{ FORUM - LOVE }
Search
Title / Tags Author

查看: 100956|回覆: 236

如果你放唔低一段感情,一定要看~最緊要捨得

[複製鏈接]

註冊日期: 2015-9-24

發表於 2016-4-18 09:09 | 顯示全部樓層 |閱讀模式
本帖最後由 honeylemon 於 2016-4-18 09:10 編輯

我以前一直都覺得拍拖響我生活佔好重要既部份。
呢個ex (Mr .C)係上日文堂識既。
因為我當時好鐘意看日劇,於是,就想學日文,我同同事報左香港大學既校外進修日文課程。

日文初班的課程令到我地變成同學,但亦只是在堂上會見到,會傾吓課程既野既同學,我有好幾個唔同既同學電話。

但我報中班的時候,我都係自己報,點知中班的時候,大部份同班同學都冇再一起上堂,只剩下幾個我識的,其中一人是(Mr .C)。


之後,我同(Mr .C)都有出去見面,食野,慢慢發長吓就拍拖。


(Mr .C)當時係做自己網上生意,而我係幼稚園老師。SO FAR大家都有只同話題,拍拖初時佢都好關心我,我亦會響佢某些朋友聚會中一起出現,如是者每年Christmas , new year, 大家都會見面,去人地屋企拜年。
但同佢拍拖唔係算好順利,當中,耐不耐就會出現第三者,試過佢會有一排同我講,佢工作好忙,想發展吓事業先,想停拍拖半年, 我身邊朋友話..聽落唔妥。但我當時又好信佢。

點知,後尾有次我響佢書台,望到佢響就係話同我停拍拖既日子中,連續一, 兩星期咁訂花既單據,係一星期5 日, 5 日咁訂。

當時,我冇收過呢d 花。

及後,先知原來佢追另一個女仔。當時,個女仔係有固定男友...當然最後追唔成..
件事又冇左嘞~~

如是者再拍下去..因為佢既生意廣告之類會出響某部報紙,工作間又認識左一位女記者(或作家吧~因我知她會為人寫"善"稿)。

再續

回覆
+ Favorite

舉報

註冊日期: 2015-9-24

 樓主| 發表於 2016-4-18 10:26 | 顯示全部樓層
Mr.C 唔算高大,約165cm,皮膚好白,雙眼皮好深~ 但佢其實係幾細心既~行街食野會問返你想食咩,你唔舒服,佢會提你幾點食藥,會關心你,節日會預先安排節目,去買定ticket, 去旅行會plan 晒行程...算係對女朋友細心既男仔,但同時亦花心。

佢屋企人已移民晒去美國,只有佢年老既  女麻女麻  同佢住。所以,佢住既地方真係幾大,之前係住成8個人,而家得返兩個人住,而佢女麻女麻亦對我好好,我又會陪佢傾計。

拍拍吓,我自己都同佢去街越去越夜,到最後,有一次留響佢屋企過夜。

之後,冇幾耐就開始左半同居生活,當時,我媽咪當然好唔鐘意。

那個女記者亦開始介入了我地的感情,但與其說是她介入了我們的感情生活,不如說是Mr C.介入她的世界吧。

女記者本來就已是和自己的男朋友拍拖,應是由大學生活開始拍拖已5年..而Mr C.知道但卻對她說不會放棄追佢。怎至女記者病了, 他煲粥去女記者家樓下送給她吃,怎至會擁抱。

我為什麼會知道那麼多?

那個時候沒有BLOG 的出現,但卻會有整網頁的一回事。

Mr C.整網頁幾好既~佢公司既網頁起初係佢自己整既~而佢亦特別整左個自己感情世界既網頁,類似日記咁樣。

我當時響佢屋企住,亦會用到佢既電腦,而佢既網頁唔洗密碼就上到,按在SCREEN 上的BAR , 所瀏覽過的網頁就會自動顯示....

原來,那就是他另一個感情世界....猶記得那一刻一邊看網頁,一邊驚他發現,當時他亦在家中。邊看邊手震,個心都震,係震驚既震。

呢個網頁係同時佢同女記者兩個都可以更新, 上載野,, 所以,我亦會見到女記者對佢所寫的事。

點解我同佢咁多時間在一起,佢仲會去追其他女仔?

我係有想同Mr C.結婚的打算的,我有介紹我既親友俾佢見面,食飯,中秋節佢都同我屋企人食飯。

於是, 我叫佢入黎書房, 話有野唔識,我開呢個網頁俾佢望,佢一下不知所措的樣,我問佢咩黎,佢唔敢望我,而不停整理佢張書桌。我所問, 所講,佢全部唔答,唔出聲...

回想起, 為什麼我當然不乾脆分手?

註冊日期: 2016-2-11

發表於 2016-4-18 11:35 | 顯示全部樓層
Support!

註冊日期: 2014-11-14

發表於 2016-4-18 12:33 | 顯示全部樓層
加油!!

註冊日期: 2009之前

發表於 2016-4-18 12:53 | 顯示全部樓層
會追有男朋友既女仔,個人一定唔係好人。第一次發現時應立刻分手

註冊日期: 2014-12-9

發表於 2016-4-18 13:04 | 顯示全部樓層
分手!

註冊日期: 2016-4-18

發表於 2016-4-18 14:35 | 顯示全部樓層
有女朋友都仲要追其他女仔
仲要係追有男朋友既女仔
呢D人好極有限啦

註冊日期: 2015-9-24

 樓主| 發表於 2016-4-18 16:14 | 顯示全部樓層
我記得其中一樣我問佢,點解我同你一齊,你仲會同人拍拖既?
佢答我:攬唔算拍拖。

當下我好嬲,但我唔會係要去拗交, 而根本,佢都冇點答我其他問題。
當中係點渡過,我唔記得,
直至夜晚11點3咁上下,我走.當下想返屋企..落到樓下,佢又拉返.我..基本上係唔放手,雖然我有去返佢屋企,但心底下知道,同佢既緣份應該冇咩~

佢都有做過一點事,令我覺得佢想補救,例如接我放工呀~送小禮物呀~之類,但過左一段時間,我又會懷疑佢係真係忙定係忙住同第二個發展呢?

那時,沒有安全感下,我有偷看他的手提留言的。
(離開後,回想起~如果一段感情中,要吓吓去查佢同人地既留言,其實,呢段感情好有問題)

有些對話,太瀝瀝在目,直到今時今日,也是會記得。
某年過年,他說要換鞋櫃,當時是冬天將近過年的日子。
我說了句,可能要買大d 先得喎,如果唔係我既boot 邊放得入呀?

佢會話: 吓,我淨係諗住放我自己既鞋咋喎。
咦,我心諗..佢將來係唔係冇我既呢?

同佢拍拖拍得太上心,我同屋企人感情Ok 既,但亦時時留響佢屋企,就同家人見少好多。

當時,覺得俾佢一個人住,見佢少左,敢咪分分鐘仲唔知佢做咩野同咩人一齊囉?!!!

想來慚愧,有一年去行年宵,行通宵,買左好多花,最後多到好在坐的士剛放得晒。記得返到佢屋企都差不多4 點幾...的士司機都同我地ok 好傾~~差不多落車,司機問,買咁多花返屋企,你地好後生吓,好早結婚呀???!

呢個問題十分尷尬...年三十晚行到通宵大年初一,但上左男方屋企,而第日早上,即大年初一,我媽咪同爸爸上左去我男朋友屋企,同"女麻 女麻" 拜年。而當然佢地上去時有同我傾過先,但我感覺上超怪~~覺得自己過左火。

同佢既感情,好既時間會好,但轉差的就是因為他認識了第二個。我響度諗,點先可以捨得離開佢?點先會死心??

於是,我開始約icq list既男仔嘞~

有些在網上一直好傾,但原來聽到對方聲音後, 我會比較鐘意返icq 度傾就算。
有d 傾傾吓,會覺得佢係想同你有關係...

直到遇到一個好特別既男仔。


(如果今晚未得閒更新,聽日都應該未必更新到,因為聽日有個重要人物生日,我會出去慶祝)

註冊日期: 2016-4-18

發表於 2016-4-18 16:37 | 顯示全部樓層
攬唔算拍拖...
好地地有女朋友既都唔會隨便攬其他女仔啦

註冊日期: 2015-9-24

 樓主| 發表於 2016-4-18 22:36 | 顯示全部樓層
本帖最後由 honeylemon 於 2016-4-18 22:39 編輯

(我呢邊好夜吓啦~ 已12點,但都打少少啦~)

攬唔算拍拖? 呢個解釋真係好似跌落地都要拿返揸沙一樣。

慢慢同Mr.C 少左見面,以前係一星期4日, 5 日留響佢度,後尾減返2-3日。
icq 上傾計傾到有好感既唔係冇,但唔知點解真係唔係太想見,前後見過3個。

第一個見左一次之後冇下文嘞,原來見左面,出來傾計係唔似網上傾時咁多野講。

第二個出來食過幾次飯,佢話佢曾經係澳洲留學,一直以來佢icq係打晒英文,而且, 又真係唔似港式英文~ 同佢都幾多話題,不過,佢係知我有男朋友,佢大我...差不多7年左右,思想幾成熟。
但有不良嗜好~~食煙..

而當時佢雖然冇拍拖,但言談間佢都時時讚佢既前度,又俾佢前度女友既相問我覺得靚唔靚。

最記得佢同我講,叫我唔好去嬲一個人,因為我嬲既話,其實對方係唔知,但嬲人既心情,係自己一個受晒~好唔抵。

響呢個時間,我同Mr. C 已拍左接近3年拖,同佢參加過我朋友既婚禮,亦參加過佢朋友既婚禮,拍拖初期+中期曾經會諗到時我地結婚,請邊d朋友?

已去過兩個國家旅行,其中有一次為左同佢去日本我自己告辭左職。當時係佢既行程係去日本10日,而佢叫女作家去日本...3-4日左右,大家約在日本見面,各自去日本,各自回香港。

我自己年假又唔足夠,類似差兩日咁上下,後來,我同上頭辭職~~上頭有叫我諗定d, 俾多我幾日考慮, 唔收我信住~~

但我真係好傻,為愛情會自己resign~
旅行既時間過得特別快,但冇特別令彼此既關係更鞏固。

回香港後,當然要積極搵工,但都用左近3個月先搵到,而且人工仲低左成2000蚊~ 但冇法..人工低都要做啦~家人都會擔心我,媽咪仲俾左成萬蚊我用住先~

黎到呢個時候,大家既感情都淡左,但差在未有人說分手,而節日大家都會一起過。

就響臨近12月,我既Mr.right 出現。

但佢每次既出現,係只限每晚大家傾一陣icq, 而且,仲要就時間,因為佢住澳洲既~
呢個人改變左我好多。
(再續, 好夜嘞~ 呢邊12點半了~~)

註冊日期: 2016-3-2

發表於 2016-4-19 10:47 | 顯示全部樓層
樓主應該係好多年前既事啦....仲有ICQ....
但支持....寫埋落去....

註冊日期: 2014-12-23

發表於 2016-4-19 13:44 | 顯示全部樓層
快啲更新啦...

註冊日期: 2016-2-9

發表於 2016-4-19 14:00 | 顯示全部樓層
支持,等更新

註冊日期: 2014-1-3

發表於 2016-4-19 16:17 來自手機 | 顯示全部樓層
等更新

註冊日期: 2016-4-5

發表於 2016-4-19 17:00 | 顯示全部樓層
suppor! update plz! ;)

註冊日期: 2016-1-17

發表於 2016-4-19 17:25 | 顯示全部樓層

等更新!

註冊日期: 2016-4-19

發表於 2016-4-19 17:25 | 顯示全部樓層
我等著你更新!!

註冊日期: 2013-12-8

發表於 2016-4-19 17:28 | 顯示全部樓層
like the way your write!!! Support 等更新!

註冊日期: 2016-4-19

發表於 2016-4-19 17:47 | 顯示全部樓層
加油

註冊日期: 2015-2-25

發表於 2016-4-19 18:21 來自手機 | 顯示全部樓層
Looking forward for your story
您需要登錄後才可以回帖 登錄 | 註冊

News
Feature
Blog
Load more
 
NOTIFICATION