{ FORUM - LOVE }
Search
Title / Tags Author

查看: 3127|回覆: 10

最大的教訓(no fb)

[複製鏈接]

註冊日期: 2017-6-19

發表於 2017-12-8 01:01 | 顯示全部樓層 |閱讀模式
我結左婚,有兩個小朋友,陀第二個時,老公出軌,當時諗住俾個機會佢,無離婚!隔幾年到我守唔住,我出軌,識左個男人,拍左一排拖先知,雙方都結左婚,不過佢未有小朋友!我地處境好似,另一半眼中根本睇唔到我地,長期被忽略冷落,所以好快我地就好愛對方,因為遇到難得被重視,被愛錫嘅感覺!
一齊左年幾,我老公發現左,所以我跟佢搬走左!但一齊住期間,我發現相見好同住難!而且佢仲成日偷偷地搵約佢老婆!結果我搬返返屋企,大概再拖拉左多兩三個月,我地正式無再搵對方!事隔左差不多兩年,經舊朋友聚會,我地見返面!中間年幾兩年時間,我地間唔中都有好少量嘅信息來往,簡單一句聖誕快樂之類!初初見返面,好尷尬,一個好熟悉嘅陌生人!大家都擺出姿態,攞朋友做界線去保持住距離!慢慢耐左,我知佢除左老婆之外,出面亦有女朋友s!唔知咩驅使我地無啦啦又一齊返!其實我地都好清楚對方喺自己心入面,根本一直都有個無可取代嘅位置!當時好麻木咁將愛情兩個字放到好大!覺得我地經歷左咁多野,個心都仲咁愛對方,仲有咩好計較,如事者,我地瞞住另一半,又喺返埋一齊!中間嗌交分手過好多次!否至大打出手!攪到上差館!我地就好似天生不對嘅一對咁!好想一齊,但總係好多阻濟!
到最後我竟然再一次選擇左離開你,雖然我老公再一次出軌同打我,但我竟然都無選擇你,你一直追問我原因,我都係同你講,因為我個女大,我想做返個好媽咪,我亦唔想再拖累你,因為你應該擁有屬於你獨享嘅幸福!你仲未有小朋友,唔應該再浪費時間喺我身上!......但其實......真正嘅原因係,我有左你bb,但我唔敢面對,我好懦弱,唔想面對要離婚仲要俾人知我係出軌有左先離婚!而且我一直都覺得,你只適合拍拖,唔適合做老公!你責任感好低,我怕幫你生左bb,最後個情況會變到好差!差到得已經唔敢想像!而家bb無左!你亦好狠咁block曬我所有野!但我希望日後你會過得幸福,呢個秘密,就一直只會係一個秘密!而我亦得到左最深刻嘅教訓!
我係一個最不知所謂嘅女人!你永遠都唔好再諗起我!要開開心心咁過日子!
回覆
+ Favorite

舉報

註冊日期: 2016-10-21

發表於 2017-12-8 02:21 來自手機 | 顯示全部樓層
湊大小朋友先再攪呢d嘢啦,小朋友嘅童年過左就冇,你將d時間花晒喺d男人度,仲有心情理個小朋友?而到最後你又得到乜嘢?佢5係適合你嘅人就永遠都5會係,相處5到仲講乜丫?幾愛都冇用。

註冊日期: 2016-11-21

發表於 2017-12-8 08:03 來自手機 | 顯示全部樓層
點解你唔諗下你嘅小朋友?當然我明你講到你老公幾差,如果係咁點解唔離婚先再開始,同埋樓上講得啱,你唔駛理理d小朋友嘅咩?你點做人呀媽?

註冊日期: 2017-12-7

發表於 2017-12-8 08:46 | 顯示全部樓層
不知所謂,照下鏡啦大媽,做左咁多年母親,仲未玩夠?
為人父母就要為子女負責任。

如果仲想好似初中學生妹咁追求真愛~玩藕斷絲連~就真係拜託你唔好生  
要搵男人就唔該你離左婚先,之後正正式式搵個男人再嫁。
有無諗過小朋友會受你影響,你想佢大個左同你一樣?
我真係好好奇你平時點教女

基本上,你/你老公/個男人 都係情感生活凌亂既人,
有老婆又有女朋友仲想搵返你 就知佢唔可靠啦

唔好話個男人責任感低,你都無乜責任感,
有仔女未離婚,仲可以比其他男人搞到大肚,
點解你做女人可以做到咁低姿態?快啲入廁所照下鏡啦,你老架啦

註冊日期: 2016-10-5

發表於 2017-12-8 10:12 | 顯示全部樓層
小朋友會受你影響

註冊日期: 2017-12-8

發表於 2017-12-8 16:58 | 顯示全部樓層
樓主可能冇好好處理丈夫第一次出軌嘅事件 然後積下積下就演變成咁

點都好 小朋友好慘

註冊日期: 2016-1-17

發表於 2017-12-8 22:36 | 顯示全部樓層
其實你同你老公都無咩愛剩架喇,留低都係為對仔女。
講真,如其要對仔女日日見到你地兩個鬧交,不如分開好過~ 起碼成個家耳根清淨左先

註冊日期: 2017-12-7

發表於 2017-12-9 11:23 | 顯示全部樓層
你老公最慘,負左好多不必要既責任

註冊日期: 2017-4-20

發表於 2017-12-9 13:47 | 顯示全部樓層
淨係睇樓主講既野已經知佢女主角上身,
係佢腦裡面已經拍左套戲出黎, 有晒起承轉合,  
最慘既唔係佢同佢老公, 係佢2個小朋友~

註冊日期: 2017-9-19

發表於 2017-12-11 09:40 | 顯示全部樓層
點都好,多謝你既分享。其實由第一個男人開始,就已經知結局。同第二個男人開始亦都知到結局,或者呢啲就係樓主不知所謂嘅選擇。

註冊日期: 2016-11-4

發表於 2017-12-11 19:14 來自手機 | 顯示全部樓層
真係唔好諗咁多啦~照顧好2個小朋友啦~
您需要登錄後才可以回帖 登錄 | 註冊

News
Feature
Blog
17 Dec 2017
Load more
 
NOTIFICATION