{ FORUM - LOVE }
Search
Title / Tags Author

查看: 74744|回覆: 34

無性無愛 10年婚姻 現在可以點做?頗長 慎入

[複製鏈接]

註冊日期: 2017-12-26

發表於 2017-12-26 09:19 來自手機 | 顯示全部樓層 |閱讀模式
10多年前拍拖,相交後我好清楚對方不是自己理想中的對象。當時的我,好聽一點是純品、順得人和善良;我現在回望我自己,會評價我是好幼稚、儍、不懂事、太善良、太無主見、不清楚自己想要什麼。一方面知道對方不是自己理想中的人,另一方面,不想因傷害他的心而離開,於是在對方的家人的「查問」婚期、再而「幫忙」決定及「安排」下,男的欣喜,我不懂拒絕人,亦說不通拍著拖但不是理想結婚對象;我倆便結婚了。
婚後,我只能向大家形容我不幸福,不是自己理想的。相反,人人都覺得男的很幸福:認為娶了一個温柔得體、高薪厚職、有外貌的太太。間中,我都會向對方表達自己的期望或不滿,嘈交及心平氣和都試過了,往後的日子都沒有多大分別,一係就因男的不上心、一係就他不回應我不窮追、一係就我自己勸服了自己「不分開的話,生活仍要過,故無再面對、又或有家人/朋友聚會而無事般出席,接著又無解決問題了。
10年的生活大概就是這樣過。不是自己理想的,每天看在眼,好想抱怨,但又改變不了,「恨」就是這樣練成。可是,作為一個女兒、作為一子的媽媽,我作不了什麼決定,我不想讓家人担心,我不想我疼的兒子失去完整的家,以及我不能想像如何面對朋友、同事。
兩年前開始,感覺到男的性能力大減,次數或持久力都大減。一年裏,我們行埋的次數一隻手都數完。我問過原因,他說因爲轉了新降血壓藥,會向醫生查問。再問他,答不出又不再回應。近這幾個月,已不舉了。心裏好不好受,我才幾十歲女⋯半百都未。有一次,又「做不成」,我問:那可以怎樣?(他不出聲)我們以後不能行房了嗎?(他不回應)
再過一會,就聽到他的鼻鼾聲了。然後第二天他又當沒事發生。這是他一向處理我和他之間大小事情的作風。

以前是知道自己選擇和決定錯誤了,選了一個我非真愛的人、選了一個不懂愛我的人,及後只能承擔責任,只能以理性地考慮關係而繼續為生活走。

可是,現在我們之間不單沒有愛,而且更沒有性了,生活是工作、湊仔、教他功課和温習,然而無「愛人」,我真的過得好痛苦。我可以點?不理會其他人的感受,離婚,重新開始自己的生活嗎?
回覆
+ Favorite

舉報

註冊日期: 2017-9-29

發表於 2017-12-26 09:51 | 顯示全部樓層
做法有好多種。在選擇的時候,你有無勇氣?
你有無果種狠勁?就如你所講的,不理其他人的感受,唔怕其他人的閒言閒語。
點樣搵到果份令你去做決定的勇氣,先係你最需要的野。

註冊日期: 2017-11-20

發表於 2017-12-26 10:25 | 顯示全部樓層
人生難免有做錯選擇既時候,正所謂「條路自己揀,……」,結果雖然唔係妳所期待既,但既然當初做選擇既係自己,責任亦好應該自己承擔。可能妳會覺得唔o岩聽,但而家或者就係妳應該承擔責任既時候,為孩子著想,我會建議妳還是維持現狀,不要作無謂的胡思亂想。

當維繫兩人感情既愛同性都無,呢段婚姻其實已名存實亡,但「寧教人打仔,莫教人分妻」,雖然事件係值得同情,但我亦唔敢不負責任地提議妳離婚。

而家思想比以前開放,或者有人覺得離婚根本沒甚麼大不了,合則來不合則去,或者亦會有人提議妳玩婚外情,從外面尋找慰藉。不過妳選擇邊樣都好,首先妳要有成為衰人的覺悟,而無論結果係點,我相信,只會苦了孩子。

註冊日期: 2017-12-26

 樓主| 發表於 2017-12-26 10:44 來自手機 | 顯示全部樓層
星霜冷月 發表於 2017-12-26 09:51
做法有好多種。在選擇的時候,你有無勇氣?
你有無果種狠勁?就如你所講的,不理其他人的感受,唔怕其他人 ...

多謝你!
我暫時都未肯定可從哪裏得來勇氣。

註冊日期: 2017-12-26

 樓主| 發表於 2017-12-26 10:47 來自手機 | 顯示全部樓層
叛逆的十字架 發表於 2017-12-26 10:25
人生難免有做錯選擇既時候,正所謂「條路自己揀,……」,結果雖然唔係妳所期待既,但既然當初做選擇既係自 ...

謝謝你的意見!
你說的前部分,正是我過去多年的想法。
而你亦說得對的是愛本來就並不能以「性」維繫。

註冊日期: 2016-7-12

發表於 2017-12-26 11:24 來自手機 | 顯示全部樓層
如果樓主有嗰份狠勁呀,十年前就唔會結婚啦,睇你都係同佢終老㗎啦。

註冊日期: 2016-10-21

發表於 2017-12-26 12:28 來自手機 | 顯示全部樓層
其實你咁樣落去,會唔會覺得自己做人都唔知為乜?愛可以令人好積極,好大推動力,如果長期喺沒有愛嘅環境下生活,個人根本就冇晒感覺,已經冇嘢可以令你覺得開心,所有嘢都好似為人地期望而做,甚至你對你個小朋友,會唔會都冇果一份愛喺度?唔係話你唔愛個小朋友,而係比起其他媽媽,你會冇咁多冇咁深。好多人會覺得你為左小朋友一定要繼續捱落去,但我覺得咁樣俾你捱過去都冇意思,你自問根本都過得唔開心,自然你個小朋友都唔會開心,有正常家庭嘅小朋友都不代表快樂,但如果父母過得快樂,小朋友就會快樂,因為佢地感受得到,所以我覺得你而家係要令自己快樂先,想過點樣嘅生活,想做d乜嘢就去做,已經委屈左前半生,黎緊應該過返自己想要嘅生活,一生人幾十年好多過,好好諗清楚吧。

註冊日期: 2016-11-27

發表於 2017-12-26 13:47 來自手機 | 顯示全部樓層
本帖最後由 路人08 於 2017-12-26 13:50 編輯

如果樓主唔介意,咁請樓主講下妳嘅期望係咩,不滿又係咩,如果唔講出黎,咁妳過黎開post係冇人幫到妳解決問題,定還是妳純粹只係想發洩?

註冊日期: 2016-9-7

發表於 2017-12-26 13:55 來自手機 | 顯示全部樓層
以下我講嘅野,你一定係聽唔入耳覺得唔係架喇,但事實就係咁
令你最想離婚係因為一開始結婚到而家都無激情,無韓劇式嘅悸動同性愛,你好唔甘心一世就咁過。但我最怕你呢種女人,因為你最容易俾男人呃,唔呃你呃邊個?問題係,你離左婚,就俾你真係遇到個相愛嘅男人,當你同佢再次走進婚姻,咪一樣再次沉悶過,婚姻就係生活,生活點會激情?

而好大機會你遇唔返一個真心想娶你嘅人,你會遇着d搵食男,表面上咪話會娶你,會對你個仔都好好,但只係想同你瞓,瞓夠咪走囉~呢d case我真係見太多,因為你太容易氹同呃,你好想要呢d丫嘛因為。如果你咁樣都想追尋一次嘅,咁你就離婚啦。

不過好似上面位網友話齋,你離婚識第二個,唔好到時又怕做衰人,咁樣太核突。

註冊日期: 2017-12-26

 樓主| 發表於 2017-12-26 14:22 來自手機 | 顯示全部樓層
lovelung 發表於 2017-12-26 12:28
其實你咁樣落去,會唔會覺得自己做人都唔知為乜?愛可以令人好積極,好大推動力,如果長期喺沒有愛嘅環境下 ...

謝謝你!
現在的生活是有點苦悶,正如我說:對方不是自己的理想對象,生活早已沒有情趣,過去多年裏,為這一點,我想抱怨,但自己必須承擔,也只好忍耐,我亦試過順其自然。
你說得對!今天的思緒就正正是我煩惱着前面的路,應如何走下去?不甘心就這樣過埋下半生。
現在的我像站在岔口,知道有不同的選擇,但未做到決定,踏入哪一條路。

註冊日期: 2016-6-13

發表於 2017-12-26 14:38 | 顯示全部樓層
其實我覺得你都幾古怪

你成篇野將自己塑造成被動受害角色—嫁比佢非你所願,但你又嫁;你溫柔體貼又識搵錢又索又靚,你老公好幸福,但你唔愛呢個你選擇既男人,苦水晚晚肚裡吞。

到依家,你話你男人好似性功能有問題,滿足唔到你,而你「幾十歲女」不甘於此,我真係無力。我相信你並唔係一個令你老公感到幸福既太太。

性能力有問題,最難受既係當事人,就算無愛情都有親情吧?佢做唔到你仲咁問佢,我覺得佢好難受。

或者你不如睇睇佢係咪出面有女人滿足左佢,佢唔想同你做?

無一個婚姻生活會完全切合雙方既期待,你有考慮你離婚後,會迎來一個點樣既未來嗎?呢個未來,會唔會係你想要的?

註冊日期: 2017-12-19

發表於 2017-12-26 15:02 | 顯示全部樓層
其實你講到咁你自己都有答案啦.
你唔分,你都只係繼續捱,
繼續煩惱呢個問題直到有一日你頂唔順為止.
你覺得你會唔會有一日突然鐘意返佢丫?
但女人既青春過左就無架喇.
你明知自己上錯對頭車,仲唔落車?
你唔落,只會浪費更多搭返轉頭既時間.
你都做左乖乖女咁多年喇,你唔為自己打算下?
單親唔一定唔快樂架
小朋友幾大呀?
你有無諗過有一日佢大個左知道原來你為左佢一直都忍得咁辛苦佢會仲心痛?
和平分開,小朋友既爸爸仲可以出黎見下佢,金錢上你地可以再傾
好過你地忍無可忍爛尾收場啦係咪

註冊日期: 2017-12-26

 樓主| 發表於 2017-12-26 15:09 來自手機 | 顯示全部樓層
Valerie Jay 發表於 2017-12-26 13:55
以下我講嘅野,你一定係聽唔入耳覺得唔係架喇,但事實就係咁
令你最想離婚係因為一開始結婚到而家都無激情 ...

多謝你一番話,可刺激一下我的思維!
我信樓上說的「愛可以是一種推動力」,
我現在就是欠了「愛情」。在現狀無愛又無性,我覺得好可悲,守生寡嗎?有幾次好想要,但只有一至兩下或做不成,我好無奈。

註冊日期: 2016-7-12

發表於 2017-12-26 15:56 來自手機 | 顯示全部樓層
就算你而家分開,都唔代表你可以有愛又有性囉。

註冊日期: 2017-11-20

發表於 2017-12-26 16:00 | 顯示全部樓層
YYYYU 發表於 2017-12-26 15:56
就算你而家分開,都唔代表你可以有愛又有性囉。

或許可以再自由地追尋愛和性才是吸引樓主的原因

註冊日期: 2017-3-5

發表於 2017-12-26 16:44 來自手機 | 顯示全部樓層
其實一個人浪唔浪漫,你一開始就知啦,結左婚十年重有幾多對夫婦有激情?年幾大左加上工作環境改變真係會令男人性能力下降,你知道佢不舉第一個反認唔係關心佢或者用食療去幫佢而係怪佢,你行為同反認都唔係一個好太太,你根本無欣賞同愛你老公!講到你自己咁委屈咁不滿咁你老公有無同你講過佢既辛苦同不滿,我不信佢唔辛苦同滿足而架既生活!婚姻要2個人去維繫,無話你地邊個岩同錯但我覺得你唔關心你老公同欣賞佢既付出!而你老公關唔關心你咁我就唔知啦!男人好多時真係唔識表達特別係果d老實男人!

註冊日期: 2017-9-29

發表於 2017-12-26 17:00 | 顯示全部樓層
你的問題其實好複雜,可以牽連的東西太多太多。要一一為你講解也不是一朝一夕的事。
我比少少意見你,你自己思考一下吧。
之前我同你講,做任何選擇都好,都需要勇氣。
但你話你未搵到呢份勇氣。
事實的確如此,咁多年以來,你都未搵到。
係你的思考模式造成的,就係所謂的太乖了。
我想同你講的。跳脫。呢兩個字!
你需要一些新的生活,新的刺激吧。生活之中,愛情或者好重要,但是也有其他的感情是在影響著愛情的。
自結婚自仔之後,一個母親的生活好容易就會變得平凡而無趣,每日會不斷地重複同樣類似的東西。心入面的不悦也同樣隨著時間慢慢累積。以前做愛的時候,或多或少可以令你得到一點舒緩作用,現在連呢樣唯一的止痛藥都無左,個心只會越來越痛。
首先你可以嘗試改變一下自己的生活習慣同思考方式,嘗試多d新的東西。
平時可以去參加一下興趣班,跳舞啊,cup cake班啊,瑜伽班啊,當識下人又好,去玩下放鬆下又好。
再唔係去做下pt都可以。
最主要的原因係要你多識下人,接觸多d外面的世界。唔好成日停留在屋企。
性愛方面,你老公比唔到你。
可以試下情趣用品,用下震蛋同電動棒。無話怕唔怕羞呢個講法,思想上要放開一點。
在外國的文化,呢d都係好平常的事,唔好比咁多的中國傳統所影響到。
爽的係自己就好,唔需要理其他點講。

時間關係,待續!

註冊日期: 2017-7-8

發表於 2017-12-26 17:07 來自手機 | 顯示全部樓層
IamLily 發表於 2017-12-26 14:38
其實我覺得你都幾古怪

你成篇野將自己塑造成被動受害角色—嫁比佢非你所願,但你又嫁;你溫柔體貼又識搵錢又索又靚,你老公好幸福,但你唔愛呢個你選擇既男人,苦水晚晚肚裡吞。

到依家,你話你男人好似性功能有問題,滿足唔到你,而你「幾十歲女」不甘於此,我真係無力。我相信你並唔係一個令你老公感到幸福既太太。

性能力有問題,最難受既係當事人,就算無愛情都有親情吧?佢做唔到你仲咁問佢,我覺得佢好難受。

或者你不如睇睇佢係咪出面有女人滿足左佢,佢唔想同你做?

無一個婚姻生活會完全切合雙方既期待,你有考慮你離婚後,會迎來一個點樣既未來嗎?呢個未來,會唔會係你想要的?

認同

註冊日期: 2009-8-20

發表於 2017-12-26 17:08 | 顯示全部樓層
我淨係知道,如果老公病左,而佢唔肯睇醫生/唔肯面對,你應該鼓勵佢去面對、去治療,而唔係離婚~
我唔知你個仔幾多歲,但為左你十幾年前嘅錯誤決定(拍拖、結婚),而令佢而家無左個家庭同爸爸,你好自私~
我自己都係人地老婆、人地阿媽,我唔信你連少少愛都無就揀佢做男朋友同老公,既然揀左,就要努力行落去,呢個先係婚姻維繫之道!

註冊日期: 2017-12-26

 樓主| 發表於 2017-12-26 17:39 來自手機 | 顯示全部樓層
星霜冷月 發表於 2017-12-26 17:00
你的問題其實好複雜,可以牽連的東西太多太多。要一一為你講解也不是一朝一夕的事。
我比少少意見你,你自 ...

謝謝你
雖然你我不認識,但你令我覺得你好明解,好有同理心噉。
亦好多謝大家的留言,每個都讓我再反思。
剛才看到有位留言說「可以自由找尋愛和性」是我想要的,我想應該是。可是我決定不了,要做什麼(妻子、自由人)也做不到。我明白我的缺點是太多顧慮、太憂柔寡斷。
性生活不協調至現在我的反應,2年間大家是如何,由關愛到失望的相處,我不懂說了。
亦只能說是一開始就存在的性格和習慣不合的問題,積下積下變成厚厚的冰山。
阿仔已升小三。他跟我的關係很好;跟爸的關係都很可以;只是他父母倆感情很淡。
您需要登錄後才可以回帖 登錄 | 註冊

News
Feature
Blog
Load more
 
NOTIFICATION