{ FORUM - LOVE }
Search
Title / Tags Author

查看: 3337|回覆: 13

男友好嬲,是分手徵兆嗎

[複製鏈接]

註冊日期: 2017-9-24

發表於 2017-9-24 14:54 來自手機 | 顯示全部樓層 |閱讀模式
同男朋友拍拖快8年,男友大學畢業後做過一年野,但因工作唔理想,一直搵唔到其他工作,停頓左大半年。親友介紹下曾經再做左過大半年野,後來找到自己喜歡的科目,決定再讀另一個學位,但一讀就要5年全職。男友覺得讀書為重,而且有家人support, 所以無做part time。拍左咁多年,其實我覺得大家有啲價值觀好唔同,包括我希望男友可以成熟啲,搵份part time賺生活費,可以財政獨立啲,唔使家人負擔咁重,亦好想佢過幾年畢業後就結婚,婚後可以搬出來二人獨立生活,以及一起在信仰中互相建立。

男友諗法好唔同,我一直有工作, 而佢長期由家人support,因為佢覺工作應該做有意義既野,唔應該為錢,所以即使畢業後佢想慢慢儲幾年錢先結婚,亦唔打算幫人供樓或者買樓,反而想同佢父母一齊住。我地係基督徒,但一直未能在信仰互相支持。

咁多年,其實我知道大家邊啲地方立場唔同,但大家似乎好難互相配合。一有唔同的立場,佢都會唔出聲,而我就期望佢明白我的諗法,一齊努力。而家男友讀到一半,我都30出頭,所以我係愈來愈心急,但男友一日未畢業都好多野決定唔到。身邊的朋友同事都知我拍拖好耐,唔明我點解肯等。其實我覺得佢個人係好好,對我都好好,只係有啲位大家意見分歧。

最近,我自己感覺大家都比以前淡了。以往男友都好錫我,有咩唔開心或者脾氣佢都會體諒。但早兩日坐車時,又提到金錢/前路時,佢笑問係咪要幫我家人做啲體力勞動既工作,我好嬲,話我屋企人一直好勤勞工作維持生活,而唔係靠其他人。男友都好嬲,就臨時落車走左。我追上去,但佢無理我,好快跑走左。我知佢一定係好嬲。之後都無再接我電話,whatsapp我話唔方便。之前佢無試過咁對我,係咪代表我地已到盡頭?

我聽過男人不再愛一個女人時可以好決絕。我其實希望可以走下去...但佢離開時的眼神好決絕,我是否要死心,放棄呢段感情。

唔好意思,好長篇...我自己唔想放棄,但係呢個位我唔知可以做啲咩,唔通真係等分手?希望姊妹們可以分享下,比啲意見。
回覆
+ Favorite

舉報

註冊日期: 2017-8-27

發表於 2017-9-24 15:33 來自手機 | 顯示全部樓層
可能佢本身自己都有點自卑
所以老羞成怒

註冊日期: 2014-10-19

發表於 2017-9-24 15:33 | 顯示全部樓層
如果2個人既觀點、立場唔同都要互相遷就同體諒,只係你一人既力量會好辛苦!
我明白你唔想分開,因為已經拍左8年,大部分時間已經習慣左有他。但係如果佢唔想你都無辦法迫佢!
係~如果一個男人唔再愛一個女人,他可以好絕情,絶到令你懷疑自己點解你會中意呢一個人?
你可以做就係諗下有乜野學,將d時間用係其他地方,唔好諗佢。你不斷搵佢,佢只會覺得你煩!

註冊日期: 2017-8-16

發表於 2017-9-24 16:06 來自手機 | 顯示全部樓層
係㗎~無論男女已經唔再愛個時都可以好絕~其實雙方價值觀唔同,諗法又唔同步仲點一齊落去?另外,個人覺得其實你自己都不停咁灌輸你嘅價值觀俾佢想洗佢腦,我諗佢都覺得你好煩~而且你都30頭我諗佢都差唔多,一個30頭嘅男人,仲好似仔咁要靠屋企人養同供讀書,係到逃避承擔一個女人一頭家,乜你仲覺得佢可付託終身咩?仲值得等咩?

註冊日期: 2016-11-21

發表於 2017-9-24 16:33 來自手機 | 顯示全部樓層
我覺得係應該係你嬲先啱,咁嘅男人,讀書就大晒?諗住一世靠屋企?如果你係想結婚嘅,我勸你唔好等,去搵另一個,大家價值觀咁唔同,點一齊生活!

註冊日期: 2017-9-23

發表於 2017-9-24 17:02 | 顯示全部樓層
男方家庭環境好係主要問題
依D多數係被寵壞
o者係斟杯水都要人服侍
你還指望他什麼?
有很多東西是可以預見的

所以就搞到佢好任性
佢話讀書為重 根本係廢話
佢係唔係真係將大部份時間投放在學業?
我好相信唔係
就算屋企環境幾好
個人大個左都應該負返自己責任

另外,你男朋友已讀完第一個degree
而家又走去讀多個完全唔相關ge
仲要讀5年

但係你有冇諗過
之後佢又話 依個科目其實都冇咩興趣
又要讀另一個讀5年
咁你會點算?

兩個人一齊,性格可以差天共地
但價值觀不同就一定很多紛爭

至於你是否要死心、放棄,就自己慢慢考慮
我不是你,沒有權幫你決定

註冊日期: 2016-12-11

發表於 2017-9-24 18:58 來自手機 | 顯示全部樓層
你同佢大家的價值觀好唔同,而你可能拍左拖八年,時間已過驚輸,所以一直想大家可以盡早結婚。

但事實就係你男友唔想改變自己嘅諗法,而亦都似乎沒有商量的餘地。

即使今次好番,相信隨著你嘅年紀愈來會愈大,你會愈來愈驚,因為一個咁個人絕對唔會帶到安全感俾你。

八年當然好難放低,不過都係時候深思一下是否應該繼續,呢個人是否係終身伴侶。

註冊日期: 2016-10-17

發表於 2017-9-24 20:09 | 顯示全部樓層
其實如果你而家呢個degree真的會令佢前途好D,我覺得可以等,始終成世流流長,但都要同佢傾下你擔心,定好婚期,例如讀完1年後結婚。
不過要同佢家人住呢樣,似乎好難搞,睇你接受程度了。

註冊日期: 2017-9-24

 樓主| 發表於 2017-9-24 21:32 來自手機 | 顯示全部樓層
mcp970215 發表於 2017-9-24 15:33
如果2個人既觀點、立場唔同都要互相遷就同體諒,只係你一人既力量會好辛苦!
我明白你唔想分開,因為已經拍 ...

可能咁多年都習慣左有對方係身邊。

呢幾年一係返工,一係搵男友,就係放棄左同朋友一齊既機會。而家感情唔穩定,都唔知可以同邊個講或者我都需要多啲自己的社交機會

註冊日期: 2016-1-6

發表於 2017-9-24 21:36 | 顯示全部樓層
放心啦,你男友讀完呢五年,又會再搵其他學位讀架啦,對唔住都要講句,有屋企人養,幾大都唔出黎做野啦

註冊日期: 2017-1-9

發表於 2017-9-24 21:54 | 顯示全部樓層
小朋友!咩係有意義?當生活逼到埋來時,錢係最現實嘅問題,講有意義,我覺得另一番見解係咪叫懶?覺得工作太辛苦。所以一直避。

註冊日期: 2017-9-3

發表於 2017-9-24 22:31 | 顯示全部樓層
男友真係⋯活喺童話世界㗎喎,工作應該做有意義嘅嘢?咁點為之有意義?其實每一個職業都好有意義,因為有呢個行業衍生就代表有佢嘅作用,邊一個行業突然冇咗都對社會正常運作好有影響,咁佢仲讀咩書,近排大陸限廢令搞到廢紙塞哂喺碼頭,快啲叫佢去做回收業啦!仲可以環保,改善地球環境同下一代生活,爆有意義喇啩⋯

註冊日期: 2015-12-8

發表於 2017-9-25 10:42 | 顯示全部樓層
你都30歲喇,自己要咩好清楚,做咩仲要浪費自己嘅青春啫!

註冊日期: 2016-3-2

發表於 2017-9-25 10:56 | 顯示全部樓層
其實你要咩你自己好清楚
亦好清楚佢無打算比你忌要既野你
佢亦無上進心去搵錢
打算咩都靠父母靠屋企渾渾噩噩過日子就算
你宜家30都仲唔想D下決定下決心, 再大多幾歲你更加走唔到
您需要登錄後才可以回帖 登錄 | 註冊

News
Feature
Blog
Load more
 
NOTIFICATION