{ FORUM - LOVE }
Search
Title / Tags Author

查看: 2573|回覆: 102

{超長文} 想聽下大家意見,係我太港女,定係對方問題?

[複製鏈接]

註冊日期: 2016-3-23

發表於 2016-3-23 12:59 | 顯示全部樓層 |閱讀模式
本帖最後由 Kiroro1210 於 2016-3-23 13:04 編輯

近排睇到一個SISPOST,關於結婚後經濟AA,女人仲而要兼顧埋家頭細務,比男人付出更多,對女人黎講其實唔公平。個位SIS雖然只係假設情況,但係我身上發生緊,睇完真係有少少難受。但睇埋大家COMMENT,大家都唔太支持個位SIS睇法,提出咗好多意見,令我諗咗好耐,係咪自已太港女?!
我同男朋友同居中,佢係FREELANCE,工作冇定時,但我就有打一份唔洗OTRECEPTION。我男朋友搵錢比我多,佢有一個CONCEPT,認為女人應該做晒家務,照顧晒佢一切,而我煮飯又唔太叻,基本上煮飯由佢做,洗衫洗碗打掃就由我黎。屋企開支基本上係AA,原本男方係俾多D,但幾個月前一次嘈交,原來佢一直都覺得自已付出比我多,無論係開支定家務方面,所以提出咗以後開支都AA,我唔想搞到好似我欠咗佢好多咁,所以同意AA
而佢有車,每日我哋都開車返工放工,油費都係AA。返工路係順路放低我,夜晚再接我返屋企咁。有時同朋友提起,佢哋會覺得一個男人連油費都同女人計,太小氣。但我都係個句,唔想佢覺得我欠咗佢咁,既然AA會令大家好受,咁就AA
我會有疑問,佢咁睇重經濟要獨立,但係家務上就非常傳統,男尊女卑,點解可以咁矛盾??
好多人都話,如果個男人係錫你,其實都冇所謂。我男朋友係相識至今,一份禮物都冇送過俾我。我係佢生日時送過一件衫俾佢,雖然唔係貴野。而我哋齊咗1年,除咗上年聖誕佢請我食咗餐飯外,係我生日、情人節、或者紀念日都冇送過禮物。我有半開玩笑咁問佢點解唔送,佢話佢日日煮飯我食已經係禮物,而且我又咪冇送過野俾佢。佢當時連我送過件衫俾佢都唔記得。或者我唔該以有冇送禮物去衡量個男人係咪對我好。
平時佢都以自已為主,行街會要我陪佢睇佢有興趣的店,到我想自已行街時,佢就會話好眼瞓,可唔可以係車度等我。有一次我咁錢,ATM排隊排耐少少都俾佢講咗兩句。又有一次我想買杯咖啡,但排晒長龍咁,未排佢已經話唔好買,咁多人,所以最後都冇買到。佢每次都會好好人咁問我有冇咩地方想去,但我知佢個expect我答冇。平時收工只有我等佢,佢一定唔可以等我,如果要佢等,又會發我脾氣。嘈交時佢會用佢上次陪我去咗邊度邊度為理由,話佢其實犧牲咗自已工作時間黎陪我,所以其實佢唔係只為自已,有好多時都為我。搞到我後黎完全唔想叫佢車我去邊玩,只有佢想去時我坐順風車算。
而且我哋嘈交時佢完全唔會接受我意見,佢會發好大脾氣,鬧完我後要我道歉,我當然會同佢嘈,但我唔道歉的話真係會沒完沒了,嘈足8個鐘都可以,所以我頂唔順時就算啦,道歉咪道囉。其實有時覺得如果你男朋友係嘈交時會主動道歉,你真係好好彩遇到個錫你的。依家即使我被鬧到喊晒口,都只係會俾人繼續鬧,然後被逼道歉。
呢種生活雖然只係持續咗1年,但我已經受夠,正打算分手中。只係預感分手時一定會俾人話我自私,利用完佢就算。我只係想聽下大家意見,係我太港女,要求太高,定係對方問題?
回覆
+ Favorite

舉報

註冊日期: 2016-1-26

發表於 2016-3-23 13:27 | 顯示全部樓層
我絕對唔覺得你要求高。 佢根本無為過你著想。 分手是對的!

一年已經咁難頂,想像下過多幾年後會幾辛苦。

good job sis!

註冊日期: 2016-3-23

 樓主| 發表於 2016-3-23 13:38 | 顯示全部樓層
glowb 發表於 2016-3-23 13:27
我絕對唔覺得你要求高。 佢根本無為過你著想。 分手是對的!

一年已經咁難頂,想像下過多幾年後會幾辛苦 ...

Thanks!! 我真係諗咗好耐都唔知誰對誰錯!!

註冊日期: 2016-3-22

發表於 2016-3-23 13:43 來自手機 | 顯示全部樓層
我唔會話你港女,我覺得如果兩個相處,令其中一方,或者兩方都唔開心多過開心,真係要諗下傾下點走下去 or 不走下去。 男方的確有點不理你感受,想法,搵日平心靜氣表達一下心情,不用太批評他對錯, 大家各有喜好,不傷害對方就ok, 兩個人之間不必太計較邊個啱d, 邊個錯d, 而往往亦唔會有人啱晒,有人錯晒,反而應該諗下大家點可以令對方開心d .當雙方都願意做,好多野應該會簡單好多 . 不過諗諗,佢願意放低自己一部份去遷就你?

註冊日期: 2015-9-16

發表於 2016-3-23 13:43 來自手機 | 顯示全部樓層
早走早著

註冊日期: 2016-3-23

發表於 2016-3-23 13:56 | 顯示全部樓層
我肯定,佢衹愛自己,早走早著

註冊日期: 2015-8-22

發表於 2016-3-23 14:00 | 顯示全部樓層
點解你可以同一個對你咁差嘅人一齊?快走

註冊日期: 2015-4-7

發表於 2016-3-23 14:01 | 顯示全部樓層
"油費都係AA。返工路係順路放低我,夜晚再接我返屋企咁。"
痴線, 油費都AA, 咁佢遠程過你喎, 佢要比大份D先岩囉

有佢著數就話傳統係女人做家務, 呢D小家男飛得

註冊日期: 2016-3-23

 樓主| 發表於 2016-3-23 14:09 | 顯示全部樓層
小斯斯 發表於 2016-3-23 13:43
我唔會話你港女,我覺得如果兩個相處,令其中一方,或者兩方都唔開心多過開心,真係要諗下傾下點走下去 or  ...

我都有朋友提議去傾,但係我覺得佢唔會改變。而且我唔太想面對佢。

註冊日期: 2016-3-23

 樓主| 發表於 2016-3-23 14:11 | 顯示全部樓層
citysuper 發表於 2016-3-23 14:00
點解你可以同一個對你咁差嘅人一齊?快走

我一直都未諗通,好驚係自已做得唔好,所以一直拖,又心軟,覺得佢或者有一日會改變。依家聽完大家咁講,其實個心舒服咗好多。

註冊日期: 2016-3-23

 樓主| 發表於 2016-3-23 14:12 | 顯示全部樓層
Kiroro1210 發表於 2016-3-23 14:09
我都有朋友提議去傾,但係我覺得佢唔會改變。而且我唔太想面對佢。

你又講得岩,佢既然計得咁盡,我都應該計返盡少少。

註冊日期: 2016-3-15

發表於 2016-3-23 14:15 來自手機 | 顯示全部樓層
QUEENinLOVE 發表於 2016-3-23 14:1
"油費都係AA。返工路係順路放低我,夜晚再接我返屋企咁。"
痴線, 油費都AA, 咁佢遠程過你喎, 佢要比大份D先岩囉

有佢著數就話傳統係女人做家務, 呢D小家男飛得

同意,我都睇到r爆頭
呢個男人似係想搵人share生活開支多啲
雖然難聽,但恕我直言,sis你太縱容個男人,佢一啲唔珍惜你,睇唔出佢當你係女朋友。分手是對的,加油,唔好回頭。

註冊日期: 2015-5-22

發表於 2016-3-23 14:41 | 顯示全部樓層
又時唔需要太介意邊個岩邊個錯,唔夾、相處唔到,都可以係分手既理由,分手吧啦,大家既價值觀都唔同,係一齊都唔會開心

註冊日期: 2013-10-31

發表於 2016-3-23 15:09 | 顯示全部樓層
拍拖既過程就係為左了解對方係咪岩自己既終生伴侶,磨合到既當然好,真係唔岩既就唔好再浪費時間。比你結到婚都唔會幸福

註冊日期: 2016-3-23

 樓主| 發表於 2016-3-23 15:15 | 顯示全部樓層
hahakm 發表於 2016-3-23 14:15
同意,我都睇到r爆頭
呢個男人似係想搵人share生活開支多啲
雖然難聽,但恕我直言,sis你太縱容個男人, ...

天啊,我曾經俾人話過一模一樣的說話!! 我真係要清醒D先得!! THANKS!!

註冊日期: 2016-3-23

 樓主| 發表於 2016-3-23 15:16 | 顯示全部樓層
sea姐 發表於 2016-3-23 14:41
又時唔需要太介意邊個岩邊個錯,唔夾、相處唔到,都可以係分手既理由,分手吧啦,大家既價值觀都唔同,係一 ...

絕對同意!! 你令我更加肯定分手係冇錯!!

註冊日期: 2016-3-22

發表於 2016-3-23 15:25 來自手機 | 顯示全部樓層
Kiroro1210 發表於 2016-3-23 14:09
我都有朋友提議去傾,但係我覺得佢唔會改變。而且我唔太想面對佢。

呢個諗法,如果你反覆諗完,無後悔,就快快做la,  支持你
不愛,覺得難為,就離開吧。

註冊日期: 2010-10-18

發表於 2016-3-23 15:27 | 顯示全部樓層
牡丹 發表於 2016-3-23 15:09
拍拖既過程就係為左了解對方係咪岩自己既終生伴侶,磨合到既當然好,真係唔岩既就唔好再浪費時間。比你結到 ...

不能同意更多~!!!!!

註冊日期: 2010-10-18

發表於 2016-3-23 15:29 | 顯示全部樓層
樓主,你咁都頂到一年?? 真係好野~

註冊日期: 2015-6-28

發表於 2016-3-23 15:38 | 顯示全部樓層
本帖最後由 車邊90後 於 2016-3-23 15:51 編輯

應該飛左佢囉。
您需要登錄後才可以回帖 登錄 | 註冊

News
Feature
Blog
Load more
 
NOTIFICATION