{ FORUM - LOVE }
Search
Title / Tags Author

查看: 21048|回覆: 22

拖bb 8個月,老公懷疑我有產前抑鬱症

[複製鏈接]

註冊日期: 2016-9-21

發表於 2016-9-21 21:53 | 顯示全部樓層 |閱讀模式
好長篇。。大家可唔可以耐心咁睇埋落去

我老公當時係係facebook識既。當時係佢係facebook message add我問有無興趣返工果啲。之後我話無,但我地都keep住有傾計。傾左個幾月,我發現我對佢有小小感覺。咁我就開始留意多啲佢facebook出既post,之後先發現原來佢有女朋友。之後我就同佢講「原來你有女朋友架?」佢就同我講,佢地早幾日分左手因為一早已經出現問題,性格唔岩果啲。之後我地都有繼續傾計,後來我地就約出黎見面。無幾耐,我地就一齊左。

一齊之後一直都keep得好好。大家都好信任大家,唔需要check電話。而且大家都好有交待,去到邊度都會whatsapp大家。之後我發現我有左bb。佢好好,佢為左我同bb戒煙,佢好想負責任,但因為錢既問題,唔知道我地可唔可以handle到。到最後我地決定結婚。身邊既人都好支持。

咁之後既日子就要ready婚禮既野。有一日我同我姊妹出去試婚紗and晚裝。當時已經陀緊3-4個月。試左好多個鐘,好攰。後尾我同個姊妹食埋飯先返屋企。食完搭緊車返屋企既時候我就打比佢問佢係邊。佢竟然同我講話係一個中學女同學既屋企留下吹水。果一刻我好唔開心,即刻係地鐵裡面喊到收唔到聲。我cut左佢線,佢就一直打黎想解釋成件事。到我返到屋企先聽佢解釋。佢話咁岩撞到,所以就順便行到佢留下傾計,先行返去自己屋企。但真係超唔開心,因為我大住肚出去太子試裙,約cameraman果啲,佢好似無付出過咁。

事後,我話左唔鐘意個女仔,要求我地擺酒唔好請佢。但佢話係佢好朋友,好想share我同佢既喜悅比最好既朋友見證。最後結婚當晚,個女仔黎左。咁我咪扮無野,但其實心裡面都有啲唔開心。

之後日子都好平淡咁樣過。之後就到我生日。其實我同佢講左幾次,我好想食芝士蛋糕。我以為我生日果日佢會比個小驚喜比我拎個蛋糕出黎。點知我生日過左12點,我係房,佢係廳,佢無入黎同我講聲生日快樂。到後尾訓前,佢入左黎就咁就訓。我就偷偷地係度喊。

第二日我早起身過佢返工,佢都無表示啲咩。之後我就上facebook見到我個ex(拍左拖差唔多3年)係佢facebook share左我同佢之前一齊養既狗仔既相,tag左happy birthday。果一刻我超唔開心。點解我個ex起碼都會做小小野,但我老公就咩都無做。

果日既下午我老公就whatsapp send mesaage比我講聲生日快樂。我又好唔開心點解佢唔親口講,反而要係whatsapp度講,好似好無誠意咁。不過夜晚我老公就安排左同佢屋企人食buffet,所以就咁就算。但其實我心裡面有條刺。佢話因為轉左新工,無乜錢所以比唔到啲咩我。但其實我好易滿足。我只係想佢有啲誠意or心思,但佢咩都無做。

早幾晚我同我老公係屋企,佢用佢電話show比我睇啲搞笑片啦。中途睇睇下,無啦啦有個女仔whatsapp佢話「唔見你wo」。我果陣好好奇佢係邊個,就click入去睇。佢話係佢好耐之前既舊女同事。但奇怪既就係,得個女仔啲對話,我老公既對話delete晒。我老公解釋話佢返到屋企留下見到有個女仔好似佢舊女同事,所以就whatsapp佢問下係咪。但我覺得佢做呢件事好無謂。其實知道係佢咁又點?同埋我唔明點解記錄會無左。佢就話send比個女仔果陣佢入lift,所以可能無左。

本身我就100%好信任佢,但睇完delete晒記錄,我對佢既信任得返0%。加上我一直都無check佢電話呢個習慣,所以我唔知道佢呢啲行為幾時開始。

呢幾晚我係咁亂諗,係咁喊。我覺得我老公好似個陌生人。我唔想佢掂我,錫我。連食緊飯,佢差唔多全程都同(男)既傾電話。我感覺好似同一個唔識既人搭(台)咁。我覺得我無以前咁愛佢。我唔敢再相信佢。我有小小覺得我keep住呢段關係都係因為我肚裡面既bb。我好唔開心,我覺得我比唔到一個幸福既家庭比bb,bb好慘。

而家,我老公話以後都唔會做我唔鐘意既野。佢成日會問我心情如何。佢仲會請半日假返黎陪我。我問佢「咩你可以就咁請半日假架咩?」佢話佢啲同事都知道我大住肚,可能需要老公多啲陪老婆。佢覺得我有產前抑鬱症,所以佢多左關心我。成日問我想食咩,煮埋野比我食。佢好似想mend返我個傷口咁。但係我仲係好唔開心。平時自己一個諗小小野就喊到收唔到聲。我個心好痛,好大條刺。我唔知道而家點算。好快bb就出世,我好似未ready。我好想bb成長係一個健康既家庭度。
回覆
+ Favorite

舉報

註冊日期: 2016-1-17

發表於 2016-9-21 22:44 | 顯示全部樓層
其實見你篇野講左幾次成日喊,都真係有可能出現左情緒病~同埋第一胎,你情緒又咁唔隱定對bb唔好,試下諗野正面d, 做多d開心既野,諗返d佢好果面,唔好鑽牛角占~ 你笑多d, bb第時出來都會樂觀d

註冊日期: 2016-9-21

 樓主| 發表於 2016-9-21 23:44 | 顯示全部樓層
木野真琴 發表於 2016-9-21 10:45
其實見你篇野講左幾次成日喊,都真係有可能出現左情緒病~同埋第一胎,你情緒又咁唔隱定對bb唔好,試下諗野正面d, 做多d開心既野,諗返d佢好果面,唔好鑽牛角占~ 你笑多d, bb第時出來都會樂觀d

多謝你呀. I will try my best

註冊日期: 2016-7-12

發表於 2016-9-22 00:57 | 顯示全部樓層
我覺得你老公冇野,係唔夠浪漫遮(生日果part)。
至於果D message,你咁敏感,你老公就算只係同普通同事/朋友傾下計都怕你誤會啦,咪del哂佢算lor。
唔好諗埋D多餘野,好好安胎,去下D產前輔導,睇下有冇需要做心理治療。

註冊日期: 2015-5-24

發表於 2016-9-22 01:14 來自手機 | 顯示全部樓層
諗多左啦,傻瓜,放鬆啲

註冊日期: 2016-4-17

發表於 2016-9-22 02:15 | 顯示全部樓層
本身我都對你老公有啲疑問 但睇到最尾我都認為你老公係錫你既 你唔好諗埋一邊啦

註冊日期: 2016-9-18

發表於 2016-9-22 03:05 | 顯示全部樓層
你應該真係諗埋一邊啦⋯你老公雖然吾浪漫但都係錫你⋯有時可能角度吾同,佢吾知你吾開心同介意。或者試下吾開心同佢講吾好自己收埋喊。有左bb要開心呀。係開心事黎架嘛... 如果真係成日吾開心。要記得搵專業人士幫手⋯吾好自己諗埋一邊。

註冊日期: 2009之前

發表於 2016-9-22 04:16 | 顯示全部樓層
其實好多男人都唔識浪漫, 女人又唔想咩都講哂出口諗住男人會俾D驚喜自己, 但到最後又好失望. 睇得出你老公好care你, 你可能只係諗多左, 同埋有左BB, 情緒有D波動. 諗多D佢好既一面, 唔好成日喊, 正面D, 咁對BB, 同你地既感情都會好D

註冊日期: 2016-4-20

發表於 2016-9-22 08:14 來自手機 | 顯示全部樓層
小問題,唔好上心。
我生日,我老公都冇表示架,男人係咁。
陀bb最緊要心態正面,要開心。

註冊日期: 2016-1-26

發表於 2016-9-22 11:44 | 顯示全部樓層
你成日喊,情緒好唔穩定, 有無同醫生傾下? 聽下佢意見。
唔好諗咁多, 好好照顧自己同bb 先。

你老公肯抽時間陪你已經好好。 媽媽要正面 D,BB 第時先會做個開心 B!

註冊日期: 2016-6-17

發表於 2016-9-22 12:15 | 顯示全部樓層
其實睇落都似。亦因為個老公唔夠細心。你要好好放鬆心情,你成日喊肚裏面個BB 都感受到媽媽嘅不安架,你都想BB 開心成長唔想佢做喊包,所以萬事睇開D唔好諗埋一邊,有問題開心見誠同老公講,唔好自己屈埋

註冊日期: 2016-9-20

發表於 2016-9-22 17:23 來自手機 | 顯示全部樓層
其實你都需要同佢講
首先叫佢冷靜聽你講
你唔開心想同佢分享
每件小事5積埋埋就係大件事
你要講其實你生日想佢咁咁咁
(當然唔係好過份既事)
你因為佢冇做到而唔開心
而另外你話因為佢同女同事或者女性朋友咁樣樣,你唔開心,睇下下次去之前
都同你講聲先,而你介意佢同女仔單獨係屋企
不過你老公其實都需要有女性朋友
唔可以話唔比
但佢要有交帶囉
如果佢愛你既,佢會慢慢改
逐d遂d黎啦~

註冊日期: 2016-9-20

發表於 2016-9-22 17:28 來自手機 | 顯示全部樓層
我曾經都成日怪另一半點解唔夠點點點,點解好似冇咁愛我,要求佢點點點
但有一次佢話我其實都要體諒佢
之後我就冇再咁諗要求佢
而係我諗多左佢既感受,諗下自己點去付出
而家關係都好好~
所以你都可以諗下點樣令佢同你一齊係過得開心

註冊日期: 2015-1-31

發表於 2016-9-22 17:34 來自手機 | 顯示全部樓層
有時男人好笨拙,但我覺得佢愛你呀!安心養胎吧

註冊日期: 2016-9-1

發表於 2016-9-22 17:37 | 顯示全部樓層
just a small problem ... but, you guys need to communicate well ... i m sure your husband still really care about you... if not .. he won't do all these thing to ask your trust back ... for you .. i think you need to relax more .. and talk to others more ...  and stay healthy and happy is the most important for you now ..

註冊日期: 2015-11-26

發表於 2016-9-22 17:52 | 顯示全部樓層
我好明白陀住BB時會特別多擔憂同好似特別抑鬱既心情...不過睇你既形容,你老公係真心錫你既~

儘量多d同佢講你既感受丫~如果都仲係好唔開心好唔開心,就要搵專業人士幫下你,唔好怕俾人幫

註冊日期: 2013-12-26

發表於 2016-9-22 18:12 來自手機 | 顯示全部樓層
要一路整結婚一路陀bb
真係好辛苦
自己都經歷緊,我都成日喊
宜家只好吾諗

註冊日期: 2014-9-28

發表於 2016-9-22 18:42 | 顯示全部樓層
我只係覺得你老公唔夠浪漫的姐!同埋我覺得你老公會係一個好男人,我覺得你叫佢做乜,佢就會聽曬你話既人(起碼你老公覺得是對的,就會去做),姐係你老公由頭到尾都知道自做緊咩既男人,你放鬆自己啦!唔好比咁大壓力自己!
最緊要有咩開心/唔開心就要同你老公/身邊既人講出來...你唔同你老公講,你老公未必借明白你係到唸乜野,你都好愛呢個男人架嘛!
唔好屈係個心到偷偷地喊,喊係可以,但未必解決到你想要既問題!

註冊日期: 2016-6-12

發表於 2016-9-22 18:50 | 顯示全部樓層
我男朋友都係唔多浪漫,我生日佢都唔會特別準備啲咩,但係佢好關心我同照顧我,我同你一樣都會成日亂諗野然後好易喊,特別係黎m前一晚好嚴重,到第二日就會正常樂觀曬,我都唔知係未正常,一直都以為自己係太過感性,連睇套屍殺列車都可以喊成4  5次,雖然我無陀過bb,但我好明你。

或者同老公睇多啲搞笑野,有時間就同佢一齊上下啲照顧bb課,仲有一定要同講自己感受出黎,屈住屈住唔好架,多啲諗下對方為你做過大大小小嘅窩心事,唔好成日諗佢做得唔好嘅事,會開心好多,加油!

註冊日期: 2016-8-25

發表於 2016-9-22 19:52 來自手機 | 顯示全部樓層
when I had my two babies  , i never had any depression or thinking of anything that could makes me sad etc.  so i think you are just too sensitive. try to make yourself busy or do something enjoyable in your life like going on youtube or planning to buy anything for your new born baby. maybe justbstopping about your husband having another women etc
..
are you working now ? i was working when i was pregnant, i kept myself busy all the time...
您需要登錄後才可以回帖 登錄 | 註冊

News
Feature
Blog
Load more
 
NOTIFICATION