{ FORUM - LOVE }
Search
Title / Tags Author

查看: 114895|回覆: 66

拍左5年,喊完,再見!

[複製鏈接]

註冊日期: 2016-11-12

發表於 2016-11-13 01:24 | 顯示全部樓層 |閱讀模式
我一直有睇開Beauty入面的貼.每當fb po人地的感情、生活我都會八卦睇睇。突然心血來潮想發表一下感受..我都是為此開個BE號的!注意文章有點長。(有關自己拍長拖但分手的感想,我覺得我分手情節風回路轉過電影,想同大家分享一下。)

ex,本身我唔鐘意佢,覺得佢唔靚仔,我覺得佢最多可以做朋友,當時我地岩岩高中業,佢出黎做野,我繼續讀書,唔知點解就慢慢一齊左,我慢慢唔介意佢哩個缺點同,慢慢發掘佢優點。佢對我好、都會因我一個電話打黎就買野食比我、我鐘意咩佢都會盡量買、想食咩佢都會陪我、想去邊到玩都會去。平時多數都係佢出錢。

我地咁就拍左5年拖,我地一齊哩幾年每晚訓教或起床都會同對方講聲「老公老婆早晨、晚安之類」就算唔係一齊訓都會發個what's app,都幾溫馨。本身家人、朋友都睇好我地,等我一大學畢業就會結婚之類。我大三暑假戈年有個2個月的實習(6、7月份),我選擇左去台灣。因為佢都要反工,冇可能黎搵我,而我出入境只可以一次,所以我地兩個月冇見,我去台灣之前佢都會有依依不捨的感覺。去到台灣後,我地網上都會有連絡,開視訊、what'sapp等等,慢慢兩個月就過去,佢都有接我機,我回來繼續讀埋大四。佢都要反工,我地平時可能會一齊食個飯、睇下電影、行街等等,同佢d朋友一齊海x公園過萬聖節。

日子好平常咁過,我對佢ge感覺都係冇變,覺得係會結婚的對象。某日佢因打波整親隻腳,當時晚上12差唔多1點幾,佢問我過唔過去佢屋企陪佢,戈晚真係好凍,我冇過去,我話第二日一早過黎陪佢睇醫生,但第二日佢冇同我講自己就走左睇,我有打電話問佢睇醫生地址,我過去搵佢,但佢話唔洗,佢自己反屋企。件事咁就完左,之後我地都係照常中午一齊食飯之類。

到左12月中下佢突然電話同我講「我地分手!」我當時心情第一下浮現ge係憤怒的,因為感覺毫無先兆,因們我地平時都係照舊會講老公老婆早頭,出街睇戲食飯。我地曾講「分手」係一件好嚴重的事,5年入面都試過兩次嘈交嘈到講分手,但最後都一齊反,我地之後仲發誓話就算嘈到幾大都唔可以講分手,第三次講分手就一定會分,因為我地唔希望一嘈交就張分手掛係嘴邊,分手唔係玩玩下,係認真,所以先有咁ge承諾)
我:「好!你知道哩次係最後一次講分手係咩後果?!」
男:「我知」
我:「咁你都決定左,我都冇野好講,我今晚過去你屋企汁反曬我所有野走。」
男:「你要汁野等我幫你,我私家車載你d野反你家。」
我:「唔洗,我唔洗你幫,你暫時唔好反你屋企,等我汁完野再信息你,你到時再回家。」

就咁我汁左好多我ge物品走,但因為一個人能力有限,一次汁唔曬,仲留左d野係佢家,我都知我自己義氣用事,咩都唔理就汁野走。分手後戈幾日,我都冇咩真實感覺,因為我當時仲嬲嬲地,覺得佢一定會搵反我,但過左幾日,佢完全冇搵過我。戈幾日我自己心情都平靜左,我開始擔心,自己念好多野,某一晚我鼓起勇氣打比佢,希望復合,因為我分手原因都未知,打比佢戈晚我約佢出黎傾,佢初頭唔肯,
佢話:「不如就咁算啦。」
我:「拍拖拍左咁耐,你一句電話話分就分?可以比個交代?」係咁念辦法叫佢出來傾,希望佢出到黎會因為心軟或其他而同反我一齊。

我地約左係公園,但出到黎佢態度好明確,話唔會再同我一齊,我又喊又求都冇用⋯我問佢原因,
佢話:「我整親隻腳,你都唔過黎陪我、我發生好多事你都唔係我身邊,你唔係我結婚對象!」
我喊住話:「我會改的!以後就算再凍再落雨,有咩事我都會陪你、關心你⋯⋯⋯之類。講左好多。」
最後換來一句,
佢話:「你死心啦,我有左鐘意ge人,我唔會再同你一齊」
(因為我同佢都拍幾年,自以為好了解佢,有咩可能突然有鐘意ge人?我仲傻傻地以為冇第三者存在,以為佢係為左分手而講大話氣我)
所以我喊住話:「我唔介意呀,只要你同反我一齊。」
佢:「我唔值得你去愛」之後佢就走左。
我就自己一個坐係公園喊,戈晚都幾凍,但我靜坐左差唔多一個鐘,喊夠先回家。

我已經換曬睡衣、搞店曬準備上床訓教,突然收到佢電話打黎,叫我去佢屋企,佢都希望復合。當時我好開心,連bar都冇著就帶件外套沖去佢屋企,見到佢係樓下等我,我開心到攬住左佢,一邊笑一邊喊,佢仲話:「我地反上樓再傾,你睇下你喊到眼都腫曬」(講d關心ge說話)

我地拖住手上佢家,坐係廳,佢同我講左分手戈幾日ge事,原來佢真係同左第二個一齊,頭先係公園傾分手戈陣個女仔係佢部車到等佢,所以佢先咁唔心軟。但只拍左3日拖,佢:「衣加唔會選佢,我選你。」之後我地傾傾下,等我心情都平復左,佢話:「不如我地一齊沖涼,好似以前咁」我:「但我黎緊m,唔好啦」佢話:「咁刷好牙我地反房訓。」訓係張床到,攬住對方,過左一陣,佢突然話:「個心好亂,唔知要選你定選戈個女仔,我唔知我係可憐你先同你一齊,定係真係鐘意你而想同你一齊」我:「你念清楚,我冇可能代你決定」
之後就有個電話打黎,係戈個第三者,佢大概係條街到留連,唔開心之類,之後男就叫我不如反屋企先,佢出去解決左個女仔再搵我,我當時唔肯,我留係佢屋企等佢解決,但我又冇唔比佢出去搵個女仔,因為有d野點都要解決。當時我相信3日的拖一定不及5年的感情,因為我覺得有可能因為同我分手而傷心先會同戈個女仔一齊,佢最終會反黎我身邊。等左差唔多1個鐘,佢回來⋯同我講,男:「我選戈個女仔」之後佢講左好多關於佢同戈個女仔d野「由我去台灣戈時識、朋友的朋友、分左手先一齊冇做對我唔住ge事。」但我問佢地去到咩程度,佢話:「有搞野,係我家,個女仔要求要搞的」之後我個心涼左一涼,因為我頭先訓的就係佢地搞野戈張床,而且佢地一齊戈幾日唔長,床單仲有可能未換⋯⋯⋯我一聽到佢有搞野,我以經死心,就算唔捨得都唔會再一齊!我地戈晚就拿反以前好多相出黎回憶,最後傾到早上一齊食早餐再送我回家,到我家樓下仲攬左一陣先走。可以講係和平分手?

正式分手戈一排我日日夜夜念起佢都喊,仲成日責備自己因爲佢腳傷而冇陪佢之類,如果冇左佢我會點?!成日問朋友分手正常要幾多個月先會好反,唔咁掛住佢。屋企人問起佢我頂唔住又喊左出黎,同家人傾哩d事,之後慢慢再同唔同ge朋有傾,其中有一個男仔朋友點醒左我,話「如果個男仔真係鐘意你,點會要你咁夜咁凍自己一個走去佢家陪佢?點會因一件事唔陪就要分手?我覺得佢心一早就已經想分手,只係搵唔到借口同導火線姐。就算你冇左佢你一樣可以生活」

我之前仲一直好執著,但慢慢思路清晰,我會張分手ge事轉向好方面念,上交友平台搵人傾計、同朋友去玩、開心、去健身房跳舞之類,其中有個男仔同我好好傾,哩個男仔叫A男好了。

有句話:「想忘記一段舊感情最快方法就係開始一段新戀情。」我當時分手後都未夠半個月就開始唔喊,因為有A男陪我傾計,發現佢同我讀過同一間中學,之後我地有約出黎見下面,差唔多識左A男4個月就一齊左,直至現在。雖然我唔知之後同A男會點。不過我因爲佢都唔再掛住ex。

過多咁多個月,我明白到當初同ex分手其實唔係冇先兆,只係自己冇留意到。由我去台灣2個月開始,佢平時都會視訊我,但過左1個月多d就已經冇視訊。回澳後的日子,好多時佢同朋去飲酒食飯都冇同我交帶到(我地之前會互相交帶一聲)衣加係等佢po朋友圈我先知原來佢去左食飯、飲酒。我12月頭生日同屋企人慶祝,佢月頭都冇補到同我慶祝。11月尾至12月已經冇咩同我WhatsApp 。另外,我之前好憎戈個女仔,死人第三者,但最後我分析得出如果個女仔要求要搞野,如果你唔想冇可能會搞得成。同我分手後就立即同人地拍拖,明顯男方一早已經有哩個念法。如果佢唔講,個女仔跟本唔知我地分手啦。而且仲要係佢屋企搞。佢地絕對唔係我分手後先一齊咁簡單。佢一直都講到佢自己係受害人,講到戈個女仔好似引誘佢咁,又講到我唔關心佢唔係佢結婚對象,我覺得佢會把所有事講成自己冇經錯咁,白D講句,明明就係對我冇左新鮮感,哩個時候出現左個女仔,咁岩搵到件導火線,之後就表情出自己冇錯的樣子。

我慢慢張對ex ge愛意轉為恨。愈念就會愈嬲。因為佢地曾經搞過野,但ex戈陣仲話會選我而放棄個第三者。fuc*!如果我一早知你地搞過野我就唔會沖去你家。你仲好意思同我講你念緊選我定第三者?如果我知你地搞左野!我跟本唔會比你有選擇權利!叫我同佢一齊沖涼、一齊訓。我心念!如果當時我冇黎m?咁我米會一齊沖涼?之後會點?

重之!對我有用ge方法,就係時間真係可以沖淡一切,5年ge感情都可以。失戀最好方法係搵朋友、家人傾計。講出黎ge次數愈多,慢慢都會習慣左。可以認識多d唔同ge朋友,會發現之前自己個圈子好細,一直只係圍住ex轉,成日要依賴佢,衣加自己一個面對,需要更加堅強。雖然ex前戈排都有搵反我,話做反朋友,我都樂意接受,表現大方。我表面係祝福佢地兩個,實際係希望佢地快散!我心地就係咁唔好!再見!


回覆
+ Favorite

舉報

註冊日期: 2016-11-10

發表於 2016-11-13 02:56 來自手機 | 顯示全部樓層
樓主既經歷同我好似,不過我個ex就冇承認過有第三者,係我分手後發現。我都學習緊放手,睇開d。不過我會祝福佢地百頭到老,唔想個男既再出去傷害人,個女人搶到咪好lor,反正尼種甘易變心既賤男都吾好得去邊,咪等個第三者接收左佢,幸福落去lor

註冊日期: 2016-11-7

發表於 2016-11-13 03:20 來自手機 | 顯示全部樓層
妳地都好堅強,佩服,加油支持妳地

註冊日期: 2016-11-12

 樓主| 發表於 2016-11-13 10:46 | 顯示全部樓層
傻孩子 發表於 2016-11-13 02:57
樓主既經歷同我好似,不過我個ex就冇承認過有第三者,係我分手後發現。我都學習緊放手,睇開d。不過我會祝福佢地百頭到老,唔想個男既再出去傷害人,個女人搶到咪好lor,反正尼種甘易變心既賤男都吾好得去邊,咪等個第三者接收左佢,幸福落去lor

我冇你咁好心地。不過5年都唔算叫易變心,如果易變就一早散左,只係因為一見到佢就念起佢D衰野,嬲!

註冊日期: 2016-11-12

 樓主| 發表於 2016-11-13 10:47 | 顯示全部樓層
~VaVa~ 發表於 2016-11-13 03:20
妳地都好堅強,佩服,加油支持妳地

冇辦法,時世所迫。哈!我衣加都以為冇左佢唔掂

註冊日期: 2016-11-13

發表於 2016-11-13 11:31 | 顯示全部樓層
多謝樓主嘅post啟發左我!我同男朋友一齊左兩年,最近都係到鬧分手。雖然我地未必因爲有第三者(其實我自己都唔肯定係咪真係無)但係我都感覺到佢已經無好似以前咁愛我,一開始我比藉口自己係因為過左熱戀期所以感覺唔同左,不過慢慢我都知係時候要接受自己已經唔係佢心目中第一位嘅事實。我而加都慢慢去學習自己生活,去學習忘記,去接受佢好快會離開自己。樓主要加油!我都會為自己加油!

註冊日期: 2015-10-6

發表於 2016-11-13 12:24 | 顯示全部樓層
無錯 時間真係可以沖淡一切
您真係好堅強

註冊日期: 2016-6-13

發表於 2016-11-13 14:09 | 顯示全部樓層
屌佢老尾啦,人渣!一時一樣,呢下話揀你,個下揀第二個.三心二意,叫佢食屎!希望你同A男長久☺️加油

註冊日期: 2009之前

發表於 2016-11-13 14:18 來自手機 | 顯示全部樓層
條仔係好衰,但樓主都唔見得好好,anyway,收拾心情繼續上路啦

註冊日期: 2009之前

發表於 2016-11-13 14:19 來自手機 | 顯示全部樓層
條仔係好衰,但樓主都唔見得好好,anyway,收拾心情繼續上路啦

註冊日期: 2016-11-3

發表於 2016-11-13 15:01 來自手機 | 顯示全部樓層
我之前分手戈陣,喊左三日,,跟住就日日都翻工,放工就去街,狂玩附近的人,陌陌,差吾多所有交友apps都down 過曬。。。識左好多吾同既人。。有男有女,日日新鮮,總知吾比自己停,1年之後前度姓乜都吾記得嚕。。

註冊日期: 2016-11-4

發表於 2016-11-13 15:02 來自手機 | 顯示全部樓層
我都有同樓主差唔多嘅經歷。
想當年我同我個ex一齊左3年半, 中間經常有拗撬成日離離合合,到咗臨尾嗰半年, 佢話做嘢嗰度要考試,我地就唔係成日見面,諗住畀多d時間佢溫書。點知最後因為啲雞毛蒜皮嘅事而同我鬧分手,冷戰擾攘嘅期間仲氹我、 比希望我 ,同我講我哋會有將來。點不知佢有1日突然 send message同我講“我唔再愛你啦” 。
我勁唔開心同唔明白, 點解突然間會轉變咁大, 一直唔明白,所以唔放下。最後尋根究底,喺溫書既時間佢同公司嘅女同事搭上咗, 佢一直等緊嗰邊回覆,如果個第三者唔同佢一齊佢就會同返我一齊,所以就繼續同我講話我哋會有將來,等我有希望又留返條後路比佢自己。而係我哋冷戰期間原來佢同第三者上過床, 個message都係喺佢哋纏綿期間個女嘅feel到個電話震,再拎左部電話嚟send message畀我。
我聽到之後真係好嬲,覺得佢好賤格。所以我從來都未試過咁容易冷靜同放低,三個月唔夠,就識到新男友,後來仲成為未婚夫呢, 所以各位sis 要加油,the best is yet to come~!

註冊日期: 2015-5-24

發表於 2016-11-13 16:41 來自手機 | 顯示全部樓層
樓主你好叻,繼續努力係愛情路上

註冊日期: 2015-6-28

發表於 2016-11-13 16:42 | 顯示全部樓層
樓主好勁,我都已經五年情,有小三仲搞埋野,我都積極放棄中,我要多多向樓主學習

註冊日期: 2016-10-26

發表於 2016-11-13 17:05 | 顯示全部樓層
a男對你好唔好呀!要珍惜佢!

註冊日期: 2016-11-12

 樓主| 發表於 2016-11-13 17:12 | 顯示全部樓層
phoebejade 發表於 2016-11-13 11:31
~VaVa~ 發表於 2016-11-13 03:20
妳地都好堅強,佩服,加油支持妳地
冇辦法,時世所迫。哈!我衣加都以為冇左佢唔掂

加油!我都會支持你

註冊日期: 2016-11-12

 樓主| 發表於 2016-11-13 17:14 | 顯示全部樓層
9jai 發表於 2016-11-13 12:24
多謝樓主嘅post啟發左我!我同男朋友一齊左兩年,最近都係到鬧分手。雖然我地未必因爲有第三者(其實我自己都唔肯定係咪真係無)但係我都感覺到佢已經無好似以前咁愛我,一開始我比藉口自己係因為過左熱戀期所以感覺唔同左,不過慢慢我都知係時候要接受自己已經唔係佢心目中第一位嘅事實。我而加都慢慢去學習自己生活,去學習忘記,去接受佢好快會離開自己。樓主要加油!我都會為自己加油!

係!我初初真係日喊夜喊。無時無刻都念,不過衣加就算面對面傾計都冇事

註冊日期: 2016-3-14

發表於 2016-11-13 17:15 來自手機 | 顯示全部樓層
男人講分手99%都係有第三者,當時我心路經程都同樓主一樣,過左果段失戀期回頭望其實都冇乜野,自己值得一個會珍惜自己既人

註冊日期: 2016-11-12

 樓主| 發表於 2016-11-13 17:17 | 顯示全部樓層
lwllam117 發表於 2016-11-13 02:09
無錯 時間真係可以沖淡一切
您真係好堅強

我都係咁話

註冊日期: 2016-3-1

發表於 2016-11-13 17:19 | 顯示全部樓層
你好勇敢!
您需要登錄後才可以回帖 登錄 | 註冊

News
Feature
Blog
Load more
 
NOTIFICATION