{ LIFESTYLE }
14 Jun 2018
陳家樂承認與余香凝3年情玩完! 女方被指一腳踏兩船

係TVB劇集《逆緣》中飾演冷凍人嘅陳家樂,人氣可以話係直線上升,與女友余香凝(Jennifer)拍拖接近3年嘅佢更在公開場合許下承諾,會努力儲錢買樓,並五年內娶對方,二人不時在自己IG互曬恩愛!不過昨日就有報導指二人經已分手,有指是女方搭上年薪過百萬嘅從事保險業才俊Victor,更被影到於對方家中過夜,疑似一腳踏兩船。陳家樂其後受訪時亦哽咽表示二人分手一段時間,「呢排已經冇聯絡,雙方有共識,我會祝福佢!」





陳家樂與Jennifer拍拖期間,二人更被影到於酒樓見家長食飯,而陳家樂父母對余香凝有不錯評價。 不過睇番家樂嘅Instagram,同Jennifer嘅合照已經係4月低嘅事,當時兩人仲著住情侶波衫支持愛隊阿根廷,陳家樂更留言放閃:「睇波點可以自己睇呀?」。





根據報導指任職保險高層嘅Victor年薪過百萬,以大量名牌手袋成功打動芳心。Jennifer本身有保險經紀牌,所以就認識咗Victor。報導指Victor出名喜歡追明星,曾經追過星夢新人戴祖儀,但可惜對方未有動心。後來轉追Jennifer,在名牌禮物之下成功被俘虜。

佢就係星夢新人戴祖儀~





陳家樂同Jennifer係4年前因拍攝港台劇《總有出頭天》一吻定情!




而1年前,陳家樂揸車接Jennifer收工時,期間遇上車禍,令Jennifer撞至鼻骨爆裂,而陳家樂當時十分擔心女友情況,仲話有咩事會照顧對方一生一世!其後更送上鑽戒畀女友,因為車禍令佢覺得生命好無常,希望將來可以好好照顧女友,所以買咗隻戒指代表一個承諾。




對於分手一事,陳家樂表示希望外界可以關注他們的事業,至於分手是否因有第三者介入,佢就未有正面回應,只表示希望大家畀啲空間佢。而Jennifer其後亦有被問到分手一事,佢表示報道中嘅Victor只是朋友關係,自己現時係單身,同樣希望大家俾啲時間空間佢地。




Source:Instagram

Text:Alina Wan

KEYWORDS / 陳家樂, 余香凝
YOU MAY ALSO LIKE
News
Feature
Blog
Load more
 
NOTIFICATION