{ FORUM - LOVE }
Search
Title / Tags Author

查看: 92577|回覆: 132

由準備結婚變成好難睇咁分手

[複製鏈接]

註冊日期: 2016-8-8

發表於 2016-8-8 18:17 | 顯示全部樓層 |閱讀模式
我同男朋友前前後後一齊左9年,其實拍拖一段時間都知大家好唔同,例如我覺得儲錢冇咩用,如果佢肯結婚後啲錢俾我管/用,就算佢唔儲我都覺得冇所謂,及時行樂最緊要。但佢就唔係咁諗,覺得要未雨綢繆,即使未諗到啲錢用黎做咩。

點解可以一齊9年咁耐,好大程度係佢好多野都好肯就我、為我改變。不過最近我地開始因為結婚問題嘈起上黎。我想唔擺酒,因為覺得與其放錢去擺酒度,不過拎去旅行好過,同埋我屋企都唔介意我唔擺,但佢自己就好介意,話一生人一次,一定要搞得風風光光。結果因為呢個問題嘈左好多次交,嘈嘈下,佢開始同我翻舊帳,話佢每次都會就佢,點解今次就佢一次都唔得,又話平時忍我已經忍得好辛苦。

本來件事好小野,不過大家一直翻舊帳(我話佢今次唔肯就我,證明佢已經冇咁鍾意我,同以前係兩個人),搞到愈嘈愈勁,最後變成冷戰,大家冇搵大家。後尾俾我係佢ig tag相嗰度,見到佢喺冷戰期間,同咗個鍾意佢既靚女同事單獨食飯,我勁嬲,同咗佢講分手!

我講完分手之後嗰日,佢有黎公司樓下等我,但我都冇接受返佢,反而叫佢拎返晒我放喺佢屋企既所用衫同日用品俾我。然後佢今日搵人速遞咗過黎,同埋佢block晒我所有野。明明係佢做錯,點解佢仲可以大牌到咁?

回覆
+ Favorite

舉報

註冊日期: 2016-7-11

發表於 2016-8-8 18:21 來自手機 | 顯示全部樓層
似係樓主唔肯接受人,人地先灰到放棄。擺酒大有大搞細有細搞既,為左啖氣無左珍惜你既人值得咩

註冊日期: 2016-6-8

發表於 2016-8-8 18:27 來自手機 | 顯示全部樓層
好可惜,結婚大家都有份嘅就互相遷就下,佢想搞唔想後悔可以搞細規模啲。其實擺酒可以令到大家有份開心回憶可以將來重溫。
如果你唔想錯過呢段感情就主動哄返對方, 唔好咁硬頸,主動向佢示好唔代表你係輸家。

註冊日期: 2016-7-15

發表於 2016-8-8 18:34 來自手機 | 顯示全部樓層
喂!同你呢種人講多都哂氣啦!
你係咪強

註冊日期: 2009-10-8

發表於 2016-8-8 18:34 來自手機 | 顯示全部樓層
唔係下下都要老馮咁一定要人就曬你嘅。
唔啱傾到啱姐,又唔代表咁樣就係無咁鐘意你。
不過都搞到呢個地步,講咩都無用喇。

註冊日期: 2016-7-15

發表於 2016-8-8 18:37 來自手機 | 顯示全部樓層
喂!同你呢種人講多句都哂氣啦!
你係咪弱智嫁,你條仔忍到你9年,仁至義盡!
你不如反省下自己先啦,幾十歲人仲on99甘,佢同你分手真係正確決定,同你一齊,簡直誤人終身!

註冊日期: 2016-7-15

發表於 2016-8-8 18:38 來自手機 | 顯示全部樓層
iluvuboyz 發表於 2016-8-8 18:27
好可惜,結婚大家都有份嘅就互相遷就下,佢想搞唔想後悔可以搞細規模啲。其實擺酒可以令到大家有份開心回憶可以將來重溫。
如果你唔想錯過呢段感情就主動哄返對方, 唔好咁硬頸,主動向佢示好唔代表你係輸家。

條,我係佢條仔,彩佢都有味,腦殘到甘,無得醫囉!

註冊日期: 2015-6-6

發表於 2016-8-8 18:41 | 顯示全部樓層
如果你繼續有呢段感情,去道歉吧!你男友就咗你9年啦⋯做人要知足!下半世點樣繼續一齊過

註冊日期: 2016-5-8

發表於 2016-8-8 19:03 | 顯示全部樓層
好似你有問題多d喎 其實草錢係好重要嫁 另外 結婚係兩個人既事 唔係你一個話曬事 點解唔好地地傾 都就結婚先分手太兒戲啦

註冊日期: 2016-2-23

發表於 2016-8-8 19:11 | 顯示全部樓層
女人有新鮮期,都一齊九年都仲咁有熱情大攪婚禮,你真係執到,你究竟係呢個 chat room 有冇學到嘢,女人都有佢值錢既時限,見好唔識收,仲要大人大到要佢送翻曬你D嘢俾你,冇彎轉啦,大唔到人,睇你點搵第二個。
一D都唔成熟,甚麼及時行樂,人冇幾個錢旁身,有事你就知痛苦,男人咁有打算,你仲想點?你無見尼到D女仔怨婦成日投訴D男人唔成熟、又懶、又唔勤力搵錢、又無責任感、又好色⋯⋯,就知好仔難求。
如果現在俾你跪求到要佢娶你,咁你快D還神及醒定D過你的余生。

註冊日期: 2016-2-11

發表於 2016-8-8 19:23 | 顯示全部樓層
衰d講句,人地都忍左你9年,難道佢老馮要繼續忍你嗎?要互相遷就的,加上拍拖係2個人的事,但結婚係2個家庭的事,點解你就不能理解人地的想法同處境呢?如果樓主繼續咁自我中心,相信唔洗再有機會拍拖

註冊日期: 2016-4-6

發表於 2016-8-8 20:21 來自手機 | 顯示全部樓層
你好有問題。祝你男友即刻揾過個靚女同事好過對住你呢個唔講道嘅又絶嘅港女。佢可以即刻揾個第2個唔使再對住你D咁惡頂溉女人

註冊日期: 2016-4-6

發表於 2016-8-8 20:24 來自手機 | 顯示全部樓層
我現在明白D女仔真係好難頂。做人張就下都唔難吧。你做人處事差到咁真係有男友都好彩了。分手都係自己做成

註冊日期: 2015-7-19

發表於 2016-8-8 20:37 | 顯示全部樓層
只想講句:自己攞黎賤,抵撚死!
好彩佢無娶你咋,曬時間係你呢d咁自我中心既女人身上,個9年當豪比你啦,希望你前度拿拿聲搵到個好女人結婚,留名等睇樓主變老姑婆
睇完呢篇野真心覺得嬲,我諗你本人平時性格都應該幾難頂。

註冊日期: 2016-4-15

發表於 2016-8-8 20:50 | 顯示全部樓層
分手唔應該隨便講出口
既然係你主動提出,結果係咁完全係你一手做成

註冊日期: 2016-4-6

發表於 2016-8-8 21:08 來自手機 | 顯示全部樓層
你浪費了你男友9年。快D放生佢,等佢識返個好女仔吧!

註冊日期: 2016-5-19

發表於 2016-8-8 21:13 | 顯示全部樓層
你都話大部分時間都係佢遷就你……
你哋其實都係一樣,大家都唔肯退步
今次你覺得佢唔就你,你咪一樣無就佢,唔係佢錯曬

佢同個女仔食飯,後來佢都去公司接你,係你無俾機會佢…都唔係佢無做野,情有可原

儲錢嗰度,其實都應該嘅…多有多儲,少有少儲嘅姐。大吉利是講句,啲錢真係周月清嘅,萬一屋企人有咩事你真係後悔嚟都無L用

註冊日期: 2016-4-6

發表於 2016-8-8 21:19 來自手機 | 顯示全部樓層
你呢D女仔又吾識儲錢又惡頂,都唔知你前度點忍你咁耐。结左婚都要離,吾離你老公都有小三。

註冊日期: 2015-8-22

發表於 2016-8-8 22:49 | 顯示全部樓層
你男友终於可以奔向自由,替佢開心

註冊日期: 2016-3-25

發表於 2016-8-8 22:55 來自手機 | 顯示全部樓層
一段感情應該係互相遷就, 而唔係一味指對方就晒你一個, 你自己都講明佢就左你9年, 你就返佢一次都唔得?? 一直遷就你係一件好難頂既事, 佢應該都辛苦左好耐, 你仲想要挽回呢段感情,就要改下自己啦!
您需要登錄後才可以回帖 登錄 | 註冊

News
Feature
Blog
Load more
 
NOTIFICATION