{ BEAUTY }
09 Feb 2018
買con前必睇IG!日本女生隱形眼鏡報告集合




有戴開大眼仔嘅sis可能成日都心思思想試下其他款,不過睇廣告又怕佢唔夠真,最好就梗係睇真人試上眼嘅效果啦!而日本有唔少呢啲カラコンレポ(Color Con Report),今日就同大家介紹下有邊幾個IG有晒呢啲大眼仔試色圖同用後感分享,揀con必睇啊!

 

①    mipo.pink

 




MIHO
係小編最愛睇嘅美妝IG之一,佢除咗有介紹唔同大眼仔之外,仲有好多美妝分享都超正,尤其是佢化嘅眼妝又靚又實用!!好~入返正題先!MIHO周不時都有Color Con Report,而且非常詳盡Update得又快。

 



佢係每個Color Con Report入面都寫齊晒隱形眼鏡嘅資料,就好似眼鏡直徑(レンズ直径)、弧度(BC),仲有同放大效果好有關嘅著色直徑都有清楚寫明(著色直徑數字愈大,放大效果愈明顯啊~)

 

A post shared by ᴍɪʜᴏ ˒˒ (@mipo.pink) on

A post shared by ᴍɪʜᴏ ˒˒ (@mipo.pink) on

加上佢嘅相影得好靚好清楚,素眼、正面、側面同暗環境下嘅效果都有,亦會有影片睇到MIHO上下左右咁碌隻眼睇下會唔會走位,讚!睇佢嘅相不其然會讚嘆佢嘅睫毛點解可以搽得咁靚(笑)識日文嘅仲可以睇埋佢嘅用後感添,都寫得唔錯架!

 

②_springram_

 




第二位叫做Halu,俾佢吸引到嘅原因係夠多原化,而且相影得好清,連花紋都睇得一清二楚!

 


隱形眼鏡嘅基本資料都一定列明係每個Color Con Report入面,而且有比較詳盡嘅用後感,雖然會有影片,不過唔係個個post都有,自己覺得睇相都夠,事關Halu眼框唔算大,有時直徑比較大嘅隱形眼鏡會睇得唔係咁清楚!

 




仲有仲有!Halu仲試咗近排韓國好Hit嘅星空隱形眼鏡,睇廣告相就見到戴上睇就會有一點點星光喺眼睛,好迷幻嘅感覺!而Halu都親身試咗幾隻顏色,好唔好睇就見仁見智~不過有某啲色都幾特別嘅。

 

③utada_haruka

 




最尾呢個係韓國隱形眼鏡網站Thepiel嘅眼模,雖然係單一品牌,不過勝在夠新夠快夠齊全!而且Thepiel有超多款隱形眼鏡,有啲款香港都有得買添!

 




A post shared by @utada_haruka on

Haruka基本上一有新款就會Update,相片質數大多都唔錯,不過就少咗素眼對比同唔係款款都有拍片!

 


如果對韓國Con情有獨中嘅sis不妨參考下~

 

Source:instagram

YOU MAY ALSO LIKE
News
Feature
Blog
Load more
 
NOTIFICATION