{ FORUM - LOVE }
Search
Title / Tags Author

查看: 2190|回覆: 20

阿媽叫我搵個有錢男朋友 no fb thx

[複製鏈接]

註冊日期: 2018-2-13

發表於 2018-5-27 21:13 | 顯示全部樓層 |閱讀模式
阿媽一直唔想我挨得咁辛苦 所以一路都叫我搵個有錢啲嘅男朋友。男朋友30歲,一個月搵26k,佢係一個好博學嘅人,我都好欣賞佢,佢對我都好好。我26歲,一個月搵32k。阿媽就叫我搵個專業人士,起碼唔好住公屋,唔洗大部分人工用嚟養車嘅男朋友。如果係你地,你地會點揀?

希望大家唔好鬧我阿媽拜金,因為爸爸媽媽都係一路打拼過嚟先買私樓,所以阿媽希望我以後唔洗挨得咁辛苦,所以先會咁諗。我好理解佢,但係我都愛我男朋友,所以先咁矛盾。
回覆
+ Favorite

舉報

註冊日期: 2017-11-20

發表於 2018-5-27 21:23 | 顯示全部樓層
咁何為有錢?
叫佢講清楚定義

註冊日期: 2018-2-13

 樓主| 發表於 2018-5-27 21:32 | 顯示全部樓層
專業人士 起碼人工唔好低過我 家境同我差唔多咁啦

註冊日期: 2016-10-17

發表於 2018-5-27 21:49 | 顯示全部樓層
咁你自己覺得點?阿媽唔係你,呢度D花生友又唔係你。你想不想同呢個男友行落去?定你都想搵個收入高既?

註冊日期: 2017-10-6

發表於 2018-5-27 23:15 | 顯示全部樓層
女人幾時都要靠自己好,俾你搵到你富可敵國又如何?肯俾你先得架!搵個有錢又肯花喺你身上係可遇不可求,而且冇人嫌錢腥,你搵到個月入5萬,你媽又可能好快話唔夠,要月入十萬,點追?有個有穩定收入、上進又錫你嘅,已經好好要心足啦!

註冊日期: 2017-10-6

發表於 2018-5-27 23:16 | 顯示全部樓層
babybobop 發表於 2018-5-27 11:15
咁你自己覺得點?阿媽唔係你,呢度D花生友又唔係你。你想不想同呢個男友行落去?定你都想搵個收入高既?

搵到個* 富可敵國

註冊日期: 2015-8-22

發表於 2018-5-27 23:19 | 顯示全部樓層
你男友用大部分錢來養車?咁似乎不太踏實。

註冊日期: 2014-10-22

發表於 2018-5-27 23:28 來自手機 | 顯示全部樓層
其實你上嚟問得,你已經有動搖 。如果你同你男朋友感情繫穩定,你一心一意對佢,基本上你阿媽講乜,你都只會當耳邊風 。
你問得,你考慮 ,其實係咪你自己想畀個藉口自己?

註冊日期: 2017-3-20

發表於 2018-5-28 00:06 | 顯示全部樓層
人係應該為自己將來打算ge
問題是, 好好好高薪嗰d會不會鍾意你+會不會比現在男友對你更好?

註冊日期: 2015-4-9

發表於 2018-5-28 07:25 來自手機 | 顯示全部樓層
呢個年代公屋先屈機呀
公屋管理費係零,維修(大部份)都係免錢,每月開支只係租
私樓你供完仲要俾管理費,維修你自己搞掂
你想換樓⋯⋯你追得上樓價?

識計數都應該知邊個會有多d閒錢

貪錢有咩問題姐?問題只係佢地仲係用緊佢地後生果陣的思維黎諗野姐XDDDD

註冊日期: 2015-6-8

發表於 2018-5-28 09:13 | 顯示全部樓層
你爸媽間私樓... 遲D都係你架啦

註冊日期: 2018-4-17

發表於 2018-5-28 10:02 | 顯示全部樓層
點解講到搵專業人士做男朋友好似好易咁
sis你係咪都係做專業人士/教師/護士?(26歲搵>30k都幾高)
btw挨得辛苦與否,除咗關錢事,兩個人夾唔夾和心態都好重要!
兩個人肯一齊同步付出,總比一方不勞而獲更充實
不如你同男友傾下,睇下佢對將來有咩打算先?

註冊日期: 2018-5-23

發表於 2018-5-28 10:40 來自手機 | 顯示全部樓層
Cacasisi 發表於 2018-5-27 21:32
專業人士 起碼人工唔好低過我 家境同我差唔多咁啦

不要睇現在,睇將來
你男友同你個個職位頂薪點爭幾遠,有冇20k

註冊日期: 2018-1-15

發表於 2018-5-28 12:28 來自手機 | 顯示全部樓層
住公屋好過搵個供廿年樓啦,孭住層樓你估易咩~2個人開心咪得,你地依個收入加埋,如果仲要有公屋,簡直係人生勝利組~

註冊日期: 2017-10-10

發表於 2018-5-28 16:23 | 顯示全部樓層
認同你媽媽都係怕個女要捱,至想個女搵個所謂專業人士/有錢人。

btw, 專業人士唔一定有錢,最專業果類數到醫生都有分高低;所以人比人比死人就係咁解!

我身邊反而有兩個女性朋友,都同你情況差不多,但女家反而出埋錢比首期個女,買樓同佢老公住,等佢地兩老婆供層樓。

有d 家長就睇得好開,個女開心排第一位,但有d 家長就又想有人錫個女,又要有d 錢,純粹各人價值觀問題,冇對錯。

所以,係你揀老公,唔係你媽揀老公,你宜家叫做揀左個你愛佢,佢又錫你的人,如果你放棄左再揀過,你承唔承受到個風險先? 因為有機會下一個叫比較有錢,你媽滿意,但唔太錫你,你又唔太愛⋯唔通為左個錢字,要咁樣將就一世? 將來的生活係你自己去過,唔係你媽幫你過ga ma...

愛情感情,係你自已的,唔係咁易比人左右到⋯但睇得出你已經開始動搖⋯

註冊日期: 2015-4-9

發表於 2018-5-28 20:51 | 顯示全部樓層
Mayblebobo 發表於 2018-5-28 12:28
住公屋好過搵個供廿年樓啦,孭住層樓你估易咩~2個人開心咪得,你地依個收入加埋,如果仲要有公屋,簡直係 ...

呢種收入假如仲有公屋住
咁你最好唔該同鄰居的關係有咁低調得咁低調
被人報串,要交2倍/3倍/市值租金,甚至被房署踢你走就無撚謂啦

PS:話說居屋都已經要破千萬

註冊日期: 2018-3-4

發表於 2018-5-28 21:13 來自手機 | 顯示全部樓層
但你搵到專業人士嗎?但又吾一定對你好

註冊日期: 2018-2-13

 樓主| 發表於 2018-5-28 21:25 | 顯示全部樓層
我好似講得唔係好清楚,間公屋係佢屋企人,唔係我男朋友嘅,男朋友為咗省錢而同屋企人住冇自己搬出嚟

媽媽有咁嘅諗法都係因為身邊有男仔追我,而媽媽覺得既然有得揀,點解唔揀個條件好啲嘅

上面有啲posts話我都有動搖,係嘅,我唔動搖會唔會問啦,我係覺得如果第二個都可以對我好,我都有欣賞佢嘅地方,而媽媽又滿意,咁就最好,但係我又覺得如果愛情下下要計算,咁樣係一門生意,唔係愛,所以我都好矛盾啊

註冊日期: 2014-10-22

發表於 2018-5-28 21:39 來自手機 | 顯示全部樓層
本帖最後由 kit C 於 2018-5-28 21:42 編輯
Cacasisi 發表於 2018-5-28 21:25
我好似講得唔係好清楚,間公屋係佢屋企人,唔係我男朋友嘅,男朋友為咗省錢而同屋企人住冇自己搬出嚟

媽媽 ...

既然係咁,你試下啦.
差極都唔會係而家依個。
同埋你寫咗一句~希望搵個對你更好。唔知你男朋友同你感情點? 但如果真係睇唔到將來,你俾自己一個機會試下.

之前淨係睇第一個post,以為你阿媽可能希望你搵個~高富帥,但原來你身邊仲有其他人追求。
咁你阿媽嘅諗法好正常。
第一,唔想個女孩熬。
第二,搵返個條件相近,真係比較好。
第3 ,有得揀,點解唔揀個好呢?

註冊日期: 2016-11-21

發表於 2018-5-28 22:05 來自手機 | 顯示全部樓層
你動搖得即係你根本唔太愛你男友,如果係咁你咪搵個條件好架囉,你媽又滿意!
您需要登錄後才可以回帖 登錄 | 註冊

News
Feature
Blog
Load more
 
NOTIFICATION