{ FORUM - LOVE }
Search
Title / Tags Author

查看: 27432|回覆: 17

不停受氣,忍氣吞聲,大家都吾想講野

[複製鏈接]

註冊日期: 2018-10-26

發表於 2018-10-26 03:42 | 顯示全部樓層 |閱讀模式
我同老公結婚8年,已經有個6歳大的小孩子,喺啲8年裏,不停嘈交,無論大小事項都可以嘈,我係一位家庭主婦,因為湊阿仔關係,沒有什麼朋友,同老公好似陌路人,講吾夠幾句大家就嘈,大家都吾想同對方講野,我老公平時都好準時放工,吾會經常出去玩,應該出面吾會有第二個女人,但係佢每次對住我都好似吾高興咁,其實佢係吾係已經吾鐘意我呢?
回覆
+ Favorite

舉報

註冊日期: 2016-7-12

發表於 2018-10-26 03:50 | 顯示全部樓層
小孩子已經6歳,返咗學之後,你都可以安排下時間,扮下靚,見下朋友,同其他家庭主婦social下。
你冇返工,經濟上完全依賴老公,仲成日同佢嘈交,真係好危險。
你有冇檢討過,為咩成日嘈交?自己有冇可改進的地方?

註冊日期: 2018-10-26

 樓主| 發表於 2018-10-26 04:02 | 顯示全部樓層
我平常都有扮下靚,但我自己吾係咁鐘意social, 所以朋友吾係好多
我都吾知為乜嘈,我教個細路佢又嘈,煮飯又嘈,講下新聞娛樂又嘈,大家意見吾同又嘈,佢好似好吾鐘意我咁,佢係咪想離婚,但又冇開聲同我講,所以返家見到我就吾高興
我之前都有諗過出番嚟做嘢,但又有啲吾放心個細路仔,吾知佢係吾係覺得我係個煮飯婆,所以就吾like?

註冊日期: 2016-7-12

發表於 2018-10-26 04:12 | 顯示全部樓層
意見唔同都唔一定要嘈,小事咪順下佢意囉。

註冊日期: 2016-7-12

發表於 2018-10-26 04:17 | 顯示全部樓層
可以的話,詳細具體地講下一次嘈交的起因經過,等大家評下係你有問題,定你老公有問題。

註冊日期: 2018-10-26

 樓主| 發表於 2018-10-26 04:35 | 顯示全部樓層
我教個仔做功課,佢又插把嘴話我唔係咁教,我同佢講咁你教啦,佢就話我做乜咁勞氣,佢俾意見我唔聽就算,我同佢講大家教嘅方法吾同,咁我咪俾你教囉,又嘈
吾知點樣開始,講吓邊度地方嘅女仔性感,我話台灣中國啲女仔著得性感,香港女仔冇咁性感,佢又話我歧視中國大陸,又話我鄙視中國,我就同佢理倫,我話純粹個人觀點,你可以唔同意我睇法,佢就係咁要我認同佢嘅睇法

註冊日期: 2016-8-25

發表於 2018-10-26 05:48 來自手機 | 顯示全部樓層
可能你長期冇工做,同社會分開太耐,所以你老公就睇你不順意,乜都覺得系你錯。既然佢鍾意台湾中國D女仔衣著,你咪又著得性感D,等你老公覺得你唔系一個C奶囉。
直覺我覺你老公在中午時份找女人都唔出奇!

註冊日期: 2016-7-12

發表於 2018-10-26 06:42 | 顯示全部樓層
new human 發表於 2018-10-26 04:35
我教個仔做功課,佢又插把嘴話我唔係咁教,我同佢講咁你教啦,佢就話我做乜咁勞氣,佢俾意見我唔聽就算,我 ...

我都感覺到你好勞氣,嗰句"咁你教啦"仲好發晦氣,我諗你要調整下同老公溝通的語氣同態度先可以改善關係。其他小事,可以的話咪順下佢意囉,嘈唻做咩?
你如果覺得我講錯,覺得完全係老公問題,自己一D都唔駛改,咁你就好去搵工了。

註冊日期: 2017-11-6

發表於 2018-10-26 09:38 | 顯示全部樓層
我覺得大家嘅問題就係,大家都唔肯讓步,你老公算好,對你咁厭都放工馬上番屋企,想當年我同老公關係比較差果陣佢成日唔想番屋企

註冊日期: 2016-10-5

發表於 2018-10-26 10:25 | 顯示全部樓層
可能你長期冇工做,同社會分開太耐

註冊日期: 2018-3-12

發表於 2018-10-26 17:00 | 顯示全部樓層
睇你個例子 又吾係真係忍氣吞聲wo..... 溝通係雙向既 大家做左咁多年夫婦 不如諗下自己同最初係咪一樣先 其實總要一方先主動改變 我相信對方都會

註冊日期: 2012-9-1

發表於 2018-10-26 22:45 | 顯示全部樓層
new human 發表於 2018-10-26 04:35
我教個仔做功課,佢又插把嘴話我唔係咁教,我同佢講咁你教啦,佢就話我做乜咁勞氣,佢俾意見我唔聽就算,我 ...

話中國啲女仔著得性感就係歧視佢哋? 咁點解又唔話你歧視台灣女仔? 直覺覺得佢可能有個人在心,而對方係大陸女人。可能你做FTM耐咗,佢覺得你開始脫節,冇接觸社會,乜都唔夠佢知得多知得清楚,你自己睇路行了,或者開始考慮下會否重返職場。

兩個人烚氣好多時是雙方日積月累的不滿,兩個人既語氣都唔好,如果未有心理準備反面,你必須克制一下自己,發揮「鈍感力」,有啲唔啱聽既嘢就當耳邊風算,或自動過濾刪減負面詞彙或語氣。或者下次佢態度仲係咁差時,平靜啲問佢究竟對你有乜不滿?

註冊日期: 2015-8-22

發表於 2018-10-27 00:23 | 顯示全部樓層
出去做野喇

註冊日期: 2018-10-2

發表於 2018-10-27 00:26 | 顯示全部樓層
有興趣想用風水物品黎改善同老公關係?想知詳情可以TG:yushop2018
保證絕不hard sales

註冊日期: 2018-7-31

發表於 2018-10-28 11:29 | 顯示全部樓層
    同佢傾下

註冊日期: 2014-10-24

發表於 2018-10-28 17:06 來自手機 | 顯示全部樓層
係fb見到你篇文就忍唔住入黎留言,你同你老公既情況同我父母一模一樣,只不過,都過左幾十年,想改都改唔到。我啊媽唔太識講野,有時無意中疾左對方,佢自己都唔知,我啊爸對佢已經冇晒感情,佢做咩我啊爸都覺得唔順眼,次次商量到最後都變左嘈。
你地嘈交,其實好直接影響小朋友,我細細個成日聽得多,大個左越來越唔鐘意同佢地相處,我覺得我性格沒長歪已經算係咁╮(╯_╰)╭ 我啊媽都一樣,整整下唔鐘意成日見到我啊爸,見唔到唔洗交流唔洗嘈,搞到屋企變左酒店咁
我覺得吧,如果唔想同你老公行行下行到變左我屋企咁既情況,建議你真係諗下做唔做主動溝通、改變那個,雖然會好辛苦好麻煩。

註冊日期: 2017-3-27

發表於 2018-10-29 13:29 來自手機 | 顯示全部樓層
YYYYU 發表於 2018-10-26 06:42
我都感覺到你好勞氣,嗰句"咁你教啦"仲好發晦氣,我諗你要調整下同老公溝通的語氣同態度先可以改善關係。 ...

非常認同,而且可能真係太耐無做野話題唔同,都建議許可情況出去做part time都好

註冊日期: 2017-10-10

發表於 2018-10-29 15:17 | 顯示全部樓層
其實佢講一句,你就出口頂,你講一句,佢又出口話錯,係大家互相頂來頂去,各不相讓,至多叫互頂,又唔覺你係忍佢氣,吞自已聲⋯

佢見你教小朋友勞氣,雖然佢可能語氣都唔好,話你唔係咁教,但你又頂一句:咁你教啦! 你做咩啫? 你係咪好想教仔教到傻,又粗脾對老公,攪到佢唔中意你啫?
唔可以好聲氣d, 聽下佢講點教,又或者同小朋友講句:爸爸話咁教你會唔明,咁不如爸爸教你下丫,睇下換個方法你會唔會明d!
之後你咪企開比老公教,你又行開做其他野,等佢睇下自已方法work 唔work lo, work 就更係好啦,唔work ge 你都比佢知其實教小朋友好勞氣⋯

你都唔係好脾氣ge人,又唔識溝通,你係咪教仔教到麻目,唔識抽身放鬆自已呀? 對個仔就可以直接叫佢咁做咁做啫,對老公唔得丫麻,當初你地拍拖時係點? 係咪句句唇槍舌劍?

所以野發生都總會有原因,你又固執⋯成篇野由一開始話老公比氣你受,樣樣都嘈交,最後就一野跳到去「其實佢係咪唔中意我,唔愛我,係咪因爲我做家務主婦佢就睇唔起我」⋯
講真,就咁睇你文字,睇唔出你兩公婆愛唔愛大家,但睇得出你地冇溝通⋯日常生活就係唇槍舌劍⋯唔好話對你地感情有影響丫,你估個細ge日日見到咁會冇影響咩?
您需要登錄後才可以回帖 登錄 | 註冊

News
Feature
Blog
Load more
 
NOTIFICATION