{ FORUM - LOVE }
Search
Title / Tags Author

查看: 89466|回覆: 242

十年情 (part 1)——真人真事

[複製鏈接]

註冊日期: 2015-9-24

發表於 2016-11-1 20:19 來自手機 | 顯示全部樓層 |閱讀模式
本帖最後由 honeylemon 於 2016-11-8 08:35 編輯

曾經,你對我是何等重要。如今,發覺只有和你分開,我才活出真我。

我,普通女仔一個,168cm 高,皮膚白,不太愛打扮,總覺得花時間打扮,倒不如睡多一點更好。每天出門,為着穿什麼而煩惱。想穿西褲,又未熨好。連身裙吧!原來又未補返粒鈕。這就是我。媽媽說,你做每樣事都last minute 去做,可否改善一下。我裝作没聽到。

臨走前,媽媽提醒我,今晚住澳門的阿姨會在我們家住兩天,方便在香港律師楼辦點事。說起澳門,我真的想去澳門發展。在香港,找来找去,只找到一萬多的人工,在澳門,做荷官,收入又好,又不需要放工後還要拿工作返屋企做。反正感情一片空白,也許出走一下,闖出另一片天地呢!又或是遇到我的真命天子?

(續)p.s.11月8 日,改了標題,短篇兩字令人誤會,所以,我已刪除了。

回覆
+ Favorite

舉報

註冊日期: 2015-9-24

 樓主| 發表於 2016-11-2 10:13 | 顯示全部樓層
我響澳門出世,有澳門身份証,之後,幾歲大已跟爸爸媽咪返香港住,妹妹弟弟就在香港出世。對於幼稚園的事,沒多大印象,小學至中學時代,我就在香港一直讀書了。每一兩年返澳門探親, 但對於這地方沒多大感情。始終有種感覺,香港才是我成長的地方。

畢業後,曾經讀過旅遊,但最後又沒有入到這一行發展。比較對office 既文職有興趣,最後,就一直做OL。曾經計劃日間返工, 晚間再讀書,大學學位已差不多成為每個人入職前的入場券。

但錢從何來?又不想減少家用,更不想讀完要背上一身債。讀大學這念頭又消失於腦海內。

放工後,澳門阿姨已在家中和媽咪聊天了。
原來,媽咪已跟阿姨略略說起我想到澳門發展的事。
邊食飯,邊傾,媽咪也表示對我去澳門的事不反對,只是怕我不能夠自己照顧自己。

阿姨捧著我給她的綠茶淡然說:「 廿幾歲嘞,最緊要係個囡既意願。做媽咪的,小朋友細個就拖住佢手去行,總有一日佢地要去跌,自己學起身。去學吓獨立啦!」「佢原意係想自己去澳門,搵錢,儲錢,一兩年後都會返香港既,港澳兩地這麼近,個囡探你又易。」

媽咪說:「你對自己有信心的話,就去做啦!但手續,辭職之類,你自己一手一腳去處理嘞!」「住屋方面,你工作未搵定前,你請教一下阿姨,同阿姨商量一下。」

「不過,這事你亦要自己開口等daddy 公幹回來和他傾傾。」

到澳門工作的事,似乎開始順利,最少媽咪是支持的,待daddy 返香港再問,那就應該沒問題吧!


弟弟妹妹放工後去完夜街都已逐一回家,似乎對我去澳門工作的事大致上沒意見。

串咀弟弟話:一個連小強都驚,又驚鬼既人點可以一個人住?!

你到時出門口,我放一百蚊響飯桌玻璃下面。我勸你別攞個大行李箱嘞!!!是但用個紅白藍,放少少衫褲,我打賭~你如果搵到工,又自己做獨居老人咁住到一星期,呢一百蚊就當我輸俾你。

我妹話:你唔好相隔太耐先返黎呀~

媽咪話: 瞓啦~~幾多點呀!?!聽日唔洗返工呀?!

成晚都唔係幾瞓得好,個心不停諗緊去澳門既事。

算啦! 不如聽日放工後搵阿kit 出黎,問吓意見,傾吓都好。

註冊日期: 2015-9-24

 樓主| 發表於 2016-11-2 11:20 | 顯示全部樓層
本帖最後由 honeylemon 於 2016-11-2 11:23 編輯

結果今日工作實在太忙,我忙到冇時間打俾kit。
放工後,直接返屋企了。爸爸中午前已返左屋企,剛好阿姨仲響我地屋企,如果食晚飯時,阿姨又好似尋晚咁幫我少少就好啦~~

返屋企前,媽咪打俾我,叫我買定爸爸鐘意食既半肥瘦叉燒,買定兩樽綠茶粉俾阿姨帶返澳門。

不知道爸爸買了什麼手信給我們?新加坡有什麼出名的?他會否買班蘭蛋糕,還是學一班主婦買肉骨茶包???



果然,真的是班蘭蛋糕作飯後甜品,媽咪和阿姨平分肉骨茶包, 還有幾盒虎x, 虎x萬金油?香港都有啦?!洗唔洗響新加坡買?

爸爸開了盒叉燒,雙眼發光說: 「始終都係香港既野好食,剩係盒叉燒,打開一望就知靚唔靚。」

媽咪向我打眼色。
我和爸爸說:「知你鐘意食咪買囉!」「daddy, 我有個計劃。」
爸爸:「點呢?想買樓?」「儲到首期先講。」

我: 同買樓無關既,我想去澳門發展一兩年,想返賭場,人工高d , 儲一兩年錢。」
爸爸:「之後呢?」
媽咪搶答: 「之後梗係返香港啦~~你自己儲到錢,想用筆錢再讀書又好,自己用來計劃吓將來又好。」

阿姨:「個媽咪又驚個囡學壞,又話怕佢冇獨立能力。我地都係廿四孝父母,事事擔心,其實,難得個囡有計劃都有勇氣同父母講,都係一件好事。」

爸爸:「賭場人事複雜,你有冇考慮過?」

沒人再敢說了。我除了聽到微弱的電視聲,再聽不到什麼。

我不知何來突然有勇氣說句(其實,係駁咀):「社會既人同事夠晒複雜啦~咪一樣要生活?!」


衝口而出的一句,我真的沒心說的,說話就好像一盆倒出來的水,講出去就收唔返........

爸爸繼續食飯,各人繼續食飯,我亦同時剛好食完飯.......放碗筷去廚房,一聲: 「我食完嘞~ 你地慢慢。」

行了去露台收衫。其實,我只想平復一下,望著樓下的街景,也許以後都要做文員,以後都是每個月拿著那一萬多,以後都是平淡過每天。

想著想著,眼前見到一件斑蘭蛋糕放在精緻的小餐碟上。
爸爸說: 「未食甜品喎!咁快就飽?你係認真返工,真係諗住儲錢先好去呀!」

我說:「我認真,那裡似講笑啊!」

爸爸說:「唔好隔太耐先返香港呀!你知我掛住...盒叉燒啦!」

我唔識回答,只是不停點頭,心內帶著內疚,內疚自己的失言,又感恩有這個好爸爸。」




(開始入故事嘞~ 多謝大家有看...(其實唔知係唔係真係有人看??!)

利申: 我唔係故事的主角。只是之前打過「如果你放唔低一段感情,你一定要看..」一文,見大家有興趣故事形式既真人真事,所以繼續寫作。把身邊人的事,放上來。

註冊日期: 2015-9-24

 樓主| 發表於 2016-11-2 11:24 | 顯示全部樓層
(仲有,大家看完呢篇,我起碼要今晚先再更新,如果晚上打得慢,唔好怪我...啊~~因為晚上多數是用手機打的,手指寫好慢~」

註冊日期: 2015-9-24

 樓主| 發表於 2016-11-3 19:36 來自手機 | 顯示全部樓層
對於澳門的租務,自己都不太清楚。幸好,姨丈是在地產舖工作,地點,交通,租務,手續,行情都給了我很多意見。間屋不用奢華,乾净整齊已ok。我們會除了日間睇樓之外,晚上亦去租盤留下行吓。那大約會估計到將來工作後回家,會否經過暗角位。(暗角位…而家,一講…大家都明。)一個人住,最緊要安全。

註冊日期: 2015-9-24

 樓主| 發表於 2016-11-3 20:30 來自手機 | 顯示全部樓層
日子一天一天地過,爸爸媽咪巳看過我將會住的地方。這個阿姨很細心,每當人問起,一個人住呀?你兒甥女一個住晒成間嗎?她總說,她想一下好了。我很多東西冇位置放。待拜四角之後,放上去她家就好了,幾時上去拿都一樣方便。
鎖匙都配定多一套,她忘記帶鎖匙,我都幫到她開門啦!又要煲湯水上去。

及後,她又向我解釋,一個女仔住,要時刻提高警覺,她故意這樣說,令人知道會有人經常在家,出出入入。

阿姨真的過份擔心吧!

這陣子,我開始預備辭職的事。約了阿kit 晚上在海港城食晚飯,相信他知道我會去澳門發展,一定會支持我。


(打住咁多先,飲咗紅酒,wing wing 哋,用電話寫,真係手軟呀!)

註冊日期: 2015-6-8

發表於 2016-11-4 09:37 | 顯示全部樓層
LM~~~~

註冊日期: 2015-9-24

 樓主| 發表於 2016-11-4 11:13 | 顯示全部樓層
阿kit係我小學加+中學同學,大家住同一屋苑,畢業後,大家還有聯絡。偶然會出去食飯,試過即使有時我和其他朋友去看電影或吃晚飯太夜回家,在車站撞到kit , 他會送我返屋企樓下。

因為我在同一屋苑中的最入的一座,樓下有公園又近山邊,他卻是在第二座,他是不順路的。我試過跟他說,唔洗啦~前面的人住我同一座。他每次都會說:「唔得。讓你家人知我見到你都唔沒送你返屋企,你有什麼事,我最大罪。」

say byebye前,他一定會說: 入左屋,send message俾我。

如果普通人不清楚我們,可能真的以為他是我男朋友呢。

我自己反而不會這麼細心。有時, 返到屋企,弄這樣,忙那樣,直至差不多睡前才想起要send message。

Kit 的成績比我更差,但他不介意由低做起,是屬於克苦耐勞那種人,試過同時返兩份工(一年時間內),只要可以減輕家人供樓和生活開支的負擔,他是沒怨言的。及後,他明白到,在香港,要不是你有能力創業,要不是你有專業資格,工作才可見出路。

後來,再換另一份工,正常放工時間,再轉夜晚讀書,終於,經過考了無數的考試,竟然大學畢業。換著是我,我可能讀到一半已放棄了。


聽說他小時候至中學時代,全家人三十度都沒開冷氣的,三十四,五度, 全屋人都差不多回家了,才開冷氣。他們說開盡全屋的窗,空氣對流,把一盤冰放進盆水中,濕條臉巾,放額頭,放在膊頭都一樣涼。

我打從3,4歲開始,住木屋區(住到5 歲多),已知道夏天開冷氣的涼爽感覺是怎樣。那時3,4歲,弟弟妹妹都還是要睡午覺,中午時份最熱,媽咪已開兩-三小時冷氣給我們睡覺。






註冊日期: 2015-9-24

 樓主| 發表於 2016-11-4 11:25 | 顯示全部樓層
本帖最後由 honeylemon 於 2016-11-4 21:51 編輯

這晚飯,價錢雖然有點貴,但我只想到方便他放工,之後,又可以大家一起返屋企。

自從他到了香港島返工,大家見面少了。工作時間長,晚上8 點放工是正常。
現在的他已是專業人士了,外型打扮都已和以前有點不同,但花錢亦如以往謹慎,只有一張信用卡,朋友還朋友,我們一直都AA制。點完菜後,我已急不及待說我的進行中的計劃給他知道。

(續)(多謝有人inbox 俾我, 我估唔到除左香港之外,仲有其他國家既女仔會收看~~~一早收到message, 好感動)


註冊日期: 2015-9-24

 樓主| 發表於 2016-11-4 11:28 | 顯示全部樓層

lm 即是什麼??

註冊日期: 2015-6-8

發表於 2016-11-4 12:07 | 顯示全部樓層
留名...............

註冊日期: 2015-5-1

發表於 2016-11-4 12:18 | 顯示全部樓層
honeylemon 發表於 2016-11-4 11:29
本帖最後由 honeylemon 於 2016-11-4 11:27 編輯

約了kit 在金鐘食晚飯,價錢雖然有點貴,但我只想到方便他放工,之後,又可以大家一起返屋企。

自從他到了香港島返工,大家見面少了。工作時間長,晚上8 點放工是正常。
現在的他已是專業人士了,外型打扮都已和以前有點不同,但花錢亦如以往謹慎,只有一張信用卡,朋友還朋友,我們一直都AA制。點完菜後,我已急不及待說我的進行中的計劃給他知道。

(續)(多謝有人inbox 俾我, 我估唔到除左香港之外,仲有其他國家既女仔會收看~~~一早收到message, 好感動)

姐系留名

註冊日期: 2015-6-30

發表於 2016-11-4 13:50 | 顯示全部樓層
honeylemon 發表於 2016-11-4 11:26
阿kit係我小學加 中學同學,大家住同一屋苑,畢業後,大家還有聯絡。偶然會出去食飯,試過即使有時我和其他朋友去看電影或吃晚飯太夜回家,在車站撞到kit , 他會送我返屋企樓下。

因為我在同一屋苑中的最入的一座,樓下有公園又近山邊,他卻是在第二座,他是不順路的。我試過跟他說,唔洗啦~前面的人住我同一座。他每次都會說:「唔得。讓你家人知我見到你都唔沒送你返屋企,你有什麼事,我最大罪。」

say byebye前,他一定會說: 入左屋,send message俾我。

如果普通人不清楚我們,可能真的以為他是我男朋友呢。

我自己反而不會這麼細心。有時, 返到屋企,弄這樣,忙那樣,直至差不多睡前才想起要send message。

Kit 的成績比我更差,但他不介意由低做起,是屬於克苦耐勞那種人,試過同時返兩份工(一年時間內),只要可以減輕家人供樓和生活開支的負擔,他是沒怨言的。及後,他明白到,在香港,要不是你有能力創業,要不是你有專業資格,工作才可見出路。

後來,再換另一份工,正常放工時間,再轉夜晚讀書,終於,經過考了無數的考試,竟然大學畢業。換著是我,我可能讀到一半已放棄了。


聽說他小時候至中學時代,全家人三十度都沒開冷氣的,三十四,五度, 全屋人都差不多回家了,才開冷氣。他們說開盡全屋的窗,空氣對流,把一盤冰放進盆水中,濕條臉巾,放額頭,放在膊頭都一樣涼。

我打從3,4歲開始,住木屋區(住到5 歲多),已知道夏天開冷氣的涼爽感覺是怎樣。那時3,4歲,弟弟妹妹都還是要睡午覺,中午時份最熱,媽咪已開兩-三小時冷氣給我們睡覺。

LM

註冊日期: 2016-4-22

發表於 2016-11-4 18:34 | 顯示全部樓層
留名

註冊日期: 2015-9-24

 樓主| 發表於 2016-11-4 19:50 | 顯示全部樓層
我: 喂, 我就快辭職嘞!

kit:你返工度好唔開心咩?

我:唔係呀~但我想換環境想賺多d,儲錢麻..

kit: 咁搵到新工未?

我: 我搵左地方住咋..其實,我係會打算去澳門做野呀~

kit:好似你姨丈咁做地產?

我:做荷官呀!

kit:咁你咪即係轉行?冇聽你講過想做荷官的?

我: 其實, 諗左一排,我想去做兩年野,儲到錢,再返香港。


註冊日期: 2015-9-24

 樓主| 發表於 2016-11-4 20:05 | 顯示全部樓層
本帖最後由 honeylemon 於 2016-11-4 20:52 編輯

kit: 去兩年喎! 你又沒有朋友在澳門,只有阿姨,姨丈。不怕悶?
我: 但兩年都很快過,而且,放假也會返香港啦!坐船很快就到。

kit: 你捨得香港?

我:我去工作咋,不是移民呢!

kit: 你主要目的想儲錢,但儲錢有好多方法,不一定要成個人去澳門工作先儲到的。
我以前也很難儲錢的,也是自己控制自己,出糧之後,扣除必要開支,plan 左邊幾樣要用幾多,再心目中儲一筆放去一個唔容易用到既account, 做人仔定存(當時人仔定存息高)之類既方法,都可以儲到錢。

我:你覺得我唔應該去?

kit: 你認為呢?咁快已搵到地方落腳,你都差不多落實吧!....你決定了的,有哪個阻到你?
(是怪我太遲通知/問他)

我: 我應該一個月之後左右就會過去。

kit:嗯!.........下次我去澳門,記得帶路呀!

我: 如果今次順利,我請你去食澳門野~

kit:咁今次我請你~預祝你成功,兩年好返黎嘞~!!記得唔好移民呀!
我: 你記得唔好返工返到個樣殘晒,我怕到時認唔到你。

一如以往,一起回家。

但這次在車上他很少跟我傾談了,如果我和他說話,他才回應。他變得比以往沉默,不清楚他眼中帶著是工作的疲憊或是什麼,他望著擦身而過的景物默不作聲。

到底他給我的祝福是否真心?

若我真的在他方工作順利,真的想試試可否自已去小本創業,很想去租一點樓上舖,教興趣班。
十幾萬是可行的,兩年當然儲不到這個數,但我會盡力去儲,假如仍未夠錢,向銀行借又是否可行?又或向家人借剩下的尾數?

無論如何,我都想試一試。
kit 用自己的方式,令事業上一層樓。我很清楚自己不是讀大學,master 的人材。不停地徘徊在那一萬多, 一萬中的人工,真的想試試可否改變命運。
(當年, 在一些樓上店舖,大約有3間課室(一間大的可教小班小朋友跳舞),兩間細的可開補習班,門口附近位置又可放細細的詢問處,20萬樓下是開得成的了。)



註冊日期: 2015-9-24

 樓主| 發表於 2016-11-4 21:08 | 顯示全部樓層
阿姨教我,去澳門唔需要帶太多野,雖然澳門的物品不似香港那麼多選擇,但基本用品還是有的。某些物品反而要帶多一點,或帶一至兩個月份量,之後, 返香港探媽咪又可以再補買。

護膚品,化妝品這類用開自己皮膚的,不妨帶去。衣物帶現時季節的已可以,帶定見工的衣飾,最緊要帶自己的個人履歷,文件,還有香港的文件,銀行資料,有用的都帶.......

帶本和家人的相簿啦~~

其實, 這點我沒考慮過,但帶一本又無妨。還帶了本來放在床上的公仔...
弟弟說我很幼稚。

那是習慣問題,習慣枕頭邊床邊放晒公仔,才似自己的床。

日子一天一天過,很快就可以去新的地方居住,新的工作..雖然根本未有工作,但我真的很有信心,我會可以入行的。

那邊賭場根本需要極多人手,連台灣人都去分一杯羹,台灣人連廣東話都不懂,都會去拼去試,我都相信我可以應付。

(續)

好啦, 今晚到時為止,12點嘞~

我飲完呢杯lady grey 都休息了~~~girls~enjoy your Saturday~~

註冊日期: 2015-7-8

發表於 2016-11-4 22:04 來自手機 | 顯示全部樓層
其实賭場系一個会令你沉迷的地方。當你学识学精geh时候,记得千祈唔好比自己沉迷賭博。我以前系賭場做过差不多5年,見过唔少同事賺2萬一個月,但系可以一晚输3萬。你一定要加油啊!!

註冊日期: 2009之前

發表於 2016-11-4 22:30 來自手機 | 顯示全部樓層
其實而家無乜後生仔女去做荷㗎啦,D廳又執,大公司新入職荷官得萬幾蚊,又要on shift...做份文職有經驗都萬五六⋯

註冊日期: 2016-11-3

發表於 2016-11-4 22:41 來自手機 | 顯示全部樓層
加油留名睇阿
您需要登錄後才可以回帖 登錄 | 註冊

News
Feature
Blog
Load more
 
NOTIFICATION