{ FORUM - LOVE }
Search
Title / Tags Author

查看: 86633|回覆: 167

同住真艱難

[複製鏈接]

註冊日期: 2017-10-12

發表於 2017-10-12 23:46 來自手機 | 顯示全部樓層 |閱讀模式
由於每點加咗例子
所以文字上多咗少少

結婚1年多, 與奶奶和叔仔同住

我十分不喜歡他們, 每天都不想見到他們, 本身唔知咁嚴重

先說20幾歲叔仔
1. 人又懶 (例: 回家時永遠唔會自己開門, 如果佢自己開門, 我聽過奶奶問佢係咪唔舒服? oh my god, 乜原來自己開門就代表唔正常、唔舒服)
2. 極度污穢 (經常性唔沖涼, 有次奶奶仲要幫佢洗頭、ipad套全是油漬好恐怖)、3. 屋企事都不主動幫忙, 乜都奶奶同佢做哂 (例: 掃地、抹地、晾衫、抹下屋、裝定6-10支水樽俾佢飲)
# 有次奶奶晾衫跌咗落地撞到個頭流血 (我覺得叔仔掛住玩唔幫手之過)
4. 成日對住電腦打機、睇片兼自言自語和大聲笑 (奶奶成日叫佢打機、又唔覺得佢自言自語有問題)
5. 食親野都勁大聲 (我覺得d聲係專登做出來懶有型咁)
6. d飯餸已經擺哂喺枱面仲喺度不停食零食 (我覺得食飯前不應食太多零食, 影響正餐)
7. 三更半夜唔瞓 (包括試過半夜12點仲喺度唱歌, 自己阿媽喺房瞓覺, 都唔會細聲d, 騷擾人; 有時半夜兩、三點, 2母子一路瞓一路傾計勁大聲, 我瞓緊覺都被他們嘈醒咗瞓唔番)
8. 又要學人帶飯返工, 食完唔洗不特止, 仲要帶埋骨頭回家等奶奶洗同掉垃圾, 飯盒又唔自己整, 攤凍放雪櫃唔會做, 我相信如果奶奶忘記幫佢擺, 一定會放到第2朝囉
9. 聽老公講, 叔仔要求奶奶, 以前獨立照顧我老公幾多年, 日後要獨立照顧番佢幾多年, 簡直係白痴仔囉

至於奶奶
1. 污穢
放假先掃地, 有時提前掃地又只會掃一忽, 但其他位置都好多垃圾和頭髮之類

差不多2年, 張枱擺到無位放野, 後面已經起哂漬, 而家朝朝有曱甴喺枱面周圍走、開party咁, 走得勁快好難拍死佢地, 我懷疑枱後養緊曱甴
因為奶奶太懶, 朝朝我起床時, 見親佢都係睇書, 有時間睇書, 不如清潔下d地方好過啦, 明知成日有曱由走出來, 都唔會搬開d野抹下張枱, 又唔做防禦措施

2. d煲用咗10幾年, 內外都黑哂都覺得無問題, 煮食用具直接接觸d食物, 好危險㗎嘛
3. 間屋成陣up味
除了間屋污穢外, 仲會早晚裝香
朝朝d香燭味散布全屋, 當我起床一出房門, 就覺得好臭, 大門又唔開, 窗又得條隙仔, 奶奶仲可以若無其事睇書, 大佬呀, 聞得多對身體唔好囉, 開門散減d味都唔做, 習慣咗唔代表無問題囉!
4. 嚴重縱容個細仔
幫佢開門、按摩、揑骨、飲唔哂都要裝6-10支水樽俾佢飲
結婚前我老公1個人抹廳和房d牆, 因為太污穢, 結婚拍照俾人睇到都肉酸啦, 叔仔係完全無幫過手, 奶奶仲好意思叫我老公抹埋廁所
唧曱甴藥又叫我老公做, 佢自己又唔做, 又唔會叫叔仔做, 一句話 “一陣細佬唧完唔洗手攞野食, 入醫院仲大鑊”, 噢… 乜原來做得唔好就唔使做, 如果佢真係咁, 呢d叫抵死囉
自從老公出來工作, 上網全是他付, 到叔仔出來工作, 我老公仍然是付全數, 但叔仔日日掛住打機唔幫手做野, 上網費又唔俾, 我同老公都要儲$, 叔仔唔可能唔盡自己責任, 我就要求老公要叔仔夾番$, 2年合約$2400, 條數好襟計㗎 (1個月上網費好像200幾), 同奶奶講要叔仔夾番$, 奶奶1句話 “算吧啦, 佢睬你都傻, 佢唔會俾”, 我聽到火都嚟, 問都無問過又知佢唔會俾? 有份用梗係要俾啦, 責任嚟㗎嘛, 唔俾咪唔好俾佢上網囉, 點可以咁講野㗎! 講咗幾次, 奶奶俾咗$我老公, 不過我認為係奶奶自己俾, 實無要求叔仔俾番自己嗰份, 衰d講句, 如果奶奶代叔仔俾, 就應該俾全數, 我老公都唔應該俾, 咁先公平
5. 食飯用細枱 (可摺矮枱嗰種)
食飯當然要開大枱食㗎啦, 初初我要求開大枱, 奶奶每次只會叫我老公開枱收枱, 永遠唔會叫叔仔做
一來, 奶奶成日煮到d餸根本食唔哂, 例如, 4個人食, 肉都3碟, 可能加埋5-6碟餸, 細枱次次都唔夠位擺, 碟碟都淨半碟, 好心食幾多就煮幾多, 成日都食3餐咁滯, 經常隔2日再拎出嚟俾我老公帶飯, 我唔想老公食太多隔夜再隔夜餸囉, 佢要煮來多幾款俾d仔揀喎, 否則他們會嘈喎 =__=”
食飯時, 奶奶同叔仔不停講野, 嘈住我睇電視, 不停講無謂+廢話, 又大聲
奶奶不停講野, 我都好驚佢噴哂口水落d餸度, 因為試過佢對住我講野, 噴到我成面、手、腳都是口水, 之後有幾次對住我講野又係, 自此, 我就好驚佢近距離同我講野
6. 求其
清潔求其、洗碗唔乾淨
購物單都放埋入雪櫃, 叻!
沖完涼, 拖咗地都好像無拖地咁濕嘅 (我想方便抹地就買咗地拖用, 以免去廁所會跣親)
7. d野用10幾年都唔買新的
而家奶奶同叔仔瞓嘅上下格床, 明顯睇到就冧都若無其事
煲黑哂唔換
雪櫃全是漬, 唔到壞嗰刻都唔換
8. 嘈
朝朝一到6點奶奶起床就好嘈
行路太大聲、關門、擺野太大力,
個個仲瞓緊覺, 都唔會識得細力d, 完全唔知會嘈醒人嘅

呢d都只係一部份咋
回覆
+ Favorite

舉報

註冊日期: 2016-7-12

發表於 2017-10-13 00:02 | 顯示全部樓層
本帖最後由 YYYYU 於 2017-10-13 00:19 編輯

冇本事搬出去住就唯有忍受。
其實睇落你奶奶都幾隨和,都冇要求你做D咩,佢自己負責哂打掃煮飯,咁你仲想點呢?
咁不滿你又唔幫下手? 仲話個奶奶懶
上網費其實都係二百幾蚊一個月,你哋又有份用,奶奶幫細仔畀埋你都唔滿意,樣樣計得咁清楚,點叫做一家人?真係要計的話水電媒租金伙食費係咪樣樣都要計?

評分

1

查看全部評分

註冊日期: 2017-4-20

發表於 2017-10-13 00:04 | 顯示全部樓層
本帖最後由 angie_kk 於 2017-10-13 00:05 編輯

佢地屋企人習慣左, 覺得冇問題咁都冇辦法,
你睇唔過眼不如你做啦, 你唔做既話就唔好怨人地唔做,
人地冇義務滿足你對衛生既要求~

註冊日期: 2014-10-17

發表於 2017-10-13 00:56 | 顯示全部樓層
人地可能都列左廿項你既缺點你唔知姐,寄人籬下就要張就下。

註冊日期: 2015-7-28

發表於 2017-10-13 02:21 | 顯示全部樓層
咁不滿咪自己搬出去住囉 啊支啊左

註冊日期: 2016-4-17

發表於 2017-10-13 05:57 | 顯示全部樓層
雖然話 唔中意就搬出去啦
但我都feel到你係一個點既環境住...登你慘

註冊日期: 2017-10-12

發表於 2017-10-13 06:59 來自手機 | 顯示全部樓層
禁不滿佢地污糟又5見你做家務?果度不嬲都係佢地屋企,人地有自己ge生活方式,你只不過嫁過去一年就禁多不滿,講真有本事米搬出去住lu,5洗係度顯世又嫌三嫌四,出面租屋5係好貴萬幾蚊姐,但你又住5起又要呻人地呢樣果樣,其實肉酸ge人係你lu~

註冊日期: 2017-10-12

發表於 2017-10-13 07:15 來自手機 | 顯示全部樓層
2公婆搬出去住真係正好多架,想點都得,又5洗睇到自己5鐘意ge野,請個工人或鐘點就搞掂曬全部家務5洗煩,仲有係上網200幾真心超級平lu,我上網費係400幾一個月,洗5洗夾錢禁鬼計較啊?你同你老公都有份用lu,人地都無同你計較你住係度lu,你有咩資格計較返主人家?睇你打禁長篇文無一句係多謝人,全部都係嫌三嫌四,睇完都覺得你份人係勁難相處ge人黎,其實佢地先最頂你5順ge人,佢地真慘要同你相處。

註冊日期: 2017-8-16

發表於 2017-10-13 07:18 來自手機 | 顯示全部樓層
唔鍾意佢地?聽講你未嫁你老公時甚至未識你老公之前,佢地已經一齊住左好耐架喎!唔係你嫁左俾佢,佢地先突然間出現……或者你嫁左入去間屋突然間變污漕掛?

註冊日期: 2015-6-5

發表於 2017-10-13 07:25 | 顯示全部樓層
咁你又嫁又同住?有本事就搬出去

註冊日期: 2017-3-4

發表於 2017-10-13 07:40 | 顯示全部樓層
It's your mom in law's house. She cleans it to her own standard, she cooks to her standard, treats her sons the way she had alway treated them. If u want her to do better, then just shut the fuck up and help out. U talk too much shit, complain too much. Why can't u clean the table ? Why can't u cook or do other chores ? Why are u even living there if u don't like anyone or anything ? Get da fuck out la u make yourself sound like a useless brainless wife

註冊日期: 2017-8-9

發表於 2017-10-13 08:28 | 顯示全部樓層
有能力就搬出去, 但你唯一方法, 只可以忍.

點解你唔幫手清潔? 你都有份住.  係咪因為唔係自己屋企, 你覺得都唔係我自己家, 所以唔關我事呢?  但你又呻你 99 同叔仔有幾唔好.  你要知道, 間屋係人哋, 你搬咗入去.  可能人哋都都覺多咗個女人好煩呢.   每一個人生活方式不同, 你唔可以改變人去就你.  
D 煲用得耐, 你都可以清潔, 廁所你又可以清潔架.  

註冊日期: 2016-1-26

發表於 2017-10-13 11:07 | 顯示全部樓層
一路睇你個 post 一路諗一定勁多人鬧你 lol。

你未結婚都應該清楚佢哋 [大部分嘅] 生活習慣, 但你都肯搬入去住。 後悔得太遲啦。

個叔仔係難頂 D, 但係你話你99 污糟, 求其: 咁你又唔幫手? 你有份住你就應該清楚你都有責任去幫手做家務呢個道理。

註冊日期: 2017-2-2

發表於 2017-10-13 11:17 來自手機 | 顯示全部樓層
傻!你做人新抱,嫁左入黎一d野都唔做,你奶奶都未出聲啦,你老公唔話你算好啦

註冊日期: 2017-8-4

發表於 2017-10-13 11:25 | 顯示全部樓層
你禁多不滿你唔幫下手,講到屋企家頭細務唔關自己事,奶奶有返工仲煮埋飯比你地食,知足啦唔嵯該,孝順下老人家,唔係批評

註冊日期: 2016-5-17

發表於 2017-10-13 11:44 | 顯示全部樓層
點解你淨係話你奶奶做家務做得差,完全無提過你自己做左d咩?你唔係覺得自己無責任幫手清潔下嘛?你估你仲係女朋友間中上去坐下?你喺度住係一家人就自然有責任幫手啦,污穢你唔識去抹下?你殘廢嫁?個煲用到黑,你唔識去買個新嫁? 咁巴閉咪搬出去住囉,又無人阻止你。唔好成日淨係睇到人地ge問題啦,旁觀者睇你篇野完全覺得最有問題果個係你囉港女

註冊日期: 2017-2-2

發表於 2017-10-13 14:09 來自手機 | 顯示全部樓層
睇完篇野都知條港女就算比人屌完都唔識醒

註冊日期: 2016-8-23

發表於 2017-10-13 14:48 | 顯示全部樓層
好計較,一係就搬出去,一係就唔好咁多嗲

註冊日期: 2017-7-31

發表於 2017-10-13 15:08 | 顯示全部樓層

本帖最後由 YYYYU 於 2017-10-13 00:19 編輯


冇本事搬出去住就唯有忍受。
其實睇落你奶奶都幾隨和,都冇要求你做D咩,佢自己負責哂打掃煮飯,咁你仲想點呢?
咁不滿你又唔幫下手? 仲話個奶奶懶
上網費其實都係二百幾蚊一個月,你哋又有份用,奶奶幫細仔畀埋你都唔滿意,樣樣計得咁清楚,點叫做一家人?真係要計的話水電媒租金伙食費係咪樣樣都要計?X2

另外你點解唔幫下手清潔, 而且你有個好奶奶唔難頂已經偷笑, 你作為人地個呀嫂可以同個老公傾下個叔仔嘅問題, 睇下有無好D嘅方法另佢改變一下~!

註冊日期: 2017-4-3

發表於 2017-10-13 16:26 | 顯示全部樓層
你都幾多事架喎,人地媽咪照顧個仔你又睇唔順眼,又唔係要照顧,關你鬼事咩?奶奶唔做家務你又嫌污糟,點解你自己唔做,你無份住架?有本事咪搬走囉
您需要登錄後才可以回帖 登錄 | 註冊

News
Feature
Blog
Load more
 
NOTIFICATION