{ FORUM - LOVE }
Search
Title / Tags Author

查看: 7305|回覆: 30

結婚7年,我無諗過我老公會咁對我……

[複製鏈接]

註冊日期: 2017-7-18

發表於 2017-8-7 16:45 | 顯示全部樓層 |閱讀模式
一齊左成10年,我從來都無懷疑過佢,點解佢要出去偷食
跟左佢咁多年,大仔已經4歲,細佬都就識行…

點解要咁對我……

回覆
+ Favorite

舉報

註冊日期: 2017-7-19

發表於 2017-8-7 16:51 | 顯示全部樓層
same case....
依家有太多呢d case.....
新鮮感.....刺激.......好多野解釋唔到,仲之男女(小三)都衰....
努力照顧小朋友~加油~

註冊日期: 2016-10-21

發表於 2017-8-7 16:55 來自手機 | 顯示全部樓層
我同我男友同居10年,早幾年佢見返細個拍拖果個女朋友,佢都同佢一齊返,仲有埋bb,亦曾經話5返黎要同果個女人一齊,後尾佢媽咪勸佢,佢先肯返黎,因佢好錫佢媽咪,之後佢同個女人上大陸落左個bb就冇再聯絡。
我覺得有時男人係需要d新鮮感,或者喺性方面想要d刺激感覺,果一刻會好糊塗,但其實心底都知邊個對自己好嘅。。。我而家同我男友真係似親人多過情人。

註冊日期: 2015-7-22

發表於 2017-8-7 17:09 來自手機 | 顯示全部樓層
男人唔專一。
女人就係咁慘,為個男人生兒育女,付出咁多,但最後男人都會偷食。

註冊日期: 2017-7-17

發表於 2017-8-7 18:39 來自手機 | 顯示全部樓層
好好坐底傾下

註冊日期: 2016-10-21

發表於 2017-8-7 20:34 來自手機 | 顯示全部樓層
其實女人也有權選擇去偷食,有時不要為其他人付出太多,自己就不會那樣傷,女人一結婚就會諗住同老公一生一世,將所有時間心機放晒落個家,冇晒自己嘅生活,咁樣真係好傻,有d女人直情連獨立能力都冇,個男人咪食滑你囉,知你冇左佢唔得,到個男人要走嘅時候就哭哭啼啼,但佢唔會心疼你,所以女人真係唔好咁天真,成日以為自己為個家點點點付出,可能喺你老公角度,佢只係覺得你做緊你自己想做嘅嘢炸。

註冊日期: 2017-5-7

發表於 2017-8-7 23:05 | 顯示全部樓層

同意!最可悲的女人就係自以為貢獻一生比個男人和家庭,男人就會感激個女人,人性嘅嘢,咪咁天真啦!

註冊日期: 2017-6-20

發表於 2017-8-7 23:22 來自手機 | 顯示全部樓層
睇到太多lee d case,都好怕愛情,信任真係好脆弱,傷心不是因為付出了,而係欺騙

註冊日期: 2017-3-4

發表於 2017-8-8 00:41 | 顯示全部樓層
睇嚟七年之癢依樣野係有根據⋯ 最近論壇真係睇到太多老公出軌嘅個案.. 樓主你打算點樣

註冊日期: 2016-5-4

發表於 2017-8-8 00:51 | 顯示全部樓層
走人

註冊日期: 2017-7-18

 樓主| 發表於 2017-8-17 10:54 | 顯示全部樓層
我初初以為佢為左搵多d錢先成日OT 出去見客,
點知比我有日係佢銀包拎野比我見到有張連卡佛單買左幾千蚊女人野
我無收過 我唔知佢買比邊個
之後我Check佢電話發現佢同個妹妹仔flirt緊......

註冊日期: 2017-7-18

 樓主| 發表於 2017-8-17 10:55 | 顯示全部樓層
梳乎蛋 發表於 2017-8-7 17:09
男人唔專一。
女人就係咁慘,為個男人生兒育女,付出咁多,但最後男人都會偷食。
...

可能我掛住湊仔無乜點理我老公,又無時間照顧自己搞到殘晒掛

註冊日期: 2017-7-18

 樓主| 發表於 2017-8-17 10:56 | 顯示全部樓層
MasaBabySq4 發表於 2017-8-8 00:41
睇嚟七年之癢依樣野係有根據⋯ 最近論壇真係睇到太多老公出軌嘅個案.. 樓主你打算點樣 ...

我都唔知可以點

註冊日期: 2017-7-18

 樓主| 發表於 2017-8-17 10:57 | 顯示全部樓層

唔捨得,仲有兩個小朋友......

註冊日期: 2015-1-29

發表於 2017-8-17 12:17 | 顯示全部樓層
有唔偷食魚既貓嗎?

註冊日期: 2016-12-16

發表於 2017-8-17 17:56 | 顯示全部樓層
無點解....男人抵唔住刺激感

註冊日期: 2016-12-11

發表於 2017-8-17 18:02 來自手機 | 顯示全部樓層
建議樓主坦白同老公傾下先,始終有兩個小朋友,一般鍚仔女嘅男人知道老婆知道有小三後,都會再考慮是否同小三繼續落去。如果不聞不問只會令你老公更加放肆。

註冊日期: 2016-7-4

發表於 2017-8-17 23:38 來自手機 | 顯示全部樓層
一個家,係需要經常性有歡樂的!好多女人生完小朋友之後,可能日日只顧教仔,鬧工人,講仔經,講街市經,又不修邊幅,試問有幾多男人鐘意聽吖!

註冊日期: 2017-6-20

發表於 2017-8-18 02:23 來自手機 | 顯示全部樓層
same case...
仲要唔係一次。有得一次就有第二三次……
我都有两個小朋友,一個3歲半一個2歲。

個賤人仆街到係我生完第一胎坐緊月嘅時候偷食到翻屋企。
之後因為相信佢唔會再玩,俾機會佢,但佢依然唔珍惜,不停有多多借口出去玩…玩完翻嚟就話翻我轉頭唔識得體諒佢,因為佢好大壓力。

同佢由拍拖到今年,一齊佐8年。直至今年年頭,佢再次挑戰我底線,玩失蹤……又系唔止一次。最後我忍無可忍,決定放手,既然我努力付出既感情得唔到任何野,對方唔識珍惜既。我寧願放手…

要跳出個框框唔容易,慶幸身邊有好姐妹。
同佢分居到宜家畫埋龜離婚都有3個月,呢3個月,除佐講兩個小朋友既野,我地之間系0對話,甚至乎關於佢既野完全唔會想知。連佢約我食飯我都唔想出,完全系唔想見到佢。

同佢分開佐之後,先發現之前真係圍住佢轉,好似無佐佢唔得甘。但宜家我知道,呢個世界無話無佐邊個唔得。女人真係要獨立啲,唔好靠男人。“男人靠得住,豬乸會上樹”…
宜家我靠自己,照顧好小朋友,系就系辛苦啲,但起碼系開心既。起碼仲知道身邊系有好多人支持同關心自己……

姐妹,共勉之。加油……

註冊日期: 2017-6-20

發表於 2017-8-18 02:28 來自手機 | 顯示全部樓層
zozoyoyo 發表於 2017-8-17 23:38
一個家,係需要經常性有歡樂的!好多女人生完小朋友之後,可能日日只顧教仔,鬧工人,講仔經,講街市經,又不修邊幅,試問有幾多男人鐘意聽吖!

系……但都要睇個男人有無付出。識唔識體諒個老婆……一個女人全職湊小朋友,妳估好易?24小時on call,365日全年無休,無人工仲要受氣唔俾呻,試問何來仲有精神去俾歡樂?有時間都俾自己訓下好過啦~
您需要登錄後才可以回帖 登錄 | 註冊

News
Feature
Blog
Load more
 
NOTIFICATION