{ FORUM - LOVE }
Search
Title / Tags Author

查看: 4361|回覆: 30

佢其實係咪無打算同我有將來? (no fb pls)

[複製鏈接]

註冊日期: 2015-8-31

發表於 2018-10-25 00:10 | 顯示全部樓層 |閱讀模式
同現任男友一齊一年,他三十頭,而我29。大家呢一年相處大致不錯,中間有試過吵架,但都會好快無事。大家每日都會有msg , 傾下電話,放假一齊有活動。
佢有物業岀租,經濟良好。我亦有穩定職業。
相方都已見過家長,他亦經常想我岀席他跟朋友聚會同上佢屋企食飯。同佢家人朋關係不錯。

但係我有試過同佢討論下將來及結婚問題,佢總係不想多談,話要再相處一下睇下適唔適合,佢話再講都無咩結果咁樣佢會好大壓力。
我明白結婚唔係講玩,所以先想討論一下大家想法,至少有個大概計劃。
但聽到佢咁講我個心好唔舒服,佢係咪只係想拍下拖,唔想定落黎?我年紀都唔細,我係咪應該定一個期限俾自己,如果佢再無心談論將來我就放手。

我唔係要逼佢立即就同我結婚,我只係想揾個令佢無咁大壓力嘅溝通方法去講呢件事。
回覆
+ Favorite

舉報

註冊日期: 2018-10-24

發表於 2018-10-25 00:21 來自手機 | 顯示全部樓層
佢可能只係想再睇定d
你都識講結婚唔係講玩
真係要諗得好清楚
可能佢想睇真d係咪真係適合呢

註冊日期: 2017-8-23

發表於 2018-10-25 00:28 | 顯示全部樓層
先相處一年 唔需要太心急啦

註冊日期: 2016-1-13

發表於 2018-10-25 00:30 來自手機 | 顯示全部樓層
通常如果係想結婚,以佢的條件同年齡,應該都已經諗左,如果佢無咩野擔憂的話,我覺得佢應該仲諗緊係唔係妳羅,同其實你都要做心理準備,因為你已經迫左佢,佢都仲甘樣,有機會佢心中想要結婚的對象可能☹未必係妳,不過有時可以再睇多一點的,都無絕對的,可以睇多平年,如果佢都未有諗法,我覺得就唔好浪費時間啦!

註冊日期: 2016-7-12

發表於 2018-10-25 00:49 | 顯示全部樓層
一年時間又真係唔算好長,但如果你真係咁恨嫁,都只能試下從佢父母方面,同是否想要小朋友呢兩方面著手。

試下探聽睇下佢父母有冇催婚,男方又有冇生小朋友的想法呢?如果兩樣都冇,咁佢都好大機會係唔會同你結婚,咁你就諗下唔結婚自己接唔接受到,接受唔到就只好趁早斬纜。

註冊日期: 2015-8-31

 樓主| 發表於 2018-10-25 01:09 | 顯示全部樓層
好多謝大家意見。

其實我心入面同Doris 1984諗法相近。但如果佢覺得對象唔係我,我情願佢直接同我講清楚。

佢有時會話,佢係好認真同我一齊亦自問對我好好。但覺得我成日會發脾氣。

可能我要再好好控制一下我情緒同相處多一排。如果佢都係迴避呢個問題我就放手了...但其實拍左一年就講結婚係咪我迫得太緊呢?

一想到將來或要分開心就酸了

註冊日期: 2018-10-24

發表於 2018-10-25 01:16 來自手機 | 顯示全部樓層
mandysiu 發表於 2018-10-25 01:09
好多謝大家意見。

其實我心入面同Doris 1984諗法相近。但如果佢覺得對象唔係我,我情願佢直接同我講清楚。 ...

我26 如果拍左一年就話結婚
對我來說係有壓力
但如果佢30你29咁應該係正常吧
都係果句 佢可能想睇定d
做好自己 可能係最有效既方法
加油

註冊日期: 2016-7-12

發表於 2018-10-25 01:20 | 顯示全部樓層
佢有時會話,佢係好認真同我一齊亦自問對我好好。但覺得我成日會發脾氣。

可能我要再好好控制一下我情緒同相處多一排。如果佢都係迴避呢個問題我就放手了...但其實拍左一年就講結婚係咪我迫得太緊呢?


成日發脾氣真係一個好大的問題,佢可能真係因為呢個原因而唔想同你結婚,佢講到出口嫌你成日發脾氣,你真係要改了。

註冊日期: 2014-10-22

發表於 2018-10-25 01:27 來自手機 | 顯示全部樓層
其實一年嘅時間,真係唔長 。
你哋又唔係同居,唔係朝夕相對,一年嘅時間你就要人哋立刻承諾結婚?冇乜可能 。
同埋,要睇你男朋友嘅性格,如果佢係慢熱嘅,分分鐘係要等幾年。
結婚係個剎那嘅衝動 ,我唔敢講佢唔愛你,不過並唔係非你不可羅。
如果個男人真係好愛你, 就算只係識咗你三個月,佢都恨不得用任何方法綁住你喺身邊 。
如果你已經做曬暗示,佢亦好坦白同你講要再諗諗, 你並唔係佢心目中嘅理想對象。
29歲,你已經冇青春可以浪費。你自己都諗下,其實你究竟係鍾意佢個人?定係鍾意佢個條件?
而家喺個世界唔會話仲有逼婚或者一定要奉子成婚。
如果你都唔係非佢不可嘅話,倒不如你進行~冷處理,退一步。
個男人係爱你,而你進行咗呢個行為,佢就會明顯感覺到自己地位或大家關係有危險 。佢緊張你自然會做主動 ,相反佢唔搵你,你就知咩事啦。

註冊日期: 2015-8-31

 樓主| 發表於 2018-10-25 02:02 | 顯示全部樓層
我知我自己係呢段感情上面仲不足,我會先做好自己再諗清楚去向。

可能我係一個比較執著嘅人,好多時會因為一啲事鑽牛角尖,反而男人對好多事無咁睇重同敏感,變左多爭執。我好羨慕一啲睇得開同樂觀嘅女仔,佢地性格可以令自己或另一半無咁大壓力。(愈講愈遠添)

其實佢真係一個好慢熱嘅人,冷處理呢個建議幾好,不過我唔係好適拿攝,怕弄巧反拙????

多謝大家咁認真嘅意見,雖然呢件事令我悶悶不樂,但得到大家回覆我都好開心左。

註冊日期: 2014-10-22

發表於 2018-10-25 03:53 來自手機 | 顯示全部樓層
mandysiu 發表於 2018-10-25 02:02
我知我自己係呢段感情上面仲不足,我會先做好自己再諗清楚去向。

可能我係一個比較執著嘅人,好多時會因為 ...

簡單一句~兩個人一齊求咩?求開心姐。
如果你成日小事化大,同你相處的人一定好辛苦。香港已經係壓力好大的地方,仲要你雞毛蒜皮都多多聲氣,堅難頂。
你唔好美化自己咩有原則,堅持? 成日畀人post,發癲嗰啲港女,都係講到自己幾有原則 ,但係咪又係潑婦。
你咁樣,就算女人對住你都辛苦。
你身邊啲朋友 ,真係頂到你順嗎?
明白個男人点解唔同你結婚 。
如果一個冇經濟壓力男人都頂你唔順。我諗你喺香港,好難搵到一個人頂得你順, 條件又咁好嘅男人。

註冊日期: 2018-9-6

發表於 2018-10-25 09:56 | 顯示全部樓層
我同老公一齊咗半年左右佢就帶我見家長,一年多點就向我求婚,可能好多人不認同我講法,我之前那契家佬同我講,佢同老婆一齊半年左右就已經覺得老婆是對的人,除非你哋見面相處時間不多,但如果經常見面很多相處時間的話,這個人到底適唔適合自己就好快有答案,我脾氣都很臭,老公都會話頂我唔順,但佢話因爲愛我,所以樂意去包容,會將我其他優點放大去補償這些缺點,因佢知道人無完美
每人的要求不同,有些人要求對方符合自己條件才考慮結婚,但有些人單純出於愛而結婚,不適合就是不適合,就算給你三五七年都不會改變
結婚沒有適合不適合,只有想與不想,如一個人真心想跟你結婚,只要個男人想同你結婚,縱使現在沒有能力,但佢會承諾並用行動去證明,如佢不想跟你結婚,佢會去逃避討論呢個問題,並會覺得這個話題是一個壓力,但當然不排除有些渣男會為咗呃蝦條信口雌黃話會同你結婚,所以樓主應該細心觀察一下你男友,看佢日常相處到底是不想跟你結婚還是只係暫時安於現狀而不想結婚

註冊日期: 2016-7-2

發表於 2018-10-25 10:32 | 顯示全部樓層
一齊左一年其實真係唔係好夠去看清楚一個人,我同我老公拍左半年先至開始真正有真性情出現(我地都係慢熱),結婚都係突然間今年話差唔多就突然間結左(差不多拍左三年),大家又冇話D咩壓力,趕生仔,(我仲大你幾年),所以如果你講到佢其實除左未比承諾你之外,都對你好好,又冇第二個,何必去逼佢呢?不如趁而家有時間,好好改下自己的脾氣,過多一年半載男人就會開始觀察,觀察到你已經成為佢想要的那個人的時候,就自然會求婚,記住,係佢想你嫁,你先考慮嫁唔嫁,唔係逼婚。決定權係你手上,係另到佢覺得非娶你不可,而唔係遷就一下就選你做老婆。

註冊日期: 2016-10-29

發表於 2018-10-25 10:36 | 顯示全部樓層
令自己成為佢非娶不可既人吧!
如果你平時都咦咦哦哦、怨、呻、嬲,無人想未來5-60年都對住呢個人。愛可以包容?包包下都會消磨晒耐性。令自己成為一個可愛的女人吧。

註冊日期: 2018-10-17

發表於 2018-10-25 11:04 來自手機 | 顯示全部樓層
掉轉諗,呢1年你其實被幸福圍繞. 你咪當結婚前預習,練習做個婚前實習新娘囉:)

好的係會影響好的

註冊日期: 2018-8-3

發表於 2018-10-25 12:35 | 顯示全部樓層
"他亦經常想我岀席他跟朋友聚會同上佢屋企食飯。同佢家人朋關係不錯。"
如果係咁都已經唔錯, 雖然呢D 年紀一般好快就會談婚論嫁.
但一年既話, 可以再比多少少時間佢啦

註冊日期: 2015-8-31

 樓主| 發表於 2018-10-25 14:01 | 顯示全部樓層
明白 我會改善一下我態度同情緒管理。
其實我同到佢一齊都幸運,我以前男朋友從不公開我倆關係,亦講明唔會同我有將來。所以我到宜家都有少少暗影。

咁大家覺得係咪我唔應該再提,第佢自然想講先再講?

註冊日期: 2018-3-12

發表於 2018-10-25 14:24 | 顯示全部樓層
其實不如你自問一下 對方係咪你既mr right? 呢個年紀會急係正常既 但最重要係你真係想嫁俾佢而吾係淨係想快d嫁
男方明顯係未確定你係ms right 樓主倒不如跳番出黎 以對方開不開心為太前提去相處 會發現好多執著但不關乎性命道德既野都可以放得開
佢發現大家真係夾到一世 自自然然就會提

註冊日期: 2017-11-6

發表於 2018-10-25 14:51 | 顯示全部樓層
其實我覺得年齡唔係迫自己或人地去結婚嘅重要因素,至緊要係大家夾,你唔夾就算佢肯結,到最後都會離,到時你情願背住失婚女人定單身女人呢個頭函好啲,你男友想睇定啲先係冇錯嘅,你亦唔應該覺得自己29歲冇時間,青春係有限但唔代表唔精彩,活得自信夠charm脾氣又好自然不乏追求者,亦唔怕自己年紀越大怕冇人要而迫婚

註冊日期: 2018-10-17

發表於 2018-10-25 15:13 來自手機 | 顯示全部樓層
mandysiu 發表於 2018-10-25 14:1
明白 我會改善一下我態度同情緒管理。
其實我同到佢一齊都幸運,我以前男朋友從不公開我倆關係,亦講明唔會同我有將來。所以我到宜家都有少少暗影。

咁大家覺得係咪我唔應該再提,第佢自然想講先再講?

做返自己啦,你睇下應彩兒活得幾咁有自己態度。有誤會就溝通,呢年咁幸福,祝你下年更幸福。欣賞你既人自然欣賞你,唔欣賞你既人分到架嗎。佢仲同你一齊未分開就知道可能結婚要從長計議。加油,開心地拍住拖先

祝福你
您需要登錄後才可以回帖 登錄 | 註冊

News
Feature
Blog
Load more
 
NOTIFICATION