{ FORUM - LOVE }
Search
Title / Tags Author

查看: 1542|回覆: 17

我唔知我可以點同佢相處

[複製鏈接]

註冊日期: 2017-5-12

發表於 2017-5-12 03:51 來自手機 | 顯示全部樓層 |閱讀模式
我同男朋友上年年中一齊既
我地同年 但係我大佢小小
我拍過幾次拖 而我係男友既初戀

係我地仲係朋友到拍拖頭幾個月都係日日都見到對方
當然對熱戀期既我地係一件好美好既事啦
我地都係今年畢業 而係離開學校前一個月其實我都預左會唔習慣無得再成日見
所以我都會盡量諗下有咩活動(食飯/睇戲等等)等我地可以多少少時間相處

咁講下我地係無得再日日見既1個月入面既相處啦
基本上我地見面既日子少得可憐
一個禮拜大約只係見一次
當然我都體諒既 始終要考試 我理解
而今年既公開試都差不多考曬
而我地都只係keep住一個禮拜見一次 而每次都係佢同我食完lunch跟住去我家
平時我同佢日日都一齊玩電腦 用skype傾計 偶爾facetime下
我都接受到呢種方式

接受到,但係唔代表我唔想多D見
可能我比起男友更加痴身
我地見完隔左日我就會好掛住佢 好想見佢
如果咁計落 我希望我地可以見最少2-3日 (當然如果佢有野做見唔到我都唔會怪佢)

其實見唔到 我都唔係最介意
因為我地住得遠 一個東一個西
我都唔係太想佢成日去我到 始終遠車錢會貴 而且佢返去個時落車仲要行起碼15分鐘
我都唔想佢咁攰同埋夏天都到 唔想佢行得咁辛苦(雖然佢無同我講過 但係我諗到個情境都唔想佢行咁耐)

以前我地仲係朋友個陣 我地日日whatsapp facetime 一齊打機 傾電話(可以7pm傾到凌晨3/4點) 我返工(我夜晚返兼職)都會不停同佢whatsapp
呢D日子keep住到拍拖頭1/2個月倒?我都唔太記得 不過應該有一年半(friend+in relationship, I mean)

唔知幾時開始 我地唔再日日whatsapp 基本上我晏就係一個whatsapp都唔會有
最多會問我起身未/食野未
我地可以傾半粒鐘就無再whatsapp
去到夜晚佢打機(日日都會打) 見到我skype上線先打比我 然後一齊打機 去到凌晨就早抖 每日無限loop
重點係佢基本上好得閒 除左打機唔會有野做又無返工

可能我拍過幾次拖 之前同男朋友基本上會日日whatsapp 所以唔係好慣咁相處 不過我都同自己講:朋友都無咁多話題啦 無必要無時無刻都whatsapp
咁其實都幾有說服力 所以我都無咩野都氹掂自己

不過因為我返partime既關係(夜晚)
我工作個陣佢會如常咁打機
有時(可以話偶爾)會whatsapp 下
不過佢已經會掛住打機藍剔我隔一排先聽個語音 以前唔會
其實都有小小唔開心 不過都無緊要 始終我都會有野做 佢都要娛樂下咖嘛

到呢幾日 我真係好唔開心
其實我都唔係話無暗示過想見下拍下拖
我今日先whatsapp 同佢講好掛住佢
又同佢講我後日無飯食阿因為xxxx呀
其實我都係想同佢食下野 見下咁
不過佢都係叫我食自己個D
我都唔係第一次講呢D野 10次有3 4次佢會同我食
回覆
+ Favorite

舉報

註冊日期: 2017-5-12

 樓主| 發表於 2017-5-12 03:53 來自手機 | 顯示全部樓層
本帖最後由 yacoo1 於 2017-5-12 04:02 編輯

然後結果當然無去到
可能你話send一次會當玩
但係我比左佢睇3 4次 我仲同佢話你想食我可以同你去食(當住佢面講的)
佢都係當我同佢玩
我都係想爭取下相處既時間姐..

我地一齊左咁耐 拍拖除左睇戲 食譚仔行下D舖頭入去玩下(例如玩具反斗城)個D之外 咩 都 無 做 過
我係一個好中意周圍影相既人
好多地方都好想同佢去 一齊影相
無奈地我地無做過
我仲save左好多有靚景 有好野玩個D posts 好想好想同佢去 有個回憶 拍下拖
但係唔係我唔想開口 只係放題個件事搞到我唔敢開口
我連搵到佢中意食既野既地方佢都唔想去 咁我仲可以點?
唔通成世電腦見 facetime 得閒上佢屋企訓 食野睇戲?
平淡唔係唔好 只係我覺得偶爾玩下 刺激下 有個特別小小既拍拖日在 有個回憶都好..

到底我應該安於現狀定係點
撞過一次板 我好驚佢又拒絕我個種失望
但係我又真係好唔開心 好似我愛佢多過當初佢愛我咁 節目個D佢一次都無諗過 好似我對佢上心既程度多佢好多咁
但係見面個陣我又知佢真係好好好愛我 又好錫我 只不過一唔見 我就覺得佢好似對我無咁上心
我唔要求佢比D咩驚喜我 我只係想同佢有一D特別既回憶
我而家連同佢行玩具反斗城個類 都覺得係好難得好特別

註冊日期: 2015-11-16

發表於 2017-5-12 05:48 來自手機 | 顯示全部樓層
你肯定佢仲愛你?就咁睇似開左宅男mode..你地開始有條溝,準備隨時搵下個啦

註冊日期: 2016-6-10

發表於 2017-5-12 07:15 | 顯示全部樓層
你同佢講"不如我地去XX行吓" 或"我想去XX影吓相" 時佢點反應?

註冊日期: 2017-3-31

發表於 2017-5-12 08:45 來自手機 | 顯示全部樓層
唉呀!你不如直接將而段說話比佢睇,一係你就兜口兜面講你有咩不滿,一定要直接,愈仔細愈好,唔好暗示,啲男人唔識咩叫暗示!

註冊日期: 2017-5-9

發表於 2017-5-12 09:20 | 顯示全部樓層
利申 我係男
可以同你講 佢係得到你之後就無再咁著緊你
之後只係會繼續咁樣落去 直到佢突然轉死性
又或許你離開佢 佢先會成長

註冊日期: 2016-7-12

發表於 2017-5-12 09:35 | 顯示全部樓層
會唔會係$的問題?出街樣樣都係錢,男朋友仲可能要請埋你,咁咪唔想出囉。

註冊日期: 2015-12-12

發表於 2017-5-12 09:39 | 顯示全部樓層
害羞小女孩 發表於 2017-5-12 08:46
你同佢講"不如我地去XX行吓" 或"我想去XX影吓相" 時佢點反應?

同意,唔好暗示,由其是一d感情或者重要既事。
感情上男人都好「士兵」,即係你咁講,我咁做。就算係你老母,都冇可能完全明白你,更何況係第二種思考模式既動物。
有咩直接講啦,就算佢聽得明都要時間消化啦,再者到佢答你果時,你又要再問清佢既解釋係咩思意同即係點,最後先到你諗要點做,有排玩呀。

註冊日期: 2017-3-29

發表於 2017-5-12 09:49 來自手機 | 顯示全部樓層
是的,要直接、坦白講出你想法、感受。如他仍是老樣,你就要想想他是否值得你繼續喜歡,因你還很青春,大把機會。

註冊日期: 2017-3-15

發表於 2017-5-12 10:25 來自手機 | 顯示全部樓層
首先知道自己最想點,睇到你有矛盾,明明好痴身又話明白又話接受。其實就係唔係好接受先會打咁大篇,想就想,唔駛就唔駛,冇得兩樣都做到咖,諗清楚先直接同佢講,唔係佢都係唔知你想點咖!仲要呢個年紀加初戀,真係唔會咁有耐性估你諗乜咖!

註冊日期: 2016-1-26

發表於 2017-5-12 10:51 | 顯示全部樓層
有咩唔滿意就直接講。 佢似係已經接受咗同習慣咗咁嘅相處模式。 兩個人拍拖想見多幾面都正常, 唔駛怕佢話你痴身。

其實平時佢有咩做? 你話考試都考晒, 唔係應該好多多餘時間嘅咩? 講真, 果陣時我拍拖一有 free period, 考完試就成日出街,  keep 住日日見面。

註冊日期: 2017-5-12

 樓主| 發表於 2017-5-12 11:12 來自手機 | 顯示全部樓層
BlueJJJ 發表於 2017-5-12 05:48
你肯定佢仲愛你?就咁睇似開左宅男mode..你地開始有條溝,準備隨時搵下個啦 ...

我就係唔想散

註冊日期: 2017-5-12

 樓主| 發表於 2017-5-12 11:14 來自手機 | 顯示全部樓層
tsoi_x2 發表於 2017-5-12 07:15
你同佢講"不如我地去XX行吓" 或"我想去XX影吓相" 時佢點反應?

其實自從個陣講到佢想食可以同佢食佢都係咁 我就無再咁問

註冊日期: 2016-4-19

發表於 2017-5-12 11:16 | 顯示全部樓層

sis 放鬆少少

我pm咗你: )

註冊日期: 2017-5-12

 樓主| 發表於 2017-5-12 11:16 來自手機 | 顯示全部樓層
YYYYU 發表於 2017-5-12 09:35
會唔會係$的問題?出街樣樣都係錢,男朋友仲可能要請埋你,咁咪唔想出囉。 ...

呢個機會好細
因為我地係一人一半咁比 或者可能我得100蚊紙 我就比100蚊佢比下散紙
好間唔中先請下我 我都唔捨得花佢咁多錢

註冊日期: 2017-5-12

 樓主| 發表於 2017-5-12 11:17 來自手機 | 顯示全部樓層
cabee 發表於 2017-5-12 10:25
首先知道自己最想點,睇到你有矛盾,明明好痴身又話明白又話接受。其實就係唔係好接受先會打咁大篇,想就想 ...

其實都係

註冊日期: 2017-3-8

發表於 2017-5-12 12:23 | 顯示全部樓層
有d男仔唔多鍾意成日whatsapp。
會唔會係你太痴身所以佢想要多d空間。
直接同佢講你想佢點做。

註冊日期: 2016-6-10

發表於 2017-5-12 12:25 | 顯示全部樓層
yacoo1 發表於 2017-5-12 11:14
其實自從個陣講到佢想食可以同佢食佢都係咁 我就無再咁問

再試下啦! 同埋真係,你想做咩去邊要直接同佢講, 唔好assume 佢會get到你既暗示 (個人經驗, 同男友行左5年...)
您需要登錄後才可以回帖 登錄 | 註冊

News
Feature
Blog
Load more
 
NOTIFICATION