{ LIFESTYLE }
10 Aug 2018
G.E.M. 內蒙古拍《倒數》MV 同千億新抱徐子淇「撞樣」

今年已經出道十周年嘅鄧紫棋(G.E.M.),早前就指今年會連推出三張EP專輯答謝歌迷,首支主打國語歌《倒數》今天正式面世。不過見到G.E.M.《倒數》影嘅照片中,見到佢同千億新抱徐子淇就有啲撞樣!G.E.M.笑言岩出道已經被人咁樣話過,「其實都幾開心網友最近鍾意我哋唔同嘅形象,包括《中國新說唱》,自己睇到呢啲 comments當然好開心。以前都有人話過我似徐子淇,但嗰時講緊係十年前岩岩出道時,我仲記得第一個話我似佢嘅人係Bob,嗰時我仲係中學生參加緊唱歌比賽,嗰陣15歲,咁多年後都仲有人話我似,我覺得我都似得「從一而終」呀。」







繼 2015年《於是》後,G.E.M. 的 MV 一直未有出現男主角,今次她與台灣型男黃騰浩上演多場談情戲碼,如拖手調情、荒原野餐、浪漫看星等,又在「蒙古包」裡舉杯談心。





原來黃騰浩在鏡頭外也非常懂得施展冧功,G.E.M. 說:「我哋第一場戲其實係嘈交戲,第一次見對方就要鬧交,不過我哋對戲期間加入好多即興對白同動作,其中一場戲要拍我哋好開心,佢為咗氹我笑,自己設計咗個橋段喺凳上跌落嚟,我見到自然反應就係笑咗出嚟,我覺得我哋嘅火花係幾好睇。」



今次是 G.E.M. 首次到內蒙古的郊區區域,故在拍攝時不時有牛羊做「小配角」攝鏡:「第一次見到咁多牛牛羊羊喺我身邊經過,可以近距離接觸到啲動物,成個感覺好唔同,好靚。不過今次冇時間周圍觀光,喺內蒙古呢三日拍MV嘅旅程入面,見到好多好靚嘅大自然風景,算係寓工作於娛樂。」





倒數》MV:




Text:Alina Wan

KEYWORDS / G.E.M., 鄧紫棋
YOU MAY ALSO LIKE
News
Feature
Blog
Load more
 
NOTIFICATION