{ FORUM - BEAUTY }
Search
Title / Tags Author

查看: 7025|回覆: 51

[多圖] 超長篇 Invisalign 隱適美 透明牙箍 真心分享/你問.....

[複製鏈接]

註冊日期: 2017-5-16

發表於 2017-6-23 15:05 | 顯示全部樓層 |閱讀模式
本帖最後由 Invisalign箍牙分享 於 2017-8-24 17:09 編輯

呢個acc係特別為分享我箍牙經驗而特別開…

因為疊牙同爆牙既關係,我笑起上黎右邊d牙好似有個窿咁好樣衰,所以咁多年黎我笑都係多數合埋咀笑,如果要露齒笑影相從來只影左邊面。因為怕痛、怕樣衰、怕麻煩種種原因一拖再拖... 箍牙與否一直困擾我多年,consultation都做過3-4次,終於上年下定決心搵左個有信心既醫生做左Invisalign透明牙箍!

我真係好後悔... 後悔點解隱形牙箍有左咁多年我都唔一早去做!細個屋企比錢都唔肯箍,大個出黎賺錢搵錢辛苦都要箍。正所謂有仔趁嫩生.. 有牙趁早箍!以過來人身份奉勤想箍牙既版友.. 早箍早享受。

本身牙齒問題:爆牙、疊牙、唔齊、中線唔對
牙箍總數:44個箍+16個箍(refinementstage中)
箍牙年資:17個月,現refinementstage第10個箍
箍牙費用:$38,000包埋固定器,做分期

有關醫生:
Dr Nicholas Txxxx,私人執業唔係集團式入面個d…九龍港島有3間私人診所,佢星期一至星期日都開工。醫生唔係一講個名就識個d,但做invisalign非常有經驗,係BlackDiamond黑鑽級。醫生非常細心,講解所有野都好詳細(有少少長氣),有問必答,就算出面有客等緊,都唔會話chur你時間趕住睇下一個症。咁耐以黎覆診,差不多十次有八次黎都會見到鬼佬客,有次仲見到明星。

箍牙分享:
我個case唔洗剝牙$38,000,可以分期之後每次覆診比$1000,佢收信用卡…岩晒我呢d鍾意碌卡儲分換機票既c9仔。決定做之後既第一個appointment係比醫生影箍牙前既相、照x-ray同埋印牙模。第二次appointment係大概3個星期之後,呢次係睇clincheck,即係invisalign條3D模擬片,睇下d牙會係點樣箍、箍完會點既樣。我個醫生為我做左2條clincheck片,一個係剝牙,一個係唔剝牙。咁當然我自己最後係揀左唔剝牙啦。
第三次appointment係再隔左2星期左右就上箍啦!!因為我唔洗剝牙,但都要有返少少位比牙移動,所以醫生先幫我磨左少少牙罅,然後再係牙既上面加粒粒即attachments,d粒粒係用黎固定個牙箍,咁個箍先夠力去移動d牙。
上左箍之後每3-4星期就覆診一次,醫生會睇下我d牙郁成點,跟唔跟得上進度(其實係睇你帶唔帶得足時間),之後就會比幾個新箍我。我個醫生覆診既等候時間唔算太耐,就算要等最多都係10-15分鐘。
箍到臨尾40幾個箍既時候,其實我已經覺得好好,比起原本靚左勁多!不過醫生真係好細心…話覺得唔夠完美,仲同我講refinement stage可以點樣再執靚d。我原本個44個箍已經箍晒,依家refinementstage箍緊第10個。
仲有樣野好值得講講既係…我個醫生真係好快!因為我之前見人分享過印完模後隔成4個月仲未有得上箍,我由印模到上箍只係6星期!聽聞呢樣野都同醫生勤唔勤力有關…

有關牙箍:
Invisalign牙箍每日要帶22小時,好講自律性,如果帶唔夠鐘數牙齒可能移動得未如理上,搵箍時下個箍未必帶到,或者就算帶到都好痛!到晚上我用會RetainerBrite浸箍(非常方便)。有d箍帶7-10日,有d箍帶2星期,視乎醫生叫你點帶。醫生叫你點帶就點帶,千其唔好貪快自己帶唔足鐘就換箍,因為牙腳唔可以移動得太快。另外上箍時醫生會比1-2粒chewy你,每次帶箍都要咬,係用黎幫你咬返實個箍。
其實食野都可以帶住食…不過最好唔好啦(亦因為咁,箍牙期間食少左零食,係真係會fit左,因為成日都要除箍先食會覺得好煩,然後就索性唔食)。
另外要留意返,如果食強勁色素既野,例如咖喱乜乜,羅宋湯呀呢d…一定要除箍先食,如果唔係d色一定會食晒落個箍度。我試過食完刷完牙後先帶返個箍,大牙個d位都會有色食落去。所以我會建議換箍前一兩日先好食。
我下排牙帶到26個箍其實已經修正左牙齒唔齊既問題,不過因為上排要帶44個箍,下排一樣都要帶44個,不過27-44個箍係無分別。
另外要留意既係,即使換箍…上一套箍都一定要keep,以防唔見左都可以帶返上一套箍。我自己就所有箍都仲有keep住要黎留念haha。Touchwood暫時我一個箍都未試過唔見過,不過醫生會包2套箍既replacement,第3套就要自費幾千蚊喇!

有關牙齒/牙箍清潔方面:
由於磨左牙罅既關係,牙罅唔密又唔疏咁,好易攝住d野食。所以我每次食完野,都一定要用牙線棒撩牙。而牙線棒我十級推介3M個隻!因為佢係特別幼,平時正常萬寧/屈臣買到個d條線太粗啦,要用力攝落條牙罅度,有時一就唔到個力就一野界左落牙肉度!
基本上我依家無左3M牙線棒生存唔到.. 點解用牙線棒唔直接用牙簽?因為牙簽好易撩疏d牙。而牙線棒有一面係牙簽,但佢係特別扁同細,就算篤到好入都唔會點整到d牙肉。我會先用牙簽個面係咁二篤走大粒既食物碎,再用牙線個一面。咁就會好乾淨!3M幼滑牙線棒我自己在台灣買╱搵代購,永安呢d大型departmentstore都會有得賣,但無一大盒經濟裝,只有獨立包裝),最近發現港視個mall都有大盒經濟裝賣。
至於牙箍清潔方面,我上面都有提過我係用Retainer Brite每晚浸箍。除箍後我會係咁二用水喉水沖沖個箍之後就放入清潔盒中,然後加水到蓋過左個箍多d,再將RetainerBrite放入去浸10-15分鐘,之後攞起個箍係咁二用牙刷刷下表面同d罅位就可以。清潔盒我見過有$12蚊店有得賣,我自己個個係上網買的。而RetainerBrite係我個牙醫賣比我,我之後亦有幫襯過網店/ig shop買。
如果唔用Retainer Brite,可以每晚用牙膏刷下個箍,但我個人就覺得咁樣好麻煩,同埋覺得無咁亁淨。而且牙膏其實係會破壞個箍既表面,可能會造成好微細、肉眼睇唔到既scratch,而呢dscratch就好易藏細菌。牙箍就話7-14日換一個箍,但如果係retainer既話隨時一個帶幾年…
Invisalign箍牙痛唔痛:
我覺得唔算痛,只係頭兩日換箍d牙會酸,有可能無乜力食煙銀既野,例如牛扒。但第3日就會適應。我覺得呢種「痛」比起傳統箍牙既痛應該唔算得上係乜。身邊都有朋友箍過傳統,見佢地成日刮損咀/生痱滋真係辛苦。我自己箍牙期間係一粒痱滋都未生過,有時佢會突然有d箍做得無咁好,遇到咁既情況,只要用挫指甲個d挫挫返滑佢就ok。

箍牙比較:
其實咁多年黎我自己都consult過好多醫生,普通同專科都有。2012年中環一個專科亦曾經同我講過話覺得我做唔到Invisalign建議我做德國個隻內箍,仲要剝6隻定唔知8隻牙!唔知是否當時呢種技術唔係度度都有得做,當時佢報價15萬幾!之後我係有諗過箍傳統亦做過consultation,佢話我起碼都要箍3年以上…要做鋼牙妹最少3年!?!?我真係唔制…
然後我又做過Invisalign既consult,比較過唔同箍法,醫生話原來傳統箍牙唔會比Invisalign快好多,只係差少少但舒服好多又靚好。而清潔方面傳統箍牙個種粒粒一定都會易d藏細菌同較難清潔。唔少箍過傳統箍牙既人,箍完拆左箍都比人睇得出佢箍過傳統,就係因為拆左箍之後d污漬漬得太耐洗/刷唔甩。亦有人棚牙箍靚左箍齊左,但因為清潔做得唔好,導致牙周病/蛀晒牙我都聽過。
論美觀度,一定係Invisalign贏啦。我初初箍牙個陣,好多時唔到我食野除箍,朋友家人都唔知我箍緊牙。

有關揀醫生/Consultation:
我覺得箍牙黎講其實揀醫生都幾重要,雖然話Invisalign都係用佢個技術同係成批模印晒出黎,定時換箍就ok…但因為個醫生會直影響你成個treatment plan同箍牙進度,所以我覺得都唔係話是但搵一個醫生就ok。而且我感覺盡量唔好搵係人地診所掛單/集團式個d醫生,因為個d醫生可能都係請返黎,打份工隨時話唔做就唔做,咁到時你個case點算好呢?應該會跟個醫生走定係轉個醫生比你呢?就算要搵都要搵返個主診醫生,話晒係自己生意點都會著緊d。呢個係我個人認為咋,如果有錯請指出。
我會睇醫生既經驗同埋consult時對醫生對環境既個人感覺,我覺得醫生細心係好重要。反而唔會太介意地點問題,因為始終上左箍後一個月都係覆診一次姐。個人黎講都唔鍾意揀d特別出名既醫生,因為個d比我感覺好似係重量不重質,會chur時間同埋態度未必好好…當然亦見過有唔少負評我先咁講。有見過網友講某好出名醫生,比左錢印模成半年先有得上箍;又見過有人話某醫生收得好平,但講明唔會幫佢箍到齊晒;有網友又話冒名而搵某醫生箍,點知結果係是但配個醫生跟佢case好少見到個個醫生;亦見過有網友話箍完咬合有問題但醫生又唔肯跟返等等。
做consultation,專科一般都一定收錢,我之前做過個間收左大概$2000左右(實數唔記得),但佢會幫你照晒xray影晒相又照埋你頭骨咁。普通科既話有d就會收診金幾百,有d有人做referee會免費,有d係咪都免費。最緊係要做之前問清楚。

講住咁多先!仲有d咩有關箍牙既都可以問我:)
醫生我唔開全名喇,廢事比人話賣廣告!有興趣可自行google睇下搵唔搵到啦。
Dr Nicholas Txxxx 本身做consultation醫生會收診金數百元,但有人就介紹可享免費檢查。

IMG_9569.JPG
IMG_0077.JPG
回覆
+ Favorite

舉報

註冊日期: 2017-6-25

發表於 2017-6-25 11:22 來自手機 | 顯示全部樓層
pm pls

註冊日期: 2017-5-16

 樓主| 發表於 2017-6-26 19:08 | 顯示全部樓層
已pm:)

註冊日期: 2017-5-16

 樓主| 發表於 2017-6-26 19:11 | 顯示全部樓層
原來之前upload的圖睇唔到

註冊日期: 2017-5-16

 樓主| 發表於 2017-6-27 14:33 | 顯示全部樓層
已更新,應該睇到圖片

註冊日期: 2017-5-16

 樓主| 發表於 2017-6-29 11:35 | 顯示全部樓層

註冊日期: 2017-5-16

 樓主| 發表於 2017-7-3 18:54 | 顯示全部樓層

註冊日期: 2017-5-16

 樓主| 發表於 2017-7-5 19:14 | 顯示全部樓層

註冊日期: 2017-5-16

 樓主| 發表於 2017-7-6 15:00 | 顯示全部樓層
已更新

註冊日期: 2015-8-16

發表於 2017-7-6 15:46 | 顯示全部樓層
pm pls

註冊日期: 2017-5-16

 樓主| 發表於 2017-7-8 12:46 | 顯示全部樓層
Msg左資料比你:)

註冊日期: 2017-6-25

發表於 2017-7-8 23:28 來自手機 | 顯示全部樓層
想問cool緊係咪會食少左野(eg.零食)?
同埋我哨牙,如果cool啲牙收返入去,牙肉感覺咪出左(笑時露多左牙肉),係咪?
加上我瘦底,面型已瘦,cool完怕更加凹
我知如果決定cool..就有機會mok牙(我果case),同埋cool完要帶固定器,仲要有一段日子,所以真係要諗清楚,決定左返唔到轉頭
ps. 同意選擇適合牙醫的重要性
樓主可pm牙醫資料比我嗎?

註冊日期: 2017-5-16

 樓主| 發表於 2017-7-9 03:19 | 顯示全部樓層
箍牙係咪一定會食少左野我覺得又唔一定係絕對,但對於我呢d懶人黎講就真係寧願食少d零食

哨牙箍完唔會露多左牙肉

我自己食少左零食,但箍前箍後分別不大

剝唔剝牙係睇下你口腔夠唔夠位,如果夠位係唔洗剝(我無剝)

固定器係一定要帶的,基本上箍牙既保養係一世,無心理準備去做就不如唔好晒錢箍(不過就算走左位都唔會衰到未箍咁既)。

其實我自己本身都箍緊透明,每日都帶緊20-22個鐘。固定器頭一年又係要全天候帶住,其實根本分別不大,已經帶慣左.... 之後就可以夜晚先帶

註冊日期: 2017-5-16

 樓主| 發表於 2017-7-9 03:21 | 顯示全部樓層
mangogosmile 發表於 2017-7-8 11:28
Msg左資料比你:)

箍牙係咪一定會食少左野我覺得又唔一定係絕對,但對於我呢d懶人黎講就真係寧願食少d零食

哨牙箍完唔會露多左牙肉

我自己食少左零食,但箍前箍後分別不大

剝唔剝牙係睇下你口腔夠唔夠位,如果夠位係唔洗剝(我無剝)

固定器係一定要帶的,基本上箍牙既保養係一世,無心理準備去做就不如唔好晒錢箍(不過就算走左位都唔會衰到未箍咁既)。

其實我自己本身都箍緊透明,每日都帶緊20-22個鐘。固定器頭一年又係要全天候帶住,其實根本分別不大,已經帶慣左.... 之後就可以夜晚先帶

註冊日期: 2017-7-10

發表於 2017-7-10 18:12 | 顯示全部樓層
hi thankyou for sharing would u mind to refer me for consultation? thankyou!!

註冊日期: 2017-7-12

發表於 2017-7-12 11:16 來自手機 | 顯示全部樓層
Pls pm!!

註冊日期: 2017-5-16

 樓主| 發表於 2017-7-13 18:49 | 顯示全部樓層
send左資料:)

註冊日期: 2017-5-16

 樓主| 發表於 2017-7-20 01:50 | 顯示全部樓層
PUSH

註冊日期: 2017-5-16

 樓主| 發表於 2017-7-24 00:45 | 顯示全部樓層
PUSH

註冊日期: 2017-8-10

發表於 2017-8-10 18:42 | 顯示全部樓層
Pls pm
您需要登錄後才可以回帖 登錄 | 註冊

News
Feature
Blog
Load more
 
NOTIFICATION