{ FORUM - LOVE }
Search
Title / Tags Author

樓主: cecichong

男友媽媽唔中意我,只因外在因素

[複製鏈接]

註冊日期: 2017-12-15

 樓主| 發表於 2017-12-15 22:22 | 顯示全部樓層
omgegg 發表於 2017-12-15 12:28
gingersuper 發表於 2017-12-15 11:54
最緊要你男朋友點樣回應佢啊媽
同有無去表達返比你聽你0係佢心目中係最好的

如果佢咩都無對你做過, 又無0係啊媽面前為你講說話
只係純粹轉達啊媽既說話你知令你唔開心
甘佢就好無腦
佢有講過我好好,但對媽咪點講我,佢謝話唔洗理

其實佢媽媽唔中意我,無論我做咩都係改變唔到,因為我感覺到佢對我都幾強烈地唔中意

註冊日期: 2017-12-15

 樓主| 發表於 2017-12-15 22:23 | 顯示全部樓層
sayyes 發表於 2017-12-15 02:32
請認真考慮我呢個方法。
就算你今日決定唔想用呢個方法,或者日後你會考慮用。
你自己改變唔到呢d先天因素。
只需要改善你男朋友就得。
繼續同佢拍拖,養肥佢。整到佢300磅大肥仔,大肚腩。
叫佢成日夜訓,快d掉頭髮,好易禿頭。
平時在佢媽面前就污糟邋遢d,有咁頹得咁頹。

不出一年,佢阿媽就唔會覺得你配佢個仔唔起啦。

相信你同你男朋友都係真心相愛,唔會咁睇外貌。
到時結左婚,再減返肥,頭髮遲早會禿,無所謂啦。行為習慣都可以改返。

咁佢都係想俾我知道佢知道既野

註冊日期: 2017-12-15

 樓主| 發表於 2017-12-15 22:24 | 顯示全部樓層
PannyPanny 發表於 2017-12-15 06:25
完全唔明白你男朋友點解要講你知,對件事完全無幫助之餘,亦令你唔開心,做埋d咁無意義既「坦白」實在好無謂

普通....

註冊日期: 2017-12-15

 樓主| 發表於 2017-12-15 22:25 | 顯示全部樓層
PannyPanny 發表於 2017-12-15 06:25
完全唔明白你男朋友點解要講你知,對件事完全無幫助之餘,亦令你唔開心,做埋d咁無意義既「坦白」實在好無謂

點解我覆留言會錯左既

註冊日期: 2015-10-11

發表於 2017-12-16 00:21 | 顯示全部樓層
其實你都講同你男朋友拍拖時間唔耐,所以唔洗急,日久見人心,你先做好自己可以做既先,譬如見你男朋友阿媽既時候可以打扮下,去佢屋企可以買啲佢媽媽鍾意既野上去,生果都好,仲有開飯前主動去廚房幫下忙,食飽飯之後幫手洗碗⋯向你男朋友身上瞭解多少少佢媽媽⋯其他你控制唔到既野唔洗諗咁多,始終你係同你男朋友拍拖,最緊要佢對你好。其實我男朋友都好鍾意咩都講我知,初初我都會覺得佢咁傻,咩都講⋯而家拍左好耐啦,我反而好珍惜,因為佢講我知,我先可以更瞭解,做得更加好。

註冊日期: 2017-3-5

發表於 2017-12-16 02:17 來自手機 | 顯示全部樓層
其實如果人地啊媽唔鐘意你,你做咩都多余,做返自已本份就算啦!講真我奶奶都唔鐘意我大伯個女朋友話人細粒又點點,個女仔次次去旅行都買野送俾我老爺,佢地有禮物收係好開心啊,但背後又一樣嫌人呢樣果樣!其實我奶奶都唔鐘意我架但我老公係都要娶我啊,佢地為有接受!所以最緊要你男朋友點睇你地段關系者!你男朋友係認定左你既佢父母點諗都唔係一個問題!當然唔能夠對人父母差啦,普普通通有基本尊重禮貌未算囉!無咩真係唔使成日見!d奶奶都係麻煩居多架啦!少D見少D磨擦對大家都好!

註冊日期: 2017-9-19

發表於 2017-12-16 10:11 | 顯示全部樓層
成見?Don't give a damn.

註冊日期: 2017-5-5

發表於 2017-12-16 17:57 | 顯示全部樓層
嘗試唔去諗,每次見面做返應有既禮貌就okay,亦可請你男朋友向媽媽講下你既優點(你可以提供具體既優點俾佢講丫,愈具體既話對方愈有印象)。

另外Keep住提升自己,學多d新知識、新技能、豐富涵養。一來日子有功可能可以令男友媽媽改變對你既評價(不過唔係為佢而變),二來touchwood如果日後你地分手,你都會係一個有質素既人。

註冊日期: 2017-12-16

發表於 2017-12-16 18:24 | 顯示全部樓層
其實吾需要理,如果你係決定同佢一生既話就預左婆媳關係一定係差。不過主要都係你男朋友點睇,就算佢媽想你地分手,只要你男朋友吾肯佢媽都無辦法。
我都有類似既問題,同左男朋友一齊4年幾,但最近竟然收到佢媽媽既信息叫我同男朋友分手,原因係佢吾中意我,襯吾起佢既家庭,要佢要個仔同佢個朋友個女結婚!仲離間我同男朋友,話我男朋友應承左佢吾會同佢吾中意既女仔結婚,重點個女仔一啲一啲都吾靚直,睇完之後我喊到傻左,不停叫男朋友走吾好理我,然後男朋友睇到就好嬲不停安慰我,但我都無聽,點知佢喊叫我吾好吾要佢,自己諗返都好心up吾應該點解咁傻會想選擇離開佢。
而男朋友亦好堅定話只會娶我,吾中意個女仔,而男朋友亦諗好儲夠錢就會走離開個屋企,所以男朋友已經諗好哂之後既路後我都吾洗驚任何野。

註冊日期: 2017-7-7

發表於 2017-12-16 20:28 來自手機 | 顯示全部樓層
其實,冧咁多做咩吖!到真係結婚先算啦!我拍拖10年到結婚加埋都冇見過我奶奶10次,結婚之後都冇見,生咗仔之後每星期見一次,佢唔會同我老公數我,因為我老公唔理佢嘅!後尾我話咗佢一句煮嘢食污糟邋遢之後,我老公都唔洗我見佢!你話洗咩煩咁多吖!有咩叫個男人自己攪掂佢!(咪等個男人以為自己有寶,你冇咗佢唔得),以前我果個都係咁架,我唔要求佢改變,佢憑咩叫我改呀!一陣又要就佢阿爸一陣又要就佢阿媽,我直頭問佢,我阿爸阿媽都未出聲,請問他們憑什麼咁多嘢講呀?(這是真實對白)喂!你阿媽要尊重,咁我阿媽要唔要先,佢再講咁多,你咪同佢講我老豆都睇你唔順眼,都冇層山頂獨立屋做禮金!等佢唔好咁多嘢講!我果個之前以為自己好巴閉呀!叫佢同我屋企人食餐飯又呢又咯!我直頭以後都唔叫佢問都唔問佢,有咩咁巴閉啫!記住輸人唔好輸陣呀!

註冊日期: 2016-3-23

發表於 2017-12-16 20:43 | 顯示全部樓層
rchuma 發表於 2017-12-16 08:28
其實吾需要理,如果你係決定同佢一生既話就預左婆媳關係一定係差。不過主要都係你男朋友點睇,就算佢媽想你地分手,只要你男朋友吾肯佢媽都無辦法。
我都有類似既問題,同左男朋友一齊4年幾,但最近竟然收到佢媽媽既信息叫我同男朋友分手,原因係佢吾中意我,襯吾起佢既家庭,要佢要個仔同佢個朋友個女結婚!仲離間我同男朋友,話我男朋友應承左佢吾會同佢吾中意既女仔結婚,重點個女仔一啲一啲都吾靚直,睇完之後我喊到傻左,不停叫男朋友走吾好理我,然後男朋友睇到就好嬲不停安慰我,但我都無聽,點知佢喊叫我吾好吾要佢,自己諗返都好心up吾應該點解咁傻會想選擇離開佢。
而男朋友亦好堅定話只會娶我,吾中意個女仔,而男朋友亦諗好儲夠錢就會走離開個屋企,所以男朋友已經諗好哂之後既路後我都吾洗驚任何野。

好正

註冊日期: 2016-2-9

發表於 2017-12-16 23:41 | 顯示全部樓層
Pm左你

註冊日期: 2017-4-8

發表於 2017-12-17 11:50 來自手機 | 顯示全部樓層
有種伯母係唔鍾意佢個仔拍拖,同任何女仔拍拖她都說這個女仔唔好。我99都係咁 ,只要你真心想同個男仔有將來,而他又真心愛妳。這就不用理她,但你也要做返好本份.

註冊日期: 2019-4-22

發表於 2019-4-22 12:14 來自手機 | 顯示全部樓層
想請各位sister比啲意建我:
佢媽咪日日鬧佢,叫佢同我分手,但之後佢同佢媽咪飲茶个陣,佢媽咪鬧佢點解好似死狗咁,又叫男友同我一齊返,之後過左陣又鬧叫佢同我分,
我同男友吖哥嘅女朋友,都經常比佢地媽咪講壞話,又話呢樣又話个樣,我應該點?

註冊日期: 2019-4-22

發表於 2019-4-22 16:51 | 顯示全部樓層
其實我係過來人,同個初戀因為佢阿媽問題又分又合,搞足七年始終都要分手。我只想講,唔好同媽寶結婚,既然佢阿媽對你甘不満,你點忍都始終有一日會爆,因為根本就唔合理!其實你男友同你坦白唔係唔好,只係佢應該同你講之餘,都要諗埋應對方案先得,如果唔係講來無用!

註冊日期: 2019-4-22

發表於 2019-4-22 16:52 | 顯示全部樓層
wong567 發表於 2019-4-22 12:13
有種伯母係唔鍾意佢個仔拍拖,同任何女仔拍拖她都說這個女仔唔好。我99都係咁 ,只要你真心想同個男仔有將來,而他又真心愛妳。這就不用理她,但你也要做返好本份.

根本唔洗理佢
當佢廢嗡算

註冊日期: 2018-3-1

發表於 2019-4-24 12:45 | 顯示全部樓層
Sis, 就咁聽你條路唔易行啊!因為佢啊媽係無得改變既因素(太善變不可控又麻煩),而後天既因素(如你男友在中間既協調能力亦唔見得係好),所以最後一個因素只可以係你自己(最好選擇離開),唔係你嫁左比佢既日子更加難捱,如果終有一日先頂唔順,只會浪費青春。
你男友媽係唔好,但要睇你男友既實質行動,係個過程入面佢點樣維護你保護你,或者落足心力為你建立好形象等,而唔係直來直去咁講返啊媽講過既野,只會令你地關係變差。一係就佢既協調能力極差,一係就除非其實佢係想分手而唔想做醜人,所以拎佢媽黎逼你走。
就兩種情況黎講,你都係早走早著。你可以走,再睇下佢有冇實質咁去解決個問題,唔係真係制唔過!

註冊日期: 2018-4-27

發表於 2019-4-29 10:29 | 顯示全部樓層
本帖最後由 Photon 於 2019-4-29 10:31 編輯

我阿媽都好吾中意我男朋友,由第一眼見到張相已經開始吾中意,又係睇啲好外在ge嘢,個樣、身材,以前中學讀邊,每次佢地要見面我都會好緊張,因為我知阿媽又會係見面之後比說話我聽。
真係好煩,成日隔一排無啦啦就叫我分手,隔一排又叫我結婚,隔一排又話要介紹男仔比我識,真係好大壓力,依啲情況持續咗好幾年,但我都無點將阿媽對佢的不滿同佢講,因為我知道有啲好無理的指責,同埋講咗比佢聽佢只係好吾開心,解決吾到件事。我只可以係一啲位提點佢多啲,希望佢主動啲、識做少少,從而減少番阿媽對佢的不滿,但都有難度,咁就唯有係阿媽面前講多啲佢的好嘢,少講啲佢的衰嘢LO。
至於你男友,其實無必要將阿媽一啲無理的指責同番你講,因為咁樣只係令你難受,同埋無助解決件事。
你依家可以做ge就係
第一,先調整番自己的情緒同感受先,如果吾想見佢住就吾見住,可以保持番一定距離。因為當你已經吾開心,再硬要見面時都會驚,咁又點表現到平時ge你出黎呢,咁對方又可以挑毛病。
第二,同番你男友講吾好成日講阿媽的無理指責比你知,佢要做ge係承擔番佢阿媽的脾氣,而吾係拋你去承受,因為你都無法改變,討厭一個人係吾需要理由。
第三,若你調整好自己情緒之後,就主動啲氹下佢媽媽,希望可以增加啲好感度。

註冊日期: 2016-11-23

發表於 2019-4-29 11:06 來自手機 | 顯示全部樓層
我岩岩同我老公拍拖個陣,我阿媽一見我老公都話佢醜樣又瘦,成個道友咁!跟住我同返我阿媽講,只要我中意既,又有咩所謂,又唔係你同佢過人世!之後我阿媽再唔敢出聲,因為只要愛得夠堅定,無人可以左右到!你男朋友都係呀,只要佢真係愛你,企係你個邊,到時唔由佢阿媽話事,至於婆媳關係既野,只要你男朋友企係你個邊,同埋你主動d做多少少去討好佢阿媽就得,人心肉做,如果佢唔心軟既,可能佢唔止唔中意你外表喎!

註冊日期: 2015-7-17

發表於 2019-4-29 15:29 | 顯示全部樓層
本帖最後由 Koyuki318 於 2019-4-29 15:45 編輯

我未結婚之前,男朋友阿媽都係唔鐘意我,講野尖酸刻薄,同我男朋友講佢睇我唔順眼,叫佢識下其他女仔。佢鬧我10句就得,我一嘗試開口就話我無禮貌。後來我發現男朋友以前 d ex 佢阿媽都唔鐘意,所以根本唔係個人問題,而係我身份係佢個仔既女朋友,一個對佢有威脅既人,一個來搶佢個仔(baby)既人,一個來分享佢個仔 d 錢既人。未結婚前我男朋友所有錢俾曬屋企,對於一個阿媽來講,個仔有左個女人,將來就唔會理自己,d 錢俾曬個女人,甘你地話男朋友阿媽係米大條道理唔鐘意自己個仔既女朋友?

所有我建議,做個樣好了,唔需要特別討好未來奶奶,因為討好都廢既,佢一定有野挑你,無論你做到幾好都有野講,但你又唔可以唔做啊,你唔做又俾人話你唔做,做了又俾人話你做得唔好。不過你要確保男朋友企自己果邊而唔係佢阿媽果邊,佢企阿媽果邊呢個男人你唔洗嫁了,將來一定問題多多。。。

之後儘量唔見佢屋企人就唔見了,留返喜慶節日先食飯。

我結婚之後,奶奶一直當我老公係搖錢樹,開口埋口都話要還養育之恩,我老公都心淡了,最近呢兩年都無見奶奶老爺...
您需要登錄後才可以回帖 登錄 | 註冊

News
Feature
Blog
Load more
 
NOTIFICATION