{ BEAUTY }
07 Jul 2017
去旅行想化靚妝 睇下輕便推介啦

暑假係旅遊旺季應該好多女仔都會同三五知己一齊去旅行,但去旅行冇理由唔化個靚靚妝去瘋狂影相。要攞好多靚靚衫已幾夠重,如果仲要帶埋大盒嘅眼影就會好浪費位置同會令行李更重,其實可以不妨考慮一下小巧嘅單色眼影,只要顯色度夠高其實已經相當搶眼。

1.B.lot-MONO SHADOW

B.lot喱款眼影有分霧面同埋鑽光兩種質地,顏色選擇十分多,細緻嘅質感令好多韓國女生都力推,而且顯色度亦相當高,同系列仲有腮紅,全部都係單一嘅包裝,非常適合放係行李嘅角落。

2.INTEGRATE-雙色眼影

最近日系開架品牌嘅彩妝突然吹起一股雙色眼影風潮,INTEGRATE推出左可愛嘅雙色眼影盒,上下不同嘅配色非常適合新手,出門玩就一日一款眼妝,超級方便!

3.A'PIEU-MINERAL MONO SHADOW DAUL

A'PIEU喱款礦物眼影有單色同埋雙色,又一非常適合彩妝新手嘅選擇,已經配搭好嘅眼妝顏色,絕對不會失手!單色選掉亦相當豐富,雙色十分多變,而且顯色度亦相當高,兩款都係韓國女生大推嘅眼影!

4.MAJOLICA 

MAJOLICA 最近推出這隻雙色眼影,在日本女生中討論度超高,雖然有雙色設計但包裝依然輕巧,眼影顯色度亦相當高,而且啡色可以用嚟畫眼線,對於常常出遊嘅女生嚟論實在非常方便!

5.ADDICTION-THE EYE SHADOW

ADDICTION喱款經典嘅單色眼影,已經攞過無數嘅美妝獎項,多種嘅選擇同埋輕透嘅妝感就係佢最受歡迎嘅地方!只要一粒既就能夠令你擁有日本女生嘅清新眼妝,出門在外絕對係包包中必備嘅小物!

以上5款眼影真係超實用,絕對可以令你靚一足日

YOU MAY ALSO LIKE
News
Feature
Blog
Load more
 
NOTIFICATION