{ FORUM - LOVE }
Search
Title / Tags Author

查看: 34909|回覆: 297

再次發現男友對我不忠...

[複製鏈接]

註冊日期: 2009之前

發表於 2010-4-4 17:42 | 顯示全部樓層 |閱讀模式
約兩星期前,因為check男友sms而發現左有第2個女仔叫佢老公,仲發現個女人話『好開心尋日可以去老公度同你訓然後第朝早一齊食早餐』、又睇到佢約我男朋友去長洲玩 (但果兩日我男朋友係話入左camp仲要話無帶電話所以打我極比佢都無人聽)。睇到哩d sms時我真係手都震埋。之後果晚我一直無訓過,淨係識喊。

其實我一早都覺得佢出面係有第2個,因為佢平時好小心保管個電話,一定會跟身,只係果晚太累先唔為意擺左起sofa。


我之後無踢爆佢,因為我唔想佢以為有第2個女人出現我先咁緊張佢。(因為佢4年前已經試過一次搵第2個女仔)跟住兩日都好好,但其實我已經暗暗地瘋狂起黎,隔左兩日又再去屋企過夜,第二朝因為佢要返工我off,所以起度狂摷佢間房,點知比我摷到個女人寫比佢d信,睇完之後喊到爭d抖唔到氣。

因為佢原來同個女仔一齊已經成九個月,佢地的"紀念日"仲要係同我和男友的紀念日只相差4日。而且應該有搞過,個女仔亦明知我的存在,會講埋d"咁你同我補祝情人節啦!""份禮物要大份d架!"



知道埋哩d當日下晝我就同我男朋友攤牌,佢無問我知道d咩亦無問題點解會知?初初起度話無,然後又話佢無鐘意過第2個,又話係因為我一直好忙無時間陪佢佢先咁樣....又話只要我地以後好好地,個女仔就會走架喇....


我心軟,因為大家已經五年了,而且我好愛佢,一直視佢為結婚對象。佢屋企人甚至當左我係新袍。


我同佢講我無辦法接受同第二個女人分享一個男人,叫佢即刻同個女人斷絕來往,佢初初都話叫我信佢。點知隔左一個星期,又有機會比我check佢電話,佢明明就仲同緊個女人有聯絡,兩個仲係嗌緊對方做老公老婆。次次知道多d野我個心都會好唔舒服,但我又無話比佢知我知道d咩。

我有問佢如果比我發現第3次佢呃我,我應該點?佢就同我講叫我唔好走,佢好愛我。又叫我比d時間佢處理佢同個女仔次間的事,話個女仔已經好hurt,屋企又有事,真係會自殺....



結果,到今朝我仲發現,我男友起前日(佢明知我同屋企人食生日飯)時約個女仔,仲要叫埋個女人做愛人老婆....想喊都喊唔出。





我好累了。

拍拖五年佢已經出軌左兩次,第一次係佢主動同我講鐘意第2個,果次唔怪得佢,因為我果陣時真係對佢好差。至於今次,我心寒在原來佢已經同女人一齊9個月,如果我唔發覺佢根本無諗過話比我知。再加上,我嚴重接受唔到佢叫第2個女人做老婆which is我以為佢只會咁叫我,仲有佢已經同個女仔搞埋兼且仲可以帶佢返屋企訓我平時訓果張床。


雖然佢強調最愛的人是我,想跟他開花結果的人是我。(甚至佢媽媽尋日先同我講第時生bb既野....)
而我亦仍然非常愛佢。(其實佢好surprise我知道後仲留起佢身邊。)




我唔知道。
我都唔知道點解自己唔走?

亦起度諗係咪個個男人都會去滾?
就算比我識左第二個男人都係咁?

而且佢係我初戀,我真係唔想無左佢。

這二十多天我已經處於一個空白的狀態。完全諗唔到野。


我係咪唔應該再留戀?我係咪好蠢?



對唔住,打得好長,但我真係屈住左好耐。
回覆
+ Favorite

舉報

註冊日期: 2009-9-18

發表於 2010-4-4 17:51 | 顯示全部樓層
一次不忠百次不容....
sis...你同佢未結婚都已經發生2次呢啲事...第時結咗婚唔通頂唔順又離婚...你要想清楚呢..心痛只因不捨過去的快樂,幸福全因放下從前的悲傷

註冊日期: 2009之前

發表於 2010-4-4 17:52 | 顯示全部樓層
有第一次就会有第二次哦~
原谅都要睇对象
长痛不如短痛啊~

註冊日期: 2009之前

發表於 2010-4-4 17:54 | 顯示全部樓層
sis!!加油呀!!
你要堅強d!!冷靜d去諗點去handle呢件事!
拍拖係2個人既事...
不過其實呢個男人你應唔應該繼續同佢一齊
你自己心中有數..anyway!!你要加油呀!!!

註冊日期: 2009-11-22

發表於 2010-4-4 18:01 | 顯示全部樓層
五年時間 真係話短唔短 話長唔長
如果可以放手就放啦
第一次都可以比藉口自己話原諒佢姐
就算 今次又原諒埋 , 我唔信你個心真係可以冇事
依加拍拖就可以講分手姐, 咁如果結左婚再 發現第三次 ,到時可以點算?難道到時先選擇離婚嗎 ?

註冊日期: 2009之前

發表於 2010-4-4 18:05 | 顯示全部樓層
真係接受唔到,仲要五年咋喎…五年就有兩次
五年兩次、十年四次、十五年六次……(有時可能仲會有變數)
如果結左婚仲要成日擔驚受怕,我真係令願唔要,因為身體同心理上都負荷唔到啊

唔好諗住某人會因為"愛"而改變,呢d真係十個先有一個,一定係少數
雖然五年係唔少,但人生又有幾多個十年?
sis妳想五年傷完,定十年先來傷呢?

加油~~

註冊日期: 2009之前

發表於 2010-4-4 18:10 | 顯示全部樓層
走啦

註冊日期: 2009之前

發表於 2010-4-4 18:13 | 顯示全部樓層
本帖最後由 donis 於 2010-4-4 19:09 編輯

除非你話我知你愛佢愛到你可以接受佢有第3者
you dont care
如果唔係你就應該接受呢個事實-分手係最好的
姑勿論上次係點
9個月,所有事情都係well planning
去長洲,出街 係有計劃架!
我唔可以話佢唔愛你
但愛到有2次外遇
佢有幾愛你?
唔係唔俾你愛
但有無必要愛個唔愛你既人?
babe be strong
你大把青春
dont bother to think can you find a better man
呢度好多有相同遭遇/更慘ge sister會話你知YES!
五年唔係藉口  好愛佢唔係藉口   結婚對象唔係藉口 佢屋企人當你新抱都唔係藉口
有幾咁大不了?
所有事情係會變架
而且,9個月既感情
你信佢話分就分?
定係要到下次你再俾佢hurt你先make到decision?
好好人架呢度好多人都
搵下我地/朋友啦
我地都係咁痛過喊過
好返然後搵個好好ge男人
please cherish yourself
pray for you

註冊日期: 2009之前

發表於 2010-4-4 18:19 | 顯示全部樓層
bytheway,佢知道你好,知道你好愛佢唔代表佢冇下一次囉
第3次佢呃你,你接受現實未?
到今朝仲發現叫埋個女人做愛人老婆
好明顯,佢唔打算斷尾囉

註冊日期: 2010-1-14

發表於 2010-4-4 18:24 | 顯示全部樓層
sis,你幾大?

5年係SUNK COST黎架啦,
追唔返亦都拎唔返!
5年唔係分唔分手既考慮因素啦已經!
"唔好再話一齊幾耐啦,我唔捨得呀"
你要記住"有捨必有得!"
唔擔保一定會搵過最好既,起碼可以得到比呢一個更好的!

仲有世界上唔係得呢個男人!男人何奇多

你想你感情生活想一直痛苦定係想個開心既ending呢?
你自己取決啦....
唔可以單憑1句"我愛你"就大哂!
愛係人都識講啦,識唔識做呢?
佢真係愛你,就唔會唔尊重你...不論佢玩完係咪識得返屋企

至少我係呢件事上...睇得出,佢愛你有限

註冊日期: 2009之前

發表於 2010-4-4 18:26 | 顯示全部樓層
走!
雖然會好痛
但長痛不如短痛

如果自己都唔錫自己
邊個會?????

註冊日期: 2009之前

發表於 2010-4-4 18:28 | 顯示全部樓層
sis, 我諗你要嘗試理性 d 去諗呢個問題...
1) 你覺得佢同個女仔嘅關係能夠劃清嘛?
2) 你覺得佢會有第三次嘛? 你又仲承唔承受得起呢?
3) 你自問係咪真心原諒到佢?
4) 你對佢係愛, 還是只係不捨與習慣呢?

註冊日期: 2009-8-10

發表於 2010-4-4 18:35 | 顯示全部樓層
你仲可以信佢?

信任既野.......一破壞左就好難重新建立,
你願意日後都擔驚受怕?

註冊日期: 2009之前

發表於 2010-4-4 18:35 | 顯示全部樓層
你值得有更好的

註冊日期: 2009之前

發表於 2010-4-4 18:40 | 顯示全部樓層
算吧啦, real man never let u down

註冊日期: 2009之前

發表於 2010-4-4 18:41 | 顯示全部樓層
第一次,你原諒佢,
我明白,我理解,人誰無過?
第二次,
你知道了,佢又compromise 你 d 咩咩咩..
結果原來佢唔識死,
第二日..係第二日!!!..佢已經當你無到

你清楚未?

愛你的
不會對你不忠

你話愛
但轉個頭你又話愛第個女人

你諗下佢有幾愛你?
你可能只不過係佢既唔知幾份之幾

just go

佢真係愛你的,
佢會表現出來
唔會係得把口

你可以搵個更好的

a better man 會o係你 well prepare 既時候出現

初戀唔係一切
當今次係一個教訓,上左一堂

babe!
u can do it,,cheer up!!!

註冊日期: 2009之前

發表於 2010-4-4 18:46 | 顯示全部樓層
''除非你話我知你愛佢愛到你可以有第3者
you dont care
如果唔係你就應該接受呢個事實-分手 '

agree!應該要放開!

註冊日期: 2009之前

發表於 2010-4-4 18:48 | 顯示全部樓層
第一次勉強可以原諒
第二次走都要走快D

5年又點 ? 好多人拍多過5年都分手 亦都未必因為係第3者
點解要因為個時間而俾個限制自己 ? 佢屋企人當正你係未來新抱又點?

問題係佢唔識去愛你
你都識講5年喇
5年佢都唔識咩叫基本ge愛
連專一都做唔到ge人  值得你去俾你一世幸福佢 ?

你仲愛佢係因為佢係你第一個男人  係因為你同佢之前有過開心ge回憶
並唔係因為你仲愛呢個可以一次又一次傷害你ge人

我唔係話sis你一定要同佢分手
如果我係你而又真係要勉強自己原諒佢ge話
我會要佢當住我面同佢屋企人講呢件事
我會要佢自己去肯承認自己ge錯

不過要我俾我一世呢d人 我真係寧願自己一世靠自己
好過一次又一次俾人hurt

雖然佢強調最愛的人是我,想跟他開花結果的人是我。->佢講得冇錯
但係佢最開心ge時候唔係同你過,  男人識得分邊d女人係過人世, 邊d係玩玩下

sis我好肯定世間上真係有男人係唔會去滾
唔好因為見到呢個男人係咁就以為就算你第日搵過個都係咁

註冊日期: 2009-8-7

發表於 2010-4-4 18:52 | 顯示全部樓層
不要傷心, the best is yet to come

註冊日期: 2009之前

發表於 2010-4-4 18:56 | 顯示全部樓層
點解拍左5年都可以咁?
sis, 放手啦....
如果你地結左婚佢仲同其實女人一齊你咩青春都waste 晒!!!
li d 男人唔抵可憐!!
你一定可以搵都個鍚你ga!
您需要登錄後才可以回帖 登錄 | 註冊

News
Feature
Blog
Load more
 
NOTIFICATION