{ FORUM - LOVE }
Search
Title / Tags Author

查看: 6857|回覆: 39

[mimi]男朋友家姐結婚,我應該坐邊?

[複製鏈接]

註冊日期: 2015-7-17

發表於 2015-7-17 22:34 | 顯示全部樓層 |閱讀模式
之前一直有睇大家啲post,第一次出post希望無post錯區啦。

同男朋友一齊差唔多6年,由中學,大學到出到黎做野。

同佢屋企人已經見過,但好唔熟,但一年可能只係佢爸爸媽媽嫲嫲生日或者新年先會食飯見面,每次食飯大家都好靜唔多出聲,所以到衣家都唔熟。男朋友婆婆果邊啲親戚無見過。反而男朋友個個禮拜都會上黎我屋企食飯。

佢家姐出年結婚,衣家已經搞繄酒席劃位。本身男朋友之前話叫我放心我一定係跟住佢。點知最近男朋友同我講,佢媽媽話劃位要跟輩份坐,我男朋友要坐主家席,我就坐另外一枱。我坐果枱係同佢婆婆果邊啲親戚一齊坐,但我係見都未見過佢地。而且我仲要好早到幫下手收下人情咁。

雖然知道無得同男朋友坐我會有小小唔開心,但係我都明白一個婚禮要顧及好多野,我都唔想比麻煩一對新人,所以我果晚預左悶小小都無咩所謂既。

點知我同左媽媽講佢有小小不滿,佢覺得男朋友可以過黎同我坐(因為之前舅父結婚都係類似咁既安排)。如果係咁,我就唔好幫手收人情請人簽到果啲。我知媽媽係有小小意氣用事同想保護我既。我應該點處理好啲呀?

大家覺得我同男朋友分開定一齊坐重唔重要嫁?話曬都係第一次介紹我比佢婆婆果邊啲親戚,單獨同佢地坐我真係有小小繄張。另外,都算親,咁人情1000夠唔夠嫁?(剛出黎做野無耐,參加婚禮經驗真係唔多)
回覆
+ Favorite

舉報

註冊日期: 2014-11-23

發表於 2015-7-17 22:42 | 顯示全部樓層
1000夠啦
其實好小事,坐邊都真係無咩所謂,你又唔洗咩都同媽媽講,大個女,可以自己解決嘅。

註冊日期: 2015-7-17

 樓主| 發表於 2015-7-17 23:00 | 顯示全部樓層
mitang 發表於 2015-7-17 10:43
1000夠啦
其實好小事,坐邊都真係無咩所謂,你又唔洗咩都同媽媽講,大個女,可以自己解決嘅。

因為佢咁岩傾開無意中問到jer,佢愈聽愈唔滿意覺得對方唔多專重我咁將我擺係成枱唔識既一個坐成晚。話曬都6年,唔當一家人唔繄要,咁就唔好叫我幫手。佢係咁諗。。。唉

註冊日期: 2014-9-17

發表於 2015-7-17 23:16 來自手機 | 顯示全部樓層
你男友家姐結婚好大陣象架?劃位咁嚴格既?講真,一枱人多一個有咩所謂,又要你幫手,仲要係收人情專登要分開你地,攞酒都係大家高興啫。喎,錢銀野,真係要小心d,我覺得你媽媽諗法冇錯,如果我係你應該人情照做,但話有事唔黎得喇…

註冊日期: 2009之前

發表於 2015-7-17 23:17 | 顯示全部樓層
對佢家姐同家人黎講,你未入門又唔熟,唔比你坐主家席都情有可原,既然係咁,佢叫你幫手招呼人,你咪婉拒話認唔哂親戚,叫你收人情咪話怕搞亂唔好意思咁推左佢,執頭執尾就當朋友咁幫小小,做番自己人情就ok la ;)

註冊日期: 2015-4-27

發表於 2015-7-17 23:18 來自手機 | 顯示全部樓層
其實我都係甘既反應。要叫得幫手。一係做佢家姐姐妹一係就家人。講到分開坐唔幫手好過。你幫手收人情呀招呼甘姐妹要黎做咩?之前家姐結婚女家我收。男家就男家兄弟收。女家有分係家姐朋友家爸媽朋友or親戚。家姐朋友就家姐姐妹收。所以照道理幫手收得人情就係家人/姐妹兄弟。

註冊日期: 2015-4-27

發表於 2015-7-17 23:20 來自手機 | 顯示全部樓層
認同執同執尾都okey。分開座唔係問題。同d親戚認識唔難呀。老人家好易架ja同佢地chat。反正我覺得話分咩主家席就唔好幫手收人情。

註冊日期: 2014-11-9

發表於 2015-7-17 23:26 來自手機 | 顯示全部樓層
唔會幫手囉。。

跟輩份坐??咩係輩份,你同你男友咪同輩囉。。

其實比我。。我就唔會去。。

註冊日期: 2015-6-6

發表於 2015-7-17 23:31 | 顯示全部樓層
錢銀瓜角,可免則免。座邊到就無辦法,始終自己唔係重要角色。我諗你男朋友都會take care 你嘅!

註冊日期: 2015-6-1

發表於 2015-7-17 23:36 | 顯示全部樓層
唔知我係咪始終後生女思想 我覺得你男朋友家人冇當你係自己人囉 唔好介意...你自己唔開心不如試下同你男朋友講下感受...

註冊日期: 2015-7-17

 樓主| 發表於 2015-7-17 23:40 | 顯示全部樓層
E聽完你地講又好似唔應該有錢銀瓜葛好啲,免得到時有咩爭拗

因為佢媽咪好耐之前已經叫我幫手去收錢(佢真係用呢個字眼=="),咁我一直以為佢都當左我係一家人,點知最近先知原來我比人mark左去老遠。。

Btw,佢地係洲際擺酒,1000都唔會太失禮卦?我應該都會去既,始終男朋友家姐,費是男朋友難做啦。。。

註冊日期: 2015-7-17

 樓主| 發表於 2015-7-17 23:48 | 顯示全部樓層
徐小馮 發表於 2015-7-17 11:36
唔知我係咪始終後生女思想 我覺得你男朋友家人冇當你係自己人囉 唔好介意...你自己唔開心不如試下同你男朋友講下感受...

其實我有問男朋友唔可以加多個咩,男朋友話佢媽話full到14個人坐主家席。

唉,我又唔想叫男朋友出聲,始終自己唔係主角,無啦啦人地都唔當我係屋企人,自己要求又唔係幾好。

我初初都一廂情願諗住拍左6年,之前又要求我幫手收人情,點知應該唔太當我係屋企人

註冊日期: 2015-4-13

發表於 2015-7-17 23:52 | 顯示全部樓層
好小事,一晚半晚無所啦,你有為佢地負出佢地會睇到

註冊日期: 2015-7-17

 樓主| 發表於 2015-7-17 23:53 | 顯示全部樓層
優依 發表於 2015-7-17 11:25
唔會幫手囉。。

跟輩份坐??咩係輩份,你同你男友咪同輩囉。。

其實比我。。我就唔會去。。

我都唔知佢地啲輩份野點計。。佢媽話驚我坐左主家席而有某啲輩分既人無得坐會比人講閒話。我估唔到呢個年代仲會有人計住邊個無坐主家席而講一對新人閒話=="
我諗男朋友係親細佬又唔同計法卦。。?

註冊日期: 2015-6-6

發表於 2015-7-17 23:54 | 顯示全部樓層
係洲際擺得,應該都唔係一般人啵(個人覺得咋),1000蚊可能要調整下。。另外,你同佢家姐關係如何?

註冊日期: 2015-7-17

 樓主| 發表於 2015-7-18 00:02 | 顯示全部樓層
PCPCPCPC 發表於 2015-7-17 11:53
係洲際擺得,應該都唔係一般人啵(個人覺得咋),1000蚊可能要調整下。。另外,你同佢家姐關係如何?

下,我岩岩出黎做野,坦白講1000我都幾肉赤嫁哈哈~~

因為男家係高收入家庭。

我同佢家姐每次食飯我諗數埋都無十句,可能年紀相差遠(8年)無咩話題,但家姐係nice既

註冊日期: 2011-3-31

發表於 2015-7-18 00:30 來自手機 | 顯示全部樓層
我覺得你又唔洗介意咁多嘅。我反而覺得佢媽媽冇話唔當你係屋企人,只是較注重傳統禮節啫。反而大大方方坐佢安排嘅位,得閒幫下手就已經好得體。至於收人情,如果你怕唔方便咪拉埋你男友全程膀實囉,一坐完recept D$直接叫男友俾佢媽保管就Ok。你都話佢家姐nice,咁咪當為佢做少少嘢贈興囉!

ps: intercon d嘢好好食的, 自己坐咪enjoy 下D美食law

註冊日期: 2015-4-16

發表於 2015-7-18 00:35 來自手機 | 顯示全部樓層
佢屋企人又要收你人情又要你幫手?收得你人情就唔駛你做,做得就即係一家人唔收人情啦?咁奇怪既佢屋企

註冊日期: 2015-6-17

發表於 2015-7-18 00:58 | 顯示全部樓層
又要馬兒好,又要馬兒不吃草 的感覺

註冊日期: 2014-11-9

發表於 2015-7-18 01:09 來自手機 | 顯示全部樓層
自己人就唔比人情架啦

坐14個人咁迫
放返你男友出來同你坐咪得囉,比返d高輩份坐鬆動d丫麻。。

都唔一定要坐主家席架姐。。
您需要登錄後才可以回帖 登錄 | 註冊

News
Feature
Blog
Load more
 
NOTIFICATION