{ FORUM - LOVE }
Search
Title / Tags Author

查看: 42956|回覆: 21

過咗30歲嘅閨蜜,唔會再咁friend(長文慎入)

[複製鏈接]

註冊日期: 2017-7-20

發表於 2018-4-17 12:43 | 顯示全部樓層 |閱讀模式
我同我嘅閨蜜,識於微時,大家年紀仲好細嘅時候,感情好好,咩都講。就算初初出嚟做嘢,大家都無所不談,又一齊浸過溫泉睇全相。但當佢過咗30歲,仲未嫁,又同啲唔隱定既男人一齊,我就覺得佢個人變得好難相處。我對佢一直都講真話,但幾年前開始,佢一聽到一啲唔合佢心意嘅說話,(例如,唔可以話佢唔靚同埋肥,但事實上佢真係好肥)佢就會發我脾氣,真心作為一個女仔,我從來都冇試過俾人發脾氣。自此,我怕左佢,係佢面前只會講一啲佢想聽嘅說話,例如佢問我最近覺唔覺得佢瘦咗,我一定要答係。如是者,我們咁樣相處左幾年,我真心覺得大家距離遠左好多,直至最近,我覺得佢都去到30歲中,唔係仲咁鍾意活係一啲謊言入面呀嘛...佢身邊啲朋友日日話佢靚,其實佢而家又唔打扮(因為佢身邊有朋友話佢啲皮膚好靚,對眼好靚唔使化妝)又唔keep fit ,連我老公都覺得佢似一個師奶,但係佢覺得自己係少女,無論生活態度同打扮,佢依然覺得自己係一個少女,連我地的common friend 都細細聲同我講,佢未嫁但而家裏裏外外都好似一個師奶。
我呢排唔想再做「道」佢的朋友,想講多少少真話。最近一次見面,佢講佢同男朋友相處之間嘅一啲唔開心,佢話剛剛發佢男朋友好大脾氣,佢講完呢件事之後,以前嘅我同埋佢身邊所謂嘅朋友,一定會話係個男仔唔啱啦…但係我理性分析事件,講返比佢聽,其實佢男朋友唔想的,你又要發佢脾氣其實佢好慘,跟住佢又唔開心。
之後大家討論以前嘅男朋友,佢講講吓我只係問咗一條好普通嘅問題,佢又當場發脾氣話你理得我,好似話我想話佢以前好多男朋友咁。
返到屋企我好唔開心,以前佢對我有啲咩唔好,例如,我結婚嘅時候佢只係關心自己當日有冇人幫佢扮靚影相同埋佢條裙,佢完全冇關心過我其他嘢,我都冇發佢脾氣,我屋企人直頭叫我唔好搵佢做伴娘,我都唔會咁做,因為咁樣會冇咗個朋友。但係今時今日,我覺得自己只可以做佢非常普通嘅朋友,因為我要繼續用無限謊言先可以同佢相處。我一直認為,真心為朋友好嘅話,就唔好呃佢,有啲咩就直接提醒,原來呢個世界係唔可以的。回想以前大家咩都講,幾核突都講既日子,已經只可以回味。
回覆
+ Favorite

舉報

註冊日期: 2018-2-9

發表於 2018-4-17 15:00 | 顯示全部樓層
本帖最後由 Bigeyeslady 於 2018-4-17 15:03 編輯

我明白 我同一個閨蜜依家都係咁
我地班姊妹都結婚生仔 得返佢一個 可能佢開始心急(可能快到3字頭)
佢係交友APP識左個台灣人做男朋友仲唔通知家人去左台灣註冊
我同班姊妹就話佢太衝動太心急 好直接講佢男朋友條件同佢差太多
叫佢諗清楚之類既說話 (由細到大我地都直接講出意見)
(因為佢男朋友一直未有穩定工作  所有花費都係我閨蜜出 戈個男交租都成問題)
可能我地太直接傷左佢自尊心 我地都FEEL都佢唔中意
所以以後講到佢男友 我地都順住佢 就算有咩都唔直接講
所以我明白你感受 大家表面仲好好 但心就越來越遠

註冊日期: 2015-6-3

發表於 2018-4-17 18:07 | 顯示全部樓層
未必係年紀問題,好多女仔都忠言逆耳,或只覚得你妒忌佢

註冊日期: 2015-6-3

發表於 2018-4-17 18:07 | 顯示全部樓層
未必係年紀問題,好多女仔都忠言逆耳,或只覚得你妒忌佢

註冊日期: 2016-8-26

發表於 2018-4-17 20:13 | 顯示全部樓層
無辦法啦大家都有D咁上下既經驗
到依個階段你識既朋友又唔同左呢~

註冊日期: 2016-7-12

發表於 2018-4-18 02:41 | 顯示全部樓層
我都有類似經歷,我直情畀個friend block咗,冇friend做。
識咗咁耐搞成咁係有D可惜,但佢諗嘢太諗埋一面,完全唔肯聽人哋意見,根本溝通唔到,唔再聯絡可能對大家都係好事。

註冊日期: 2016-7-2

發表於 2018-4-18 08:38 | 顯示全部樓層
明白。都試過無啦啦比(朋友)不算閨蜜unfriend左
後尾問到其他人先知原來佢以為佢鍾意既男仔對我有意思,其實都唔係...只不過佢好努力追個男仔,男仔冇反應,我都完全冇同男仔有咩交情,message都冇

另外,我曾經提議佢整下啲牙,因為真係哨,咁佢又覺得唔使
亦曾經叫佢減肥,佢就去做啲唔係點使郁既運動,仲要之後去食嘢
有一日佢就完全冇再同自己聯繫了

註冊日期: 2009-8-20

發表於 2018-4-19 12:50 | 顯示全部樓層
我同樓主一樣,有個成日要我講大話嘅所謂閨蜜(都算識於微時,讀書時同學)⋯⋯
好記得有次上左佢屋企,大家著住拖鞋,佢問我佢隻腳掌係咪皮膚好白(佢皮膚本身黑),仲好自豪咁show俾我睇,咁岩果日我無著襪(平時我都著襪),佢望一望我隻腳掌,我隻腳白佢幾度(我本來皮膚唔黑,無曬太陽嘅地方特別白),佢即刻個樣唔高興⋯我即刻唔敢出聲,扮睇電視~
所謂閨蜜,根本咪又係互相比較;你輸在講得太白!好似上面件事,如果我有著襪,我一定會話「係喎,真係好白喎」~
佢地就係鐘意聽呢啲謊言;特別是本身一出世就皮膚黑、肥嘅,就特別鐘意聽謊言!反正佢地有部分又真係溝到仔,其實肥唔肥、黑唔黑都無咩大不了,佢自己開心就好~
不過我選擇左忠於自己,所以疏遠左佢;我自己成日要就住佢想聽嘅野黎講說話,我覺得好辛苦(其實辛苦左好多年,特別是佢對男人嘅態度,我真係好想同佢講,廿幾歲都算啦,成三十幾歲都仲咁樣左右逢源玩玩下,對唔同男人講唔同大話,過左我條底線囉⋯),而家斷左無聯絡,我真係覺得人生輕鬆左!我唔想每次佢打黎,我都要諗聽唔聽個電話;聽左個電話,又要諗講咩先唔會激親佢~
(我覺得佢成日想我用男朋友嘅口氣黎對佢,可能佢男朋友講野唔岩佢聽啦,但我唔係佢男朋友呀!!咁樣我好攰⋯連我老公都覺得佢成日想喺我面前撒嬌,想得到男朋友式嘅安慰⋯)

註冊日期: 2018-1-15

發表於 2018-4-19 13:31 來自手機 | 顯示全部樓層
女人嘅友誼真係好脆弱,好多把口當你朋友,其實一直拎自己同你比較。
我都有個識左差不多廿年嘅所謂閨蜜,一直咩都傾咩都可以share用,我地連對方屋企人都見過晒,直到我同佢講我plan結婚,咁岩佢就同男人分手,跟住同其他friend講點解我依世咁好彩未遇過衰男人,係其他人口中聽返都幾傷心。
跟住佢分手一星期唔夠識左個呀叔,拍左半年拖都未夠就結婚,我地成班叫佢諗清楚,佢都唔聽,結婚之前果日去左佢屋企陪嫁,同我講唔係多謝我陪果類溫馨野,而係話我早過你嫁啦~
就算我係女人,我都覺得女人好恐怖……

註冊日期: 2017-8-30

發表於 2018-4-19 17:28 來自手機 | 顯示全部樓層
我中學時都遇過呢d所謂閨蜜,都係肥同吾靚~又係表面好friend,但暗地又成日講野踩你,又背地離間我同其他人咁,都係其他人講返我先知。最恐怖係嗰時好興互相寫信,佢竟然係信到話點解個個都鐘意同我一齊玩,我同佢都係做錯野,d人就只會話佢吾話我。佢本身雖然肥但性格就o爺同姣,我自己就比較男仔頭。我地畢左業我已自動同呢d人絶左交。我中學遇過三個都係甘,之後大學時識朋友會揀d同自己差不多level或比自己條件好的,甘呢d女仔會正常d~因為見過三次鬼都真係怕黑了⋯⋯

註冊日期: 2013-12-31

發表於 2018-4-19 17:40 來自手機 | 顯示全部樓層
睇你咁寫,
其實你個朋友細個開始就好自卑,不過其實好多女仔都係咁,要透過身邊嘅人去證明自己靚唔靚,例如人地讚佢同埋多唔多男朋友。
如果佢都相信自己係靚女,你所謂嘅真話其實對佢黎講可能係傷害。

註冊日期: 2017-5-7

發表於 2018-4-19 17:43 來自手機 | 顯示全部樓層
我連一個閨蜜都沒有

註冊日期: 2017-8-8

發表於 2018-4-19 17:59 | 顯示全部樓層
永遠真心為朋友付出既、真心對朋友好既,都唔會得到一個真心既朋友,乜野做人係雙向?咁多年黎,我都睇透啦。朋友,唔應該太深交,唔係我灰 而係我一直以黎遇到既事就係令我會咁諗。我都明樓主 相信你同我好似。人地做到幾絕幾樣衰都好,最後都係原諒人

註冊日期: 2017-1-23

發表於 2018-4-19 18:01 | 顯示全部樓層
我大學個陣有個閨蜜係預科個陣一齊升上去 無所不談 日日好似孖公仔咁 連啲師妹都話羨慕我地

直到有一日佢因爲新男朋友
我覺得佢男朋友未同前度搞清楚就開始
覺得唔值得一齊

由個時開始佢就翻哂面 唔彩我仲中傷我 搞到冇人理我

後尾我先知 原來由佢同我做朋友開始 佢都將自己同我比較

覺得佢靚過我 好過我
但我多人追過佢
又覺得我身邊啲人錫哂我

覺得啲系會幹事推我做主席
我唔做 幹事搵佢做 係執二灘

我仲知道佢特登去姣一個曾經追過我嘅男仔 個時佢自己本身都有男朋友

仲特登同一啲我好fd嘅朋友講佢當佢地係知己
咁我唔中意三人行 我會疏遠咗個啲朋友
到我疏遠咗之後 個女仔就唔會再搵個啲人

所以同年紀無關架 做好自己
自然會有好人 好知己出現係你身邊架喇!

註冊日期: 2017-3-3

發表於 2018-4-19 18:14 來自手機 | 顯示全部樓層
吾好話30歲, 好似我而家25歲, 都理解吾倒友情係咩, 識左10幾年, fd左10幾年, 有某部分想擴闊自己眼界去識多元化既朋友而吾再同你聯絡, 有D當你備胎比人甩底先搵你出黎, 最極端係去旅行都買埋佢手信, 但返到香港叫左百幾次都吾出現, 有時真係心都淡埋....

註冊日期: 2018-4-19

發表於 2018-4-19 18:40 來自手機 | 顯示全部樓層
所以我覺得樓主的情況好像我一樣

註冊日期: 2017-7-17

發表於 2018-4-19 20:56 來自手機 | 顯示全部樓層
仲有好多人會因為識左另一班朋友而忘記左你,以前成日傾電話whatsapp,到而家約佢出黎就次次都話好忙,轉個頭就同另一班fd出去玩

註冊日期: 2015-8-4

發表於 2018-4-20 11:29 | 顯示全部樓層
肥瘦無必然關係, 瘦又輪到比其他野, 係呢D人既世界, 龜蜜係用黎比較, 唔係做朋友, 大家傾計叫交換資訊, 唔係交流

註冊日期: 2014-10-27

發表於 2018-4-20 22:33 來自手機 | 顯示全部樓層
我都一樣本來有個好好嘅姊妹閨蜜,好似由中學剛識開始,已經覺得大家好夾,大家諗法都好相似,有時互相感覺好多野只有我地兩個先明,以前讀書到岩岩開始做野都係日見夜見,又成日黎我屋企訓,咁多年黎我都好感恩識到呢個朋友,就算佢個人比較有異性無人性,我都唔太同佢計較,因為始終識到一個同自己咁夾嘅人,唔容易。直到大概半年幾前,我發現佢為左一個男仔呃我,仲係不斷講大話同試探我,而我覺得佢為左呢個男仔而傷害我地呢份友誼關係係完全唔值得,當我發現時直到決定踢爆佢個段時間我好辛苦,唔知應該點做,最後我真係忍唔住踢爆佢,炒左,由個日到而家已經斷聯。之後我其實每一日都有諗起佢,因為佢係我心目中好重要,識左10幾年搞到咁好可惜,但有時諗諗下又好唔憤氣佢咁樣對自己。所以我都無的起心肝搵佢嘅動力⋯⋯

註冊日期: 2018-3-18

發表於 2018-4-20 22:47 來自手機 | 顯示全部樓層
Misskc 發表於 2018-4-20 22:33
我都一樣本來有個好好嘅姊妹閨蜜,好似由中學剛識開始,已經覺得大家好夾,大家諗法都好相似,有時互相感覺 ...

爭仔?
您需要登錄後才可以回帖 登錄 | 註冊

News
Feature
Blog
Load more
 
NOTIFICATION