{ FORUM - BEAUTY }
Search
Title / Tags Author

查看: 1711|回覆: 4

我去到Medilase脫毛,先知佢真係比Dxxxxx好好多

[複製鏈接]

註冊日期: 2016-12-28

發表於 2017-2-8 23:52 | 顯示全部樓層 |閱讀模式
我本來係Dxxxxx脫開手臂,Under armUpper lip,因為我天生毛髮就比較多,當時試做完Under Arm療程一次,覺得服務唔錯,價錢聽落又唔算太貴,所以就係度脫,點知脫咗幾次之後就見真章!


我從第三次上去開始,每一次個治療師都唔同人,原來係因為佢每個治療師都做唔長。其實咁樣真係好大問題,第一,個治療師會完全唔了解你的狀況,例如我係有D濕疹問題,佢個治療師每一次都唔同,搞到我每次上去都要重新由頭到尾解釋一次我的狀況,非常麻煩。


第二,佢每次換你個治療師都係完全唔會有任何人知會你一聲,無論係Dxxxxx定個治療師。事緣我頭三次做脫毛都係用whatsapp同治療師約下一次療程時間,但當我想約佢做第四次脫毛的時候,無論我點樣搵佢,佢都完全無覆過我。因為咁,我唯有打電話去Dxxxxx同佢講個治療師唔理我,但我想預約下次做脫毛的時間啦。然後個櫃枱妹妹又同我講:治療師而家唔得閒,我叫佢得閒覆返你啦。個結果當然就係,我等咗三日都無人覆過我。最後,我要親自上去貴公司約時間,先至可以成功約到,仲要係我多次追問點解個治療師唔覆我,佢先至同我講我原先的治療師已經無做。同樣的事情到而家仲係不斷發生梗:打去公司櫃枱,等唔到佢,打多次催佢覆,幾經波折終於約到,上到去先發現治療師又唔同咗人。


第三,可能因為佢的員工留唔長,個個治療師都係新人,而且無心長做,所以為人處事非常求其之餘,手法亦都唔專業。有無數次,我上到去都要等個治療師超過半個鐘。D治療師甚至會放你飛機仲無通知。有一次,我等咗半個鐘,個櫃枱妹妹先同我講我個治療師根本無返!又有一次,我上到去同個櫃枱妹妹講我電話號碼,佢竟然同我講我當日無預約!原來我個治療師根本唔記得幫我落預約!幾咁荒謬!而且佢哋有部分治療師打激光打得好趕時間咁,叫我同時舉高雙手,而且係要keep住舉高,一次過塗gel,好求其咁打幾下左手就即刻打埋我右手,我等佢出現等四十分鐘,佢幫我雙手搽gel打激光到佢叫我換返衫,只係需要十分鐘,佢甚至無幫我抹走我under armgel!直到而家,我已經做咗脫毛年幾啦,但我D毛仲係一直會生,無錯係幻咗少咗,但距離乾淨無毛真係仲差好遠!


我都係之後上網睇,先發現原來有好多sis都同我有一樣的遭遇,而且投訴都無用,因為根本你投訴成功之前個治療師已經無做。我真係非常後悔無做好資料搜集先去做脫毛。


所以當我要脫腳毛的時候,我就做足資料搜集,睇好多網上評價,最後上門問埋詳情同價錢,先至揀去Medilase做。


我一直都以為Medilase係貴過Dxxxxx,但原來竟然係平D!我真係好嬲自己,唔明點解我會咁蠢,無睇評價都算啦,連格價都無做就上咗Dxxxxx當。更重要的係Medilase D人態度真係好好多,最起碼佢哋覆whatsapp覆得好快,就咁用whatsapp已經預約到,每次都係約幾點就會幾點出現,唔會要我等超過十分鐘。而且佢打激光的時候會畫幾條線,畫個要打的範圍,而且會好仔細咁打好多下,打完之後仲會屈起我隻腳,好似係研究下有無咩位漏打或者打得唔足咁,有的話就補打多幾下。


佢仲會係我預約的脫毛日期兩日前提我剃定毛先(Medilase提議脫毛兩日前要預先脫定毛,話因為啱啱剃完毛皮膚表面會特別乾,亦特別敏感,即時做激光脫毛就會特別容易紅腫。Dxxxxx一向都係即剃即打激光的,我唔知道佢呢番說話有無確實理據,但我又覺得係Medilase脫完之後真係好似無係Dxxxxx脫咁紅腫。)打完之後,佢亦會提醒我搽多D潤膚露,要搽防曬,暫時唔好做邊D運動等等。我覺得呢D雖然都只係小事,但佢keep住每次都有做,唔係話做一兩次門面工夫就算,呢點就令我比較欣賞。


雖然我都只係係Medilase做咗脫毛半年多D,仲未做到乾淨無毛,但真係好明顯咁見到個效果同進程係比我係Dxxxxx的時候快好多,乾淨好多,治療師都話只要上多去三次左右,應該就會做到乾淨無毛的效果。或者當我做到乾淨無毛的時候,我就會上載相上黎,同大家分享我脫毛之前同之後的效果。


最後,如果大家有興趣去Medilase脫毛的話,可以搵我做介紹人,會平好多咖,我當時都係上網搵人做我介紹人的。我祝大家都可以搵到間適合自己的脫毛公司,同毛手毛腳講bye bye
回覆
+ Favorite

舉報

註冊日期: 2016-12-28

 樓主| 發表於 2017-2-8 23:59 | 顯示全部樓層
唔好意思我第一二次post佢話唔成功,所以我㩒多咗兩下,有無人知點delete post?

註冊日期: 2009之前

發表於 2017-2-9 19:56 來自手機 | 顯示全部樓層
plz pm the price for full leg for reference~
thanks

註冊日期: 2017-3-22

發表於 2017-5-15 11:07 | 顯示全部樓層
Hello
我都有興趣試mediLASE,唔知可唔可以pm 問下details 同做介紹人?
thanks!

註冊日期: 2016-12-16

發表於 2017-5-15 17:57 | 顯示全部樓層
我個時做UPPER LIP 同UNDERARM 時頭十令次好彩都係同一個, 但之後轉左幾次我見接受到的BB毛都無再上去...
您需要登錄後才可以回帖 登錄 | 註冊

News
Feature
Blog
Load more
 
NOTIFICATION