{ FORUM - LOVE }
Search
Title / Tags Author

樓主: Lm118

又是小三既問題,困擾一年,點算?

[複製鏈接]

註冊日期: 2015-10-9

發表於 2016-5-11 05:42 來自手機 | 顯示全部樓層
講得岩,做返個有自信女人,唔好係佢面前做弱者。唔係話全部男人唔好,但要變心真係阻唔到。你地成年無行埋真係奇怪D,正常男人點忙都需要...最怕佢呃你佢仲有keep小三。
咁你老公話keep頭家,咁佢有無做返D野去補救?

註冊日期: 2009-12-5

發表於 2016-5-11 07:31 來自手機 | 顯示全部樓層
千萬唔好响個家長谷度一野揚晒出黎, 啲家長當睇戲架咋, 分分鐘俾人話你無理啲小朋友感受, 可以暗地揚。

註冊日期: 2014-9-12

發表於 2016-5-11 09:19 | 顯示全部樓層
為左自己為左小三個老公 我認為你應該同小三老公講 之後再選擇自己離婚 好老實 係搵小三都吾好咁就手啦

註冊日期: 2015-1-10

發表於 2016-5-11 09:20 | 顯示全部樓層
點解2次婚姻都會有小三?

註冊日期: 2011-8-18

發表於 2016-5-11 09:39 來自手機 | 顯示全部樓層
爆比佢老公知。我唔信男人聽到會唔嬲

註冊日期: 2015-10-14

發表於 2016-5-11 09:58 | 顯示全部樓層
既然個女人咁事無忌但既, 咪係媽咪GROUP放個故仔出去囉, 唔好開名. 老公問既就炳佢, 既然佢唔珍惜你亦唔洗同佢客氣, 你咪話佢知佢地再聯絡既就開名, 跟手email埋比你老公個老細, 我睇下佢返乜野工. 做乜野都會有代價既, 無代價當然唔會上心

註冊日期: 2016-3-8

發表於 2016-5-11 11:19 來自手機 | 顯示全部樓層
加油!

註冊日期: 2013-3-25

發表於 2016-5-11 11:23 | 顯示全部樓層
心,知道 發表於 2016-5-11 09:20
點解2次婚姻都會有小三?

雙方都有問題, 小三既出現唔係只有男人問題, 不妨都唸下自己係唔係同佢相處 有磨擦

註冊日期: 2009之前

發表於 2016-5-11 11:23 | 顯示全部樓層
已經困擾了一年就吾好拖了,就算你老公真的知錯會斬攬也信不過小三啦,轉校也阻不了小三找你老公的,最好還是找小三老公說清楚,起碼比番D壓力佢吾好咁過份先

註冊日期: 2013-3-25

發表於 2016-5-11 11:38 | 顯示全部樓層
1) 第1次婚姻問題, 你可以話睇錯/ 識錯人, 無話警察一定唔好,我身邊都有好多警察朋友都係好好先生, 但第2次婚姻都有問題,應該認真唸下, 究竟係邊方面令到事情發展成咁, 無野係1隻手指得嚮

2) 現任老公: 同同學仔媽咪發生左感情 已經話俾你知佢有幾信得過啦, 搵件就手既食, 個小3既小朋友讀咩年級根本唔重要, 你老公話要個家, 但最後都有聯絡同發生關係, 其實你都有份造成, 你仲可以俾件事發展左1年, 由聯絡到發生關係, 你仲問佢點樣, 使咩問呀, 佢實話要個家架, 實話唔係愛個小3架, 佢咪睇準你一定唔會離開佢, 由你地結婚-> 有小朋友, 佢已經知道你係咩人, 先會咁就手去食啦

2)個小三話自己要代夫還錢呢D就係廢話, 係個媽媽GP 講, 擺明係想話俾人知, 自己"好似"好慘咁, 等人地同情佢, 都東窗事發都唔會俾人插得咁勁, 做哂伏線啦, 佢搵唔搵你老
公做水泡又唔關你事, 你仲要幫人唸埋, 訓醒未呀, 你唸下自己先啦, 就算佢係又如何, 你老公搵得小3預左有後果架啦, 佢係唔係真係有錢定無錢都唔會影響佢會唔會做人小3架喎, 唔好放錯焦點啦!

3) 你 : 個老公仲信唔信得過, 呢樣野你自己最清楚, 你自己問自己佢呃左你幾多次, 你自己可唔可以忍受之後幾十年, 佢再有偷食問題, 如果你忍到既話, 咪繼續囉, 外人幫你唔到, 你自己根本其實有答案, 生活, 人生係你自己, 幾慘幾難過, 或者係幾好都係你自己過, 現今社會, 女人唔係仲天真到靠個男人嘛

註冊日期: 2009之前

發表於 2016-5-11 16:22 來自手機 | 顯示全部樓層
呢件事一定要公開晒比全校既人聽,全校既家長都應該要知,最好連二奶個家人細路都要知,等佢地知道佢地阿媽咁cheap,亦都要其他家長提防個女人。

註冊日期: 2015-11-24

發表於 2016-5-11 18:08 | 顯示全部樓層
其實你係咪自己本身就比較熱衷於工作既人同丈夫既互動好少?所以你老公會辭職專心揍仔,佢可以有咁多機會同小朋友同學既家長接觸其實係咪反映緊你比較少關注佢地呢方面既事呢?雖然錯佢就錯硬既
但有時問題唔一定淨係對方身上

註冊日期: 2015-8-18

發表於 2016-5-11 20:55 | 顯示全部樓層
唔明點解要公開比學校聽,有無sis可以解釋下?我個人認為講晒出黎只會對細仔造成傷害,分分鐘d小朋友同番細仔講,你好難擔保d家長唔會同自己個小朋友講。另外,你自己既私人事點解要驚動學校?想俾人覺得你好慘?你明明有得揀離婚你唔揀,你甘願行到黎今時今日,你怪得邊個?

註冊日期: 2016-5-7

 樓主| 發表於 2016-5-11 22:02 | 顯示全部樓層
我本身份人工好過老公,老公之前做速遞,叫做判上判既自僱人士,無任何福利,之前佗細仔做產檢,多數自己去,老公請假要扣錢,而且住緊層樓是我十年前買落自己供緊,所以細仔出生時,老公辭職專心揍仔。
我並非工作狂,只是當時主管睇得起我,咁我都想升職搵多啲,大家生活好啲,亞你學野都要錢,結果有時細仔活動我未必全部參與到,加上大仔早幾年要考呈分試升中,結果令小三有機可乘。其實事情發生後,老公有講番揍細仔時有唔開心,但是我記得我放工返屋企,見佢唔妥咁樣有問佢做咩?佢話無野,所以我唔多追問。因為老公係一個唔多表達自己,同埋唔鍾意煩既人。老公亦有話我同佢教育大仔有分歧,引致我們關係亦變化左。

註冊日期: 2016-5-11

發表於 2016-5-11 22:44 來自手機 | 顯示全部樓層
pm plzzzzzxxx

註冊日期: 2016-2-24

發表於 2016-5-12 03:40 來自手機 | 顯示全部樓層
其實 你想原諒佢
就原諒
唔想咪離婚
你自己養得掂
無嘢好驚

註冊日期: 2015-8-11

發表於 2016-5-12 10:30 | 顯示全部樓層
睇見你個POST真係心都唔舒服, 我好身同感受, 有時唔係你做錯野, D男人跟本都會去滾...SIS, 你要明白無話邊個岩邊個錯, 既然兩個人個心唔再係一齊, 呢一刻你要理智咁處理, 同小三老公講之前你要離婚拎到應得既膳養費, 可以既大仔跟自己, 去申請公屋, 單親會快點, 另外, 你要搵社工幫手, 睇下可以申請綜援或學費津貼之類, 呢個世界無話無左邊個唔得, 係睇你醒唔醒同肯唔肯行出呢一步, 男人? 無左唔緊要, 我離婚呢一年反而覺得輕鬆左唔駛照顧多一個又唔駛等人番屋企唔駛因佢開心而開心, 每日就淨係諗住仍同小三今日又去邊...做女人要錫自己, 加油呀

註冊日期: 2016-3-2

發表於 2016-5-12 10:40 | 顯示全部樓層
NancyWong 發表於 2016-5-8 15:29
我會搵果個女人既老公同果個老公講呢單野,再back up哂所有証據send哂比學校所有老師同家長會所有人..
佢咁 ...

支持呢個做法,
無論你決定要唔要你老公都好
或者你老公係咪真心改過都好
個小三既醜事最好公開比人知等佢無地自容

不過甘做同樣將你老公醜事公開
睇下你當唔當比個教訓佢
如果佢真心改既佢會留低

註冊日期: 2015-9-17

發表於 2016-5-12 12:07 | 顯示全部樓層
Lm118 發表於 2016-5-8 03:10



我40歲,離過婚有個14歲大仔,於大仔8個月前夫已離家,雖然他是警察但欠債又有小三,結果選擇離婚。約十年前工作關係認識現任老公,佢知我背景,認識幾個月就拍拖,6年前結婚,奶奶&姑奶都對我同大仔好好。5 年前生左細仔,老公辭左份速遞專心揍仔,直到細仔讀N班,老公又搵到份政府工,我以為自己好幸福,誰知响細仔K1下學期5月時,我知道左老公與同學仔媽咪發生左感情。原先响同學仔gp,變左佢哋私下whatsapp,老公會上淘寶買野比佢兩個女,個小三大女係我細仔同學,佢仲有個細女今年9月讀K1.
當我知道左後老公話要個家,但是比我知道佢地有聯絡,件事發展一年,個小三都知我知道哂,佢又响啲媽咪gp話自己老公唔理屋企,又賭馬又飲酒,自己要幫老公還債,因為用佢名借,全家係大伯比錢養⋯講到等啲女大左會離婚。响今年3月我知道佢地發生關係,我亦都問我老公點樣,如果佢地大家喜歡,咁我們離婚唔好拖。我問老公係咪愛呢個Mandy (小三),老公話唔係;我問佢係咪好愛你,佢會同老公離婚,我老公又話唔係!最後老公都是話要番個家,同女人分手。
雖然我依家無証據知道佢地有聯絡,但是我唔相信老公可以真心返屋企,之前咁多次佢哋都斷唔到,點解今次可以?
我都知我好蠢,唔應該相信呢個男人,但是我唔捨得佢,亦唔想啲仔單親。個小三亦都以為我怕左佢,唔出聲唔反擊,其實我已經同學校講左呢件事,因為我唔想有啲活動會大家踫面。
個小三一家四口同奶奶一齊住,平日要返工,奶奶揍女,放工就話自己睇番。話自己要代夫還錢,但是個女生日搞左個5000幾蚊既生日會慶祝4歲生日,自己又揍iPhone 6 ,又話自己都要放輕鬆下會出夜街,兩女之母那有咁多時間呀⋯⋯我個家散左佢有咩好處?
我怕佢搵我老公做水泡,以為佢做公務員有私家車就有錢,其實我老公返出黎做番三年野無咩錢,佢搵錯人啦!

我老公之前個小三又係叫Mandy .....

註冊日期: 2015-9-17

發表於 2016-5-12 12:08 | 顯示全部樓層
Lm118 發表於 2016-5-11 10:02
唔明點解要公開比學校聽,有無sis可以解釋下?我個人認為講晒出黎只會對細仔造成傷害,分分鐘d小朋友同番細仔講,你好難擔保d家長唔會同自己個小朋友講。另外,你自己既私人事點解要驚動學校?想俾人覺得你好慘?你明明有得揀離婚你唔揀,你甘願行到黎今時今日,你怪得邊個?

Pm u
您需要登錄後才可以回帖 登錄 | 註冊

News
Feature
Blog
Load more
 
NOTIFICATION