{ FORUM - LOVE }
Search
Title / Tags Author

查看: 59665|回覆: 26

網上識仔一言難盡

[複製鏈接]

註冊日期: 2015-8-2

發表於 2018-9-5 20:28 | 顯示全部樓層 |閱讀模式
自上個月開始玩交友app,至今都係覆過兩個男仔機,想分享下自己經歷。

首先 第一個傾左一個星期就出黎見左面,本身都知佢份人好悶,wts都冇咩話題,但都有約出去睇戲食飯行街,個日出到去先買戲飛,一個人45蚊張,佢自己俾左張100人收錢,轉過頭,戲院都未出 佢就同我講自己一向吾請人睇戲,我初初聽到都冇反應 然後我就問佢 你係米想我俾翻錢你? 佢就話 你俾翻我實收架
不過好啦,我以為佢講笑 我係冇翻佢嘅
然後我去七仔買野飲,排隊個時,佢就俾左支野飲我俾錢,ok 冇所謂 ,到左夜晚食爭鮮,我食5碟 佢食11碟 ,走人個時 佢俾左張100我去找數,合共就150,好似計好曬數咁 我出50又真係岩岩好喎。。。。的確岩岩識,吾熟,AA係正常嘅。。但食完行街啦,佢就一邊講啲野貴 又話淘寶買可以用呢個價買到好多野啦,我明白係事實。。到左佢睇波鞋 ,佢仲問我要送邊對俾佢。。我個時以為佢講笑。。諗深一層。。佢可能係想我養埋佢囉。。。。。 個日完左,佢仲有揾我,但我一講話佢都吾會再揾我出去,就即刻冇下文。。。證明佢係連錢都吾想洗就想呃蝦條囉

到左第二次識嘅,我地未見過面,經歷過上次嘅事,我都吾想咁快見面啦,點知傾左三四日啫,個人就開始扮高逗,現曬形。。。本身都知係呃蝦條,估吾到仲要咁吾爭氣,同我講 自己份人求左幾次都冇得到嘅 就吾會再追落去。。。。。。。。 實際上 佢都係叫過我出去一兩次啫,冇理由傾三四日就同人出去呱?
佢見我冇應承就即刻吾再浪費時間係我到 廢事嘥時間。。 依家睇都吾會再揾我添。。

吾知有冇sis有其他經歷呢 不如分享下????


回覆
+ Favorite

舉報

註冊日期: 2016-11-21

發表於 2018-9-5 21:00 來自手機 | 顯示全部樓層
其實傾一個星期同傾3,4日有咩分別?你覺得一星期同3,4日係多好多咩?我同d網友,識咗一年以上先會見面!

註冊日期: 2017-6-28

發表於 2018-9-5 21:09 | 顯示全部樓層
網上d 仔正常都係想呃蝦條多????樓主小心d 啦。再唔係就sale 多,我之前都有玩過,之後覺得浪費時間又辛苦。再沒有玩啦

註冊日期: 2015-8-2

 樓主| 發表於 2018-9-5 21:10 | 顯示全部樓層
ccc01 發表於 2018-9-5 09:00
其實傾一個星期同傾3,4日有咩分別?你覺得一星期同3,4日係多好多咩?我同d網友,識咗一年以上先會見面!

反正我就冇你好彩,有同你肯傾一年先出黎見嘅網友,我意思係實際上傾一星期就見都快啦 更何況係三四日就要見 對我黎講係冇可能嘅事。。。

註冊日期: 2017-8-23

發表於 2018-9-5 21:31 | 顯示全部樓層
網上識人 多多怪事都遇過 要寫既 長過你個篇二十倍可能都寫吾晒
我又吾係用左好耐 頭三個月用得密 後來斷斷續續
有遇過只不過係加左電話,傾兩句姐 就話鐘意我,想我做佢女朋友,仲話想試下,用一個月時間,要好似男女朋友咁對待對方,如果一個月後仍然適合就一齊喎
==
仲有一個,約我見面佢遲到,但WhatsApp 仲話”can’t wait to see u” 食飯傾計知佢做偵探(多數查人有無呃保險)問佢點解做呢行,佢話因爲吾鐘意人呃錢。可能加上見面之後佢覺得吾岩佢啦,結果個餐係AA,之後第二次約我,WhatsApp 話請食餐,又無左件事
識人真係要好有智慧!
千挑萬選,網上識到我依家男朋友!佢當時兩三日就約見面,我覺得太快 ,傾左一星期見面

註冊日期: 2017-11-20

發表於 2018-9-5 21:38 來自手機 | 顯示全部樓層
咩叫「結果個餐係AA」?
妳好似好噩然咁

註冊日期: 2014-10-17

發表於 2018-9-5 21:42 來自手機 | 顯示全部樓層
網上咩怪人都有,小心d好

註冊日期: 2018-4-13

發表於 2018-9-6 00:36 | 顯示全部樓層
我同我現仼男朋友前年係S字交友app識,但當時我地大家都有拍拖,所以傾左幾日就斷左聯絡。直到今年突然佢揾我傾下計。。日日傾電話10幾個鐘好痴線。。之後約出黎見完。。個種唔捨得同之後我返兼職定上堂都心不在焉。。我好掛住佢,我一句想見佢,佢都甩哂朋友底沖出黎見我。。可能一見鍾情??總之個感覺太強烈,我同佢從未試過。。。
不過始終一齊得太快,初時都會需要磨合,有唔開心有喊。。因為冇安全感。始終係app識。。

BTW一齊5個月only

註冊日期: 2015-4-9

發表於 2018-9-6 01:07 | 顯示全部樓層
夠膽死帶女去食爭鮮!?
仆你個街你起碼都元氣壽司啦~~


睇黎樓主所見的都係珍禽異獸......

註冊日期: 2018-3-12

發表於 2018-9-6 07:47 | 顯示全部樓層
我覺得條友係吾識同人溝通同驚你貪佢錢多???? 不過係要傾傾傾傾到連自己講第一句都個對方正吾正常先 敢就避免呢d敢既約會

註冊日期: 2016-11-21

發表於 2018-9-6 08:20 來自手機 | 顯示全部樓層
SakuraB 發表於 2018-9-5 21:10
引用:

ccc01 發表於 2018-9-5 09:00
其實傾一個星期同傾3,4日有咩分別?你覺得一星期同3,4日係多好多咩?我同d網友,識咗一年以上先會見面!


反正我就冇你好彩,有同你肯傾一年先出黎見嘅網友,我意思係實際上傾一星期就見都快啦 更何況係三四日就要見 對我黎講係冇可能嘅事。。。

其實我同老公都網上識,但唔係交友apps,亦同之前識嘅男網友見過面,亦唔係交友apps打機apps識,但冇識到一年以上我都唔會見,當然識咗一年以上都可以係呃蝦條,但機會會細少少!

註冊日期: 2016-10-5

發表於 2018-9-6 12:06 | 顯示全部樓層
我同網友識一年以上先會見面 x2

註冊日期: 2016-3-7

發表於 2018-9-6 12:10 | 顯示全部樓層
點解樓主會認定這兩個係呃蝦條? 如果認定, 又肯同第一個出街? 想派蝦條?

註冊日期: 2017-11-15

發表於 2018-9-6 15:12 | 顯示全部樓層
我以前都有玩交友apps,遇過美容騙徒,又遇過叫你報課程,又還過借錢唔還,又遇過外國工程司,不過無滙錢出去,最後還到我老公,拍拖一個月我地就話要結婚,後來仲有咗bb添,而家都結婚咗幾個月,bb都快出世喇,我覺得自己好好睬????????????

註冊日期: 2018-9-5

發表於 2018-9-6 17:54 | 顯示全部樓層
之前都係Apps識左個男仔,未見前係咁話自己點白手興家又揸BMW又咁又咁,第一次見就帶我去Food court 食,仲叫我買野先,言下之意係要我自己俾錢自己拎野食,自己其實唔介意AA,見過幾個男仔出街第一餐都係AA制,但咁無風度都係第一次......

註冊日期: 2018-9-6

發表於 2018-9-6 19:57 來自手機 | 顯示全部樓層
我同以家男朋友都係 app識,我地仲要好快就見,原因我地返工都係附近,我既心態真係當識個朋友,出到黎個感覺又唔錯喎, 可以傾到計 之後出左幾次街就一齊,以家已經拍左拖差不多3年啦,感情仲仍然幾好,到一直相處先知原來我地有共同識既人,可能係緣份掛,所以當緣份黎既時候,係 app都會識到對既人.當然我都有遇到好差既男仔,你簡人,人簡你

註冊日期: 2014-8-19

發表於 2018-9-7 02:31 | 顯示全部樓層
我同我老公都係網上識,十二年前,果時未有交友app,我地係yahoo友緣人識,當我老公前我都有識過幾個男人,有d只係傾下計,有幾個出過嚟睇戲食飯,我當時既心態係當識朋友,我冇諗住佔佢便宜,唔介意佢請唔請我,但自己都會小心,都試過遇到九唔搭八既男仔,有溝通唔到既,有好扮野唔岩傾既,我諗無論現實定網上都有好人有壞人,做女人要知自己想要乜,底線係乜,網上好app好都係一個渠道去識人,點㨂就要靠自己!

註冊日期: 2015-8-2

 樓主| 發表於 2018-9-7 09:06 | 顯示全部樓層
Haha 出黎見吾代表想派蝦條嘅 有時好奇心係好大嘅誘因架  所以依家都係睇定啲先 米當同人吹下水咁

註冊日期: 2016-7-12

發表於 2018-9-7 10:19 | 顯示全部樓層
上網識人,更衰嘅我都遇過,明明早上先約好時間地點,同日下午依時赴約佢可以no show,msg佢先話忘記咗,依家同朋友响附近食緊嘢,叫我過去,我梗係唔睬佢啦,呢個唔得咪下個囉。

不過我最後都响網上識到現任男朋友,所以最緊要識保護自己,用下個腦就唔會畀人呃,畀D耐性時間心機,係會搵到啱的。

註冊日期: 2009之前

發表於 2018-9-8 02:03 來自手機 | 顯示全部樓層
做女仔真係要帶眼識人
揀男友就真係更加要審慎小心
您需要登錄後才可以回帖 登錄 | 註冊

News
Feature
Blog
Load more
 
NOTIFICATION