{ FORUM - LOVE }
Search
Title / Tags Author

查看: 4017|回覆: 30

我應要走還是留?

[複製鏈接]

註冊日期: 2016-1-26

發表於 2017-7-27 01:15 | 顯示全部樓層 |閱讀模式
No Facebook thank ,同男友就兩年,我地一齊左無耐就同居,頭個一年半同普通情侶一樣會有嘈交等等問題而分手,但我地都一齊番,近依半年,佢轉左工,開頭好正常的,但後來,佢公司講左個新人,我稱佢為b,甘b係台灣女仔來的,b都係台灣有一個5-6年既男友,但b選擇左黎香港做嘢,進行long d,而b佢把聲好甜樣都係高上。
好拉,甘由b一黎到我男朋友公司做嘢,我男朋友開始對我有秘密,佢地會whatsapp傾計傾到0神2 3點,初初我也冇為意的,但後來佢地真係傾得好密,我終於忍唔住偷睇佢電話。。
一睇就想死,發現佢地對話好曖昧,我心好痛,個選擇左沉默。。
到第二次,b無拉拉打電話叫我男朋友起身番工。。個電話嘈醒左我,所以我見到係b打黎,我當場喊住問我男朋友點解佢會打比你,而男朋友都係求其比個理由我。。跟手個日b又再次打黎,今次我真係發脾氣,而男朋友話今次係佢叫b打的,因為佢唔知醒番工。。
後來因為佢地甘既關係令我真係好痛苦,我有d似係掛名女朋友。。我就同男朋友講,我好唔中意你地甘既關係,可唔可以為左我唔好再搵b?個答案真係令我好心淡。。佢話唔會,絕對冇可能!個晚嘈到我就黎想自殺,當然嘈到分手,由分手個一刻,我真係唔知自己可以去邊。。我覺得好無助,自己有屋企我唔敢番去。。
後來,因為我既死狗,我求佢同番我一齊,好冇尊嚴甘求,我地都一齊番,但問題從未解決過。。我開始覺得我好冇自信,我番工都冇心機,日日以淚洗面,從未有感覺到開心,但我一直沉默,我希望有日佢會發現身邊有一個甘傻既女仔等佢。。
有一日我同佢講,我真係頂唔順,我話依2個月我都冇一日係過個開心,個種心情真係好影響我,我從來冇求過你比咩我,我只想安穩姐,甘既要求好過份咩?而佢就開始發脾氣,話我好撚煩唔信佢,跟住我都開始燥燥地,我話 : 當初你有病入醫院邊撚個救你?邊撚個日日冒住冇工番既風險去醫院探你餵你食飯?由你病左到依家我有冇離開過你?你話唔打算結婚點解我仲留係到?我為乜嘢你自己唔知咩,你有無良心架。。。跟住佢都一齊喊,由佢喊開始,我知道其實佢心入面仲有我(一齊甘耐我只係見佢為天上既爸爸喊)佢都應承我會同b保持距離。

待續.....
回覆
+ Favorite

舉報

註冊日期: 2016-1-26

 樓主| 發表於 2017-7-27 01:24 | 顯示全部樓層
我以為佢肯改既時間,b就whatsapp我男朋友,send埋d睡衣 事業線自拍比我男朋友,我都扮唔知拉,甘之後有一日我唔小心整到隻眼(眼球流血個隻),我男朋友好緊張我問我有冇事甘拉,我好傻,我以為自己好幸福。
到第二日早上,我唔知點解心血來潮又偷睇佢電話,我見到既佢竟然係我整親眼個晚約b兩個人番大6過夜。。。

註冊日期: 2017-2-11

發表於 2017-7-27 02:41 來自手機 | 顯示全部樓層
你都有答案啦。遲早架姐。就算唔係b, 仲會有cdefghi.....

註冊日期: 2016-1-22

發表於 2017-7-27 07:39 | 顯示全部樓層
走 仲要咩都唔講走 只要俾佢知你已經知道哂
如果有任何錢銀瓜葛搵朋友/律師幫手

註冊日期: 2017-7-2

發表於 2017-7-27 08:01 | 顯示全部樓層
分手吧...機會已經比過了 趁自己仲有些少尊嚴時離開吧 男朋友未玩夠..

註冊日期: 2017-7-27

發表於 2017-7-27 08:06 來自手機 | 顯示全部樓層
要愛自己!走啦!我唔識你都心痛你,更何況係你家人朋友?
俾個機會一個值得你既人!

註冊日期: 2017-4-10

發表於 2017-7-27 08:40 | 顯示全部樓層
其實樓主你都有講一句:佢無打算結婚,但你仲留低為乜?我好想得罪講句:因為你蠢!其實你要明白一個道理,沒有不想結婚的男人,只有不想跟你結婚的男人,你之前為佢做咗咁多嘢,佢都完全無想娶你回家嘅衝動,而佢嘅所作所為,更加唔係一個愛你同重視嘅男人會做嘅嘢,你咁樣唔放手落去,痛苦係自己,呢個世界無浪子回頭呢樣嘢的,你哋嘅感情已經去到一個可有可無地步,佢未講分手,只係覺得講唔講都已經無乜所謂嗰隻,男人都好識做戲,你咪以為佢流兩滴馬尿同緊張關心慰問你係愛你嘅行為,佢對身邊任何一個人都可以咁做,更何況你流血流到叭叭聲佢都唔慰問一句的話,對個普通同事來講都講唔通,不過你要繼續留低無話對錯,你自己開心就得,但其實你自己都想象到將來係點,否則你唔會開聲問人

註冊日期: 2017-1-31

發表於 2017-7-27 08:59 | 顯示全部樓層
放手啦,一齊都只係佢個人而唔係佢個心。

註冊日期: 2015-8-22

發表於 2017-7-27 10:08 | 顯示全部樓層
有時一齊太奈愛情變左感情
覺得你係佢身邊係理所當然
試下以退為進
不過你要做最壞結果打算
佢會真係走左

註冊日期: 2016-6-10

發表於 2017-7-27 10:26 | 顯示全部樓層
有捨先有得, 你既人生唔係為佢而轉, 你仲有屋企人, 朋友, 事業等等. 愛自己多啲, 對自己好啲.

註冊日期: 2015-6-5

發表於 2017-7-27 10:30 | 顯示全部樓層
其實你根本無得選擇,你想留都會被分手

註冊日期: 2017-3-9

發表於 2017-7-27 10:53 | 顯示全部樓層
佢唔珍惜你,放棄啦!!機會唔係冇比過,,何必要自己咁委屈,,你條底線係邊啊??有時候唔肯放手唔係因為愛,可能只係唔甘心,唔甘心自己做左咁多野,到頭來佢咁樣對自己,(係你自己對佢咁好,你覺得自己做得好多,好為佢,但佢冇要求你咁做架),冇謂因為唔甘心而KEEP住比佢傷害,只會令自己更痛苦,唔好咁傻以為會等到,比少少甜頭你就以為好幸福,唔好咁天真,講到尾一句,佢愛自己咋

註冊日期: 2016-1-26

 樓主| 發表於 2017-7-27 10:58 | 顯示全部樓層
你地其實講得岩,根本一切我都明白,但自己就不自覺地幫佢諗好多借口,自己呃自己。。

註冊日期: 2016-3-28

發表於 2017-7-27 11:31 | 顯示全部樓層
留?乜您覺得有人需要您留咩?您係個女仔黎,連尊嚴都輸埋,我係您就狠心啲,分手,自己好好裝備,扮靚啲,男人會後悔嫁

註冊日期: 2016-5-25

發表於 2017-7-27 11:42 | 顯示全部樓層
呢啲咁既男人 仲留係身邊做咩?sis自己要愛自己!

註冊日期: 2017-6-6

發表於 2017-7-27 11:48 來自手機 | 顯示全部樓層
無謂再自欺欺人,其實你喺知道自己應該走或留,長痛不如短痛

註冊日期: 2017-7-27

發表於 2017-7-27 11:57 | 顯示全部樓層
咁點解唔分開

註冊日期: 2017-6-10

發表於 2017-7-27 12:20 來自手機 | 顯示全部樓層
樓主,下定決心分手啦,佢仲愛你就吾會做出個種事黎對你,只係你講出黎個下佢或者有少少覺得對你吾住既感覺咪喊囉。咩都吾講自己走不失為一個好方法。另外,個台灣女仔都好有問題,知道人地有女朋友,自己都有男友都可以咁樣send呢d相,毫不顧忌打比你男友,正一死姣婆!個女仔係咪吾知其實你男友同你同居?所以先咁不顧忌?

註冊日期: 2016-1-26

 樓主| 發表於 2017-7-27 13:32 | 顯示全部樓層

佢全公司都知有我存在同同居,但個台妹真係好有問題,又對我男朋友撒嬌。。。。。

註冊日期: 2017-4-20

發表於 2017-7-27 15:13 | 顯示全部樓層
你男友個心已經去晒個台妹度啦......
您需要登錄後才可以回帖 登錄 | 註冊

News
Feature
Blog
Load more
 
NOTIFICATION