇﹗所以都要和大家分享一下﹗

Bobbi Brown – Corrector + Concealer Kit
Bobbi Brown的Corrector和Concealer Kit都不是新品了，不過自從上次到她們凡Studio上課用過後就念念不忘﹗因為真係好持久，而且遮蓋黑眼圈亦十分出色。質地帶點水水的，不會說塗上眼後厚厚的好像好重的感覺。而用Concealer掃上的話效果會更佳，連我眼上的細紋都可以好好遮蓋﹗

MAC – Studio Sculpt Concealer

緊緻彈力遮瑕膏 –遮瑕度不錯，而且都幾Keep到，用上一整天都沒有太大脫落。而且份量都不少，可以用上好一陣子。

隨著9月份的來臨，意味著秋天快要到來了﹗雖然我覺得香港的秋天總是遲遲未到，不過入夜後卻有時都會有點秋涼，立即喚醒我是時候是搜尋一下秋裝喇﹗
Continue Rock N Roll
80年代大熱，個個品牌都推出了不少迎合80S風的衣飾。不過，有唔少人其實都唔係好接受到80S風的衫，嫌太誇張難Carry。不過好似Bauhaus同Twistedmind的衫，都係加入了80年代的搖滾元素。Bauhaus的會比較Colorful，尤其是紫藍色的皮褸，真係夠晒Sharp﹗如果唔鐘意咁Colorful，Twistedmind都會係不錯的選擇。不規則的剪裁及以黑白灰為主調的設計，襯窄身褲或一些不同顏色或有Print Legging都好好睇。另外，一向感覺十分海灘的Roxy，今個秋天都推出了閃耀的 “Punk & Rock”系列，包括牛角袖T-Shirt及金屬質感的金銀色銀包等等。

Causal Wear
夏天熱到暈，數數埋埋成季我都無穿過超過10次牛仔褲。不過，到了秋天，天氣就會清涼一些，就可以穿多點牛仔褲喇﹗近來見到有新的牛仔褲推出，都見到有一些不錯的選擇。好似MUSTANG這個牛仔老牌就推出了2個Collection，分別為Urban Rebel和Vintage Farm，取靈感自Punk Rock 和30-40年代的美國農夫。

唔講唔知，原來Ted Baker已經成立了21年了，這個英國時尚品牌今個秋冬季繼續設計出十分British的時裝。今季有的都是十分鮮艷顏色的大衣，絲質短裙及上衣，全部都很斯文大方，可謂中和了其他品牌Rock n Roll較重感覺的設計。

另外，不得不介紹bossini X 金寶湯這個系列，真是十分之可愛十分吸引﹗由男女裝到BB服飾都有。十分喜歡當中的T-shirt及長袖tunic，很Eye Catching，而且價錢亦十分吸引﹗真是我最近其中一項覺得超級抵買的Item﹗

High Fashion

最近超開心，因為去了看Jean Paul Gaultier的Press Event，一向鐘意其設計，覺得佢地好有型好有性格，而且亦唔會話隨波逐流。今次的Collection依舊有型，巧妙地利用”X”為創作核心，貫穿整個系列，甚有SM味﹗不得不提的當然還有Jean Paul Gaultier的Accessories啦﹗繼續使用”X”為主線，飾物及手袋都很有重金屬的味道，誇張的80年代式珠寶，與其女裝系列真係襯到絕﹗

素來成熟路線的Max Mara今季繼續高貴，設計寬鬆的款式配以和服式的衣袖，修長的剪裁，加上豐富的層次感與對比強烈的立體感，令經典的造型融入嶄新別致的新鮮感。而同一Group的SportMax則有別MaxMara，設計上有更多的層次及誇張的線條。例如誇張的肩膀及仿如回到4,50年代的套裝裙，更能特出女性的性感曲線。