{ LIFESTYLE }
19 Jun 2017
原諒幾多次先夠?感情中應該放手的四個時刻

聖經話要原諒人七十個七次,電影《原諒他77次》就話要原諒人七十七次,係感情入面要原諒幾多次先至夠?有咩時刻係必定要放手呢?



1. 背叛

係感情中一次不忠,百次不用,背叛可以話係最嚴重既錯誤。雖然話浪子可以回頭,但一個曾經存心欺騙你既人,你又可唔可以完全放低,心入面完全冇條刺呢?




2. 永遠唔認錯


唔少男仔都比較要面,唔會為左小事而低頭認錯,但如果事情好明顯係超越你㡳線,而道理又唔係佢果邊,佢都為左面子唔道歉...好明顯,係佢心目中,佢既面子都比你重要。



3. 行為及語言暴力

身邊人經常動手動腳,甚至慣性醉後打人,都會危害到你既人身安全,絕對要儘快遠離。同時都唔好忽略語言暴力既傷害,如果時常出現侮辱,以極唔尊重既方式向你說話,長遠都會影響你既心現健康同自我價值。



4. 對方以威脅挽回感情

每次提到分手,或彼此既不同步,對方都只會用哭鬧以致傷害自己(傷害你)既方式挽回,從未用正面既方法處理問題,反映佢唔止處事唔成熟,仲係一個佔有慾超強,而且慣性依賴你。你並唔係係一段健康成熟既愛情中,真係要睇清楚呀!






source: 《原諒他77次》劇照


YOU MAY ALSO LIKE
News
Feature
Blog
Load more
 
NOTIFICATION