{ FORUM - LOVE }
Search
Title / Tags Author

查看: 2862|回覆: 24

我應該等定定係放棄?(no fb)

[複製鏈接]

註冊日期: 2016-2-26

發表於 2017-6-6 22:21 | 顯示全部樓層 |閱讀模式
先講小小背景:我今年過埋生日就26歲,我男朋友細我3年半,而家22歲,過埋生日先23歲,我地一齊左都有3年幾。佢岩岩大學畢業出黎做左1年野,黎緊9月又會讀2年part time碩士(半工讀),我地平均收入唔高又唔低,加埋都有4萬/1個月,計埋比家用同其他洗費,一個月儲到1-2萬不等。

我地兩個關係一直都好好,同佢屋企人一齊住左1年幾,一直生活都好開心。而我就好想可以係30歲前結婚生bb,因為年紀大先生b會有好多問題。同埋我自己都有限制,想係3-4年後再讀書,如果可以係呢段時期結婚生bb,timing就最好。不過我男朋友就未想咁早結婚住,應該係想等儲到多d錢,等事業有成,買到樓先結婚生b(而且佢而家仲係二十頭)。

其實我地一開始拍拖已經知道有呢個難題既存在,只係當時大家仲好鐘意大家,一直都不了了之,只係我年紀越黎越大,我屋企人又係咁我問幾時結婚,我最近覺得好大壓力。我有試過好認真咁同過我男朋友傾呢個問題,我唔介意就咁去婚姻註冊處簽名就算,但佢次次都避開唔想傾,話如果我想早啲結婚就唔好等佢,叫我去搵其他肯娶我的男人,如果我搵到,佢就同我就和平分手,呢番說話佢好認真咁過幾次,次次聽到都好難過,唯有當佢講笑。

其實我唔係唔可以等佢,只係我眼見我2位家姐過左30歲先準備生b,試左幾次都唔成功我就好擔心。我想要小朋友,佢同佢屋企人都想要小朋友,第日我3x歲先結婚,到時生唔出bb,我地兩個唔介意,佢屋企人都會介意。

我知道佢唔係唔想娶我,只係大家想結婚的時間唔同,呢啲野又強逼唔黎,大家可唔可以啲意見我?
回覆
+ Favorite

舉報

註冊日期: 2017-4-1

發表於 2017-6-6 22:44 來自手機 | 顯示全部樓層
講到咁白仲要問,你想結婚就揾另一個男人啦。睇落你男友冇諗住同你結,如果愛你,点講得出和平分手依啲說話呢。好好為自己打算啦

註冊日期: 2017-5-1

發表於 2017-6-6 23:15 | 顯示全部樓層
冇得強求 而且你地都未搵到共識 ...暫時放埋一面先囉,你急都冇無法嫁。我身邊有人30幾先結 同準備生b依家甘多人遲婚 吾使甘驚既

註冊日期: 2017-1-20

發表於 2017-6-6 23:40 | 顯示全部樓層
繼續講落去,你問一句,大概等幾耐?吾系吾等,想清晰實在少少,問下大概等幾耐幾時佢想

註冊日期: 2017-6-4

發表於 2017-6-6 23:49 | 顯示全部樓層
樓主作為男仔我想講22歲諗法唔同26歲。首先結婚要樓,if有樓要供又要生b養b,作為一個事業剛起步既人會feel到壓力大。不過你應該睇前景,如果有勇氣肯為你地既未來去拼搏,嫁得過。if foresee佢會一直逃避現實,你都要為自己好好打算下啦。

註冊日期: 2017-5-7

發表於 2017-6-6 23:56 | 顯示全部樓層
自己比啲數字困住自己
你咁趕時間,搵過第二個啦!

註冊日期: 2016-7-12

發表於 2017-6-7 00:18 | 顯示全部樓層
如果我想早啲結婚就唔好等佢,叫我去搵其他肯娶我的男人,如果我搵到,佢就同我就和平分手


佢講得啱,你搵另一個Match到你個人生規劃的人啦 (如果你真係搵到的話)

註冊日期: 2017-6-6

發表於 2017-6-7 00:23 來自手機 | 顯示全部樓層
已經講到咁白,你仲吾明

簡單講,你恨嫁恨到出面,但對方目前根本未有同你結婚打算,仲賴死把托咩

註冊日期: 2016-12-11

發表於 2017-6-7 08:51 來自手機 | 顯示全部樓層
老實講,我係男22歲我都唔會咁早結婚,正所謂好多嘢才剛剛開始,仲想讀書,經濟能力又未好好,結婚等於自掘墳墓。其實女仔30結婚都O K,你可以衡量下呢個人值唔值得自己等,如果唔係,趁早分手。

註冊日期: 2017-6-7

發表於 2017-6-7 09:10 | 顯示全部樓層
有朋友情況同你一樣,
我同男朋友傾計時提起,
佢就話男人如果唔主動去諗去考慮結婚,
其實無論個女人點迫都好,都迫唔到。呢樣野係要個男人自發去諗。

我認為你唔應該比年齡去規限左你。無錯,30歲前結婚生仔的確看似好美滿。但好多人未諗清楚對方係咪適合自己,為結婚而結婚,最終都不歡而散。但遲婚遲生仔亦都大有人在,唔見得特別多問題。當然早婚早生仔同遲婚遲生仔都各有好處,只係視乎你有無揾岩人。
況且你26歲都仲細,好好諗清楚自己想要啲咩,點先叫適合自己。將來嘅野好多變數,唔好比太大壓力自己同對方,放鬆心情,順其自然啦。

註冊日期: 2017-2-2

發表於 2017-6-7 09:33 來自手機 | 顯示全部樓層
雪藏卵子

註冊日期: 2017-2-2

發表於 2017-6-7 09:38 來自手機 | 顯示全部樓層
其實等多2年都唔遲,我就係早婚早生,22歲結婚,23歲生大女,28生細女,而家29,日日起屋企湊死一世女咪仲慘,想出去抖下氣都冇,後悔太早結婚生bb,未玩夠

註冊日期: 2017-4-6

發表於 2017-6-7 10:01 | 顯示全部樓層
其實點解一定要跟你ge計劃?
我覺得你好自私,
你想讀返書,所以要做晒d野先
當真係跟左你ge計劃,第日bb邊個照顧?
佢岩岩先22,23,仲想讀埋master....
其實佢讀完你都係28/29....比多3年佢,你都係32姐
成件事會易好多

點解唔返轉,你而家讀,
等佢讀晒,2-3年時間先結??
到時你地經濟一定好好多

如果你咁都要問等唔等,
你好自私,
呢d好仔唔珍惜唔好罷住

註冊日期: 2017-3-3

發表於 2017-6-7 10:29 | 顯示全部樓層
你男友講得出啲咁既說話 擺到明唔想娶你啦

註冊日期: 2016-2-26

 樓主| 發表於 2017-6-7 10:59 | 顯示全部樓層
melody SZE 發表於 2017-6-7 10:01
其實等多2年都唔遲,我就係早婚早生,22歲結婚,23歲生大女,28生細女,而家29,日日起屋企湊死一世女咪仲慘,想出去抖下氣都冇,後悔太早結婚生bb,未玩夠

我讀書有限制,我的入學要求一定要有某幾年的工作經驗先可以讀上去,如果讀到我都想而家讀

註冊日期: 2016-3-2

發表於 2017-6-7 11:13 | 顯示全部樓層
你可以問下佢甘佢既計劃係點, 幾多歲結,
要點樣為之事業有成先結
搵3萬一個月? 搵5萬? 10萬?
點事業有成, 你要佢比個佢呢一刻心目中既schedule你
唔好一味得你講你自己想點點點

22歲男仔唔想結婚又好難怪
你又可唔可以tune一下你自己個plan?
比多兩三年佢, 你都係28, 29歲
同埋22歲就算同你結, 衰D講句都好易離婚
男人32歲都可以好唔成熟好幼稚, 何況22歲
佢夠成熟做人老公,老豆?  佢玩夠?
唔好只為幾多歲而結, 你都諗下佢呢個年齡既心智做唔做到先啦

註冊日期: 2016-4-21

發表於 2017-6-7 11:18 來自手機 | 顯示全部樓層
可能你迫得多佢先咁講話叫你搵第二個,我都覺得唔好俾年齡限制自己,其實佢得廿頭,唔係意外有bb,佢應該都唔會結婚住,你地咪傾下可能第佢讀完書後又做左幾年野穩定d先結啦

註冊日期: 2016-1-26

發表於 2017-6-7 11:36 | 顯示全部樓層
其實我諗好少22 歲男仔會咁快諗結婚。 啱啱先出嚟做嘢無耐, 正常都想事業穩穩定定, 同埋唔想咁快結婚困住自己。 其實你都仲有 4年先至到 30歲, 有必要咁快逼佢嗎? 佢讀完兩年 master, 到時你都係 28歲姐, 都仲好後生呀。

你屋企人逼你所以變相你就逼佢。 其實好自私諗法。 你屋企人唔知佢細過你 3年架咩? 有咩好逼呢? 繼續逼佢,只會令到佢更加討厭諗結婚, 所以佢先至會叫佢你搵過個。 唔知係咪晦氣說話啦~ 不過 keep 住逼, 佢咪 keep 住晦氣囉~

佢有冇主動講過佢嘅 plan 先? 有無講過佢想幾歲結婚? 唔可以為咗自己嘅plan 就唔理另一半嘅plan。

註冊日期: 2016-2-26

 樓主| 發表於 2017-6-7 12:24 | 顯示全部樓層
glowglowb 發表於 2017-6-7 11:35
可能你迫得多佢先咁講話叫你搵第二個,我都覺得唔好俾年齡限制自己,其實佢得廿頭,唔係意外有bb,佢應該都唔會結婚住,你地咪傾下可能第佢讀完書後又做左幾年野穩定d先結啦

佢夢想職業係做老師,佢講過話做到老師先會諗結婚既野,即係讀完master pdge,入到學校教書(我諗最少都3-4年時間)
不過佢都曾經有講過話無樓點結婚生b,應該係想儲到錢比首期再結婚都未定(不過買樓實在係太困難)

註冊日期: 2017-4-3

發表於 2017-6-7 14:22 | 顯示全部樓層
佢未必想娶你哦,就算娶得可能都10年8年後,你等唔等得?等完又係咪保證你兩既感情唔會變?
仲有,佢講得出叫你搵過第二個,証明你係佢心目中可有可無
您需要登錄後才可以回帖 登錄 | 註冊

News
Feature
Blog
Load more
 
NOTIFICATION