{ FORUM - LOVE }
Search
Title / Tags Author

查看: 55967|回覆: 50

男朋友為左儲錢,叫我去淘寶婚紗..

[複製鏈接]

註冊日期: 2018-2-7

發表於 2018-5-15 15:21 | 顯示全部樓層 |閱讀模式
我係愛佢既,佢拎隻戒指同我求婚,雖然粒石好細好細,但我都即刻應承,開心到流眼淚添

呢排我會諗,應承佢求婚,係咪我做得最錯既事。

因為同我想像中既結婚完全唔同,

我以前同佢講過,話想去日本北海道影婚紗相,而家就話去海濱花園影就算,本身話book四/五星級酒店,而家搞一個cocktail wedding就算...

最重要,我話想買婚紗,唔想租,佢話好,但琴日竟然叫我上去淘寶睇下邊件婚紗靚,佢幫我淘...

仲有好多好多時唔符合我當初既要求,而當我抱怨一兩句,佢就即刻話:「唔洗儲錢?唔洗供樓?第時唔洗養仔?而家辛苦啲好過之後辛苦呀!」

我明呀,我都想儲錢供樓生仔呀,但我更加想個婚禮好好睇睇呀嘛...

回覆
+ Favorite

舉報

註冊日期: 2016-7-12

發表於 2018-5-15 15:31 | 顯示全部樓層
一係你自己出哂錢買婚紗/去日本北海道影婚紗相/book四星級酒店酒席,一係唔好嫁。

註冊日期: 2017-10-10

發表於 2018-5-15 15:39 | 顯示全部樓層
岩,如果係你出錢你可以要求多d!

如果你覺得應承得好錯就唔好結了~講多都哂口水

註冊日期: 2009之前

發表於 2018-5-15 16:52 | 顯示全部樓層
如果咁著重個儀式,
咪儲多兩年先結婚囉
兩年乜都儲到喇掛,
不過唔知你等唔等得JE.

註冊日期: 2018-4-3

發表於 2018-5-15 17:55 | 顯示全部樓層
我婚紗都係自己買的,自己買自己鐘意的,如果男人買又只係睇價錢。寧願自己花錢買件靚的

註冊日期: 2017-7-18

發表於 2018-5-15 18:06 來自手機 | 顯示全部樓層
樓主似乎想要的是婚禮,男友想要的似乎是婚姻。樓主應該找個著重婚禮的男人嫁,別浪費了著重婚姻的男人。

註冊日期: 2014-10-22

發表於 2018-5-15 18:16 來自手機 | 顯示全部樓層
嘩佢似乎想娶個姐姐多啲喎,又要捱得,又要上得,有排你捱。
一生人一次,都咁孤寒。你結咗婚,唔好有頭暈身㷫,病?醫生都唔畀你睇。
仲有,點解係佢管住啲錢?
佢憑乜?

註冊日期: 2014-10-22

發表於 2018-5-15 18:20 來自手機 | 顯示全部樓層
想問喺計劃結婚之前,佢有冇應承你所有嘢先?咁以你所知,佢有冇能力做到先?
如果佢應承你,有能力,但係你一點頭就完全反悔,咁當然係問題啦。
但係如果佢根本冇應承你,一切係你幻想咁,又唔同講法。

註冊日期: 2017-10-10

發表於 2018-5-15 18:25 | 顯示全部樓層
有d 走火入魔,我相信大部分人都會在自己能力範圍內去攪婚禮,婚禮係比自己一個回憶,比老人家一個交代,唔係跟風,唔係人地有咩就想要咩,唔係show off 比人睇你有能力,唔係一晚風光,但洗晒d 儲蓄⋯

人生的路好長,個婚禮係一日的事,你風唔風光唔係果晚做比人睇,係用你一生去演繹比你家人(同自已)睇,你婚姻係開心富足。

一句講晒,人心不足蛇吞象!個男人都肯在能力範圍內做足成個婚禮,你就港女少陣啦!
如果一路攪個婚禮,你要一路覺得嫁錯朗,咁麻煩你早少少同佢講唔嫁,放生個男人,咪好似人地虐待你咁,攪到你冇個完美婚禮好慘咁⋯

Btw, 其實年中唔少婚紗店會開倉,賣走d 舊款婚紗禮服,$1000-幾千不等,男人唔識野至會話淘寶啫。

註冊日期: 2017-10-10

發表於 2018-5-15 18:29 | 顯示全部樓層
不過,果d 婚紗開倉,我相信你應該唔會睇得上眼⋯



註冊日期: 2009之前

發表於 2018-5-15 18:48 | 顯示全部樓層
婚紗只係著一著,又要搵地方擺,買嚟真係無乜用

註冊日期: 2009之前

發表於 2018-5-15 19:09 | 顯示全部樓層
明白想好好睇睇, 不過其實如果有啲堅持嘅,都可以自己出錢嚟堅持自己所希望嘅


*結婚嘅時候我都想要自己嘅婚紗,我去廣州訂造
*結婚住嘅地點講咗好耐,我果邊處理嘅
*求婚戒指係結婚戒指訂完到貨試埋收埋都未買,明白男人係想係樓上舖買我要求卡數, 無出聲,等
*男人唔想大裝修但係我覺得要, 大部分都係自己出

註冊日期: 2014-10-22

發表於 2018-5-15 19:18 來自手機 | 顯示全部樓層
estieste 發表於 2018-5-15 19:09
明白想好好睇睇, 不過其實如果有啲堅持嘅,都可以自己出錢嚟堅持自己所希望嘅

由你嘅經歷睇得出,你係一個識得進退嘅女人, 亦願意去付出 ,你老公好幸福.
叻!

註冊日期: 2018-2-24

發表於 2018-5-15 19:30 | 顯示全部樓層
問題係買件婚紗黎擺咩 著一次之後放衣櫃一世、放係度好牙位、定係你會著出街?

註冊日期: 2017-10-4

發表於 2018-5-15 19:39 | 顯示全部樓層
你依家未結都咁多抱怨,將來仲更加多爭吵

註冊日期: 2018-3-19

發表於 2018-5-15 19:40 | 顯示全部樓層
承諾左佢唔做佢唔岩,做唔到就唔好應承,睇你咁講你未來老公完全冇同你商量過,我覺得你其實唔你太介意物質上既野,只係你覺得咁多件事黎睇你未來老公一d都唔重視你,敷衍你,所以你先會覺得後悔,不過又咁講,其實你都唔係好愛你老公,如果你咁愛佢就算佢乜都冇你都唔會介意

註冊日期: 2017-10-4

發表於 2018-5-15 19:41 | 顯示全部樓層
我第一次結婚時都有買婚紗同晚裝,買完後好後悔,完全唔會再拎出黎,好嘥位

註冊日期: 2018-1-5

發表於 2018-5-15 19:43 | 顯示全部樓層
死港女樓主,由你話咩求婚戒指粒石好細已經好有問題,啲錢你又唔出,係到嘈乜鬼呀!我係女人都覺得你on9

註冊日期: 2016-9-6

發表於 2018-5-15 19:45 | 顯示全部樓層
我就覺得婚紗冇咩必要買囉,都只係著一著,如果你真係唔想租想買嘅,我都讚成你男朋友嘅講法,去淘寶淘,如果你覺得淘寶cheap嘅,你可以自己出錢去買件你自己鍾意嘅。
影相都只係一個留念,我都會想去唔同嘅地方影或者去法國、巴黎影,但錢真係會用好多,或者又係你出錢嘅話,你可以大聲啲同你男朋友講,“依家我出錢,請你去”!
至於擺酒都係豐儉由人嘅je,大酒店真係咁重要咩?

註冊日期: 2017-3-3

發表於 2018-5-15 19:48 來自手機 | 顯示全部樓層
對於我都即將搞wedding既人, 我從來冇諗過要買件婚紗... 又要搵地方擺, 放得耐又舊又皺, 係咪留返黎比個女著?不如租重好過啦, 租三套婚紗好未, 行禮一套, pre-wedding兩套
您需要登錄後才可以回帖 登錄 | 註冊

News
Feature
Blog
Load more
 
NOTIFICATION