{ FORUM - LOVE }
Search
Title / Tags Author

查看: 35772|回覆: 37

好現實嘅問題...

[複製鏈接]

註冊日期: 2015-1-4

發表於 2017-1-22 20:53 來自手機 | 顯示全部樓層 |閱讀模式
我同男朋友都出左黎做野, 佢大我五年嘅 , 咁一齊左一年左右, 我都無特別同屋企人講, 因為都未太有將來嘅計劃, 但近排佢就同我講多左將來, 咁我都慢慢諗下
我同佢屋企都唔算太有錢, 我地都係住公屋, 佢就無太介意哩樣野, 但係我屋企人就好唔係好鍾意, 因為佢地成日同我講如果個男仔屋企係唔好家境嘅, 就唔好哂太多時間係佢身上, 不如搵個好啲嘅仲好
但我男朋友好鍚我嘅, 基本上咩都會就我, 好照顧我, 我有啲咩唔開心佢又會好氹我, 但講真佢家境係真係麻麻, 如果我咁同屋企人講, 佢地一定唔會鐘意佢, 搞到我都唔知點同佢地講...我驚我同屋企人講左咁會好尷尬... 亦唔識點講
同埋佢地成日都會灌輸我要搵個有錢人啊, 個啲觀念 所以我都幾肯定佢地唔會太鐘意佢, 我亦都唔知點同男朋友講我屋企係咁現實 佢成日都想我介紹佢比屋企人 但我根本唔敢同佢講我屋企人未必會鐘意佢...
回覆
+ Favorite

舉報

註冊日期: 2016-6-20

發表於 2017-1-22 21:48 | 顯示全部樓層
您屋企人有一個好大嘅問題: 佢想您揾個有錢人嫁左去,佢介意您男友窮。但如果您真係揾到個有錢嘅,話唔定人地呀媽都會嫌您窮,話您貪佢仔錢。如果真係比您嫁到有錢人,您肯定生活過得好?分分鐘寄人籬下。

最緊要係睇您點唸,您家人可以慢慢由您去說服。佢地應該想您幸福掛!

註冊日期: 2014-12-30

發表於 2017-1-22 21:59 | 顯示全部樓層
你屋企人都係住公屋,又會話住公屋噶就吾好,甘佢地又有幾好啊?

註冊日期: 2015-8-22

發表於 2017-1-22 22:11 | 顯示全部樓層
最重要係你自己点諗

註冊日期: 2016-5-17

發表於 2017-1-22 22:20 | 顯示全部樓層
ctang419 發表於 2017-1-22 09:58
你屋企人都係住公屋,又會話住公屋噶就吾好,甘佢地又有幾好啊?

認同,搵個有錢人,人地呀媽一樣會嫌你窮,唔好理你屋企人點諗,你男朋友錫你就得

註冊日期: 2016-11-21

發表於 2017-1-22 23:47 來自手機 | 顯示全部樓層
生活係你自己嘅,唔需要理你屋企人點諗,我屋企人對我另一半冇要求,只要求佢錫我就得,佢如果有上進心咪得囉,而家冇錢唔代表第2時冇,莫欺少年窮!

註冊日期: 2016-12-5

發表於 2017-1-23 00:18 | 顯示全部樓層
係囉 個男朋友係你既 將來條路亦都係你同佢既 唔係你屋企人 如果你自己都唔介意對方身分係點 點解要比屋企人牽住你既將來

註冊日期: 2009-8-25

發表於 2017-1-23 11:51 | 顯示全部樓層
竹門對竹門 呢句說話係咩年代都岩用既
搵個有錢人 或者掉返轉係人地睇唔起你 睇唔起你D屋企人
當然啦 經濟又唔能夠太差
我覺得要睇下個男仔有冇能力改善經濟環境

註冊日期: 2015-10-12

發表於 2017-1-23 11:52 來自手機 | 顯示全部樓層
住公屋好

註冊日期: 2016-10-5

發表於 2017-1-23 11:58 | 顯示全部樓層
您家人可以慢慢由您去說服X2

註冊日期: 2016-12-3

發表於 2017-1-23 12:10 | 顯示全部樓層
其實我好眀,因為我都覺得係香港又難買車買樓係人的長輩都會想自己個子女將來有機會上車買樓,晤洗禁辛苦。

但係我覺得如果將來結婚係想一生一世就真係要搵個岩,搵個同你values夾既人,更要係愛你而你又真係愛佢,同家底無關。
錢,有當然會令生活容易啲,但係有le個做愛的條件就唔真係愛。
一個有能力的人一生人總會有機會成功,一個只靠家底的人最終都唔會有自己立足既能力。

註冊日期: 2015-9-11

發表於 2017-1-23 12:29 | 顯示全部樓層
我住私樓既,我屋企都yim我男朋友係公屋。。。我都有你尼個問題

註冊日期: 2015-1-4

 樓主| 發表於 2017-1-24 08:44 來自手機 | 顯示全部樓層
heysexy 發表於 2017-1-23 12:29
我住私樓既,我屋企都yim我男朋友係公屋。。。我都有你尼個問題

咁你點同屋企人講?

註冊日期: 2016-11-27

發表於 2017-1-24 09:42 來自手機 | 顯示全部樓層
sis我問題同你的問題一模一樣,見高就拜見底就踩!搞到依家拍拖都要偷偷摸摸,我也將成件事講咗比我男朋友聽,好彩佢唔介意!我同我男朋友一樣咁討厭我屋企人,我阿哥帶女朋友幾衰都話好!當初見家長我同屋企人講男朋友唔係好有錢,佢地講唔介意只要錫我就得啦,錢可以慢慢搵!結果用咗好多的理由唔準我同男朋友拍拖!果陣屋企對男朋友

註冊日期: 2016-11-27

發表於 2017-1-24 09:43 來自手機 | 顯示全部樓層
最緊要立場要堅定,一定會有美好的結局

註冊日期: 2010-11-23

發表於 2017-1-24 10:12 | 顯示全部樓層
過來人~就算你男友屋企有樓都唔代表疊水, 香港地好多公屋富戶~

其實對屋企人唔洗交代咁多野, 百害而無一利~

註冊日期: 2017-1-24

發表於 2017-1-24 10:21 | 顯示全部樓層
你而家搵間銀行定搵一個真心愛你既男人?你媽媽嫁你爸爸果陣都係因為爸爸好有錢先嫁?
父母錫你想你好係明白既,但個想法錯晒
揀個真心愛錫你既人永遠最重要,咸魚白菜也好好味

註冊日期: 2016-12-5

發表於 2017-1-24 10:27 | 顯示全部樓層
你屋企都係住公屋,難道你媽媽想你嫁個住豪宅?到時人地男家睇你就同你媽今日睇你男友一樣。你諗下你會唔會開心?

註冊日期: 2015-8-22

發表於 2017-1-24 10:32 來自手機 | 顯示全部樓層
其實父母一定都係想自己個女將來生活得比較好嘅。
佢哋會有咁嘅心態係好正常!
但係樓主如果覺得男朋友真係心中理想嘅對象,
可以慢慢講潛移默化式咁比父母見到男朋友對自己嘅好。
因為父母嘅重點都係想女婿對個女好嘅啫!
父母見證到個女係比人錫,係幸福嘅話,
相信都唔會再太過於睇重錢嘅部分。
因為佢哋無法睇到妳幸福,
先會覺得錢係一種保障!
由其你哋本身家境都唔係大富大貴,
佢哋先會想個女將來過得比而家好。
呢d自己心裡應該要明白!
其實好小事啫。

註冊日期: 2009-10-23

發表於 2017-1-24 10:35 來自手機 | 顯示全部樓層
你拍拖定你屋企人代你拍!比你識到個有錢人又點,有錢就大把女埋身啦⋯⋯
係,開心唔可以當飯食,但俾你同左個有錢人一齊你都唔會開心囉,咩原因自己諗啦!
您需要登錄後才可以回帖 登錄 | 註冊

News
Feature
Blog
Load more
 
NOTIFICATION