{ FORUM - LOVE }
Search
Title / Tags Author

查看: 67602|回覆: 97

各位姐妹,千祈唔好信D小家嘅男人會改(不喜勿插,文長慎入)

[複製鏈接]

註冊日期: 2009之前

發表於 2017-2-1 22:55 | 顯示全部樓層 |閱讀模式

各位sis,小女子好辛苦,無處可呻,唯有係呢到呻一下。

話說我和男朋友識左成10年,由讀書到做嘢,佢一直話唔結婚住,直到我都三十了,年紀唔細,想生BB,想結婚。但又驚佢冇錢,所以我就話不如影住婚紗相先,結婚相我俾三分二錢啦,之後D錢慢慢一齊儲。影結婚相之前,佢已經係一日話影,一日又話唔影,影同唔影之間,吵左好多日。最後都係影左,不過佢之後嘈咬都拎返呢件事嚟講,話佢就晒我。

咁多年嚟,佢一直話要追夢,要讀書,要不停進修,我完全冇阻過佢,亦唔介意拍拖果陣俾多D錢,一蚊都冇同佢計過。我冇奢望過佢養我,冇諗佢要買樓之類,只係想一人一份過返D平淡生活。不過,佢一路都係話佢冇錢。又話佢屋企欠人好多錢,佢冇錢結婚。但佢一直冇講欠幾多。一講到結婚,佢一係就當聽唔到,一係就發脾氣話佢冇錢,然後喊。結婚一事嘈左好幾年,我都嘈到唔想再嘈,直到我舊年話要分手。佢先話求婚。

其實咁多年感情點捨得話走ar,所以佢求婚都答應。唉,做女人千祈唔好衰心軟,我就係衰心軟。
我一直以為只要我唔介意佢窮,覺得佢對我好就得,但係原來貧賤夫妻百事哀係真ga。我唔敢要擺酒,只求做到簡單公園證婚和同親戚食下飯(其實得3圍都冇),派下餅咭俾親戚就算。點知,佢咩都話好貴。Fine,我諗住返正結完婚都係共同生活姐,咁我俾啦。

而我媽亦好體諒,禮金多少隨心啦,都係意頭姐,佢俾到幾多就幾多。下下星期雙方父母見面了,昨晚問佢禮金諗住點,佢居然一句話:我屋企好窮,抱歉,冇辦法。
我完全反應唔到,就問佢一句:你屋企真係一蚊都唔出?
佢就發窮惡,話我講嘢刺佢屋企。

真係好嬲,到左今日,佢仲係堅持自己冇錯!
點解一個人可以咁冇責任感,係咪我對得佢太好,縱壞左佢?!

我好後悔點解當日咁蠢答應左佢結婚,而家uncle and auntie下下星期要從外國返HK了,機票酒店訂晒,我父母亦好高興,我唔知點算,亦唔敢同佢地老人家講,朋友亦唔敢講。除左喊住係到呻之餘,不知點算。


回覆
+ Favorite

舉報

註冊日期: 2016-2-12

發表於 2017-2-1 22:59 來自手機 | 顯示全部樓層
咁樣就真係會一世,你出唔到聲,就一係叫你屋企人比d壓力佢

註冊日期: 2015-5-9

發表於 2017-2-1 23:06 | 顯示全部樓層
有d人只愛自己和被愛,不會付出
勸你諗清楚先嫁,30頭仲有機會的
屋企人如果

註冊日期: 2016-6-15

發表於 2017-2-1 23:07 | 顯示全部樓層
真係窮成咁?

註冊日期: 2015-8-22

發表於 2017-2-1 23:08 | 顯示全部樓層
自己單身仲好,一世人好難頂

註冊日期: 2014-4-20

發表於 2017-2-1 23:09 來自手機 | 顯示全部樓層
梗係唔好結啦!同咁樣既男人一齊,唔會有幸福,不如放生自己,搵過個識得錫自己既男人吧! 你諗清楚親戚朋友出席你既婚禮都係一次半次,但婚禮之後你要承諾同呢個人一生一世,如果佢經濟環境差到咁樣,將來離婚佢分分鐘可以分埋你身家再攞善養費… 人既本質係咁樣冇得改變,結婚係兩個人既結合,但如果結左差過唔結,就係本末倒置,你要認真三思同果斷地處理,否則後悔莫及呀!

註冊日期: 2016-7-12

發表於 2017-2-1 23:44 來自手機 | 顯示全部樓層
真係嫁唔過,分手啦。你啲屋企人會體諒嘅,酒店機票嗰啲有限錢,你自己賠返畀親戚佢哋囉。

註冊日期: 2016-11-21

發表於 2017-2-1 23:47 來自手機 | 顯示全部樓層
幾窮都好,我都唔信一千幾百借唔到返嚟,唔駛多,1999,長長久久都會有卦,咁都唔願意,你同佢捱得幾耐?算啦,搵個更錫你架啦!

註冊日期: 2015-9-19

發表於 2017-2-1 23:52 | 顯示全部樓層
未結婚都咁...
要諗清楚結左婚之後點算

註冊日期: 2016-7-12

發表於 2017-2-2 00:28 來自手機 | 顯示全部樓層
其實識咗十年,佢屋企係咪真係一蚊都出唔到,你應該有眼睇。 佢乜都唔付出,結婚都好似好唔想係被迫咁,結唻有咩意思,你嫁著佢就真係慘啦!

註冊日期: 2016-12-5

發表於 2017-2-2 02:26 來自手機 | 顯示全部樓層
如果結婚仲差過單身,我完全唔明結黎做乜…窮唔係問題,如果個男人真心錫你對你好,窮絕對唔係問題,依家問題係……佢真係對你好咩?
連簡單既愛屋及烏都做唔到,我完全睇唔到佢有尊重你同你屋企人既意向…

註冊日期: 2016-12-29

發表於 2017-2-2 02:47 | 顯示全部樓層
真係嫁唔過,結婚係2個人共同進退,有咩事一齊去解決,結婚係開心,唔係不停擔心。其實佢有冇真係諗過辦法?一句冇就咩都唔理,我覺得好差!冇責任感

註冊日期: 2016-7-31

發表於 2017-2-2 03:40 | 顯示全部樓層
Sorry, 但由頭到尾想結婚的得你一個。佢被動唔投入係可以估到。求婚嗰吓都可能係情非得已。
其實最後唔會冇禮金嘅,當uncle auntie返到嚟同你哋見面之前佢哋會傾掂㗎喇。

註冊日期: 2017-1-13

發表於 2017-2-2 04:21 | 顯示全部樓層
您要諗清楚,當初我都咁樣嫁咗我老公。倒頭嚟自己捱到死。佢就有錢風流無錢養您。十年都無真正諗過要娶您,您何必要咁樣屈就自己?您真係覺得全世界只有佢?

註冊日期: 2016-7-24

發表於 2017-2-2 04:57 | 顯示全部樓層
佢唔係唔想結婚,唔係同你結姐。
十年喇,在佢嚟講係感情唔捨得走姐。
收手啦,長痛不如短痛。

註冊日期: 2016-3-8

發表於 2017-2-2 10:31 來自手機 | 顯示全部樓層
最幸福,係身上有十蚊都俾哂十蚊你,而家呢個男人係身上有一千蚊都唔肯俾十蚊你,仲要聲大夾惡,結婚都要你出錢,以後一定食軟飯,唔好嫁

註冊日期: 2015-6-8

發表於 2017-2-2 11:06 | 顯示全部樓層
唔好結!! 你家人會體諒你... 佢地都唔會想你嫁個咁既男人!!

註冊日期: 2015-4-3

發表於 2017-2-2 11:27 來自手機 | 顯示全部樓層
sis, 千奇千奇唔好因為同父母交代就同佢結,否則你就一世。

註冊日期: 2016-10-2

發表於 2017-2-2 11:28 | 顯示全部樓層
唔好唔呻⋯⋯
我諗你起碼要同父母講你同男友嘅情況,我相信佢哋係世上最想你好嘅人。
宜家未結,仲可以有得揀!

註冊日期: 2015-5-29

發表於 2017-2-2 12:01 來自手機 | 顯示全部樓層
點解要咁辛苦自己呀。。。結婚係開心事。。因為咁而唔開心。。。真係要好好諗清楚之後既生活。。佢好可能要你幫佢屋企一齊還債。。如果個男人係愛你。。係值得陪佢捱。。但你男友唔似值得你咁做喎
您需要登錄後才可以回帖 登錄 | 註冊

News
Feature
Blog
Load more
 
NOTIFICATION