{ FORUM - LOVE }
Search
Title / Tags Author

查看: 2211|回覆: 36

del

[複製鏈接]

註冊日期: 2014-9-17

發表於 2018-8-11 17:31 | 顯示全部樓層 |閱讀模式
本帖最後由 whywhyufo 於 2018-8-12 18:10 編輯

del post
回覆
+ Favorite

舉報

註冊日期: 2015-8-22

發表於 2018-8-11 18:05 | 顯示全部樓層
咪再搵佢?即係已被分手

註冊日期: 2014-9-17

 樓主| 發表於 2018-8-11 18:16 | 顯示全部樓層
我都唔知,因為佢一發脾氣就會講呢d說話,隔幾日又扮無嘢搵返我

註冊日期: 2014-9-17

 樓主| 發表於 2018-8-11 18:16 | 顯示全部樓層
本帖最後由 whywhyufo 於 2018-8-11 18:20 編輯

del 重覆左留言

註冊日期: 2014-10-22

發表於 2018-8-11 18:46 來自手機 | 顯示全部樓層
本帖最後由 kit C 於 2018-8-11 18:54 編輯

其實你哋出街又唔係食貴嘢,有陣時仲要得嗰二三十蚊一餐,佢仲話叫你感恩? 佢好意思講得出口嘅 ?佢當咗自己係神咩?
佢應該誤會咗你意思,以為你真係問佢攞錢係貪錢。
點解你唔直接同佢講~~係邊一個口口聲聲話幫我畀呀?如果你冇出聲,我從來都唔會問你。就算你而家畀,亦都唔代表我要。不過你真係冇畀嘅心,就唔好再講囉, 男人老狗真係做得出先好講 。 點解你唔出聲反話番佢,而家變相佢覺得你貪住佢啲錢 。呢個男人要嚟都唔使恨, 睇中醫幾百蚊,佢話幫你出?幾百蚊就試到佢個人格。
如果你真係一世跟住佢,你千祈唔好再病,佢叫你賣身还債添呀。阿妹唔係話教精你 ,個男人有心同你一齊,真係愛惜你嘅話 ,畀錢嗰一刻唔好話叫你感恩,根本上個男人會自動自覺畀 ,因為佢已經當咗你係自己嘅一部分。 當然女人都唔係老馮一定要接受,人哋出雞你咪出豉油囉,都畀番幾餐。
但好過你條仔囉,幾廿蚊嘈嘈閉。 最搞笑自己吹水話畀中醫幾百蚊 ,冇俾你不特止,仲要而家反鬧返你轉頭? 佢鬧咩啫?佢有畀咩?佢俾條毛呀? 你真係好忍得。

註冊日期: 2014-10-22

發表於 2018-8-11 18:50 來自手機 | 顯示全部樓層
whywhyufo 發表於 2018-8-11 18:16
我都唔知,因為佢一發脾氣就會講呢d說話,隔幾日又扮無嘢搵返我

儲錢為將來,邊個個將來先?佢連睇醫生錢幾百蚊都齋吹水唔肯畀,淨係要威又要戴頭盔, 最難得佢唔覺得自己樣衰嗰下勁。
佢連幾百蚊都唔捨得畀,我唔覺得佢將來會有你份囉。一個男人 ,食飯睇醫生嘅錢都要喺度數,仲要你感恩?你叫佢食屎啦。
次次發脾氣都叫你唔好搵佢,之後嗰幾日有扮冇嘢,你都頂得佢順,你都犀利 。
正常講,呢個男人真係執到都喊三聲。 但係如果你真係犯賤,又要畀佢鬧,又要畀佢食,仲要畀佢數,咁都冇辦法。

註冊日期: 2014-9-17

 樓主| 發表於 2018-8-11 19:13 | 顯示全部樓層
其實我都覺得自己好傻,但又唔捨得,佢成日話幫你俾呢樣俾個樣,其實係吹水。我真心覺得唔係錢,係承諾,同我病個度,真係有心幫我俾嘅話,唔會下下要提佢。我宜家都有d心淡。我之前未讀書,返工d錢都夠,全部咩都自己俾,本身aa,但因為佢人工高我好多,食飯佢話出三分二,我三分一,但之後食飯其實aa多,佢冇守佢承諾,同佢講返,又嘈一輪。我都好憎咁,如果真係唔想洗錢係我度,唔好成日扮話俾呢樣俾個樣。

註冊日期: 2014-9-17

 樓主| 發表於 2018-8-11 19:15 | 顯示全部樓層
同我有解釋唔係錢嘅問題,係承諾,但佢狂話咁唔記得呀嘛,之後話我態度差,問佢攞錢都唔感恩。但我就唔想乞佢咁,我宜家寧願餐餐aa同唔用佢一蚊。

註冊日期: 2017-8-23

發表於 2018-8-11 19:49 | 顯示全部樓層
我吾會同呢種男人一齊
講過幾次都話吾記得,提早老人痴呆?
根本信口開河,講天下無敵,做就無能為力!

註冊日期: 2017-9-20

發表於 2018-8-11 20:15 來自手機 | 顯示全部樓層
你叫佢收皮啦~自己女人生活得咁辛苦,食個廿幾蚊都要佢3分2你3分1。。。係錫你既男人,唔使你出聲都自動照顧你啦!

註冊日期: 2017-4-17

發表於 2018-8-11 20:28 | 顯示全部樓層
咪搞笑啦,一句講晒,個男人又自私,又要攞面子,甘顯得更加小家。
佢草既錢係草係你戶口咩,連依家都唔肯為你洗錢,總好意思講將來??講得遠啲啊,到時結婚有小朋友,甘點??
馬上要返工啊你,尿片奶粉都要一人一半啊,水電煤又一人一半,洗唔洗計返廁紙,我用左6卷,佢用左3卷。
寧願單身都爽過有件甘既男人係身邊啦!

註冊日期: 2014-9-17

 樓主| 發表於 2018-8-11 20:46 | 顯示全部樓層
我男朋友話讀書同睇醫生醫病係我自己嘅決定,佢話有咩理由我嘅決定要佢幫手負擔。我都有擔心如果真係同佢結婚,我有咩病要用錢嘅話,佢會話個病係你自己,你自己負擔返醫藥費。同埋我好耐之前都有同佢講問聯名户口一齊儲錢,佢好強烈反對,重有嘈交。

註冊日期: 2015-1-12

發表於 2018-8-11 20:49 | 顯示全部樓層
早走早著,係錫你既會關心你身體而唔係一味同你講錢

註冊日期: 2014-10-22

發表於 2018-8-11 20:56 來自手機 | 顯示全部樓層
自愛,自然有人愛 發表於 2018-8-11 20:28
咪搞笑啦,一句講晒,個男人又自私,又要攞面子,甘顯得更加小家。
佢草既錢係草係你戶口咩,連依家都唔肯 ...

錯喇.
生咗仔奶粉紙尿片唔係一人畀一半,佢會同個女人講~你買啦,我會畀錢㗎啦.但係當個女人問佢攞錢,佢就會話~我唔記得咋嘛,你使唔使咁樣呀?態度咁差?成日問我攞錢攞錢......
根本呢個男人正cheap精,
淨係得吹,冇行動.
我唔係佢條女,如果唔係我實除佢條褲,睇真D佢究竟係咪男人?

註冊日期: 2014-10-22

發表於 2018-8-11 20:58 來自手機 | 顯示全部樓層
whywhyufo 發表於 2018-8-11 20:46
我男朋友話讀書同睇醫生醫病係我自己嘅決定,佢話有咩理由我嘅決定要佢幫手負擔。我都有擔心如果真係同佢結 ...

只要有嘢唔啱傾,個男人根本就直接用嘈交嚟解決,總之佢惡,佢大聲,佢就啱曬。
都係嗰句啦,阿妹~ 你預咗遲啲打多幾份工養埋佢啦.

註冊日期: 2014-10-22

發表於 2018-8-11 21:03 來自手機 | 顯示全部樓層
qqw2015 發表於 2018-8-11 20:49
早走早著,係錫你既會關心你身體而唔係一味同你講錢

有一輪,我病得好犀利,keep住發低燒肚痛。
試過日頭已經睇咗私家醫生,但半夜都係隱隱作痛,我老公係即刻凌晨四点換衫攞車,同我去養和再睇。
病好之後,無啦啦喺屋企冰箱發現成廿包嘅滴雞精。我老公話見到上網介紹話對女人好,佢亦都上網睇咗好多評價,所以買咗畀我,叫我得閒飲。
嗰一刻,真係覺得自己好好彩。 可以遇上佢,已經係我最大嘅運氣, 起碼自己有咩頭暈身㷫,隔離都仲有個膊頭扶住我。

註冊日期: 2017-11-6

發表於 2018-8-11 22:15 | 顯示全部樓層
我自己就覺得讀書同埋睇醫生自己負擔返都正常嘅,但佢開到口話幫你比,最後又唔比,呢樣野真係好賴皮,同埋連食都要咁樣又三分二又三份一,我覺得一係就你畀晒,一係AA,男人老狗咁樣核唔核突啲?雖然我老公都唔係啲乜嘢溫柔體貼嘅男人,知起碼佢都叫捨得洗係我身上,拍拖嗰陣食平嘢一般次次都係佢比,間中我摷銀包摷得快啲直接我俾,到到出糧嘅日子每人都會請對方食一餐好嘅,有時去超級市場買零食或者宵夜呢啲都係佢比,到到拍拖後期一直知道而家結咗婚生咗BB我幾乎都冇乜點出錢,陀BB嗰陣我冇做嘢因為身體唔好,我冇收入,佢喺度嘅時候乜都幫我比晒,仲同我講如果冇錢用就問佢攞(不過一般我都好少問,因為我自己有少少儲蓄)果段日子佢仲要搵得唔多。其實我覺得錢緊呢樣野可能每個人價值觀都唔一樣,至起碼大家有共識就可以,講好咗經濟獨立aa我都覺得冇所謂大家開心,又或者間唔中你比間唔中我地都唔係啲咩問題,最重要嘅問題係,你男朋友冇乜氣度,有啲男人係會比較着重錢財,或者守財奴,但係講左又唔認嗰下先至難頂,至於佢話儲錢都係為咗將來,但又唔肯同你做聯名戶口,咁真係到佢儲到錢係用嚟同你結婚先算,當初我同我老公拍拖年幾佢就主動提出開聯名戶口一齊儲錢結婚,真係想同你過人世又點會介意開返個戶口儲錢,反正啲錢都係將來大家一齊用係有用嘅地方上,佢唔同你開聯名戶口可能佢自己都驚同你分開咗又要分番佢一份

註冊日期: 2017-7-8

發表於 2018-8-11 23:10 來自手機 | 顯示全部樓層
whywhyufo 發表於 2018-8-11 20:46
我男朋友話讀書同睇醫生醫病係我自己嘅決定,佢話有咩理由我嘅決定要佢幫手負擔。我都有擔心如果真係同佢結婚,我有咩病要用錢嘅話,佢會話個病係你自己,你自己負擔返醫藥費。同埋我好耐之前都有同佢講問聯名户口一齊儲錢,佢好強烈反對,重有嘈交。

佢真係好Q賤囉!讀書就話係你自己决定姐,但有病睇醫生都話自己决定,唔通有病唔睇醫生呀!邊個會想病呀,佢連你病睇醫生都怪你,咁衰嘅男人你仲要???

註冊日期: 2018-6-6

發表於 2018-8-11 23:29 來自手機 | 顯示全部樓層
一句講晒佢唔愛你,佢愛自己,搵你唔好再睬佢啦

註冊日期: 2018-8-1

發表於 2018-8-11 23:30 | 顯示全部樓層
小妹同一個相識左10年ge男frd前排傾開, 我地忽發奇想諗到一個活動比巴絲們結識異性
呢個活動由一對情侶(包括我)去舉辦同hold game
參加者5男5女一團
唔似傳統sd咁大陣象, 想漁翁散網既話, 按返回
我地會hold唔同既games比你地玩
d games都係參考過唔同地方再諗出黎
促進互相了解,唔意淫
而且應該唔會覺得係低能icebreak無聊boardgame
此仍正常男女配對活動,俾一般人結識異性,謝絶狗公娘娘男神女神,當然外表都唔好嚇親人,所以歡迎係普通人既大家參加
第一次諗住開一團先
不過短期內都會再開
想快d出黎玩既報名者優先
報名後我地會盡快聯絡你
有興趣就填下面googleform:
https://docs.google.com/forms/d/ ... TTJktsjstQ/viewform
您需要登錄後才可以回帖 登錄 | 註冊

News
Feature
Blog
Load more
 
NOTIFICATION