{ FORUM - LOVE }
Search
Title / Tags Author

查看: 30047|回覆: 42

真係唔識處理 應該點行落去?

[複製鏈接]

註冊日期: 2017-9-8

發表於 2017-9-8 22:08 來自手機 | 顯示全部樓層 |閱讀模式
大家好 新會員加入 同大家打個招呼先:)
我今年27歲,同而家個男朋友一齊左4年,但啲問題愈黎愈浮面。
首先,我自己啲脾氣都一般般,但我身邊由細玩到大既朋友都話我同左呢個男人一齊後,變左另一個人咁 好易相處Eq高左好多...
因為我實在好驚我男朋友,
佢以前係一個有輕微燥鬱症既人(果時有食藥),咁一齊初期都無乜野,
但我地試過因爲啲好小既事,佢同我去旅行時,普通吵左幾句就掉左我係條街、我地試過返大陸玩,食完晚飯 又係我講左一句野唔合佢心意,又即刻掉低我係街,呢啲情況,四年黎 一共試左4次,每次我都係死狗咁求佢唔好拋低我係條街... 以前有一次又係因為佢玻璃心,我講左一句好小既野,佢發哂癲係條街講哂粗口大聲鬧我,我勸佢唔好咁,話身邊啲路人都望住啦.. 佢都控制唔到情緒 要繼續大聲務求全世界都知佢用粗口鬧緊我,問候緊我母親。
但.. 我地都係繼續咁樣走左4年。佢唔發脾氣時,的確係好錫我,管接管送、所有野都叫做好自動自覺,亦唔係會亂勾三搭四既人。
但係因為佢由細到大都係用粗口對屋企人,佢而家亦係一個老闆仔  所以一開口就係對人粗聲粗氣。
最近 我辭左工,一開始佢都好鼓勵我 叫我要休息下,叫我唔需要擔心錢,佢會俾我。而我無做野都半年.. 只係實質問佢拎過$6000。 其他既 我全部都係用自己儲蓄去應付開支。但發覺佢已經好介意,俾錢我時,或者去餐廳食飯時,已經有意係意話我用得佢多錢,黑口黑面,好多面色,所以我都唔敢再有咩要求。(以前佢未做老闆前,我都係AA制 同佢捱過)
呢幾日 佢好似走火入魔咁,我講任何野,佢都話我煩,話我影響佢.. 佢已經試過幾次同我講分手,但最後佢又自己求番我一齊。
以前,佢都會先問我意見,再覆班朋友去唔去玩;但而家,全部都係先斬後奏,我介意就係我唔體諒佢,話我搵交嗌.. 。
有一晚我喊,因為好抑鬱,佢一開始無理我,但之後都有問我點解喊,我擰擰頭話無事,點知佢下一句:「你喊就喊,我做野好辛苦架!唔該你唔好係我面前喊!」我問我係咪唔可以有情緒,佢話 我可以有情緒,但唔可以係佢面前喊出黎,因為會令佢好心煩.. 果一刻我心都碎埋。我都唔細,我真係想知道.. 我應該點做好...
回覆
+ Favorite

舉報

註冊日期: 2017-3-16

發表於 2017-9-8 22:17 | 顯示全部樓層
我會勸你分手,雖然理解佢有病係會好難控制情緒,但佢情緒咁失控其實對你而言係好危險。你原諒或者自癒得幾多次?其實佢已經變左,你捉住佢以前幾好幾好咁尼講係冇用架,因為佢已經唔係以前嗰個人。好多男人講就叻,做就係另一回事,會有怨言。早走早著啦。

註冊日期: 2015-4-9

發表於 2017-9-8 22:23 | 顯示全部樓層
後面留言的
睇怕十個都會有九個半叫你閃人

車車都只係果班大多數其中一個,你最後都係要閃人
臨閃之前會徹底打擊對家自尊一次

呢種人係需要教訓
唔係令佢醒(你都閃人,佢醒唔醒關你鬼事咩??),而係要將你受的傷害還返俾佢

註冊日期: 2017-9-8

 樓主| 發表於 2017-9-8 22:50 | 顯示全部樓層
成日好怕自己再搵唔到一個咁專一既人(佢條件幾好,除左脾氣)。但佢而家發脾氣發到.. 我真係心都淡,反正我鬧我喊我唔開心,對佢黎講 都係煩。有時好擔心將來如果有小朋友,懷孕期果種情緒不安,會唔會俾佢激到小產... 成日都好擔心呢個畫面...

註冊日期: 2017-5-1

發表於 2017-9-8 23:56 | 顯示全部樓層
其實好多男人都會嫌棄女人煩
男人有情緒病 女人體諒係天經地義
女人有情緒病 男人一係就視而不見 一係就罵返你轉頭

男人有時本身係有好多野煩 唔會流露出來
有時見你又喊又抱怨 會令佢地煩上加煩 就罵返你
但其實個男人唔係唔鍾意你既
只不過佢唔識發洩同表達....

最好大家揾日坐定定傾掂去...

註冊日期: 2010-1-16

發表於 2017-9-9 00:41 來自手機 | 顯示全部樓層
JSJSJSSS 發表於 2017-9-8 22:50
成日好怕自己再搵唔到一個咁專一既人(佢條件幾好,除左脾氣)。但佢而家發脾氣發到.. 我真係心都淡,反正我鬧我喊我唔開心,對佢黎講 都係煩。有時好擔心將來如果有小朋友,懷孕期果種情緒不安,會唔會俾佢激到小產... 成日都好擔心呢個畫面...

今時今日條件好既大把啦,唔就自己當你狗咁呼呼喝喝你都忍佢?你無做野半年佢已經當養起你全家以為自己大爺咁,第時你身體有咩事做唔到野佢一定當你工人咁洗。

註冊日期: 2010-1-16

發表於 2017-9-9 00:42 來自手機 | 顯示全部樓層
EQ低既人最唔值得做家人,點對一世? 忍得一時唔忍得一世

註冊日期: 2015-11-16

發表於 2017-9-9 00:46 來自手機 | 顯示全部樓層
即係咁,佢連幾千蚊都比唔起,唔肯洗錢係你度既,問候佢老母個老母啦,憑咩要同你一齊?

註冊日期: 2016-10-3

發表於 2017-9-9 09:13 | 顯示全部樓層
遲下搞到連你都有情緒病
不過多得佢,你會發現下一個更好

註冊日期: 2017-4-17

發表於 2017-9-9 09:26 | 顯示全部樓層
首先,你講到佢身家唔差,結果咪一樣洗得果$6000蚊係你身上,都總要再黑面,何來對你好呢?
你話佢一個月俾萬幾二萬你洗就話姐,你總要受佢啲脾氣,多多錢都唔夠睇醫生啦

註冊日期: 2017-6-11

發表於 2017-9-9 10:41 來自手機 | 顯示全部樓層
1,揾番份工做 &
2,  早走早著

註冊日期: 2017-8-15

發表於 2017-9-9 11:15 來自手機 | 顯示全部樓層
病又唔係大晒嘅,明知自己病就更需去正視及控制。如果佢愛你,應該會去努力控制自己唔傷害你。
但睇樓主咁講,似你愛佢多啲,令佢變本加厲,你嘅容忍退讓,令佢學唔識去珍惜你。
一個唔識尊重你及你家人嘅男人,真係要做到咁卑微嗎?27歲還有大把青春。

註冊日期: 2016-2-27

發表於 2017-9-9 11:18 來自手機 | 顯示全部樓層
前半段果d對你發脾氣都似係情緒病影響,但係後半段果d唔再交代行蹤同埋有意冷落,似乎係有其他問題多d wo

註冊日期: 2015-3-16

發表於 2017-9-9 11:50 來自手機 | 顯示全部樓層
其實你係驚年幾大搵唔到下一個並唔係因為對你好,好就唔會上黎問啦

註冊日期: 2009之前

發表於 2017-9-9 12:02 | 顯示全部樓層
JSJSJSSS 發表於 2017-9-8 22:50
成日好怕自己再搵唔到一個咁專一既人(佢條件幾好,除左脾氣)。但佢而家發脾氣發到.. 我真係心都淡,反正 ...

請問佢點條件好呀?

註冊日期: 2016-7-4

發表於 2017-9-9 12:19 | 顯示全部樓層
其實一時三刻話要放手並唔係咁易,或者試下搵返工出黎做返野財政獨立返先,再睇下係咪感覺都係咁辛苦都係行唔到落去再決定吧啦。

註冊日期: 2017-4-10

發表於 2017-9-9 12:22 來自手機 | 顯示全部樓層
根本唔需要再諗
除左分手冇第2樣可以做
哩個人根本就唔愛你
亦都唔會照顧到你
都唔會有將會
唔好浪費時間啦

註冊日期: 2015-5-26

發表於 2017-9-9 12:32 來自手機 | 顯示全部樓層
其實佢除左有錢小小 有邊道特別好? 什麼管接管送 好錫你 唔勾三搭四。。其實都好多男仔做到 但佢有錢小小 好似都唔關你事,你根本無受過佢咩錢財 咁請問佢有錢算係佢優勢咩?

老實講 第日要煩既野仲多 佢根本幫你唔到 佢唔但止自己有病 佢仲會搞到你有病 ! 佢咁樣你地根本唔能夠守望相助 佢根本幫你唔到 淨係大聲鬧你 都有問題 當你係狗咋。廿幾碎 有咩驚搵唔到 有時你就係唔肯放先預唔到個好既。明白嘛? 呢啲人好有病就由得佢燥死佢 唔好比佢將你自己都變到有病。

註冊日期: 2017-8-30

發表於 2017-9-9 13:09 來自手機 | 顯示全部樓層
分手啦~不過佢情緒甘不穩定,分手都要小心唸吓方法,吾好太刺激佢....

註冊日期: 2016-7-12

發表於 2017-9-9 13:17 | 顯示全部樓層
理性的話就應該分手。
如果你唔想分手,就望下以下兩篇,睇下幫唔幫到你。

陳詠燊 火爆人士的滅火守則
http://archive.am730.com.hk/column-323223

陳詠燊 你應該陪他錯下去
https://goo.gl/fpd6pd
您需要登錄後才可以回帖 登錄 | 註冊

News
Feature
Blog
Load more
 
NOTIFICATION