{ FORUM - LOVE }
Search
Title / Tags Author

查看: 27867|回覆: 14

報應、因果輪迴、都係命運安排

[複製鏈接]

註冊日期: 2016-12-2

發表於 2017-3-24 20:53 | 顯示全部樓層 |閱讀模式
關於對上果個post 「對男友用既語言偽術」我表達得唔係咁好,但最主要想帶出既係,男仔鍾意女友對自己態度好,可以隔唔時用軟d既態度,同男友表達訴求而唔係阿媽feel 。

今次就我個人經歷講下因果輪迴同埋報應,討論下~(長文慎入)

我因為媽咪信佛,所以相信前世今生,因果輪迴。講下自己經歷先,我細個好貪玩,乜都唔識就亂咁同人成為男女朋友,(冇發生關係)然後好快分手。直到我遇到一個男仔,我果陣真係好鍾意佢,佢係我第一個拍長拖既人。中學時期同佢拍咗三年拖,個男仔大我三年,對我好好,乜都就曬我又好聽我話。我果陣好幼稚,管好嚴,又霸道任性,仲成日係網上打機識friend,仲要同人曖昧。被發現第三次後,個男仔忍受唔到終於同我分手。 (呢個係我種下既因)

拍咗一兩次散拖後,遇上第二個男仔,又係大我三年。經歷過第一個之後,我同自己講過,如果再遇到一個好鍾意既男仔就唔好再傷害佢,最後同佢一齊差唔多三年。呢個男仔將第一個男仔受過既傷害,連本帶利還返曬俾我。佢管我管超級嚴,去到邊要提早講、出去聚會最好女仔多過男、一定要影相證明、曾經試過send埋「我的位置」我覺得ok,因為我之前都管好嚴,呢個係第一個報應。我一直都冇安全感,成日形住佢有嘢瞞住我。我係好容易心理唔平衡,成日佢得既我又唔做得,其實咁既愛情一早變咗質。但我都盡力去平撫我心既不忿同不安,盲目去信佢講既所有嘢。呢三年期間,我都有試過同人曖昧,但好快就stop咗,因為我知道我要既只有佢。而佢俾我捉過三次,第一次話出去睇波冇返屋企冇同我講、第二次話去完朋友屋企打機返屋企訓但其實冇返屋企、第三次瞞住我同第二個女仔去食宵夜。三次我都原諒佢但最後都係話分手。

分手時係咁講我地根本唔適合,乜嘢藉口都玀出黎講,其實係有小四出現。原本我都唔死心,之後發現咗佢由我地一齊冇耐就有搵佢EX 做SP ,所有俾我發現或者我發現唔到、瞞住我出街,其實都係去同EX開房,因為佢掌握曬我所有行程,連個Ex都知我幾時放假,但我係最後分手先發現。原本死纏爛打既我,完全再冇傷心,只有憤怒。

我依家信到十足十,命運真係有所安排。我係第二個男仔身上受到既傷害,令我知道之前我所種既因,我依家就受反。例如同第一個果陣我去同人曖昧,第三次俾人發現;而我要發現返第二個男仔呃我三次。講到尾係我自作自受,我冇怪邊個,係我抵死既,但原來一直我都被蒙在鼓裏果一刻真係好傷。

呢個就係我覺得係我身上命運安排發生既因果輪迴、報應,所以分享出黎,都係告誡下時下既偷食既男女,呢個世界係有報應㗎!唔知大家點睇?

P.S 點解我會知道第二個男仔同個Ex咁多嘢呢個係第二個故事 XD 有機會再講
回覆
+ Favorite

舉報

註冊日期: 2016-11-26

發表於 2017-3-24 21:20 | 顯示全部樓層
依加報左,好過下一世欠佢

註冊日期: 2016-12-2

 樓主| 發表於 2017-3-25 13:40 | 顯示全部樓層
布甸小姐 發表於 2017-3-24 09:20
依加報左,好過下一世欠佢

係啊 報咗 唔洗煩 一開始我仲覺得我唔好係我衰 之後發現其實我根本冇欠佢d乜

註冊日期: 2015-6-4

發表於 2017-3-25 17:40 | 顯示全部樓層
我都想分享少少
我由小學開始拍拖到而家大學畢業
小學當時所拍既都係PUPPY LOVE
情情愛愛根本唔識

當時初戀男友,佢好似好愛我咁,送我既生日禮物都係我鍾意既野.
衰在自己唔珍惜,鍾意左第個,當時亦好興BBS,我亦係同佢係BBS上認識的
我係該BBS到發帖問點樣去溝人或者識人.
後尾我被飛,叫我唔好問原因,我亦好乖咁唔問.

到我真係同左想一齊戈個第2個男仔一齊後,佢唔鍾意我,我硬食哂所有忽冷忽熱態度,諗深一層,又幾似我對初戀戈陣咁.

同第2個分開後,我就知道唔可以對人差.
我走番去問初戀點解分手,佢坦白係因為我鍾意第二個.

註冊日期: 2015-6-4

發表於 2017-3-25 17:50 | 顯示全部樓層
真人真事,不喜勿插

感情路上好多跌跌碰碰,
曾經有一任係唔相信我係處,
曾經有一任要求我做唔想做既事,
曾經有一任分手後唱我,
曾經有一任嫌我不足,未來不能與他平起平坐,
曾經有一任限制我外出,限制我見朋友.

我亦曾經玩過EX,
唔愛又一齊,嫌佢但唔講出黎,因為驚以後會家暴而選擇分開,

亦試過做人第三者.佢坦白自己情況,(SP咁),我亦都覺得自己好賤. 叫佢偷食都醒D唔好累到我.(好離譜呢個男人,有家室有兒女都出黎搵食)

而家既男友,初初佢係瞞住我已婚. 話自己係單身咁,溝我.
一齊左五個月先知佢點解唔帶我番屋企,點解見到佢屋企人戈陣會面有難色.
一切都係報應.....
亦都好怕未來我結婚後會有第三者埋身,但呢D都係報應,冇得避.只能愛自己多D

真人真事,不喜勿插

註冊日期: 2016-6-20

發表於 2017-3-25 18:14 來自手機 | 顯示全部樓層
我都相信,係有報應

註冊日期: 2013-10-15

發表於 2017-3-25 18:20 | 顯示全部樓層
本帖最後由 haruharuka 於 2017-3-25 18:35 編輯

我信因果報應架,我自己後生都係收兵既人,果時真係如果我鐘意既話,一個月晚晚出街都可以有唔同既兵請食飯。
兵既層面亦好廣泛,佢地黎自唔同既行業,唔怕悶,自己後生時都好享受架,但之後咪受返囉。
之後我遇到我依家既老公,開頭佢好愛我、好就我,但就要求我將身邊所有男仔friends都斷晒,唔俾我一邊同佢拍拖、一邊收兵。佢要我專一、我做到了。再沒有所有的「男孩像你」。我以為呢d係「風水輪流轉」,少年你太年輕了,未夠架,突然有一日有小三出現,成個世界唔同晒,所有野都180度轉變,佢唔再就我、唔再想同我講野、我成個生活都被打斷,變得行屍走肉、睇乜都好似灰灰有一層霧,唔再識笑,照鏡見到既自己,因為喊得多,成塊方包咁…無血色、又腫…
我做盡所有既野,佢都唔返黎,最後我頂唔順,我不斷尋求復合既方法,等待復合既過程雖然唔係長,但都夠我好受,我日日都掛住佢,係好掛住好掛住好掛住果隻,我不需要tiffany,但我想要既係大家再有一次機會好好的相處,果時我日日都同自己講,如果佢返黎,如果神俾多次機會我,我一定會用所有野換一次佢回來既機會。就係咁,亦好好彩,2個星期之後,佢就原原本本咁返黎。
依家我唔敢亂做一d仆街行為啦,我乖乖地,相夫教子。我唔覺得我人生少左乜,相反我覺得好幸福。


註冊日期: 2009之前

發表於 2017-3-25 21:11 來自手機 | 顯示全部樓層
你信因果報應都亂攪男女關係,真因緣你唔珍惜,走左可能唔會再有

註冊日期: 2016-8-31

發表於 2017-3-25 22:04 | 顯示全部樓層
我都信。個人經歷。

初戀puppy love果陣 因為對方有第三者而分手。
之後拍好多散拖都係俾人背叛。
到第一個拍長拖2年幾,果陣另一半一直搵番ex。又話掛住距又乜咁樣足足兩年幾。當時好痛苦,同時有另一個男仔對我有好感,然後心唸,今次自私一次,想自己幸福d。最後一腳踏兩船咁開始一個星期,自己頂唔順就同ex分手。
到接住果個男仔,一齊左又係兩年幾。但係到最後long d,距又懶得維繫感情。呢個時候有另一個男仔有好感,就咁,就出左軌。然後好快就同果個男仔分手。
而之後呢個男朋友一齊左兩年幾,又係有另一個出現,又係我出軌。當然中間有好多問題啦。不過我知道,有問題唔係出軌既理由。
最後同現任一齊已經兩年半。但係就係呢度之前所有既報應就發生。我敢講,現任係我咁多個以黎最愛最愛果個。而係一齊年半距出左軌。但係當時我係完全覺得距係一個無可能出軌既人黎。果陣我係痛不欲生,傷心到幾個月食唔到任何野,靠住飲流質既野維持,完全番唔到工。生活得好似活屍咁。有幾痛,就算過左幾耐個感覺都刻骨銘心。而我相信呢個係我應得既報應。不過最後都一齊番,依家都一齊得好好地。

其實我唔係一個花心既人,每一段都好認真咁拍,但係因為以往咁樣hurt過人我都唔夠膽講自己係專一。我hurt過人,人地都hurt過我。因為呢d經歷,我覺得愛情往往無保證。人地出軌,唔到表距當初無愛過自己。純粹係人既心其實係好容易變,只係自己需要堅定。就算自己條件有幾好,對個男朋友再好都好,人地未必投入。如果果個男朋友有另一個再對距差,如果距愛既都會受。因為有呢d經歷,我發誓唔會再有負於人。知足就好夠。總而言之,因果報應我覺得係存在既。

註冊日期: 2016-12-2

 樓主| 發表於 2017-3-25 22:07 | 顯示全部樓層
南無阿彌陀佛 發表於 2017-3-25 09:11
本帖最後由 haruharuka 於 2017-3-25 18:35 編輯

我信因果報應架,我自己後生都係收兵既人,果時真係如果我鐘意既話,一個月晚晚出街都可以有唔同既兵請食飯。
兵既層面亦好廣泛,佢地黎自唔同既行業,唔怕悶,自己後生時都好享受架,但之後咪受返囉。
之後我遇到我依家既老公,開頭佢好愛我、好就我,但就要求我將身邊所有男仔friends都斷晒,唔俾我一邊同佢拍拖、一邊收兵。佢要我專一、我做到了。再沒有所有的「男孩像你」。我以為呢d係「風水輪流轉」,少年你太年輕了,未夠架,突然有一日有小三出現,成個世界唔同晒,所有野都180度轉變,佢唔再就我、唔再想同我講野、我成個生活都被打斷,變得行屍走肉、睇乜都好似灰灰有一層霧,唔再識笑,照鏡見到既自己,因為喊得多,成塊方包咁…無血色、又腫…
我做盡所有既野,佢都唔返黎,最後我頂唔順,我不斷尋求復合既方法,等待復合既過程雖然唔係長,但都夠我好受,我日日都掛住佢,係好掛住好掛住好掛住果隻,我不需要tiffany,但我想要既係大家再有一次機會好好的相處,果時我日日都同自己講,如果佢返黎,如果神俾多次機會我,我一定會用所有野換一次佢回來既機會。就係咁,亦好好彩,2個星期之後,佢就原原本本咁返黎。
依家我唔敢亂做一d仆街行為啦,我乖乖地,相夫教子。我唔覺得我人生少左乜,相反我覺得好幸福。

已經係曾經既事 我依家好幸福 thanks

註冊日期: 2016-12-2

 樓主| 發表於 2017-3-26 00:01 | 顯示全部樓層
ccaatt 發表於 2017-3-25 05:50
我都想分享少少
我由小學開始拍拖到而家大學畢業
小學當時所拍既都係PUPPY LOVE
情情愛愛根本唔識

當時初戀男友,佢好似好愛我咁,送我既生日禮物都係我鍾意既野.
衰在自己唔珍惜,鍾意左第個,當時亦好興BBS,我亦係同佢係BBS上認識的
我係該BBS到發帖問點樣去溝人或者識人.
後尾我被飛,叫我唔好問原因,我亦好乖咁唔問.

到我真係同左想一齊戈個第2個男仔一齊後,佢唔鍾意我,我硬食哂所有忽冷忽熱態度,諗深一層,又幾似我對初戀戈陣咁.

同第2個分開後,我就知道唔可以對人差.
我走番去問初戀點解分手,佢坦白係因為我鍾意第二個.

所有出現係你生命中既人 都會有佢出現既意義

註冊日期: 2016-12-2

 樓主| 發表於 2017-3-26 00:04 | 顯示全部樓層
tofumui 發表於 2017-3-25 10:04
你信因果報應都亂攪男女關係,真因緣你唔珍惜,走左可能唔會再有

有時就係咁靈驗  你被辜負幾多 就有幾多報返俾你 … 同埋其實有d解釋唔到既 係涉及埋前世今生

註冊日期: 2016-12-2

 樓主| 發表於 2017-3-26 00:06 | 顯示全部樓層
haruharuka 發表於 2017-3-25 06:20
我都相信,係有報應

人都係犯賤 唔真係刻骨銘心痛一次唔知自己錯㗎 我非常明白

註冊日期: 2011-3-31

發表於 2017-3-26 12:28 來自手機 | 顯示全部樓層
-_- Why are the younger generation so naive nowadays. This is not so call Karma but the cruelty  of real life - there are just too many jerks out there and you once being one doesn't cause you to be cheated by another later on.

註冊日期: 2016-2-4

發表於 2017-3-26 12:52 來自手機 | 顯示全部樓層
shhhhh 發表於 2017-3-26 12:28
-_- Why are the younger generation so naive nowadays. This is not so call Karma but the cruelty  of  ...

Totally agree with you
您需要登錄後才可以回帖 登錄 | 註冊

News
Feature
Blog
Load more
 
NOTIFICATION