{ FORUM - LOVE }
Search
Title / Tags Author

查看: 44891|回覆: 52

生活規律不一致,能走下去嗎?

[複製鏈接]

註冊日期: 2013-8-29

發表於 2017-9-3 01:50 來自手機 | 顯示全部樓層 |閱讀模式
同男朋友一齊左一年,視大家為結婚對象(今年三十歲),但我近來覺得好迷惘,唔肯定對方係咪真係適合自己。

我返文職,五天半工作,男朋友做警察返shift,星期六日經常要返工陪唔到我,就算難得星期六或日放假,佢口講話會早啲出嚟陪我,但每次都係瞓到好晏,無四點都唔會出到嚟(我係習慣好早起身嘅人),我知佢平時返工累所以都唔會怪佢嬲佢,但自己默默地一次又一次失望,失落感無從發洩,覺得好辛苦。

我平時都會經常約朋友見面,只係星期六或日希望另一半係可以陪我悠閒一個下午,但現任男朋友從未做到。我係愛佢想同佢一齊,但我唔知自己可以忍受幾耐,怕到最後自己堅持不了,浪費時間,所以依家真係好矛盾唔知點做好。

有無sis係類似case可以分享下?

補充:我地各自同屋企人住,唔方便去對方屋企,一星期只會見一兩次。其實除咗星期六日,大時大節基本上佢都係陪唔到我。

回覆
+ Favorite

舉報

註冊日期: 2017-4-20

發表於 2017-9-3 02:24 | 顯示全部樓層
返shift都唔係長期夜班, 如果佢早唔到起身, 咁返早既時候點?

註冊日期: 2015-8-22

發表於 2017-9-3 02:28 | 顯示全部樓層
似乎不是返shift的問題,時間係自己安排, 同埋,當差並不是成日咁忙,自己諗清楚啲真正原因。

註冊日期: 2017-8-14

發表於 2017-9-3 07:30 來自手機 | 顯示全部樓層
以前都試過同ex天地更
久而久之會疏遠...
尤其係你最需要佢既時候佢唔係你身邊 會變成左分手既導火線
建議你認真同男朋友傾下呢個問題 一個星期至少都要有一段二人相處既時間
感情都好需要時間心機去維繫

註冊日期: 2016-4-13

發表於 2017-9-3 09:09 來自手機 | 顯示全部樓層
好多野有得必有失ge,男朋友顧住份工咁地保障到將來,不過就唔可以陪你,經常陪你ge男仔,或者又冇佢咁愛你。如果你真心喜歡佢,就體諒下佢,如果你覺得陪伴更重要ge,及早講清楚,畢竟女人青春唔係好拖得起。

註冊日期: 2013-8-29

 樓主| 發表於 2017-9-3 10:37 來自手機 | 顯示全部樓層
angie_kk 發表於 2017-9-3 02:24
返shift都唔係長期夜班, 如果佢早唔到起身, 咁返早既時候點?

返早迫住咪起到身,不過都係經常遲咗起身搞到好趕或者要搭的士

註冊日期: 2013-8-29

 樓主| 發表於 2017-9-3 10:45 來自手機 | 顯示全部樓層
Warwick999 發表於 2017-9-3 02:28
似乎不是返shift的問題,時間係自己安排, 同埋,當差並不是成日咁忙,自己諗清楚啲真正原因。 ...

有時佢返早(收早)會陪我食晚飯,放假都會用嚟見我,不過問題就係好多時番中更或者夜更同埋星期六或日返工,我知道佢有時間都畀咗我,不過就係佢要瞓好多覺,可能因為平時返工經常捱夜,所以我唔會嬲佢,但自己又唔開心。

註冊日期: 2013-8-29

 樓主| 發表於 2017-9-3 10:53 來自手機 | 顯示全部樓層
瑞秋 發表於 2017-9-3 09:09
好多野有得必有失ge,男朋友顧住份工咁地保障到將來,不過就唔可以陪你,經常陪你ge男仔,或者又冇佢咁愛你 ...

其實我唔需要另一半經常陪我,一星期一次我是OK的,但我希望個日係星期六或日,奈何佢份工就係唔得(得佢都瞓到好晏先出嚟),我知佢好愛我,對我都好好,所以我好矛盾唔知點好。

註冊日期: 2013-8-29

 樓主| 發表於 2017-9-3 10:55 來自手機 | 顯示全部樓層
geegee25 發表於 2017-9-3 07:30
以前都試過同ex天地更
久而久之會疏遠...
尤其係你最需要佢既時候佢唔係你身邊 會變成左分手既導火線

咁你嗰陣係咪因為依個問題同佢分手?

註冊日期: 2017-7-22

發表於 2017-9-3 11:15 | 顯示全部樓層
最後解決既問題既方法係⋯⋯佢轉工⋯⋯
我同你一樣但我們大你2年

註冊日期: 2017-7-22

發表於 2017-9-3 11:17 | 顯示全部樓層
後補: 之後仍然難適應,不斷重覆問題

註冊日期: 2017-8-14

發表於 2017-9-3 11:24 | 顯示全部樓層
如果你有失望,唔開心呢種感覺,其實你唔係愛你男友,你只係想有人陪。點解唔掉轉用你男友角度諗吓?佢想返shift? 佢想閒日放假?佢唔想放紅日嗎?邊個話返shift 一定要就朝9晚5嘅時間?點解你唔就返佢閒日佢放假時你同佢出街?

註冊日期: 2017-3-2

發表於 2017-9-3 12:42 來自手機 | 顯示全部樓層
你都講唔係佢唔想六日陪你,係份工唔得。冇辦法架,你同佢想一世,就要接受佢唔可以重要節日/六日常陪你 ... 一係你搵第2個又愛你又陪到你既人

平日作息唔定時/攰,假日瞓到中午都可以接受啦。叫男友瞓到1點起身啦,去佢屋企附近過悠閒下午lo

註冊日期: 2016-7-22

發表於 2017-9-3 13:05 來自手機 | 顯示全部樓層
我同你個case好似,我男朋友同你男朋友職業一樣,星期六日好多時都陪唔到我,佢仲要唔想我等佢收工,因為佢怕好多時會收遲左,令我白等,我亦真係試過等左佢成日結果佢要臨時做野黎唔到,好失望。

平時只好keep住whatsapp,佢一有時間就覆我,佢會特登寫假接我收工食飯咁,如果有聖誕復活節嗰啲長假期,我地就一齊就假,咁樣就可以一齊過一日。

其實我都已經慣慣地呢個模式,我都發過好多次脾氣,但見佢返工咁攰,又嬲唔落。。。

有野可以pm傾下。

註冊日期: 2016-2-22

發表於 2017-9-3 13:41 | 顯示全部樓層
我同你處境1樣 就算男朋友連續放4日假佢只會俾1天時間我

註冊日期: 2017-5-5

發表於 2017-9-3 13:46 | 顯示全部樓層
其實如果佢放平日,你會唔會拎假陪佢一齊放假?

註冊日期: 2009之前

發表於 2017-9-3 13:51 | 顯示全部樓層
其實大家都視大家為結婚對象,因為見面時間就諗分手? 加上你識佢果時都已經知佢職業係咁架啦!點解依家先覺得有問題呢?

註冊日期: 2017-3-26

發表於 2017-9-3 13:52 | 顯示全部樓層
我同你一樣情況,我文職佢警察,但而家就結婚了

註冊日期: 2017-4-20

發表於 2017-9-3 14:07 來自手機 | 顯示全部樓層
警察都有好多部門唔洗返shift

註冊日期: 2017-7-28

發表於 2017-9-3 14:13 來自手機 | 顯示全部樓層
我同你 樣,老公長期出差+返shift! 但已經拍拖十年,結婚五年!係睇樓主咩心態,小別也可勝新婚!樓主加油!
您需要登錄後才可以回帖 登錄 | 註冊

News
Feature
Blog
Load more
 
NOTIFICATION