{ FORUM - LOVE }
Search
Title / Tags Author

查看: 3544|回覆: 24

求指教。男朋友又做保險又做傳銷,真係好忙,可以點.....

[複製鏈接]

註冊日期: 2016-6-7

發表於 2017-4-2 12:34 來自手機 | 顯示全部樓層 |閱讀模式
本帖最後由 Ywyw 於 2017-4-2 13:41 編輯

(no fb plz)

有d長,但真係希望咁多位可以俾d意見指教下我。

我同男朋友已經三年半,半年前佢grad,做左保險。大家都知保險呢d無一定放工時間,忙起上黎個客話十點幾十一點得閒你都要見,更何況佢只係岩岩起步,有呢d情況更加幾夜都去做野去博殺。

我同男朋友仲讀大學個時日日見,開頭yr 1住hall差唔多好似一齊住咁,所以我變得好痴身。到quit hall之後,我同男朋友每晚都keep住講電話,一講就講好耐。其實我好明白佢係唔想講的,但我真係好掛住佢好想聽佢把聲,所以一直都堅持要講電話,期間亦嗌過唔少次交。

到佢近排出黎做野,就好似我上面講咁,做保險無特定時間。最近佢仲撈埋傳銷,好多時真係朝早可能7,8點起身,夜晚一點什至三點先訓得。好多時仲要番大陸做野。我見佢既時間就更少,其實行業可能可以夜晚食飯留俾女朋友見下面,或者我可以佢收工接佢放工等等。但保險同傳銷兩樣都無固定時間,我本身好無安全感,我又唔可以佢搵佢食飯接放工,有時連星期六日都要做野,我可以點做先維繫落去?唔通真係可以完全唔見面?

我見到佢咁忙真係好心痛,佢好多時同我出街搭車真係一秒就訓著,佢話咁博命係想同我有個好d既未來。因為有次同佢去愉景灣,我本身份人比較內向同中意靜,所以個到d獨立屋好吸引我。佢知我好中意個到,佢叫我俾一年時間佢去博殺,等佢成為可以買得起愉景灣的男人。

我真係覺得好感動,但同時我又會亂諗,佢會唔會有一日番工有左第二個呢?

咁多位有經驗既過來人,希望俾下意見我。。
回覆
+ Favorite

舉報

註冊日期: 2016-6-7

 樓主| 發表於 2017-4-2 12:51 來自手機 | 顯示全部樓層
仲有樣未講,佢而家仲有兩份私補。。。我應該點做先可以維持落去。
求下咁多位俾意見

註冊日期: 2016-10-29

發表於 2017-4-2 12:53 | 顯示全部樓層
第一,睇到呢句笑左:「所以個到d獨立屋好吸引我」
我估對大部分女仔,唔理性格靜定動都好,應該都好吸引...

第二,呢幾日先睇到一d post話,嫌個男仔唔成熟唔上進無事業心所以睇唔到將來,所以分手。你個位就似乎好有事業心,所以你唔開心。其實女仔想點,又要馬兒好,又要馬兒不吃草。

你不如學得獨立d先,先唔講做傳銷好唔好,但你睇得出佢有事業心,係好事,叫一個想衝既人定落來,係無可能。就算佢肯為你停,如果變成一事無成,只會冤你,難保你將來都會冤佢俾唔到獨立屋你住。你呢方面要成熟d,搵下自己既世界,如果佢發現自己不斷努力成長緊,但身邊既你停濟不前,仲小朋友咁唔體諒佢要佢再花時間哄,可能會覺得唔同步而分手。

係人都想男朋友係身邊陪自己,我明白,不過如果佢係拼搏緊,我覺得我會默默做背後既女人,支持佢,關心佢,得閒買野上佢屋企俾佢食,幫佢打點d瑣事,佢會feel到,會記住,會感動。係你既就係你,花花世界,佢要走,你都阻唔到,首先要做個唔會類佢既女人先。

註冊日期: 2016-10-29

發表於 2017-4-2 12:56 | 顯示全部樓層
*最後個句係:首先要做個唔會煩佢既女人先

註冊日期: 2016-6-7

 樓主| 發表於 2017-4-2 13:37 來自手機 | 顯示全部樓層
@nanafiona 多謝你覆我呀。因為我真係好迷惘,我知道自己要成長,唔可以再係佢博殺緊既時候煩住佢,sis有無試過做d咩係表示到支持佢呢?因為我唔可以隨便上佢屋企。。如果有既希望可以指點下

註冊日期: 2015-6-5

發表於 2017-4-2 13:49 | 顯示全部樓層
俾一年時間佢等佢成為可以買得起愉景灣的男人,佢都好天真及不切實際,小心頼野。

註冊日期: 2016-6-7

 樓主| 發表於 2017-4-2 14:12 來自手機 | 顯示全部樓層
其實我無話一定要住個到,因為而家買樓咁貴,更何況係個到。我有講過其實兩個人有自己屋企就好夠。當然我唔否認我好中意個到比較靜,所以一方面我好感動佢知道我中意個到,所以拎左呢樣啦黎做目標去搏殺。另一方面我又好擔心佢。。

註冊日期: 2016-10-29

發表於 2017-4-2 15:11 | 顯示全部樓層
gingersuper 發表於 2017-4-2 01:49
@nanafiona 多謝你覆我呀。因為我真係好迷惘,我知道自己要成長,唔可以再係佢博殺緊既時候煩住佢,sis有無試過做d咩係表示到支持佢呢?因為我唔可以隨便上佢屋企。。如果有既希望可以指點下

同意,不切實際,目標可以有,一年就吹水,中六合彩買到嗎

註冊日期: 2016-11-4

發表於 2017-4-2 16:12 來自手機 | 顯示全部樓層
你同佢講住劏房都ok..咁佢咪唔洗咁搏,,,哈哈

註冊日期: 2016-12-11

發表於 2017-4-2 20:53 來自手機 | 顯示全部樓層
有冇諗過同佢一齊做傳銷呢?一來可以見多啲,二來大家可以有共同話題。

註冊日期: 2016-10-25

發表於 2017-4-2 20:59 | 顯示全部樓層
等佢成為可以買得起愉景灣的男人
佢到時仲會揀你?

註冊日期: 2016-1-17

發表於 2017-4-2 21:07 | 顯示全部樓層
樓上,一齊做傳銷?傻的嗎?

註冊日期: 2016-10-5

發表於 2017-4-3 14:33 | 顯示全部樓層
一年就吹水

註冊日期: 2016-3-2

發表於 2017-4-3 14:48 | 顯示全部樓層
gingersuper 發表於 2017-4-2 13:49
俾一年時間佢等佢成為可以買得起愉景灣的男人,佢都好天真及不切實際,小心頼野。 ...

同意
一年買起愉景灣
可能都係哄你講下既說話, 唔好甘認真
佢搏殺都未必係為你
而且搏殺到要同女朋友零見面
我都唔見得呢個男人處理感情成熟得去邊

不過你願意繼續等既話
唯有自己搵下世藝唔好成個世界圍住佢轉囉

註冊日期: 2015-2-26

發表於 2017-4-3 15:49 | 顯示全部樓層
"佢叫我俾一年時間佢去博殺,等佢成為可以買得起愉景灣的男人"
呢d只係當下情話講黎哄下女仔架姐, 唔好太天真, 唔係話你男友冇呢份心, 而係實際情況真係會好難。另外我同意樓上講, 佢搏殺都未必係為你.....呢樣你仲要observe下, 如果佢真係為左你, 佢一定會花時間同心機係你身上, 因為你都係佢其中一樣追求既野 (除了錢).

男仔拼博事業係好, 但忙到見都見唔到你, 電話text又少, 做女仔一定會少d安全感。如果你要繼續落去, 你一定係要忍耐, 同埋你自己要獨立d, 搵d興趣做下, 搵野學下, 搵d世藝咁, 唔好成副心機就係諗住同佢拍拖....咁你會舒服D....

不過當你一個人都可以好開心時, 你又會諗咁要個男朋友做乜....

其實係架啦, 香港地要搵到錢一定係博殺多 (富二代另計), 咁佢要搵錢 (佢做得傳銷保險呢d都一定係錢字當頭), 就一定會少時間陪你....你成日要人陪既佢一定唔岩你。

註冊日期: 2017-3-28

發表於 2017-4-3 16:21 | 顯示全部樓層
我覺得你可以同佢傾下,唔一定一年內,兩至三年都得架

註冊日期: 2016-6-7

 樓主| 發表於 2017-4-3 23:01 來自手機 | 顯示全部樓層
其實佢有喊住同我講話真係好唔捨得我同叫我搵個第二個好d既。。睇得出真係好掙扎個種。。因為佢知道我好想成日有人陪,但佢而家開始又會好忙會無咩時間陪我。但係我都好唔捨得佢,無左佢個兩個星期每晚都係咁喊,十二點幾訓兩點幾三點就醒左,眼光光又喊下咁去到第二朝。

所以琴日又一齊番,佢有答應我最少一星期都要見一次,佢覆我wtsapp有時仲快過我,見我耐唔覆又會問我去左邊。當然我自己覺得可能好快就會唔係咁。。。

佢話呢世仔最驚就係委屈左我,因為做左呢行之後有好多野都唔可以以前咁,例如profic pic唔可以再用情侶照,會俾d客覺得唔pro等等。(當然我知好多情侶都唔會用,不過呢樣野係佢以前好堅持用的,所以佢突然要改變真係好唔開心。。)佢知道我一定唔習慣,但又真係唔想放手,佢叫我同佢一齊,忍耐幾年同以前唔同既日子。

其實佢咁博殺除左話為左我,仲因爲幾個月前佢爸爸癌症過左身,佢覺得自己個爸爸臨死前都無錢買d好好既野俾佢,佢覺得好遺憾。所以佢話俾自己聽一定要成功,因為佢爸爸死前同佢講過,佢就係佢投資得最多既野。

咁多位sis,你地覺得我係咪應該繼續支持佢,相信佢?

註冊日期: 2015-8-22

發表於 2017-4-3 23:09 | 顯示全部樓層
唔可以放合照唔係因为会被客覺得唔專業,係因為冧客要好似冧女咁,明未?佢根本唔係脚踏實地既人。做保險sales係好得閒,除了見客,啲sales成日响cafe hea, 點解佢咁忙?自己諗下!

註冊日期: 2009之前

發表於 2017-4-3 23:15 | 顯示全部樓層
其實未來係要2個人努力既,佢咁努力咁你又有無同樣付出D 令佢覺得無咁辛苦?
如果你唔想佢咁辛苦,無哂時間,好簡單。
一係你地要求低D,一係你地一齊分擔一下。我相信唔係一定要住獨立屋,有錢先會幸福。大家互相分擔一下就唔會做死一個啦..而且你更唔會覺得少左時間見點點點,因為大家都忙都唔會諗呢樣野了

註冊日期: 2014-10-12

發表於 2017-4-3 23:16 來自手機 | 顯示全部樓層
Ywyw 發表於 2017-4-3 23:01
其實佢有喊住同我講話真係好唔捨得我同叫我搵個第二個好d既。。睇得出真係好掙扎個種。。因為佢知道我好想 ...

佢叫你搵第二個好d既?一個男人好愛另一個女人既唔會俾佢有機會搵另一個,老實說我男友工作都好忙,除了正職外又會做part time, 紅日都要去part time, 除了搵多個錢同埋part time個份工作是佢興趣,我諗佢忙既程度唔會少你男友好多,但我地拍拖三年以來每星期最少見2次,如果有假都一定是陪我先,每晚都會抽時間同我傾電話
如果一個男人係好愛你,無錯佢會為大家將來努力打拼,但同時亦唔會忽略女友,感情是要時間建立,否則賺到錢無左女友咁點算?
您需要登錄後才可以回帖 登錄 | 註冊

News
Feature
Blog
Load more
 
NOTIFICATION