{ FORUM - LOVE }
Search
Title / Tags Author

查看: 127880|回覆: 214

個天幾時先肯放過我...

[複製鏈接]

註冊日期: 2016-5-28

發表於 2016-5-28 20:34 | 顯示全部樓層 |閱讀模式
我今年38歲啦,可能髮型關係個樣似足二字頭,而且我係男性主導既行業度做,所以男朋友一直一個接一個. 但年紀越來越大,反而吸引到比我細8-12年既男仔.

雖然不缺男人,但感情運都幾差,每次分手都是因為第三者.

我31歳時,當時男朋友22歳,一齊一年幾都幾開心,我想結婚架,但佢表示未玩夠,我愛佢,所以隻眼開隻眼閉比佢出去玩,等佢,希望佢玩夠就返黎我身邊,最後佢都為左個女仔同我分手(個個女仔已經成為他太太,仲有個仔仔),分手後我們仍然維持了2 年sp 關係.

分手後無耐就同左一個對我有意思既同事一齊,仲好快同居,佢對我都算好,養埋狗仔,生活平淡但我唔滿足,因為佢真係好悶!大概一年度,我識左個細十年既男仔,佢好幽默,同佢一齊好開心,我一腳踏兩船咁維持左半年. 我男朋友知左道我有外遇不但無嬲仲同我求婚,而另外個個亦表示會等我.

又過左三個月,我最後決定同細十年個個一齊,佢真係好錫我,對我好好,好聽我話,又好願意洗錢係我身上! 雖然我地搵得差唔多,佢會主動幫我比錢,比卡數,又每個月比幾千蚊我. 我個時已經36歲時,父母又催我地結婚,咁我捉左佢去結婚展,要佢book 灑D酒席同PW, 9個月後結婚!因為我地都無乜積蓄,即使我父母要了20圍,他都好努力去滿足我要求,咁我都好識做,我有負責比錢買結婚戒指.

值到結婚前五個月,佢成日話要OT, 見面少左,佢態度開始變,又話壓力大。咁我咪自己搞結婚D野同搵屋,我搵灑D朋友幫手都盡量唔煩佢. 好快我就搵到屋,簽埋名先話唔想搬出去,唔想結婚,因為佢性格大變,我以為佢撞邪,又去幫佢拜神又搵師傅,我有懷疑過佢外面有女人,但佢死都唔認. 話就話住埋一齊,但日日都好夜反,連過大禮都無出現,但奶奶都包左封大利是比我. 結婚前一日月,我好驚佢真係會唔娶我,我真係打算死左去,又自殘又日日都以死威脅,佢一唔返屋企,我就打比奶奶,等奶奶迫佢,佢最終佢都肯同我簽左名結婚. 我以為結婚後會一天光灑,點知佢變本加厲,鐘意就返,唔鍾意就唔返,日日要睇佢面色心情做人,同事安慰我又屈我勾佬,我每日都食唔落,訓唔到,搞到我憂鬱症! 佢當我仇人咁,好憎我,明明我都無做錯事! 之後佢每次唔返我就同奶奶講,佢就會反屋企,佢答應左奶奶同我相處三個月,如果仍然覺得不適合,就同意我地離婚。這三個月佢的確每日都陪我,但態度好冷淡,佢無出去見狐狸精,我唔祈求佢擺我第一位,但只要佢係我身邊就夠。

過完年無耐,同親戚朋友交代完,佢衫都無執,就走左無返過黎. 起初我搵佢都有理下我,之後我病到入院佢都好狠心無黎睇我,又唔肯幫我交租,搞到我比業主逼千!!我係佢老婆黎架,但我連寵物都不如!我又唔知點同我爸爸解析,點解佢咁對我,搞到我連屋企人都要避埋!
回覆
+ Favorite

舉報

註冊日期: 2015-8-28

發表於 2016-5-28 20:54 來自手機 | 顯示全部樓層
我覺得好似迫得對方好緊咁

註冊日期: 2016-5-28

發表於 2016-5-28 21:00 | 顯示全部樓層
男人變左心就無得返轉頭,當初就應醒覺,放棄結婚。

註冊日期: 2016-5-19

發表於 2016-5-28 21:58 | 顯示全部樓層
其實婚前已經好明顯睇到有問題,都逼自己去結婚,唉……

註冊日期: 2016-4-19

發表於 2016-5-28 22:03 | 顯示全部樓層
睇落係你唔肯放過自己
咁大個男人俾個老婆用老母迫佢 人都癲

註冊日期: 2015-8-22

發表於 2016-5-28 22:16 | 顯示全部樓層
你都試過一腳踏兩船,個天要讓你明白被人拋棄的感受。

註冊日期: 2016-5-7

發表於 2016-5-28 22:26 來自手機 | 顯示全部樓層
三段感情顯示出樓主你人有問題 你你自己唔放過自己

註冊日期: 2014-11-22

發表於 2016-5-28 22:26 | 顯示全部樓層
佢似係唔想結婚喎

註冊日期: 2016-3-4

發表於 2016-5-28 22:55 | 顯示全部樓層
你太Chur啦,我都覺得辛苦

註冊日期: 2015-11-22

發表於 2016-5-28 22:58 | 顯示全部樓層
樓主好慘呀




係你唔放過自己
第一個經歷,係你自己白等食家,賤男。
第二個經歷,係你自己唔要好男人,嫌佢悶,背住佢一腳踏兩船。
第三個經歷,係你逼得太緊,明知人地26歲事業稍有起息都仲逼婚逼太緊(一定會有人話樓主都好趕結婚,36歲,但係你明知自己趕結婚就唔好揀第3個男人啦,佢都未有足夠能力)。最後,緊係如你所願,呢段經歷咁刺激,滿足到不甘於平淡沈悶嘅你。個天畀你過如你所願嘅生活,個天對你好好。

反省吓自己,唔好怨天尤人

註冊日期: 2015-9-29

發表於 2016-5-28 23:01 | 顯示全部樓層
不要怨天尤人, 問題是,你一直都不知自己其實都有問題

註冊日期: 2014-12-31

發表於 2016-5-28 23:05 | 顯示全部樓層
好恐怖,你簡直係你老公惡夢,仲要話自己無做錯⋯⋯

註冊日期: 2016-5-28

 樓主| 發表於 2016-5-28 23:11 | 顯示全部樓層
我做錯乜呀?有第三者個個又唔系我!如果唔係個個女人落左佢降,我地會好幸福架!

註冊日期: 2015-4-18

發表於 2016-5-28 23:57 來自手機 | 顯示全部樓層
重系自我中心

註冊日期: 2016-4-19

發表於 2016-5-29 00:12 | 顯示全部樓層
lovenel 發表於 2016-5-28 11:10
好恐怖,你簡直係你老公惡夢,仲要話自己無做錯⋯⋯

醒下啦 哂你都講得出

註冊日期: 2016-5-17

發表於 2016-5-29 00:21 | 顯示全部樓層
樓主你真係好恐怖,一路睇你篇post,睇埋你回覆真係心都寒埋。你再唔反醒下諗下自己有咩錯,你呢世都唔會搵到個好男人。我諗我真係第一次覺得男人搵第二個都係情有可原,唉,醒下啦,諗下自己有咩問題,唔細嫁啦都,唔好咁自我中心,仲要學人怪個天,個天今次真係無對你唔住。

註冊日期: 2014-12-31

發表於 2016-5-29 00:35 | 顯示全部樓層
有情緒病就快啲尋求幫助,諗咩降頭哂時間發癲,自毀人生呀

註冊日期: 2016-4-3

發表於 2016-5-29 00:46 來自手機 | 顯示全部樓層
其實你自己都唔係好野黎啦,第一個當你唔好彩,但人地結左婚仲玩兩年sp,又有幾咁好?第二個你又咁狠飛人地,第三個男人只不過黎還返啲孽債俾你,呢個世界有句說話叫:風水輪流轉。
你硬係要貪啲細你咁多既就預左你既風險會比較大架啦,你老公三十歲個陣你都四張野,唔講年紀,你下下拎人地亞媽出黎搞到人地母子不和又成日煩住人地老母,其實真係堅乞人憎!
你睇開啲啦,同人老公玩sp又狠飛男友,你而家咪當還左囉。

註冊日期: 2015-5-31

發表於 2016-5-29 00:55 | 顯示全部樓層
經歷1! 明知人地有已經結左婚, 仲搞! 根本無結果。經歷 2. 有人愛你, 原諒你, 你最後揀左個第三者。經歷3. 自己迫走個男人, 一哭二鬧三上吊, 野野搵人老母撻人! 比我都怕左你。

註冊日期: 2016-5-28

 樓主| 發表於 2016-5-29 01:42 | 顯示全部樓層
我先係受害者,你地唔話我老公不負責任,唔話個第三者破壞我家庭幸福,搞到我地夫妻唔和順,反而話我
您需要登錄後才可以回帖 登錄 | 註冊

News
Feature
Blog
Load more
 
NOTIFICATION