{ FORUM - LOVE }
Search
Title / Tags Author

查看: 67562|回覆: 36

同居的7大小事

[複製鏈接]

註冊日期: 2018-5-16

發表於 2018-5-16 16:44 | 顯示全部樓層 |閱讀模式
男友上個月求左婚就搬左過黎同我地住,啊媽一開始無野,但住落就……
1佢好怕熱,但啊媽怕凍,我唯有關細D冷氣,叫佢開埋風扇吹住自己。
2佢有時收工去打波,返到黎都成十二點,啊媽已經瞓左,會俾佢嘈醒。
3佢有潔癖,要同我地D衫分開洗,啊媽覺得好麻煩,所以男友自己洗返。但始於屋細,D衫好似晒到成間屋都系,啊媽就覺得唔舒服。
4佢有鼻敏感,搞到成個垃圾桶都系紙巾,我一見到就會拎出去扔。
5佢有時會煲中藥飲去濕,啊媽覺得陣味好難聞,所以一煲好我就會倒左D藥渣,再拎出去扔(男友唔想叫藥房D人煲,覺得人地求其煲)
6佢收工唔定時,有時D餸都凍晒,等到啊媽唔耐煩,叫食先啊媽又唔好意思。
7 佢無乜記性,幾次應承左啊媽經過順便幫手買野,但唔記得,拖左幾日。啊媽以為佢唔想買,我話我會提下佢。
總之,夾系中間好難做人。啱啱開始,大家都仲有耐性去遷就同忍讓,但驚遲D會多磨擦!租唔起樓,男友屋企亦住唔到多一個人,公屋無份,仲有咩辦法?

回覆
+ Favorite

舉報

註冊日期: 2017-5-8

發表於 2018-5-16 16:59 | 顯示全部樓層
咩條件都未準備好,咁點解會諗結婚?唔係應該計劃好既咩

註冊日期: 2016-7-12

發表於 2018-5-16 17:09 | 顯示全部樓層
結婚但分開住,就到時間先上去你到過夜。等到儲夠$租樓先搬出去。

大家對結咗婚但分開住有咩睇法?
http://www.beautyexchange.com.hk ... &fromuid=233983
(出處: BeautyExchange)

註冊日期: 2017-10-10

發表於 2018-5-16 18:17 | 顯示全部樓層
結婚前都知男家冇位住,又知租唔起樓,要住女家都已經叫有地方住啦,本身冇問題,但都叫寄人籬下,叫佢樣樣野上心d 啦!

叫佢買野次次都忘記,其實因為冇心至會忘記,仲要唔只一次,要記得總有方法,寫在手掌,寫在電話當wallpaper, 咩方法都得啦,做唔到= 冇心裝載!

個人習慣,真係要遷就ga wo, 煲中藥真係出去飲啦,唔好咁自我;鼻敏感,可唔可以你在間房擺個桶仔/膠袋呀? 叫佢自已清返,你做咩要跟佢手尾呢? 佢袋返入自已出街袋,每朝返工掉都要ga啦。

唉⋯已經多個人的衫要晾,仲要咁樣分開洗,日日都有衫晾緊,真係好困擾,可唔可以買個洗衣乾衣機呀? 起碼大型果d 床單,非cotton 的衫,可以乾左先丫!
佢放工唔定時,但總會知果刻仲要ot ga ma, 定個時間8 點開飯,未返就留飯,洗咩等啫,你開口定呢個時間,你媽就唔會再唔好意思唔等啦!

十二點返屋企,嘈醒阿媽⋯咁冇野好講,你媽醒訓,但慢慢會慣。

註冊日期: 2014-10-22

發表於 2018-5-16 19:54 來自手機 | 顯示全部樓層
登你阿媽慘,要服待大少。

註冊日期: 2009之前

發表於 2018-5-16 20:06 | 顯示全部樓層
你男友去到你屋企住都仲咁自我,又真係好難頂既,老人家要照顧多個人已經辛苦啦,仲要王子病咁既款,你夾係中間幫得佢幾多次?咁大個人都唔識人情世故,都係分番開住啦,得閒先上黎住一兩晚仲好,免得破壞左個關係,仲無得番轉頭。

註冊日期: 2014-10-22

發表於 2018-5-16 20:40 來自手機 | 顯示全部樓層
其實佢而家只係求婚,就已經光明正大入咗你間屋企度住,會唔會有點兒那個呢 ???
如果連住嘅地方都未搞掂,點解咁急要結婚? 為咗你哋兩個後生,你阿媽已經一把年紀,仲要服侍多一個。生活上又要磨合,何必呢?
喺我嘅立場,總之有啲咩事都唔好搞到老人家。
而家係你要嫁畀個男人,唔係要你阿媽,同你一齊去服侍佢。

最簡單叫佢幫手買少少嘢,幾次都買唔到。你唔好話你阿媽覺得佢有心,係我都覺得佢有問題啦 。未結婚都咁,結咗婚咪仲老鳳。

註冊日期: 2014-10-17

發表於 2018-5-17 11:14 | 顯示全部樓層
7大小事咁係大事定小事?

註冊日期: 2017-7-29

發表於 2018-5-17 14:28 | 顯示全部樓層
求婚啫⋯⋯都未結婚就搬去「樓主亞媽屋企」。

排公屋冇份,即係過佐入息,有番咁上下,咁大個人《自己出去租劏房》啦!

真係唔好攪到「亞媽」,每個月嘥幾千蚊啦⋯⋯你哋唔會cheap 成咁《幾千蚊都唔捨得》。

我估「樓主」跟著回覆又話要儲錢之類嘅藉口。藉口一籮籮,順便回應埋《冇$唔好結》!

咁大個人冇計劃先做決定?
「樓主」同「男友」真係廢廢哋⋯

註冊日期: 2017-10-10

發表於 2018-5-17 15:09 | 顯示全部樓層
kit C 發表於 2018-5-16 08:39
你男友去到你屋企住都仲咁自我,又真係好難頂既,老人家要照顧多個人已經辛苦啦,仲要王子病咁既款,你夾係中間幫得佢幾多次?咁大個人都唔識人情世故,都係分番開住啦,得閒先上黎住一兩晚仲好,免得破壞左個關係,仲無得番轉頭。

講得好,個女嫁出去,生活唔係輕鬆左,係要照顧埋人地個仔⋯真係登個媽媽辛苦⋯

個老公搬埋來住唔係問題,但無論男人/女人搬去人地屋企住都好,都要有正常自覺,唔好再咁大少爺/大少姐,樣樣都要遷就人地家人為先,人地比你入來住己經好好,唔好做仔/做女咁要人服侍,加重人地媽媽負擔⋯比家用唔係大晒,家用只係分擔左一家的開支,人地本身有自己生活質素,宜家又要照顧多個,唔洗心力咩? 果d 中藥,雲吞,衫又要自己一機洗⋯大少爺咩?

註冊日期: 2018-3-12

發表於 2018-5-17 16:01 | 顯示全部樓層
諗起我哥出年結左婚都住去老婆度 人地阿哥都未娶 真係吾知咩光景....

註冊日期: 2014-10-22

發表於 2018-5-17 20:40 來自手機 | 顯示全部樓層
milktea913 發表於 2018-5-17 15:09
講得好,個女嫁出去,生活唔係輕鬆左,係要照顧埋人地個仔⋯真係登個媽媽辛苦⋯

個老公搬埋來住唔係問題 ...

講得好好 。
中藥,雲吞,打完波先返嚟 ........其實個男人真係好老鳳,完全冇顧及他人感受.
衰啲講句~男人老狗寄人籬下,仲要生活得咁自在,真係佩服佢.

註冊日期: 2017-1-9

發表於 2018-5-20 11:06 | 顯示全部樓層
我覺得唔係互就,咁睇完全係你成家就曬佢一個,都要結婚了,你係咪應該要同佢講下?兩個人翻工都租唔起屋住?宜家無bb,點解一定要租樓,可以搵啲便便地嘅村屋住。早啲起身出門,馬死落地行。都係咁咖啦。唔係話一齊住唔得,係你身邊果件咁難頂,你自己辛苦,屋企人又辛苦,佢亦都唔見得自在得去邊。

註冊日期: 2015-4-9

發表於 2018-5-20 12:49 來自手機 | 顯示全部樓層
呢種大少咁難服侍⋯⋯
解決問題:租屋
解決問題根源:飛撚左佢搞掂
睇怕樓主冇錢同狠不下心,所以呻完都係第朝準時起身返工吧啦XDDDD

註冊日期: 2017-5-5

發表於 2018-5-21 09:44 | 顯示全部樓層
唔好同居囉,分開住無問題㗎,咁樣拍拖唔得咩?

註冊日期: 2017-11-20

發表於 2018-5-21 10:02 | 顯示全部樓層
我係女....但我又唔覺錯哂係男身上喎, 除非你叫佢做返D野佢唔做啫....
1佢好怕熱,但啊媽怕凍,我唯有關細D冷氣,叫佢開埋風扇吹住自己。(咁佢肯唔肯互就? )
2佢有時收工去打波,返到黎都成十二點,啊媽已經瞓左,會俾佢嘈醒。(唔通搬左黎就連街都無得去....!?)
3佢有潔癖,要同我地D衫分開洗,啊媽覺得好麻煩,所以男友自己洗返。但始於屋細,D衫好似晒到成間屋都系,啊媽就覺得唔舒服。(已經男友自己洗返仲想點?)
4佢有鼻敏感,搞到成個垃圾桶都系紙巾,我一見到就會拎出去扔。(紙巾係垃圾桶又有問題???? 周屋掉就話有問題啫)
5佢有時會煲中藥飲去濕,啊媽覺得陣味好難聞,所以一煲好我就會倒左D藥渣,再拎出去扔(男友唔想叫藥房D人煲,覺得人地求其煲)(唔知點解會覺得角式調轉左...正常呢D都係阿媽煲...)
6佢收工唔定時,有時D餸都凍晒,等到啊媽唔耐煩,叫食先啊媽又唔好意思。(打工收工唔定時都無計架....)
7 佢無乜記性,幾次應承左啊媽經過順便幫手買野,但唔記得,拖左幾日。啊媽以為佢唔想買,我話我會提下佢。
(呢個就抵打D, 或者佢放工時提提佢囉..)

註冊日期: 2010-12-25

發表於 2018-5-21 10:21 | 顯示全部樓層
Hellomimi17 發表於 2018-5-21 10:02
我係女....但我又唔覺錯哂係男身上喎, 除非你叫佢做返D野佢唔做啫....
1佢好怕熱,但啊媽怕凍,我唯有關細D ...

我同意
我都唔覺得樓主男友好大問題
1佢好怕熱,但啊媽怕凍,我唯有關細D冷氣,叫佢開埋風扇吹住自己。(唯有係咁,男友OK就得喇)
2佢有時收工去打波,返到黎都成十二點,啊媽已經瞓左,會俾佢嘈醒。(咁結婚後唔可以有正常社交架咩﹖阿媽醒訓都無計架喎,呢個唔係都關男友事呀﹖)
3佢有潔癖,要同我地D衫分開洗,啊媽覺得好麻煩,所以男友自己洗返。但始於屋細,D衫好似晒到成間屋都系,啊媽就覺得唔舒服。(好簡單者,拎出去磅洗囉叫佢,幾十蚊,一星期洗一次,但係唔該到時唔好又話放左袋衫係度成個星期唔洗,重有,我屋企都係男女衫分開洗,衛生D)
4佢有鼻敏感,搞到成個垃圾桶都系紙巾,我一見到就會拎出去扔。(已經掉係垃圾筒,唔係就咁掉係枱,無鼻敏感既人係唔會明白當你發作果時,係幾辛苦,真係會呻到成個垃圾筒都係紙巾,呢D唔係男友想既,佢亦都好衛生咁掉佢用完既紙,你咁都要挑骨頭﹖)
5佢有時會煲中藥飲去濕,啊媽覺得陣味好難聞,所以一煲好我就會倒左D藥渣,再拎出去扔(男友唔想叫藥房D人煲,覺得人地求其煲)(我都明白,但係呢個真係無得講,一係就叫佢將就下出去藥房叫人煲,一係就去有得整做藥粉既中醫診所睇)
6佢收工唔定時,有時D餸都凍晒,等到啊媽唔耐煩,叫食先啊媽又唔好意思。(呢樣又唔係男友想架喎,咁都挑﹖唔通有野做唔做,特登要返黎同你阿媽食飯﹖咩叫叫佢食先佢唔好意思,都就黎一家人喇,重咩唔好意思者)
7 佢無乜記性,幾次應承左啊媽經過順便幫手買野,但唔記得,拖左幾日。啊媽以為佢唔想買,我話我會提下佢。(唯有WHATS APP提佢、叫佢寫係電話記事簿度,公司多野做,有時真係會唔記得)

註冊日期: 2017-3-3

發表於 2018-5-21 10:35 | 顯示全部樓層
有D人覺得男朋友冇問題真係好西利...
講到搬左黎就冇社交, 既然冇條件同樓主搬出去, 但又要打波打到12點先返, 好似有D反客為主WOR, 鬼叫你窮啊, 冇錢就冇SAY GA喇, 再者甘大個大男人, 竟然有人覺得煲藥應該係女朋友啊媽煲...WHAT?!

註冊日期: 2010-2-2

發表於 2018-5-21 10:44 來自手機 | 顯示全部樓層
冇謂搞著自己阿媽
最好就搬出去住 慳d洗 總會搬到出去
不要找藉口

註冊日期: 2017-7-7

發表於 2018-5-21 11:18 來自手機 | 顯示全部樓層
我反而想知你媽咪係咪同意同佢一齊住先?
如果係同意嘅,我會有少少見議!
1.吹風扇解決到咪得囉!唔得叫你男友入房先開囉!
2. 你阿媽係咪有投訴先(定係你唔好意思?)難道你想佢結婚後要斷6親?同埋你唔去夜街架???
3. D衫唔想一齊洗(叫你男朋友自己d衫拎去洗衣舖洗囉!)
4.叫佢返入房先好掉(我都鼻敏感,我會係咁做)
5.叫佢返自己屋企飲完先好返嚟!
6.你自己夾起留比佢,然後同阿媽一齊食先,再唔係叫佢自己食完先好返或者買外買,咪唔洗等嚟等去!
7. 貼到符喺佢額頭咁實記啦!
最後一句,一齊住係要磨合同互相遷就架喇!冇大磨擦已經係好事!你講嘅都係少問題嚟啫!
您需要登錄後才可以回帖 登錄 | 註冊

News
Feature
Blog
Load more
 
NOTIFICATION