{ FORUM - FASHION }
Search
Title / Tags Author

查看: 7977|回覆: 11

無品既髮型師遇一次就夠

[複製鏈接]

註冊日期: 2018-6-10

發表於 2018-6-10 21:17 | 顯示全部樓層 |閱讀模式
因為光顧這個髮型師的經驗感受太差,所以覺得有必要在網上發文,這位髮型師Keyo [email protected] hair極為不專業,無品。

第一,當我要整把頭髮前,佢話要先整個Treatment,我無問題,個順序係整完哂colour、treatment再電髮,之前整髮前有溝通,已經問左佢意見,我講過如果我髮質電唔到,可以唔電,唔好勉強,我唔想拎而家把頭髮去博。佢堅持話電到(過程中吹噓到自己好犀利,好多客,玩頭髮有幾勁有幾專業,講我遇到佢呢個hair stylist好好彩)。

然後,由2點坐到9點,最後個頭髮係無曲到,係完全無效果!這個髮型師開始急燥,又大力放風筒(呢個時候我只feel到佢係發緊自己忟),然後,佢竟然問我係咪放個藥水唔夠,係咪佢assistant太快洗左我個頭。as一個客,我點知幾多藥水先夠,幾多時間先合適,唔係應該個髮型師guide住個assistant配合去處理嫁咩?(我覺得佢想推卸責任,推比佢個assistant)

佢最後係同我講叫我聽日再尼,話幫我重新再電曲,offer聽日既一個指定時間比我。我問可以約晏小小嗎,佢話唔可以,指佢下就好多appointment,咁我理解,我就佢時間,去到reception,佢照收我電曲個價錢,我離開。

第二日我準時去到,lunch都無時間食,買麵包上去食。但係,講到自己好忙又約佢遲小小都唔得既呢位髮型師未返工!!Reception安排我坐低之後我等左4個字,我坐係salon到食我個麵包lunch,我wtapps問佢咩情況,佢已讀不回,我同Reception講左我情況,想了解keyo.L大概幾時會到,Reception亦係好有禮貌回應,然後Reception表示打電話揾佢唔到。
                                                                                                      
然後,有一個師博走尼同我講,佢話係代keyo.L問我想整咩頭(keyo.L contact得個師博,點解唔直接同reception或我解釋番佢人未到既情況)。我話個頭keyo.L會一手負責番,咁點解呢個師博竟然當我係一個剛整頭既新客?(我呢個時候覺得佢根本無同呢個師博溝通過,我唔想博,表示我想同番keyo.L直接溝通再整個頭,as一個客,我覺得好合理)

然後,又等左3個字,前前後後呢位keyo.L髮型師遲到9個字!!! 我行去Reception,好有禮貌表示我唔想整,想refund番電curl髮個價錢,行埋尼了解個位師傳都好好,佢了解過後都無刻意為難我,願意refund同時仲話不如佢約過另一個時間幫我整啦,但我表示已經唔想再整,佢亦無為難我。

跟住,呢位keyo.L終於番到Salon,但佢經過完全ignore我走過連問都無問,我已經覺得佢有問題,諗住refund完就走,跟住佢行埋尼問我想點整,發哂忟話幫我電curl,我仲係好平淡講我唔需要啦,跟住我都未爆佢就先爆我,強調佢救番我個頭,而家佢無電爛我個頭,問我re嘜fund。我真係勁嬲,同佢對質,佢仲可以講到佢約左appointment遲哂到,一個交代都無係合理!一味講我係我髮質差,咁我有咨詢過你,你用你既專業話整到,但唔係電唔到之後就一味推卸責任,最離譜既係佢電唔到後,仲要遲到無交代態度差。

呢位髮型師就係恃住而家ig廣告吸客,貪客人既好奇心去經營,技術唔得,個客選擇得都心甘情願,但罵客真係好唔得啊,但完全係唔會放任何責任感係處理一個客人既頭髮上,有錯只會推卸番係客人身上,自己遲到無交代我refund無嘈一句,都可以罵番個客。係我個人上,好彩係我覺得唔妥後無交個頭比呢位髮型師,reception既staff亦好好無為難我,但呢個經驗真係好差,唔想再有其他人因為貪ig方便或好奇揾呢位髮型師解決問題。
回覆
+ Favorite

舉報

註冊日期: 2011-12-5

發表於 2018-6-10 22:51 | 顯示全部樓層
真係好衰????

註冊日期: 2011-12-5

發表於 2018-6-10 22:53 | 顯示全部樓層
真係好衰

註冊日期: 2018-6-10

 樓主| 發表於 2018-6-11 00:39 | 顯示全部樓層

整唔到效果錢佢要收足,我當刻都接受啦,第二日呆等左一個鐘,咁我放棄唔整都人之常情,reception既同事都理解refund部份比我,我只想離開囉!佢遲到上到尼salon,仲要係度罵我,又話係番我髮質問題,比左錢比左時間仲要比人咁罵,技術可以靠時間去浸,但無品真係唔好幫人整頭累人啦!

註冊日期: 2017-8-11

發表於 2018-6-19 16:42 | 顯示全部樓層
係邊到架?等我吾好中伏

註冊日期: 2016-11-4

發表於 2018-6-26 20:08 來自手機 | 顯示全部樓層
哇~真黑仔遇到黑心無良髮型師

註冊日期: 2019-6-27

發表於 2019-6-27 14:40 | 顯示全部樓層
路過睇到好大怨氣咁,
但人地都退返錢比你仲想點,
只係電唔曲又唔係電爛左,
人地都肯第二日幫你再電,
都算有誠意喇


註冊日期: 2016-2-25

發表於 2019-6-28 11:52 | 顯示全部樓層
好似呢行都唔少呢D人...

註冊日期: 2016-9-22

發表於 2019-7-11 13:05 | 顯示全部樓層
其實整唔到退錢是常識吧?
態度唔好係消費者應該接受?
浪費時間不算損失?

註冊日期: 2019-5-16

發表於 2019-7-15 20:03 來自手機 | 顯示全部樓層
我上年都中過一次 態度勁差 染出黎仲要唔同色 之後冇再去過

註冊日期: 2019-8-31

發表於 2019-9-1 17:30 | 顯示全部樓層
今年新年我都第一次去左呢間尖沙咀既salon.但係我又覺得幾好喎,當時去到都好多人,等左一陣先開始整,果日本來我係想整灰灰地色,但個髮型師覺得我d髮質有d差,唔建議我全頭漂,佢建議我整babylights,好幸運地最後整完個效果我都好滿意,成個過程髮型師都好nice,好細心好有禮貌,仲要有3隻好得意既貓仔玩<3

註冊日期: 2018-12-17

發表於 2019-9-25 05:16 | 顯示全部樓層
遇到黑心無良髮型師, 慘慘
您需要登錄後才可以回帖 登錄 | 註冊

News
Feature
Blog
Load more
 
NOTIFICATION