{ BEAUTY }
12 Sep 2017
玫瑰花控注意!EVITA新推出粉紅玫瑰洗面泡泡

玫瑰花應該問10個女生8個都會鐘意嘅!將玫瑰花嘅造型溶入保養品入面,大家都應該唔會陌生。係上年kanebo旗下品牌EVITA推出嘅玫瑰花潔面泡泡,令日韓台嘅女生都瘋搶。

EVITA家嘅玫瑰潔面泡泡,最大賣點莫過於擠出嚟嘅泡泡會變成一朵一朵玫瑰嘅造型,當將泡泡放上手掌心嘅時候,就好似攞住一朵栩栩如生嘅玫瑰花咁!


而且泡泡嘅質地仲好細滑,保濕成分相當高,用過嘅人都讚口不絕,洗完面之後完全唔會有好乾嘅感覺!


今年EVLITA佢地乘勝追擊推出同系列嘅新產品,今次更能秒殺女生!

因為今次擠出嚟嘅泡泡係粉紅色嘅!你冇聽錯係少女心嘅粉紅色嘅!再加上淡淡嘅草莓香氣,將洗面喱件事變得好夢幻。

而且包裝上亦都有所改變,整個樽身都佈滿玫瑰圖案。



預計10月1日係日本正式發售,而且係期間限定,今次應該比上次搶得更厲害,如果10月份咁岩去日本嘅sis,不妨搶埋一份。

source:evita

News
Feature
Blog
Load more
 
NOTIFICATION