{ LIFESTYLE }
17 Apr 2018
劉浩龍拍劇遇「特別」經歷 你地有無試過?

「鬼故」呢個話題幾時咁hit,相信大家身邊都有唔少朋友遇過「特別」嘅經歷。最近劉浩龍就參演由劉翁、王貽興執導的ViuTV劇集《VR驅魔人》,早前佢仲同劇中一班演員包括樓南光、詹瑞文及陳逸寧等接受「一人一鬼故」企劃,即場分享遇過最靈異的事﹐究竟邊個的鬼故最恐怖?



劉浩龍就分享咗兩年前係馬來西亞一間「猛鬼屋」拍攝時的經歷,佢話當時完成所有戲份就獨自去洗手間時,被反鎖廁格內,最後要半小時才被救出,「當地人叫我地小心啲,所以當反鎖後我好驚,不過有帶電話,打畀助手叫佢哋黎救我。雖然佢哋對呢件事都好驚,但現在我反而會想,會不會係間屋太舊,所以門鎖壞咗?」


當中曾拍過唔少驚慄電影嘅樓南光,憶述當年片場等埋位時恐怖經歷,他表示當年因同時接拍幾部電影,故等埋位時都會把握機會休息,他記起一次被「人」叫醒埋位嘅經歷,「睡覺時有人突然拍我,叫我埋位,我一望,嘩,嚇一嚇,佢嘅造型好恐怖,但當時無為意即刻去埋位拍戲。」去到臨拍攝前,他趁機問劇組︰「頭先著白衫個個特約演員係邊個?」劇組工作人員反問︰「即之前跟你做對手戲,在棺材中那位?」樓南光說︰「係呀,佢頭先叫醒我!」

 

劇組工作人員聞言後即指樓南光「黐線」,並說︰「佢早幾日拍戲前,遇上車禍離開咗!」對於這件事,樓南光稱︰「呢件事我到而家都也分無清,到底真定假。」

Source:ViuTV

Text:Alina Wan

YOU MAY ALSO LIKE
News
Feature
Blog
Load more
 
NOTIFICATION