{ FORUM - LOVE }
Search
Title / Tags Author

查看: 89839|回覆: 146

住男友屋企會唔會比家用?

[複製鏈接]

註冊日期: 2018-3-18

發表於 2018-3-31 11:40 來自手機 | 顯示全部樓層 |閱讀模式
男友知我係屋企住得唔開心,所以叫我搬去佢屋企住。佢父母都冇所謂,覺得只係多個人訓。

咁我因為返工忙好少會係度,淨係上網沖涼叉電會用到水電,日常用品都係自己用自己買,飯又係出去食。而且我都會幫手做家務,幫輕下佢呀媽。搬過去住只係有個空間可以自己同男友一齊咁,根本唔會增加佢屋企本身要比既費用。

點知早排佢呀媽私下同我講,話我食同訓都俾多左1份,要我而家起比2千家用佢幫補下。我聽完O左,我係度訓冇食你用你,仲成日買日用品野食比成家人一齊食同用,但係要俾多份家用?

之後我問左幾個都係住係男友屋企既FD,佢地都話男友呀媽冇話要比家用,又話我都未嫁過去,唔應該俾家用。本身男友已經比5千家用佢,佢地又唔係冇工做,我D FD都話已經有咁多家用仲要問個未嫁入黎既女拎家用,佢呀媽都幾大貪。
各位sis你地會唔會比男友呀媽家用?
回覆
+ Favorite

舉報

註冊日期: 2016-7-2

發表於 2018-3-31 11:47 | 顯示全部樓層
咁你出去租床位,都要錢,咁你係咪唔沖涼,唔飲水,唔去廁所先

註冊日期: 2018-2-20

發表於 2018-3-31 11:51 來自手機 | 顯示全部樓層
我睇完都O咗嘴。請問你幾多歲?你可以唔俾,人地亦可以叫你番屋企。既然寄人籬下,你要打算常住,俾2000阿伯友兩老當係買下野食都唔係過份。

評分

1

查看全部評分

註冊日期: 2012-8-30

發表於 2018-3-31 11:51 | 顯示全部樓層
你用嗰d水電唔洗錢架?

註冊日期: 2018-2-20

發表於 2018-3-31 11:56 來自手機 | 顯示全部樓層
番歸啦你,住係人地屋企老馮咁,你話短住都算,打算長住你都好意思唔俾少少,人地屋企唔係奉旨要招呼埋你wor.

註冊日期: 2017-8-23

發表於 2018-3-31 12:15 | 顯示全部樓層
你都識話,你又未嫁過去,人地吾係老馮要俾你住,收留你,長住的話,都真係要交下「租金」

註冊日期: 2018-3-18

 樓主| 發表於 2018-3-31 12:19 來自手機 | 顯示全部樓層
admin唔好放上FB,3q

註冊日期: 2018-3-18

 樓主| 發表於 2018-3-31 12:20 來自手機 | 顯示全部樓層
admin唔好放上FB,3q

註冊日期: 2018-3-18

 樓主| 發表於 2018-3-31 12:29 來自手機 | 顯示全部樓層
Nobody111 發表於 2018-3-31 11:47
咁你出去租床位,都要錢,咁你係咪唔沖涼,唔飲水,唔去廁所先

我上面有講到,我好少係度,1星期1,2次,仲要收工返去沖完涼就訓,但都要收我2千

註冊日期: 2018-3-18

 樓主| 發表於 2018-3-31 12:32 來自手機 | 顯示全部樓層
16號愛人. 發表於 2018-3-31 11:51
我睇完都O咗嘴。請問你幾多歲?你可以唔俾,人地亦可以叫你番屋企。既然寄人籬下,你要打算常住,俾2000阿伯友兩老當係買下野食都唔係過份。

我上面有講,係好少係度,同埋我次次上去都有買日用品同野食比佢地,呢D唔通唔係比佢兩老咩?

註冊日期: 2018-3-18

 樓主| 發表於 2018-3-31 12:35 來自手機 | 顯示全部樓層
J. \"\" 發表於 2018-3-31 11:51
你用嗰d水電唔洗錢架?

1星期1,2次,會用到幾錢?都唔會要2千啦?

註冊日期: 2016-7-12

發表於 2018-3-31 12:38 來自手機 | 顯示全部樓層
唔鍾意咪搬返自己屋企住囉。

註冊日期: 2018-3-18

 樓主| 發表於 2018-3-31 12:40 來自手機 | 顯示全部樓層
16號愛人. 發表於 2018-3-31 11:56
番歸啦你,住係人地屋企老馮咁,你話短住都算,打算長住你都好意思唔俾少少,人地屋企唔係奉旨要招呼埋你wor.

講問sis有冇睇內文?我係度冇食過佢地飯,自己用自己買,會幫手做家務,從來都冇要佢地招呼過,仲會買日用品同野食比佢地,點解會老奉?

註冊日期: 2018-2-20

發表於 2018-3-31 12:51 來自手機 | 顯示全部樓層
首先,你篇文由頭到尾冇講你是否長住,你只係話少係度,亦唔係得我一個人理解唔到你少係度既意思。再來講重點,依家佢媽咪其實已經開到口要你俾家用,冇話應唔應該,只有俾或唔俾。你唔想俾既,咁不如直接番屋企,唔好再留係度打擾人。你俾既,當係氹下佢媽開心,好來好去。

註冊日期: 2017-3-5

發表於 2018-3-31 12:54 來自手機 | 顯示全部樓層
其實我都試過你既情況,當時我老爺開聲問我拿錢重話我點點點,我當時委屈到喊左出黎,我成日買衫買補品屋企用品水果,只要有需要買我咩都買埋俾佢地,衫啊屋企垃圾桶花灑煲呢d都係佢地去簡然後我俾錢,個個星期都請佢地去飲茶,放假或者平時都陪我奶奶去買餸,總之我係到佢地去買咩都係我俾錢,我老公當時俾6千家用,我地未結婚諗住過2年結同同佢父母住既所以先去我奶奶屋企一齊住!每個月卡數都萬幾,大部分都係用係佢屋企人身上!生日同父母親節中秋過年都要送禮重要係佢地開聲買咩俾佢地果種!再唔係要求封利事加請佢地出去食飯!當時年輕唔明白點解對佢地咁好都咁話我,真心接受唔到所以我當日就搬走左返屋企住,我老公都唔想返屋企住所以決定搬出去住,住2年就結左婚,搬出去先發覺自已2個人住真係好開心雖然開支大左但換黎大家開心左感情都愈黎愈好,嘈交次數1隻手數晒,而架人大左,結左婚生埋仔就覺得如果再發生同樣事件我處理手法會唔同d,結論就係我每月會俾2千或者更多佢父母做家用但係其他方面會減返黎補貼下!唔好理人父母有無野做有無錢,係屋企住都要俾家用啦何况係男朋友屋企住,但俾完家用未買少d野俾佢地囉!呢個係佢父母既選擇,想要家用!當年我就係諗住俾錢佢地佢地唔好意思要所以先咩都買俾佢地但原來人地唔係咁諗所以都係俾家用算數啦,其實俾家用重幫自已慳返唔少!

註冊日期: 2018-2-20

發表於 2018-3-31 12:57 來自手機 | 顯示全部樓層
你亦都可以選擇唔俾,繼續住佢屋企。但只會令佢媽越來越唔鍾意你。如果你同你男朋友只係短暫關係,咁你由佢。如果想長久發展,佢媽既態度你必須重視。

註冊日期: 2012-8-30

發表於 2018-3-31 13:06 | 顯示全部樓層
idontknowwhy 發表於 2018-3-31 12:35
16號愛人. 發表於 2018-3-31 11:51
我睇完都O咗嘴。請問你幾多歲?你可以唔俾,人地亦可以叫你番屋企。既然寄人籬下,你要打算常住,俾2000阿伯友兩老當係買下野食都唔係過份。
我上面有講,係好少係度,同埋我次次上去都有買日用品同野食比佢地,呢D唔通唔係比佢兩老咩?

咁一個月都十日啦係嘛?你bf俾5千除番4星期叫你俾2千囉
唔想俾就唔好去人屋企住,買野上去係禮貌=/=代替「家用」

註冊日期: 2016-4-6

發表於 2018-3-31 14:13 | 顯示全部樓層
其實你一星期去一、兩日訓定你係真係搬左過住?呢兩個講法好唔同,如果一開始同兩老講搬過去住,人地係唔會理你住幾多日,只會當你少返,問你攞家用係好正精,再講如果你覺得買左日常用品就唔洗俾咁多家用,你夠薑就黎張單出黎同人地阿媽減返條數俾其餘嘅數又或者大大聲同人地講買左野仲要俾錢囉!你根本就唔當呢個係屋企,計呢樣計嗰樣,咁計較點同你住呀?再講咁唔想俾家用,你咪返屋企囉,咁咪唔洗俾二千之餘又唔洗幫人地買日用品囉!

註冊日期: 2016-1-1

發表於 2018-3-31 14:36 | 顯示全部樓層
一個星期住一兩次咁不如玩好住.
有啲嘢叫‘費事煩’ 你可能覺得妳係度住無野,但佢地覺得妳唔應該去呢.
講到底妳未過門,始終係外人

註冊日期: 2009之前

發表於 2018-3-31 14:47 來自手機 | 顯示全部樓層
未嫁過去,根本唔應該去人屋企住,點解人地要接納一個外人??
您需要登錄後才可以回帖 登錄 | 註冊

News
Feature
Blog
Load more
 
NOTIFICATION