{ FORUM - LOVE }
Search
Title / Tags Author

查看: 87858|回覆: 45

應唔應該同我媽斷絕來往?

[複製鏈接]

註冊日期: 2017-10-5

發表於 2017-10-5 17:17 | 顯示全部樓層 |閱讀模式
係咁嘅 我3年前同老公注冊結婚,當時我地分別都有見過對方父母,雙方父母都係支持我地嘅。因為我地係美國讀完大學畢業後就留左係美國做野,都準備好以後定居美國。所以當初係唸住係美國注冊先,等準備得差唔多先返香港補擺酒。

但因為我啊媽係個啲非常要面嘅人,又係做生意嘅,所以就一定要擺到好大好豪,起碼四季酒店個種。我地係美國注冊之後計左下條數,如果照我啊媽要個種排場,個婚禮大概要洗150萬。我老公爸爸媽媽都已經退左休,未退之前係公務員,唔算大富大貴但都算小康之家。150萬都有嘅,得呢一粒仔所以都願意全額支付。我老公都好就得我,基本係我想點就點。但我唔想洗咁多錢搞場咁鋪張嘅婚禮,由其係兩個老人家嘅養老本。

我啊媽嫁女,覺得婚禮就係禮金。加上佢自己生意都用左好多現金流,所以如果話叫佢攞現金出黎同我老爺奶奶平攤婚禮開支佢都真係有啲吃力,佢亦覺得婚禮一定要男方比錢先叫有誠意。所以最後唸過度過,婚禮呢件事就不了了之左。

直到一年前我媽就開始因為一直冇擺婚禮而開始發脾氣,我同佢點解釋都冇用,而且唔知係唔係更年期,仲成日都悪言相向。其實佢講到尾都係覺得我冇比到機會佢去同身邊啲人炫耀所以唔爽。有一次佢仲因爲發我脾氣走去同我奶奶講我壞話,話我細細個開始就小器,自私等。好彩個時我老公知道之後走去幫我同佢媽咪解釋,如果唔係我係我奶奶心目中嘅形象已經唔知會變左點樣。之後我同我媽就進入左冷戰狀態。

其實呢一年入面只要有特別節日我都會send msg比佢祝賀,但佢都係愛理唔理。其實我知佢係突登一直唔理我,等緊我同佢道歉,但我覺得係呢件事上面我冇做錯,tum佢講其他野可以,但我唔會認錯,因為我唔覺得我有做錯d咩,反而佢先係過份個個,試問邊有自己親生啊媽走去個女奶奶度講自己個女壞話嘅?

我媽因為我到依家都冇同佢認錯加上冇擺婚禮,一直唔肯認我老公,仲成日走去我啊婆度告狀話要唔認我呢個女。因為佢,我真係喊左無數次,有時我真係冇辦法明白點解我會有個咁唔識得理解下個女嘅啊媽?永遠唸嘅考慮嘅都係佢自己嘅面子。

講真其實我特登唔洗我老爺奶奶嘅錢亦都係有我自己嘅原因。用人地嘅手短,食人地嘅口短,我深知呢條道理。我唔想我以後bb出世我冇得自己親手養大佢地,因為老人家成日會想抱走霸住個孫。我唔想佢地想搬黎同我地住嘅時候我冇say no嘅權利。我想盡量做到同我老公係平等嘅2夫妻,而唔係佢地屋企用150萬買返黎嘅必須聽話新抱。

我最近有左bb,佢就日日打去我啊婆度喊話婚禮都未擺就有bb個啲,講得好難聽,叫我啊婆都左右為難唔知點算好。但我真係比我啊媽激到成日會喊到聲都沙曬,個肚扯住痛。我好驚再咁落去會影響到bb,畢竟大肚婆好敏感。講真我同老公真係好好,感情方面一啲問題都冇。我唔明點解我啊媽睇唔到婚姻其實係每日嘅everyday life,而唔係個場做比人睇嘅婚禮。我係咪應該係時候唔好再理我啊媽?(啱啱喊完2個鐘,依家個肚扯住痛緊。。。)

回覆
+ Favorite

舉報

註冊日期: 2017-9-10

發表於 2017-10-5 18:04 來自手機 | 顯示全部樓層
覺得佢想你攪婚禮系為你好。

註冊日期: 2017-8-9

發表於 2017-10-5 18:14 | 顯示全部樓層
如果真係唔夠錢擺,咪同你媽媽講明。講真,你 99 嗰邊已經係退休人士,又真係好難攞錢出來。而且我覺得婚禮要自己出錢囉。無咪唔好擺咁大。

你媽媽始終係生你出來,又唔可以唔理佢。但我覺得啱聽會聽,唔通佢叫你離婚,你又離? 佢唔鍾意你老公,咪唔好見咁多囉。

樓主帶咗BB,小心身體。生咗出嚟再算啦。生活係你同無老公,唔好為咗個婚禮而傷心及傷荷包。

註冊日期: 2016-11-21

發表於 2017-10-5 18:22 來自手機 | 顯示全部樓層
150萬搞場婚禮真心唔值,你話有幾億身家,大富大貴又唔同,我覺得婚禮可以搞,四五十萬已經可以搞得好好睇,冇必要搞到過百萬,係你媽問題,而家都返唔到轉頭,咪盡量未生都少d接觸,減少自己唔開心,生咗時見到個孫,我諗你媽咩都唔會再記得,加油,sis!

註冊日期: 2016-10-16

發表於 2017-10-5 18:42 來自手機 | 顯示全部樓層
保持自己心情開朗,生左bb 先再算,我個人黎講都覺得你完全無錯,用人地養老錢去滿足面子,好無謂,一場show,我支持你做法。

註冊日期: 2017-9-10

發表於 2017-10-8 00:11 來自手機 | 顯示全部樓層
同你外婆講: 叫佢個女咁鍾意大場面,自己擺一次酒,有咁大攪咁大。

註冊日期: 2016-12-21

發表於 2017-10-8 04:28 | 顯示全部樓層
一係同你媽媽妥協 佢要你擺, 得, 地點流程價錢你定。 佢say no 就唔好再理人尸尸

註冊日期: 2014-9-28

發表於 2017-10-8 07:12 | 顯示全部樓層
40-50萬已經好好,好有體面,好豪下架啦!
你媽咪想你擺,你咪直接搵的好睇既酒店擺囉!唔需要下下你啊媽要求到你100%既要求架!
靚咪得囉!佢要面嘛⋯⋯

不過你地已經冇擺,又有埋bb,尊心養胎啦!
唔好再為呢件事而煩啦!

註冊日期: 2015-11-1

發表於 2017-10-8 12:46 | 顯示全部樓層
邊有阿媽唔錫自己仔女吖,佢係怕你無風風光光嫁入去又長期係外國,怕你入到門俾外家d人睇唔起

我都係岀自小康之家,一世都未捱過窮,男朋友一家就係白手興家,都唔係好有錢,不過男朋友阿哥同妹結婚就有擺酒,所以我媽媽都堅持我結都要擺。但我就唔想,因為呢個問題就hold住左

註冊日期: 2016-1-1

發表於 2017-10-8 13:38 | 顯示全部樓層
郭富城擺酒都無咁豪啦

註冊日期: 2009之前

發表於 2017-10-8 13:45 | 顯示全部樓層
150萬去搞場婚禮,我情願去拎去做首期,講真,香港地有幾多人可以拎咁多錢出黎搞婚禮,重要女家唔肯出錢? 我都覺得你完全冇錯,只不過同媽媽溝通得唔好⋯⋯ 不過黎到呢個地步,都真係唔知可以做啲咩!你唔好諗咁多,bb 要緊,放鬆心情!!有咩同老公講等佢分擔下一齊去解決!

註冊日期: 2017-9-10

發表於 2017-10-8 13:56 來自手機 | 顯示全部樓層
留意樓主第三段開頭,佢阿媽嫁女,覺得婚禮就係禮金,樓主預150萬四季擺到30-50圍,男家主婚是退休公務員,相信自用5圍已夠,另5圍用作一對新人的朋友同學同事,女家係生意人,請的應是客户或供應商,即至少要20圍了!其實擺酒如果親戚唔多,以前請客户好多時有得賺,因為出公數……如果樓主媽媽只是想要一次虚榮,收到的人情全部退回畀新娘,其實是可考慮,但最重要是樓主媽媽肯不肯和守不守信用!

註冊日期: 2011-10-16

發表於 2017-10-8 14:26 來自手機 | 顯示全部樓層
你阿爸呢?

註冊日期: 2015-7-7

發表於 2017-10-8 14:31 來自手機 | 顯示全部樓層
你無做錯, 點解要人地用咁多錢喺佢面上貼金?
你而家大肚, 最重要就係好好安胎先。我諗有關佢嘅消息你都係喺阿婆到收返嚟, 你不如同婆婆講想好好安胎, 有咩佢難聽嘅說話都免聽啦, 應該可以放鬆吓。

註冊日期: 2017-3-3

發表於 2017-10-8 15:39 | 顯示全部樓層
yu02_cat 發表於 2017-10-5 06:03
覺得佢想你攪婚禮系為你好。

為樓主好又點會同親家講自己個女壞話

註冊日期: 2017-1-23

發表於 2017-10-8 16:01 | 顯示全部樓層
我之前參考過又係做生意既爸媽個仔結婚
佢都係尖東一間好小小既酒店擺酒
有30-40圍
佢地都好開心嫁喇
退而其次唔好擺四季啦..!
搵D睇得下人既就算啦~

註冊日期: 2009之前

發表於 2017-10-8 16:10 來自手機 | 顯示全部樓層
邊個話擺酒要平均分担費用架,咩理論,我地结婚擺了共25位酒席各男女方一半,女家一毫子無出,禮金禮物女家全收,邊有咁計較架。無能力都唔搞啦,老人家真係想高興的,咪就下啦,況且又不是什麼大不了,也不可日後補救,大搞都係高度重視你入門的做法啫。。。

註冊日期: 2009之前

發表於 2017-10-8 16:17 來自手機 | 顯示全部樓層
咁就怪不得你阿妈嬲你啦,,養到你咁大,想你配合做一樣野都辦吾到,,搞一次大大龍鳳有幾難,仲個標題大大隻字要寫斷絕,你讀屎片讀壞個腦。。仲話陀B B,做人個女,新抱都未識,仲點做人阿媽呀,,反省吓啦。。。

註冊日期: 2015-7-15

發表於 2017-10-8 16:33 來自手機 | 顯示全部樓層
樓主,你呀媽飬到你咁大,又供你去外國讀書,都洗左唔少錢喺你身上,你一野唔該都冇,一畢業就同人簽紙又唔返黎擺酒,其實同人私奔無異,你呀媽而家唔係唔比你嫁呢個男人喎,只係你已然個人唔喺媽媽身邊,媽媽想留低一啲回憶。燕詩你有冇讀過?你而家同隻小燕子冇分別。 你仲要post 上黎叫人聲討你媽媽,你對唔對得媽媽住?
你而家都係人媽媽啦,雖然你未必需要你個囡用150 萬擺酒,但係我諗你都絕對唔想 10年冇見佢之後,佢粒聲都唔出一啲表示都無咁樣跟佬走,可能到時你只係需要個女同埋女婿同你講一聲多謝,但係你要明白每個人感受愛嘅方式都係唔同,你媽媽而家想要嘅,就係睇你風光咁出嫁

大個女喇,去氹返媽媽啦,其他野再傾啦,我都祝你有一個孝順嘅小朋友☺️

註冊日期: 2012-5-4

發表於 2017-10-8 17:00 | 顯示全部樓層
每個人都有自己嘅價值觀、你又唔係明星,又唔係扯線公仔,花兩老錢為你阿媽貼金,做一場大龍鳳,值咩?
呢個係你個婚禮,你嘅婚姻,你嘅人生,唔好比任何人影響到
您需要登錄後才可以回帖 登錄 | 註冊

News
Feature
Blog
Load more
 
NOTIFICATION