{ FORUM - LOVE }
Search
Title / Tags Author

查看: 14347|回覆: 23

男友唔肯講ex

[複製鏈接]

註冊日期: 2011-7-12

發表於 2015-11-21 23:15 | 顯示全部樓層 |閱讀模式
同男友一齊半年, 問佢關於ex d野次次都唔肯答, 之後個樣好唔開心, 沉默左... 佢同之前個女友拍左7年拖, 我連咩原因散都唔知... 可以點令佢講? 佢一日唔講我個心都會唔舒服, 覺得一定係好刻骨銘心, 無人可以取締
回覆
+ Favorite

舉報

註冊日期: 2015-9-11

發表於 2015-11-21 23:41 來自手機 | 顯示全部樓層
呢啲嘢唔逼得嫁喎,佢想講自然會講, 佢唔講你個心唔舒服, 咁有冇諗過可能逼佢講佢都會唔舒服呢?比啲時間佢吧

註冊日期: 2015-8-14

發表於 2015-11-21 23:46 | 顯示全部樓層
一段關於最唔應該就無講前度,俾你知左又點?我真係唔信個心係知道左會俾唔知道好

註冊日期: 2009之前

發表於 2015-11-21 23:53 | 顯示全部樓層
每個人都有過去..
如果他同你講 的確最愛是前度 是前度拋棄了他後先識倒你,咁你又會點 , 如果聽左會令自己唔開心 唔知好過知, 7年感情 有深刻既回憶是一定架喇

註冊日期: 2015-9-18

發表於 2015-11-21 23:54 來自手機 | 顯示全部樓層
你如果有野唔想講,佢係逼你講,你覺得點?
佢有佢顧慮,可以怕你聽完諗多左,或者自己回顧以前既事答你佢自己會唔舒服,邊個分手會樂開心咁同人講??
你唔好咁自私滿足自己好奇心就逼佢埋死角,除非你男朋友樂意講你可以問,佢唔想講你仲問你真係可以等佢覺得你唔顧佢感受同你講bye bye

註冊日期: 2015-11-14

發表於 2015-11-22 09:37 | 顯示全部樓層
當你同左佢一齊,你同佢就係一張白紙咁,你地係上面畫咩係你地決定,難道真係要為那所謂既前度係開頭畫上礙眼既點嗎?

可能佢因為前唔開心壓力大,覺得前唔岩佢而分手,結束,又或者前度做左d咩令佢覺得難以開口,唔想抵毀她人

你既感情難道要知道那前度既事才能延續下去嗎

註冊日期: 2009之前

發表於 2015-11-22 21:07 來自手機 | 顯示全部樓層
大拿拿7年,過來人經驗
如果無咩痕跡咩就算啦唔好知好過
我果個3年,當初就係知得太多而家勁後悔
佢帶你去既地方你會分到佢係咪同ex黎過,佢做任何野你都會咁諗,個人會無晒安全感,我用左一年先開始唔比呢種感覺干擾情緒(會明明同佢一齊勁sweet佢又對你好好,但自己一個就好多野諗同想去知道更多更多,明明知道對自己有害但就係停唔到,而且每知一樣都會打擊左下
到時真係可能仲慘

註冊日期: 2015-7-19

發表於 2015-11-22 22:42 | 顯示全部樓層
Haha我同男朋友岩岩一齊個時我就係成日聊佢講佢個ex啲野比我知 但知道完之後自己又要小氣嬲 所以大家之後約法左三章 唔準再提大家既ex 呢個都係一個好方法 sis您可以試下 其實有啲知都過去左真係問黎都冇謂 知道左自己又可能會唔開心

註冊日期: 2015-4-10

發表於 2015-11-22 22:46 來自手機 | 顯示全部樓層
有d野,知道左又未必係好事,樓主幾大?第一次拍拖?知唔知有咩係應該問,有咩係唔應該問?每個人都有過去,你如果係咁追問佢勾起佢對前度既回憶的話,對你自己都無好處,有機會分手都唔出奇,聰明既女人係唔會好似你咁迫人勾起前度回憶。活在當下,唔好咁執著人地過去既事,因為個d係佢同前度既事唔關你事,佢想講自然會同你講,根本唔使迫。無意思!

註冊日期: 2015-4-10

發表於 2015-11-22 22:50 來自手機 | 顯示全部樓層
同埋你都識講,7年實刻骨銘心,咁如果佢講左出黎你又會點?到時可能你個心仲更加唔舒服,或者會疑心病發作tim!其實遇著你呢d咁唔識趣既女仔都幾煩。一齊半年就要知晒人地所有野?哈哈⋯可能樓主好細個或者第一次拍拖。

註冊日期: 2015-10-9

發表於 2015-11-22 23:21 來自手機 | 顯示全部樓層
唔知好過知啦,一間又比較,又疑心重。

開開心心,建立將來仲好啦…

註冊日期: 2014-11-21

發表於 2015-11-22 23:54 來自手機 | 顯示全部樓層
你知黎做咩先?每個人都有唔想提嘅過去架啦,做乜要逼人提起啲傷心事?
男朋友會因為你提起呢件事而唔開心
定係你根本就想男朋友唔開心?
佢想同你講就唔使你問都會自動自覺話你知,你咪等下囉
你係想比較一下男朋友係愛過去左嘅佢定愛而家現任嘅你?人比人會比死人架,做咩要諗多野?
最重要係同佢一齊果個係你,你同佢或者會有一輩子嘅時間,點解唔等佢真係放低左再慢慢講你知?有啲野係急唔黎架
你要做嘅唔係諗方法令佢講,學下體諒男朋友先啦,既然你話每次你問完佢都會唔開心,難道你見到佢唔開心你都仲可以次次問佢嗎?
樓主試下企係男朋友角度出發,唔好一味淨係諗自己

註冊日期: 2015-8-11

發表於 2015-11-23 00:07 | 顯示全部樓層
呢d野唔知好過知...你既責任係同佢一齊製造未來唔係過去...

註冊日期: 2015-11-22

發表於 2015-11-23 01:53 | 顯示全部樓層
我同男朋友一齊左兩年幾,一開始我都係好介意嫁,係極度嚴重介意個種,好介意自己男朋友同啲ex既過去發生既野,我會差唔多日日都會重復咁問佢啲ex既問題,佢直頭覺得我煩到爆,差啲搞到分手,成日同佢嘈多數都係因為佢啲ex既問題而嘈,我亦會同啲fd呻下,但差唔多個個同我男朋友講既都一樣話:過去左洗乜介意,你都有過去啦,唔通佢又介意返你?,之後大約一年幾到慢慢開始諗通個問題,但間唔中都會問下,直到依排我先完全唔介意,我既觀點係覺得人係要向前望,過去左啦都,我都有過去,佢都唔介意我

註冊日期: 2014-10-17

發表於 2015-11-23 02:15 來自手機 | 顯示全部樓層
等間提ex又嬲唔講而家又嬲。。。。 wth

註冊日期: 2015-10-5

發表於 2015-11-23 03:50 | 顯示全部樓層
你自己都有過去啦,掉反住佢問你又得唔得呢,7年時間咁長,點會咁快淡忘,多少都有記憶,通常有新戀情就慢慢淡忘舊戀情,不要太電視劇情節刻骨銘心,想佢講你知,請先收起醋意,好似唔在乎咁傾計,同又唔好太大反應,唔追问,扮大方話過去了,只想了解下你的過去姐,只要有一次你在乎介意,佢下次一定唔講,我係咁方法套曬老公d EX出黎,冇迫過佢講,但一重複問題就即有d煩厭,問反我d EX轉頭,等我收聲

註冊日期: 2015-10-3

發表於 2015-11-23 07:50 來自手機 | 顯示全部樓層
調返轉,你又何嘗唔會覺得前一段感情好刻骨呢? 我男友以前個段感情有六年,咁長仲要係初戀,一定好深感受,我有問佢一兩句咁大把,佢會講少少,真係見好就收啦,佢想講自然會講。佢唔講可能怕你唔開心,同埋自己勾起回憶唔開心,或者唔想你有比較嘅錯覺呢,你知女人聽到少少就會比較架啦。最重要係而家拖住佢個個係你,比佢愛著個個都係你,過去就係過去,以住7年係個個女人陪佢,但以後幾十年都係你陪佢,你話邊個重要啲?

註冊日期: 2015-10-3

發表於 2015-11-23 07:57 來自手機 | 顯示全部樓層
thy123456 發表於 2015-11-21 23:15
同男友一齊半年, 問佢關於ex d野次次都唔肯答, 之後個樣好唔開心, 沉默左... 佢同之前個女友拍左7年拖, 我連咩原因散都唔知... 可以點令佢講? 佢一日唔講我個心都會唔舒服, 覺得一定係好刻骨銘心, 無人可以取締

我男友屋企有張全家福,張相裡面仲有佢前女友一齊影,我其實好介意,不過費時再提起佢啲傷心事。加上因為佢就搬屋所以都好快拆張相,好多年前影了,成十年,可能因為太多相一齊貼出黎冇留意,或者係想留番小小回憶咁啦。我自己都有keep住前度送比我嘅禮物,都只係懷念下,裝飾下。

註冊日期: 2015-7-4

發表於 2015-11-23 11:52 來自手機 | 顯示全部樓層
每個人都有過去㗎啦,唔明點解一定要迫佢重提囉?我同男友6年,除咗以前未一齊有講少少,大家都無問無提過,又無問題吖,唔好執著過去,睇將來啦

註冊日期: 2015-10-13

發表於 2015-11-23 13:08 | 顯示全部樓層
唔知好過知呢sis
您需要登錄後才可以回帖 登錄 | 註冊

News
Feature
Blog
Load more
 
NOTIFICATION