{ FORUM - LOVE }
Search
Title / Tags Author

查看: 36358|回覆: 47

同未來奶奶關係唔好,唔洗諗結婚?(長篇)

[複製鏈接]

註冊日期: 2018-6-22

發表於 2018-6-22 12:09 來自手機 | 顯示全部樓層 |閱讀模式
我未來奶奶成日話佢個仔變左,
因為佢個仔以為搵幾多,就比哂佢夠媽咁濟。真係比哂咁濟,只係留自己搭車用算。到佢後父同佢媽講,叫佢媽唔好拎咁多錢,比個仔旁下身,唔係次次出街都要女友比或者AA。

岩岩拍拖,男友屋企爭人錢,佢就好早出黎做野還錢。還左差唔多40萬咁濟。
到而加計劃兩年後結婚。佢媽開初話比40萬我男友結婚,仲要擺酒.....  咁我同男友都唔想擺既,因為唔想哂錢擺一場大龍鳳,寧願慳錢預第日可以買樓。我作為女家,父母都話可以唔擺酒。 但佢媽就好想擺,因為可以拎返以前去飲既人情....  好啦,擺酒呢d 野題外話。40萬要黎買樓,真係唔夠。我地兩個都唔想租屋,因為變相幫人供咁。到後期,男友就同佢媽提出話唔夠,佢媽就話最多比到70萬,唔好再要求,因為佢要留返比自己同後父生既仔。

但諗深一層,我男友幫屋企還錢,其實都係因為佢媽做擔保。比40萬我男友,就等於還返以前還錢比我男友。 真正結婚佢只係比30萬出黎。

我唔係未試過想打好關係。以前讀書做parttime, 試過請佢地飲茶。一共6人去食,我預$500飲一餐早茶,因為我自己屋企5個人飲都係差唔多300蚊。一開始我冇話我請,任佢地點野食,佢地點到成枱都係。未來奶奶就出聲話:「唔好點咁多,好貴嫁」,之後我話:「我請,隨便叫啦!」咁佢就冇再出聲,真係隨便叫。到我買單既時候,一張500蚊都唔夠找,仲要拎多200出黎。食完一家大細一句多謝都冇。

之後佢媽有叫我出街食返。去到叫我叫野食,我話想食菜,又話菜唔好唔新鮮。咁我叫椒鹽瀨尿虾,佢又話貴又話唔抵食。但我男友後補一句「我都想食」,咁未來奶奶就肯叫。唔止呢次食飯。之後食飯都係咁,佢叫我提議食咩,但最後提議出黎既都係被拒絕。

未來奶奶仲想我得閒教佢同後父生既仔做功課,買野食要預埋佢個仔。

咁我地諗住結婚,買唔到樓,又唔想租屋,我自己屋企除左爸爸,成屋都係女人,男友唔想婚後同住。咁我話結左婚既,我去同男友而加住既地方同住。雖然係公屋,但都有自己一間房。咁我話第時可能要煮飯果d點算? 未來奶奶同我男友講,如果第時要煮飯,煮兩人份既就唔好煮,因為佢個細仔都會想食,一煮就煮6人份.....  咁我都係為左慳d錢, 唔想出去食。自己煮又可以第二日帶埋返工食。咁煮6人份,佢又唔諗住出返買餸錢,煮都算,但咁做,我變相開支更多?! 我話去男友家住,唔係諗住齊住嫁wo,我會比返d錢佢。

我同男友相處係冇問題,但諗到下一步,就條條路都行路通咁.... 仲要有咁既未來奶奶....我係唔係應該回復單身...?
回覆
+ Favorite

舉報

註冊日期: 2015-8-22

發表於 2018-6-22 12:19 | 顯示全部樓層
你咁斤斤計較,搵個孤兒老公比較合適

註冊日期: 2017-10-10

發表於 2018-6-22 12:38 | 顯示全部樓層
我又唔覺樓主斤斤計較⋯成篇咁睇,呢度慳果度慳,唔擺酒想慳錢,直頭100分好老婆啦,女人都覺得樓主係好女人!
而個未來99 事實又真係厚此薄彼wo, 咩都細仔細仔咁⋯
但又咁講,雖然話男友幫過佢媽還$40 萬,宜家話出$70 萬比你地結婚用,樓主就覺得實際係只出得$30 萬,但問題係一筆過拿$70 萬出來其實都唔少wo, 有d 人屋企係一蚊都唔會拿出來,都係靠兩公婆自已夾⋯

宜家樓主目標係上車丫麻!
咁實際你地兩人又拿到幾多錢出來做首期? 女家又會唔會拿錢出來? 雖然$70 萬係做唔到首期,但都叫幫補到個首期,好過咩都冇啦?

註冊日期: 2017-10-10

發表於 2018-6-22 12:44 | 顯示全部樓層
其實你話煮飯問題,呢件事係咪由男友同佢媽傾? 會唔會係個男人表達得唔好呀?
佢媽親口叫你男友搬得入來住,就要出錢出力煮晒6 人飯?
正常你地搬入去住,未來99 又同意,好多99 都會覺得煮多個人飯啫,你比返d 家用就ok, 一間屋得一個廚房,邊有可能當成兩家人煮兩餐咁呀?
攪清楚件事好,男人溝通一向都甩甩漏漏ga啦,唔好咁快覺得個99 張牙舞爪住。

註冊日期: 2016-7-12

發表於 2018-6-22 12:46 | 顯示全部樓層
結婚其實唔係奉旨要父母拎錢,佢媽媽肯畀30萬,其實已經好好。

冇錢買樓,又唔想租樓,同屋企人住又有問題的話,一係就結咗婚分開住,直至有能力先搬出去,一係就遲D先結。

註冊日期: 2018-6-22

 樓主| 發表於 2018-6-22 12:57 來自手機 | 顯示全部樓層
milktea913 發表於 2018-6-22 12:38
我又唔覺樓主斤斤計較⋯成篇咁睇,呢度慳果度慳,唔擺酒想慳錢,直頭100分好老婆啦,女人都覺得樓主係好女 ...

我屋企人可以借40萬出黎,我自己做野年幾儲左25萬,男友儲左10萬。 我都知70萬話多唔多,話少唔少。但佢媽係係大陸仲有兩間物業。 係香港,係住公屋,佢老公另外都有間公屋有名,所以細仔將來其實唔擔心。佢先生自己都咁講。

註冊日期: 2018-6-22

 樓主| 發表於 2018-6-22 13:01 來自手機 | 顯示全部樓層
milktea913 發表於 2018-6-22 12:44
其實你話煮飯問題,呢件事係咪由男友同佢媽傾? 會唔會係個男人表達得唔好呀?
佢媽親口叫你男友搬得入來 ...

未來奶奶未話可以入去住, 係我叫男友問姐。但佢意思真係要我煮既話,就煮6人份....  佢話冇理由淨係我地兩個食,咁佢細仔,老公,女冇得食

註冊日期: 2017-10-10

發表於 2018-6-22 13:02 | 顯示全部樓層
結婚其實唔係奉旨要父母拎錢,佢媽媽肯畀30萬,其實已經好好。

冇錢買樓,又唔想租樓,同屋企人住又有問題的話,一係就結咗婚分開住,直至有能力先搬出去,一係就遲D先結。

————————
樓上sis 講得好有道理,樓主會唔會儲多d 錢至結婚呀?

註冊日期: 2016-7-12

發表於 2018-6-22 13:04 | 顯示全部樓層
Doradorahk 發表於 2018-6-22 12:57
我屋企人可以借40萬出黎,我自己做野年幾儲左25萬,男友儲左10萬。 我都知70萬話多唔多,話少唔少。但佢 ...

男家70萬 + 女家40萬 + 你25萬 + 男友10萬 = 145萬,夠畀首期喎。
佢媽媽有錢係佢的事,唔代表一定要畀個仔結婚用,老人家都要有個錢傍身的。

註冊日期: 2009之前

發表於 2018-6-22 13:09 來自手機 | 顯示全部樓層
我又唔覺未來奶奶有咩問題喎??會不會係你太見外呢?請飲茶要同你講多謝(平時你屋企請你會不會講多謝先?)煮飯的話要煮哂咁多人飯都合理吖,一家人要煮兩次分開食?

根本你都未當人地係自己屋企人,點解要求人地係呢?

註冊日期: 2018-6-22

 樓主| 發表於 2018-6-22 13:18 來自手機 | 顯示全部樓層
YYYYU 發表於 2018-6-22 13:04
男家70萬 + 女家40萬 + 你25萬 + 男友10萬 = 145萬,夠畀首期喎。
佢媽媽有錢係佢的事,唔代表一定要畀個 ...

上星期有問過下經紀  同左男友講  佢話佢媽只係比得30萬  所以70萬都唔係一定有..
得都知佢媽有  唔一定比哂既

註冊日期: 2018-6-22

 樓主| 發表於 2018-6-22 13:26 來自手機 | 顯示全部樓層
GIROGIRO 發表於 2018-6-22 13:09
我又唔覺未來奶奶有咩問題喎??會不會係你太見外呢?請飲茶要同你講多謝(平時你屋企請你會不會講多謝先?) ...

未來奶奶唔講多謝都算。 但係由佢未知果餐係我請到我出聲話請,佢反應完全唔同...一開初係咁叫人唔好叫咁多,到我話請,佢就唔再講任何野。我屋企真係會講多謝...可能家教唔同...
煮飯果d... 應該咁講,佢屋企係無飯家庭,所以唔會話我入去住煮多份咁....
好幾次我都煮比佢屋企人食, 買洗煮正常啦,我目的係煮比男友食,咁佢屋企人係度要煮埋佢地果份。 但開飯又要請佢地先肯食咁, 食完就行開,我仲要洗埋碗先走....  

註冊日期: 2016-7-12

發表於 2018-6-22 13:37 | 顯示全部樓層
本帖最後由 YYYYU 於 2018-6-22 14:23 編輯

其實咁嘅情況呢,我勸你哋就當得女家40萬 + 你25萬 + 男友10萬=75萬好了,一毫子都唔好要佢媽出,然後堅持唔擺酒,同佢阿媽講,你哋無錢,擺唔起酒。再分開住先,儲多幾年錢畀到首期先一齊搬出去。

如果佢媽堅持要擺,而你哋又唔企硬,咁就要佢媽全出$擺酒,唔好用多過佢媽出的錢落擺酒到,咁人情你就預佢媽收哂,你哋只係做場SHOW咁解。

註冊日期: 2018-6-22

 樓主| 發表於 2018-6-22 13:47 來自手機 | 顯示全部樓層
YYYYU 發表於 2018-6-22 13:37
其實咁嘅情況呢,我勸你哋就當得女家40萬 + 你25萬 + 男友10萬=75萬好了,一毫子都唔好要佢媽出,然後堅持 ...

我都係咁預計...  你講既擺酒,我都講過呀... 最後我男友話旅行結婚(簽完紙就飛)先叫做暫時告一段落...

註冊日期: 2016-7-12

發表於 2018-6-22 14:29 | 顯示全部樓層
Doradorahk 發表於 2018-6-22 13:47
我都係咁預計...  你講既擺酒,我都講過呀... 最後我男友話旅行結婚(簽完紙就飛)先叫做暫時告一段落... ...

咁已經解決咗擺酒的問題,
至於買樓,真係唔好諗住用佢屋企人錢,有只係bonus,你咁諗會開心D。
亦唔好諗同佢屋企人住了,盞為難自己,分開住先啦,已經有75萬,畀心機儲多陣好快夠畀首期。加油!

註冊日期: 2017-3-20

發表於 2018-6-22 15:09 | 顯示全部樓層
如果你不是一定要結婚,咪拍住先lor。但嫁的話短期內勸你唔好啦,你男友個阿媽表面聽落屬於只能她佔人便宜,別人佔她便宜無可能的人。

講得出「一係煮曬六個人,否則你地兩個自己都唔好煮」的人,你都可想而知她份人有幾刻薄。如果是他個仔夜晚肚餓想食杯麵,你估她會不會同自己個仔講你一係整曬俾全家,唔係你都唔好食?

她種種行為擺明當你係外人純粹你唔好彩呢d你無野好講,但你可以選擇唔好盅個頭埋去。除非你同男友有辦法自己搬住,不然同住有排你受。

ps. 你勁多錯別字下次可以check下先出, 睇得有d辛苦

註冊日期: 2017-11-6

發表於 2018-6-22 15:21 | 顯示全部樓層
奶奶同新抱永遠都扯唔埋,我都好想同你分享下我嘅故事:我都同99住,我哋一家人飲茶無論邊個請都係唔會講多謝㗎,因為佢哋覺得自己人唔使咁見外,成餐飯食得開心就好;平時夜晚食飯都係我99煮,佢煮乜我就食乜,基本上我喺度嘅時候都唔好餸,因為6299覺得好又一餐唔好又一餐,平時都係我同佢兩老食,再加埋我個女,所以佢哋會食得好簡單,最差試過鹹魚加罐頭,個女就比午餐肉(我個女未夠兩歲),但係我老公返嚟食戈晚就會有我老公鍾意食嘅嘢,如蝦,雞翼豬扒等等肉類,佢成日都話我老公番工好辛苦要食多啲肉,我好好奇咁唔通我返工就唔辛苦?但對此我已經成習慣,我亦冇期望佢會對我好好,我始終唔係佢個女,佢亦都唔係我媽,而且始終寄人籬下。所以如果我係你,我就比少少家用佢,飯就等佢煮,仲好過你自己落手落腳,又請又剩;另外,我同老公結婚嗰陣,原本選擇細搞,原先大家都贊成,後來99要求越來越多,成件事就變得越嚟越正式,完全係變咗傳統結婚接新娘行大運擺埋酒,擺酒淨係我同我老公一齊儲,但係最後除咗啲金器所有親戚畀嘅禮金都係畀返晒99。陀BB嗰陣,因為我頭三個月都見紅,只可以臥床,但佢就覺得我成日瞓係間房唔健康,成日都好想我出去行下,我明白佢嘅好意,但問題係已經同佢講左醫生嘅吩咐係叫我瞓床,咁好啦,如是者過咗三個月,亦冇再見紅,但由於身體唔好所以陀BB嗰陣成日頭暈而且嘔得好犀利,但係由於佢成日都想我出去散下步,而我又唔想見到佢,所以我都成日出門口,落樓下商場坐下食埋飯先返上去,試過等緊外賣嘅時候差啲暈咗。都係果句,由於身體唔好,又成日失眠,大多數我都係夜晚四點鐘打後先瞓得着,第朝好似自然就好晏起身,99就覺得我懶(我陀bb戈陣冇番工),然後我又再強迫自己原本凌晨四點瞓12點幾一點起身,然後迫自己10點幾11點起身,到最後無論幾點瞓我都八點幾起身。到懷孕中後期,因為BB有入盆跡象,擔心會早產,醫生叫我多啲休息,99就話成日瞓得多都唔係咁好,我就預佢所願日日都中午出去食飯當散步,終於我個女早產左,而佢就覺得係因為我成日夜瞓搞到BB早產;到最後喺醫院生嗰陣,醫院幫我打電話俾家屬,我生完出嚟見唔到我老公,問99老公係邊佢話係屋企瞓緊覺冇叫醒佢,因為佢琴晚好夜瞓...其實我嗰一刻真係好想喊。好多野同99住好唔開心,而且我冇同老公講,因為佢好孝順,對我都唔差,我唔想成日喺佢面前講佢阿媽啲乜嘢,令到佢夾係中間,因為有時就算我講咗佢都唔會反映番比佢阿媽聽。到而家我已經麻木,兩個人唔想有磨擦可以做嘅只可以係忍,唯一唔可以忍嘅就係佢對我女做啲咩我不能忍受,試過我個女啱啱出世因為奶粉問題有便秘同埋肛裂,我想轉奶粉佢唔俾我轉,都轉左奶粉啲便便正常番佢就話咁樣係唔靚,好似肚屙咁,呢啲時候我就一定會同佢抗衡。我相信係佢心目中我有好多野佢都覺得我做得唔好,同樣地我都覺得佢係我心目中都唔會係一個好好嘅99。

註冊日期: 2009之前

發表於 2018-6-22 15:56 | 顯示全部樓層
我就咁睇你成篇文都唔覺得你99好衰、你有少少係庸人自擾。
你地諗住結婚、咁做左budget plan未? 你知唔知要洗幾錢先?就算擺唔擺酒、其實係唔會洗多好多錢、除非你99要你擺4季喇。其實結婚點解一定要屋企人比錢?你話以前你男友老公有幫手還錢、錢係一家人時幫手還、係佢地家事、你既身分無得話抵唔抵、佢最後拎幾錢比你男友你都無得say。佢有錢唔一定要比你洗咁。講到佢媽欠你男友好多、你又好唔抵咁⋯

另請食飯真係得啖笑,如果你係介意洗錢請食飯你以後都唔好開心話請人。老實說講、講得請便係想人開心、你介意錢就唔好講請人喇。
你諗下、有朋友話多謝你請你食飯、但帶你去M記、你都覺得話請又話小氣。

最後係最搞笑既樓,夠錢買樓、唔夠又唔想租得一個方法就係住寄人籬下。又唔想付出又想舒服???? 得啖笑。

其實你未ready結婚未Ready同人做屋企人、你唔好結喇不如。一家人就唔會好似你而家咁計黎計去、日日計事事計、結唔結婚都唔會開心。

註冊日期: 2017-3-20

發表於 2018-6-22 16:07 | 顯示全部樓層
しずく 發表於 2018-6-22 15:21
奶奶同新抱永遠都扯唔埋,我都好想同你分享下我嘅故事:我都同99住,我哋一家人飲茶無論邊個請都係唔會講多 ...

睇完我好佩服你,我好難想象現今這社會仲有咁多女人可以為左愛情過住d咁委屈自己每天都需要忍耐的生活。雖然明白另一半的父母同自己相處好不好,很多時是看緣分和運氣,但好實說如果對方父母是好似你的6299,又或者像樓主的男友媽媽咁,我真的會寧願一世唔結婚或直接同對方分手。因為我想不到任何原因要令自己婚後過得比單身時更不開心不自在。對於做到的人我很佩服,但我一定不會做這樣的選擇

註冊日期: 2017-4-1

發表於 2018-6-22 16:07 | 顯示全部樓層
其實我覺得係你計較多d囉
就算扣返還錢 都拎成30萬比你地結婚啦 重想點? 你兩個自己加埋都係儲得35萬
係咁叻就米問屋企人拎錢結婚買樓啦

至於買餸煮飯 咁一家人住 梗係一次過煮 連煮兩個餸都唔願意 小家果個會唔會係你呀

出街食飯 咁人地本身慳錢開 咁唔想食咁貴有咩問題 唔係個個都鐘意出街食咁貴
咁你講到你請 咁米由你叫囉 想大方個心又唔夠大方

一家人食飯點會講多謝 你當人外人定人地當你外人呀

重有 香港就係多你地依d人   有兩層樓係手 又有有一百幾十萬現金 重要佔兩間公屋

你地已經好L過好多人
重咁L多要求
您需要登錄後才可以回帖 登錄 | 註冊

News
Feature
Blog
Load more
 
NOTIFICATION