{ LIFESTYLE }
14 Sep 2017
其實唔洗急住介紹男仔!單身女生最怕的4種朋友

單身係唔少女仔最怕既事情,而作為好朋友,唔少人都會為親邊既單身著急-介紹男仔、幫手大改造、俾感情建議等,乜都齊,其實單身女仔最怕係啲咩?小編就為身邊既單身朋友做左個小調查,大家唔好再盲目熱心喇!



1. 淨係講男友

一班女仔圍埋講下男友經,分享下拍拖心事當然好正常,但每次見面都只係講男友、男友同男友,你真係冇其他話題咩?單身既朋友得個聽字,冇得參與,不如得閒都講下扮靚、運動同旅行啦!



2. 亂俾意見大改造

總有過份熱心既朋友積極提出唔少意見,例如著得可愛啲、行為斯文啲、改下啲性格,雖然係出於善意,但為左拍拖而扭曲自己,就唔係個個都鐘意喇!



3. 係咁介紹男仔俾你

唔少美好既姻綠都係由朋友介紹而開始既,不過求其乜單身既人都介紹你識,明知唔係你鐘意既類型都刻意撮合,實在令人非常難受。



4. 過份擔心你既單身情況

每一星期就問下你有冇新對象,有冇新進展...其實有既話,自然會開心share,唔洗每次都成為話題焦點,或者迫得單身朋友太辛苦既。


source: pinterest 
News
Feature
Blog
Load more
 
NOTIFICATION