{ FORUM - LOVE }
Search
Title / Tags Author

查看: 43849|回覆: 48

八年感情該放手嗎?

[複製鏈接]

註冊日期: 2017-4-18

發表於 2017-4-19 11:20 來自手機 | 顯示全部樓層 |閱讀模式
近來有個男同事對我幾好
我哋有啲曖昧 佢好似係鍾意我。。
我哋經常whatsapp
咁都幾開心嘅
但係對我嚟講因為佢都幾靚仔
把口又成日好好花fit嗰啲
所以我覺得佢唔係真心玩玩下嗰種囉
而且佢都知我有男朋友
因為呢個男仔所以我有啲動搖
我同我男朋友識咗八年,響呢八年入面我哋大大話話都做過好多次交
甚至佢都同我講過分手
其實我都知佢係一個咩性格嘅人
我知道佢唔會因為我而改變啲乜嘢
因為一開始識佢嗰陣時,
佢同我講過一句話:嗌我唔好改變佢啲乜嘢因為佢唔會為咗我而作出任何改變.
因為嗰陣時佢追緊另外一個女仔嘅
咁當然嗰個女仔唔受溝啦..之後佢先追我嘅..嗰陣時我有時會諗,你可以為佢去改變..咁但係我真係乜嘢都唔會做㗎喎...其實對於你嚟講係咪只係為咗拍拖而拍拖?我只係你嘅plan b?
我哋拍咗拖一年啦,好多問題都開始發生緊..比如講讀書嗰陣時嗰啲project嗰啲啦,因為佢其實都要part-time咁我就冇返工嘅 因為嗰陣時我都仲有零用錢夠自己用每個月有八百...咁所以喺project上面佢好多嘢都覺得我應該要跟返足,但係我就做得唔好..可能佢因為壓力大喇..佢響嗰陣時成日都會響 大庭廣眾嗰度鬧我嘅..無論係喺班房 定係響嗰啲廣場。而每次都係我氹返佢..嗰陣時我覺得因為我真係做得唔好..而且佢都係為咗拍拖生活咁佢要做多份工係好攰嘅。我哋鬧交係一個巴掌拍唔響㗎嘛..咁我係有錯嘅
過咗幾年我都有出嚟做嘢
嗰陣時大家嘅情緒都好返啲穩定返啲
嗰陣時雖然冇咗project 但係我哋都會因為一啲好細微嘅事而鬧交..比如話係我性格問題啦..佢會話我講嘢唔理其他人感受硬頸 ,鍾意自把自為..
咁我哋做愛嗰陣時..佢好鍾意叫我換番啲性感內衣..比如女僕服 護士服
之後配合佢上演一套故事
幾乎每次都係咁..咁多年啦我真係好攰
回覆
+ Favorite

舉報

註冊日期: 2017-4-18

 樓主| 發表於 2017-4-19 11:23 來自手機 | 顯示全部樓層
點解好地地唔可以就咁因為鍾意,因為想攬住所以先至去做?
我真係唔明點解佢一定要諗呢啲故事 佢先至同我做得落?
拍拖拍到中段 ..佢喺網上面識左個女仔 ,仲要俾我發現到佢哋有網戀..之後我就同佢講叫佢一刀斬啦
佢反而鬧我同我講:人哋就嚟生日啦 你係咪咁對人呀?
個女仔可能因為佢,因為呢件事 ,而要生要死..咁佢可以點呀?你有冇同情心呀?我忍咗幾日..都係忍唔住喇同佢講咗出口..
我話:不如你同個女仔搞掂好件事斷咗 尾你先返嚟搵我啦...
之後佢同我發脾氣 淨低我一個人喺街度..我自己一個坐享海旁喊咗好耐..佢先打電話過嚟仲要問我:你想點呀!!
最後 ,佢有同個女仔分手..但係佢係用我個名囉!!其實我真係好唔明?點解你會在意一個啱啱識咗冇幾耐嘅女仔嘅生死,而不會諗下你女朋友 都可能會一刀割落去個喎?!點解你唔可以堂堂正正用你嘅身份去斷絕你哋嘅嗰段關係 而你係要用你女朋友個名義去做?
搬咗出嚟住之後,我哋鬧交仲多咗
佢有時會掟嘢..
而我就會繼續保持沉默..
因為好多時我真係沒錯..
呢幾年我更加覺得我哋嘅價值觀,我哋嘅人生態度完全係唔同..
佢同佢阿爸嘈左交所以搬出嚟住
佢同我講其實在因為我要擺嘢所以佢哋先嘈交,但係佢阿爸同我講係因為佢性格問題...
佢有時會話因為我,所以佢會考先至唔合格...但係我知道佢嗰陣時同我講
因為遲到所以佢先唔去考
佢會話因為識咗我佢冇咗好多嘢...
但我又何嘗唔係
我因為你好多朋友都冇曬...
一句你唔鍾意我去就唔去見佢哋
我因為你我少咗好多年陪屋企人嘅時間,我想返多日去你又唔開心
我阿爸阿媽都年紀大㗎啦。。。
其實你可唔可以體諒下我
近來望住阿爸同阿媽嘈交
我開始喺度諗
與其大家日後做怨偶。。
其實我哋段關係係咪應該停止
無論係咪有嗰個男仔嘅出現 ?
定係繼續而家嘅生活
等多兩三年結婚?
因為我知道我男朋友真係好錫我嘅
但係我都知道未來嘅生活 我哋一定會經常喺度嗌交。。。

註冊日期: 2009之前

發表於 2017-4-19 12:06 來自手機 | 顯示全部樓層
其實錫你又點會有第三者,點會咁鬧你又成日同你嘈,又要你做d唔想做嘅野?

註冊日期: 2017-1-5

發表於 2017-4-19 12:43 | 顯示全部樓層
其實,妳覺得會唔會同佢結婚,唔會就親後生搵個好的,同埋新呢個太花弗,對妳都係未必好事

註冊日期: 2016-7-22

發表於 2017-4-19 13:20 來自手機 | 顯示全部樓層
你一直是單戀,單方面不斷付出?
你得到過什麼?疲累、失望、傷心……
你幾多歲?
狠心飛左佢找個更好的!他只會令你人生一直陷入低谷!

註冊日期: 2017-3-10

發表於 2017-4-19 14:02 | 顯示全部樓層
八年係你以為咋,亦係由你自己一手造成,其實由佢網戀開始,感情已經完左,但你一直唔肯放手,拖下拖下就八年囉~真正係幾多年感情你自己計下啦,咁你就唔會再覺得可惜

註冊日期: 2017-4-18

 樓主| 發表於 2017-4-19 14:08 來自手機 | 顯示全部樓層
PannyPanny 發表於 2017-4-19 13:20
你一直是單戀,單方面不斷付出?
你得到過什麼?疲累、失望、傷心……
你幾多歲?

唔知呀...
其實,我仲想比多ㄧ年機會佢
如果大家都係嘈嘅...
我唸我會同佢分手
但我媽媽成日話我傻...
25歲無咩時間可以比你拖
你愛嘅就快Dㄧ齊
唔愛嘅快D斷。。
咁樣對邊個來講都係好事。。
但八年..好難決定

註冊日期: 2016-7-12

發表於 2017-4-19 14:13 | 顯示全部樓層
Dream228 發表於 2017-4-19 14:08
唔知呀...
其實,我仲想比多ㄧ年機會佢
如果大家都係嘈嘅...

要改一早改咗啦,等多一年為咩?

註冊日期: 2016-1-30

發表於 2017-4-19 14:17 來自手機 | 顯示全部樓層
分開冷靜下啦~8年感情,唔試下分開唔會知重唔重要,無論係你定佢,好多事變左習慣,但當2個人一齊之間出現大量埋怨同沈默,就代表呢段關係出現問題,分開下比大家諗清楚,但唔建議同男同事有發展,應該先好好處理呢8年感情,無男人唔會死,唔好因為一個男人出現令你動搖就換畫,話唔定會跌落另一個深淵。如果真係散咗,可以享受一下過去8年所失去嘅嘢,以單身嘅姿態重新出發,令自己變得更好,要遇到就會遇到。

註冊日期: 2010-12-5

發表於 2017-4-19 14:25 | 顯示全部樓層
如果你覺得你公司個男仔唔係認真, 你動搖d咩?
你一直不斷講你男朋友d衰野, 結尾居然係佢真係好鍚你?

註冊日期: 2016-1-26

發表於 2017-4-19 14:49 | 顯示全部樓層
我一 D 都睇唔到佢有幾 "錫你"。
就算冇而家果個男同事出現,你都唔好同你bf 結婚。 佢根本唔係咁愛你。
等多一年為乜? 佢講咗唔會改變, 佢又唔愛你, 又成日鬧你話所有嘢都係你錯, 等佢把鬼咩?
你阿媽講得啱, 唔愛嘅快D斷。

註冊日期: 2015-11-16

發表於 2017-4-19 15:09 來自手機 | 顯示全部樓層
你覺得佢愛你咩?我覺得佢當你係免費餐only

註冊日期: 2017-4-18

 樓主| 發表於 2017-4-19 15:24 來自手機 | 顯示全部樓層
七月十九 發表於 2017-4-19 14:17
分開冷靜下啦~8年感情,唔試下分開唔會知重唔重要,無論係你定佢,好多事變左習慣,但當2個人一齊之間出現 ...

都係嘅..多謝你嘅建議

註冊日期: 2017-4-18

 樓主| 發表於 2017-4-19 15:33 來自手機 | 顯示全部樓層
sumyik 發表於 2017-4-19 14:25
如果你覺得你公司個男仔唔係認真, 你動搖d咩?
你一直不斷講你男朋友d衰野, 結尾居然係佢真係好鍚你? ...

我地唔嘈咬嘅時候真心覺得佢幾好..動搖係因為唔知點解之前覺自己好差,呢個世界除左佢,無其他人會理我。
但後來識左果個同事之後,唔知點解又覺得我唔係咁差,我身邊仲有好多人陪我。。。只係我之前放左手姐

註冊日期: 2016-1-26

發表於 2017-4-19 17:17 | 顯示全部樓層
Dream228 發表於 2017-4-19 15:33
我地唔嘈咬嘅時候真心覺得佢幾好..動搖係因為唔知點解之前覺自己好差,呢個世界除左佢,無其他人會理我。
...

咁係因為你bf 令到你對自己冇晒信心
好嘅男人係唔會詆毀你!
更加唔會為咗第二個女人而要你傷心! 佢 care 個第三者會唔會自殺都唔理你。 難道佢覺得你唔會為咗佢自殺?

註冊日期: 2016-11-4

發表於 2017-4-19 17:29 來自手機 | 顯示全部樓層
嘥左8年都厭未夠?樓主放生自己啦~

註冊日期: 2015-8-10

發表於 2017-4-19 18:48 | 顯示全部樓層
佢咁叫錫你?扔低你1個人喺街叫錫你?推哂責任去你到叫錫你? 你醒喇要。。

註冊日期: 2016-7-24

發表於 2017-4-19 18:53 | 顯示全部樓層
其實你心裡面一早有答案,只係你想大家支持你姐。

註冊日期: 2017-4-18

 樓主| 發表於 2017-4-19 19:26 來自手機 | 顯示全部樓層
Edna_Mode 發表於 2017-4-19 18:53
其實你心裡面一早有答案,只係你想大家支持你姐。

都可能係。。。
又或者我想等ㄧ個人
叫我珍惜呢段感情。。
叫我為左佢留低。。
宜家對佢來講..
我唸我真係佢最親嘅親人
唔知點解我好怕佢唔識照顧自己。。
心態好遊離。。

註冊日期: 2017-3-4

發表於 2017-4-19 21:05 | 顯示全部樓層
如果咁都叫錫你嘅話咁你嘅要求都幾底喎。一個錫你愛你嘅男人就算同你嘈交都唔會做以上你所講嘅嘢。我真心相信冇咗佢你會開心啲,你個男同事對你認真或者玩玩下都好啦,你都應該離開你男友。好過佢嘅男人大把啦,搵個會真正珍惜同愛你啦
您需要登錄後才可以回帖 登錄 | 註冊

News
Feature
Blog
Load more
 
NOTIFICATION